Itali: Kokainë në stomak për t’i shpëtuar policisë, goditen trafikantët shqiptarë

[Albo]

Policia italiane, ka goditur dje një bandë të trafikut të drogës me shqiptarë e marokenë. Kokaina dhe heroina mësohet se vinte nga Shqipëria dhe Maroku.



Në pranga kanë rënë disa persona pas kontrolleve në Verona, Bolonjë dhe Rovigo, por nuk është bërë publik identiteti i tyre.

Hetimet kishin nisur në fund të vitit 2013, teksa sipas mediave italiane, mbërritja e drogës në Itali bëhej përmes të ashtuquajturve “gëlltitësit”.

Këta të fundit për të mos u kapur gjatë kontrolleve të policisë, i kapërdinin pilulat me drogë në stomak.

Një mënyrë efikase për të shpëtuar nga prangat, por një metodë mjaft e rrezikshme për jetën pasi ata rrezikonin jetën në rast të shëprbërjes së pilulave.

Disa prej trafikantëve u bllokuan sapo zbritën në Itali.

Panorama

[Albo]

Operacioni “Malok”, shkatërrohet banda shqiptare e drogës në Verona

Policia e Veronës ka shpartalluar një bandë trafikantësh droge që përbëhej nga italianë, shqiptarë dhe nigerianë.

Sipas mediave vendase, ata trafikonin heroinë dhe kokainë në zonën e Veronës. Bëhej fjalë për një grup shumë të strukturuar, të cilët kishin formuar një “kartelë” dhe i jepnin një dorë të fortë njëri-tjetrit, kur njëri nuk kishte drogë për të shitur, i vinte në ndihmë një nga pjesëtarët e bandës që e furnizonte.



Hetimet kanë nisur që në muajt e parë të vitit 2013, të koduara me emrin “Malok”, pasi hetuesit kishin vënë re se në zonën e Cereas, kishte mbërritur një shqiptar mjaft aktiv në tregun e pasur të zonës.

Që nga ky moment, kishte nisur edhe ndjekja e hetimi i personave të njohur poër shqiptarin dhe me të cilët ai shoqërohej. Hetuesit kishin parë se nuk kishin të bënin me shpërndarës të vegjël droge, por me “grosistë”, interesi i vetëm i të cilëve ishte të fitonin sa më shumë që të jetë e mundur në “territorin e tyre”.

Pas disa arrestimeve në vitin 2013, tani gjyqtari në së Verona, ka lëshuar urdhër arreste për 6 persona, konsideruar si udhëheqësit e “Cartelës së Veronës”.

Në burgun e Montorio tani janë dërguar shqiptari me inicialet M.B, 29 vjeçar srezidentë në Ceredigion; një 42-vjeçar nigerian, i specializuar në trafikimin e heroinës dhe një italian.
Dy të tjerë janë shpallur në kërkim.

Burimi i medias italiane: http://www.veronasera.it/cronaca/tra...naio-2016.html

Panorama