Gjyqtari Artan Gjermeni plagoset me thikë, refuzon të tregojë se kush e plagosi

[Mike Oldfield]

Plagosja me thikë, gjyqtarit Artan Gjermeni i gjenden 20 mijë Euro në makinë. Lidhja me atentatin te “Farmaria nr. 10”

Publikuar në 14:04, 18 Janar, 2016 nga syri.net


Gjyqtarit Artan Gjermeni, i cili u paraqit dje në spital i plagosur me thikë, iu gjetën 20 mijë Euro në makinën e tij tip Smart. Gjyqtari i Gjykatës së Tiranës deklaroi dje se ishte vetëplagosur me llamarinë në garazh, kurse plagët që kishte në trup ishin plagë thike.

Policia kontrolloi në garazhin ku tha se ishte prerë vet nga pakujdesia dhe nuk gjeti asnjë njollë gjaku. Gjaku u gjet në makinën e tij, kurse burime të Syri.net thonë se uniformat blu konstatuan në automjet edhe një shumë parash prej 20 mijë Euro.

Hetimet e policisë për këtë çështje vazhdojnë në dy pista, atë të plagosjes për shkak të detyrës dhe të ndonjë konflikti personal. Ka dyshime se gjyqtari Gjermeni mund të ketë qenë i përfshirë në konfliktin që ndodhi dje pasdite në rrugën Bardhyl në kryeqytet.

Syri

[Mike Oldfield]

Si i thone asaj .... heret a vone te vjen dita ... biles nata...

[benseven11]

Pse gjykatesi genjen?????
Autori mund ta kete kercenuar.
Autori mund te jete person i familjes,ose farefis.
Autori i krimit mund te jete ndonje i aferm, ose i paguar nga ndonje i denuar nga gjykatesi.
Cilin ka denuar gjykatesi 6 muajt e fundit?.....Mundet qe ndonjeri nga te denuarit te kete lidhje
me krimin.
Ka mundesi qe gjykatesi nuk don qe autori te kapet nga policia
pasi autori i krimit mund te dije shume pislliqe qe gjykatesi te kete bere,ose deshmoje me fakte
qe gjykatesi eshte I korruptuar dhe gjykatesi nuk don qe autori i krimit te zbulohet dhe arrestohet.

[skender76]

Benseven,

qe ne kohen e Fatos Nanos, gangsteret u bene prokurore/shefa-krimesh/antidroga etc...
Tashi jane ber edhe gjykates/deputet...

Ne ket menyre, levizshin mallin" ma automjete shtetrore dhe pa i hy ferra n'kam...

[Albo]

Rrëfimi i Artan Gjermenit në spital: Ja e vërteta e plagosjes sime

Gjyqtari i Shkallës së Parë në Gjykatën e Tiranës, Artan Gjermeni është paraqitur në Spitalin “Nënë Tereza” për të marrë mjekim. Ai rezulton me katër plagë thike, por ndodhet jashtë rrezikut për jetën.



Në deklarimin e tij të dhënë për policinë në spital, ai nuk ka pranuar të jetë përfshirë në ndonjë ngjarje kriminale apo të ketë pasur ndonjë sulm ndaj tij.

Gjermeni ka deklaruar se është plagosur aksidentalisht në banesën e tij. “Jam prerë me një mjet prerës llamarinë, në ambientet e shtëpisë”, ka deklaruar ai.

Gjermeni është ish-anëtar Këshillit të Lartë të Drejtësisë. Ai ka gjykuar çështje të rëndësishme siç është rastin i ish-Guvernatorit të Bankës së Shqipërisë, Ardian Fullani apo të kreut të bandës së Lushnjës, Aldo Bare.

Panorama

[Albo]

Hetimet/ Gjyqtari Gjermeni u plagos me thikë, ka 4 plagë në trup

Policia e klasifikon si plagosje ngjarjen ende të paqartë të ndodhur me gjyqtarin e Tiranës, Artan Gjermeni, mbrëmjen e së dielës.

“Panorama” referuar burimeve nga Policia shkruan se ato kanë konfirmuar se ngjarja është plagosje me thikë dhe jo gërvishtje aksidentale, siç pretendonte Gjermeni.

Pavarësisht këtij versioni të Policisë, sërish janë disa pikëpyetje, të cilave nuk u është dhënë përgjigje nga grupi hetimor. Për oficerët e Policisë së kryeqytetit që po hetojnë ngjarjen, tashmë është fakt që gjyqtari është plagosur me thikë dhe dëmtimet që ka marrë janë shenja përleshjeje.


Gjyqtari Artan Gjermeni dje në Gjykatë

Mjekët në raportin paraprak kanë përcaktuar si armë të mundshme të ngjarjes, një mjet prerës që, sipas tyre, është thikë. Gjyqtari ka 4 plagë që, sipas ekspertëve dhe mjekëve, janë të shkaktuara nga një thikë, që nuk është gjetur, ashtu siç nuk është gjetur ende vendngjarja.

Ai ka një plagë në dorën e djathtë, në qafë dhe në buzë, si dhe një tjetër që konsiderohet plaga më e rëndë, edhe pse pa ndonjë problem serioz, e ka në mes të brinjëve. Në raportin mjekoligjor saktësohet se plaga më e thellë e konstatuar është mes brinjëve 5 dhe 6, por nuk ka prekur mushkërinë.

“Traumë shpuese në hapësirën e 5-6 intercostale (ndërbrinjore) në linjë axillare media, deri në nivel të indit adipoz, pa depërtuar në mushkëri, pa shkaktuar hemo-pneumothorax”, përcaktohet plaga në raportin e mjekëve.

Në këtë mënyrë është hedhur poshtë tërësisht deklarimi i gjyqtarit dhe pretendimi i tij se ishte plagosur aksidentalisht në garazhin e pallatit ku banon, nga pengimi në llamarinat e qepenave.

Etleva Delia

Panorama

[Mike Oldfield]

Gjermeni si zagar i Sorosit natyrisht do tja hedhe si heret e tjera, ja pra pse "ekspertet e larte" te Sorosit po bejne reformen ne drejtesi qe te shpetojne keta plehra te shoqerise !

[Albo]

Plagosja, flet për herë të parë gjyqtari Artan Gjermeni: Paratë janë të familjes time



Artan Gjermeni vazhdon të këmbëngul se ngjarja e tij është aksidentale në garazhin e makinës.

I kontaktuar nga ABC News gjyqtari Gjermeni nuk pranoi të flas para kameras, por nuk ngurroi të jap versionin e tij.

Ai tha se ngjarja ka qenë një aksident dhe për këtë fakt nuk ka çfarë të hetohet nga policia apo prokuroria. Plagët e shkaktuara, gjyqtari Gjermeni tha se janë nga llamarinat e garazhit duke përjashtuar mundësin e ndonjë konflikti fizik.

Nga ana tjetër, i pyetur për paratë e sekuestruara që kapin shumën e rreth 20 mijë eurove, gjyqtari tha se janë të ardhura të familjes. Ai tha se të ardhurat vjetore të familjes, të deklaruara në shtet janë 80 mln lekë në vit, kështu që shuma e sekuestruar në makinë është pjesë e këtyre të ardhurave. Për këtë fakt, gjyqtari tha se parat do më kthehen pasi janë të justifikuara dhe nuk arsye të nis ndonjë hetim pasi nuk ka vepër penale.

Pavarësisht këtyre pretendimeve të gjyqtarit, policia ka hedhur dyshime se Artan Gjermeni nuk thotë të vërtetën dhe i ka referuar materialet për vazhdim hetimesh pranë prokurorisë së Tiranës për akuzën e “plagosjes së lehtë me dashje”.

Sipas policisë, ka qenë ora 18:30 minuta të datës 18 janar kur në urgjencën e Qendrës Spitalore Universitare në Tiranë është paraqitur me disa plagë shtetasi Artan Gjermeni. Policia thotë se mjekët kanë konstatuar dëmtime të gishtit të mesit të dorës së djathtë dhe pjesën e brinjëve në anën e majtë.

Si dhe janë konstatuar disa plagë të vogla, gërvishtje në buzë, qafë dhe në syrin e djathtë. Për të gjitha këto plagë, policia thotë se gjyqtari Gjermeni ka pretenduar se janë aksidentale dhe nuk ka qenë bashkëpunues me Policinë e Shtetit.

Këta të fundit, pasi kanë konstatuar në makinën e gjyqtarit njolla gjaku, ka ushtruar kontrollin në mjet ku janë gjetur dhe sekuestruar një shumë prej 18 mijë e 760 euro si dhe një shumë prej 285 mijë lekësh të reja. Për këto para, gjyqtari Gjermeni, sipas policisë, nuk ka dhënë shpjegime.

Syri

[Albo]

Ky eshte i njejti Artan Gjermeni, mik i kryekriminelit te bandes se Lushnjes, Aldo Bares:

http://www.forumishqiptar.com/thread...mjet-Gjermenit

Vazhdon te punoje si gjykates ne Shqiperine Socialiste te Rilindur!

Albo