Reportazhi i “Corriere della Sera”: Rreziku i terroristëve islamikë që vjen nga Shqipëria

[Albo]

Reportazhi i “Corriere”-s: Rreziku i terroristëve që vjen nga Shqipëria



Mediat italiane vijojnë ta përshkruajnë Shqipërinë si zyrën lokale të xhihadistëve. Këtë herë ka qenë gazetari i “Corriere della Serra”, Antonio Ferrari, ai që e cilëson Shqipërinë si vendin më të rrezikshëm në Europë dhe që sipas të cilit, NATO, SHBA dhe Rusia janë vënë në alarm për atë që po ndodh këtu. Antonio Ferrari, në një video prej 6 minutash pretendon se rreth 1 mijë persona janë gati që t’i bashkohen celulave terroriste

“Siç bëjnë të ditur shërbimet tona sekrete, rekrutuesit po kërkojnë të rinj vullnetarë duke ofruar 2 mijë euro në muaj për kontrata me kohë të pacaktuar. Klauzolat janë dy, guximi dhe njohja e gjuhës italiane”, thotë Ferrari.

Italia ka frikën se Shqipëria mund të behët një rrugë kalimi për Shtetin Islamik në Europë, njësoj thotë gazetari, si Belgjika për Francën në sulmet e 13 nëntorit. “Rreziku është më serioz sa na thuhet. Në disa zona të Shqipërisë ka lulëzuar tregu klandestin i armëve që i ofrohet kujtdo që paguan, si ISIS si formacioneve të xhihadistëve, duke shitur armë për 600 euro”, thotë Antonio Ferrari.

Shqip

[Albo]

Akuzat për drogë e armë, Tahiri letër “Corriere-s” dhe “Daily Mirror”: Lajme false



Ministri i Punëve të Brendshme Saimir Tahiri u ka dërguar letër 2 redaksive të lajmeve, Corriere TV në Itali dhe britanikes në versionin online Daily Mirror.

“Jam i bindur që nuk jam i vetmi shqiptar që ndihet keq nga të pavërtetat që u pasqyruan, siç besoj se çdo italian apo qytetar i çdo vendi të botës që ka pasur mundësinë të njohë sadopak Shqipërinë, është ndier keq nga pasqyrimi thelbësisht i shtrembëruar i realitetit shqiptar në reportazhin tuaj”, shkruan ministri.

Ministri thekson se fitorja më e madhe e terroristëve është krijimi i hijes së armikut edhe aty ku duhet të ketë besim, duke shkatërruar kështu mundësinë që qytetarët dhe shoqëritë tona të ndërtojnë solidaritetin e domosdoshëm të vlerave që duhet ti kundërvihet të keqes së përbashkët.



“Në këtë rast, të pavërtetat e raportuara prej jush për Shqipërinë, duke shpikur shkolla për militantët e ISIS apo mbi 1000 rekrutë të paguar e të gatshëm për luftë, janë një tullë më shumë në murin e mosbesimit që na bën gjithmonë e më të paaftë për të fituar kohën që kemi humbur duke parë si kërcënim njëri-tjetrin, e kësisoj, të paaftë për të fituar kundër kërcënimit terrorist”, nënvizon ministri i Punëve të Brendshme.

Ai shton se Shqipëria ka një popullsi me shumicë myslimane, por është verbëri të mjaftohesh me kaq për të imagjinuar rrezik terrorizmi në vendin tonë.

“Ndaj, i nderuar, më lejoni t’ju siguroj se shqiptarët krenohen me vlerat e çmuara të tolerancës dhe bashkëjetesës fetare, një shembull unik që veç krenarisë, ka rrënjosur tek çdo qytetar shqiptar vullnetin për të mos pranuar frikën dhe kërcënimin e terrorit, por kurajën e forcën për të ndërtuar bashkëpunimin me çdo shoqëri të lirë që luftën kundër terrorizmit e fiton më së pari me vlera e besim, pastaj me armë”, shkruan Tahiri.

Ndërkohë, gjatë analizës vjetore të Policisë së Tiranës, ministri i Brendshëm, ka mohuar akuzat e mediave të huaja në lidhje me trafikun e armëve nga Shqipëria drejt vendeve të Europës e më gjerë.

Sipas tij, shkrimet e bëra disa ditë më parë nuk janë të vërteta. Tahiri ka folur edhe për plagosjen e gjyqtarit Artan Gjermeni, duke thënë që institucionet përkatëse duhet të ndërmarrin veprimet e duhura.

Një ditë më parë, publikimet e reportazheve nga mediat e huaja, sipas të cilave ISIS blen armë në Shqipëri dhe financohet nga kanabisi, kryepolici Haki Çako i interpretoi si “Filma artistikë me regji”.

“Nuk kam ndonjë koment për filma artistikë. Më duken realisht filma artistikë dhe jeni koshient ashtu si gjithë shqiptarët”, u përgjigj ai. Sipas Çakos këto janë filmime të realizuara nëpër redaksi dhe nuk përkojnë me realitetin shqiptar.

Shqip

[Albo]

“Rreziku terrorist që vjen nga Shqipëria. Ja pse janë alarmuar NATO, SHBA, Rusia, BE dhe Italia”



Corriere della Sera i ka kushtuar një reportazh Shqipërisë, e sigurisht jo për mirë. Gazetari Antonio Ferrari që ka vizituar vetë vendin pak muaj më parë, i bazuar në informacione të shërbimeve sekrete italiane, thotë se në Shqipëri po zhvillohet një situatë e rrezikshme që ka lidhje me Italinë. Madje ai thotë se Shqipëria për Italinë është si Belgjika për Francën, para sulmeve të 13 nëntorit, një bazë xhihadistësh në Europë.

Sipas këtij reportazhi, NATO, SHBA-të, Rusia, BE-ja dhe Italia janë në alarm për terrorizëm duke shpjeguar arsyet.

REPORTAZHI I PLOTË I CORRIERE

Nuk është zakon i kësaj rubrike të kërkojë sensacione, të krijojë panik apo të lëshojë alarme, nëse nuk janë të justifikuara. Por kësaj radhe është e nevojshme të flasim për një situatë të rrezikshme që po zhvillohet në një vend Ballkanik, fqinj i joni, Shqipëri.

Për këtë vend të vogël është folur dhe është shkruar shumë, fillimisht për shembjen e sistemit komunist, pastaj për skandalin financiar të piramidave dhe më pas për luftën në Kosovë dhe për pasojat e tensioneve sociale që po provokonin një luftë civile. Tani Tirana është kthyer në qendër të vëmendjes për diçka tjetër.

Shqipëria është kthyer në vendtakim të xhihadistëve në Europë. Janë rreth 1000 ata që kanë pranuar të rekrutohen për të shkuar pranë trupave të shtetit të vetëshpallur të Kalifatit të Al-Bagdad, e të bashkohen në frontin e ri të vrasësve islamikë.

Kush është e reja që ka vënë në alarm NATO-n, SHBA-të, Rusinë, BE-në dhe në veçanti Italinë? Nuk është vetëm numri i të rekrutuarve që shumohen me ata të Kosovës dhe vendeve të tjera ballkanike, është fakti që siç pohojnë burime të Shërbimeve sekrete italiane, që rekrutuesit e ISIS po kërkojnë të rinj vullnetarë duke iu ofruar 2000 euro në muaj me kontrata të rëndësishme me kohë të përcaktuar. Klauzolat janë 2, guximi (kurajo) dhe njohja në perfeksion e gjuhës italiane.

Klauzola e fundit është e thjeshtë për t’u plotësuar sepse një pjesë e madhe e popullit shqiptar e njeh gjuhën italiane, e flet, ndjek lajmet, dëgjon festivalin e Sanremos me më shumë pasion se telespektatorët tanë dhe sapo mundet kalon Adriatikun për të vizituar qytetet tona. Ndërkohë që dihet se ekzistojnë baza të rëndësishme tranziti në Ankona dhe në Brescia. Ja pra, arsyeja e alarmit dhe fushatës intensive rekrutuese të ISIS. Në një hetim të bërë ditë më parë nga TG1, alarmi bazohej në frikën se Shqipëria mund të bëhej një bazë terroristësh për Italinë, ashtu si Belgjika për Francën në sulmet terroriste të nëntorit të vitit të kaluar.

Rreziku është edhe më serioz se sa thuhet. Në disa zona të Shqipërisë lulëzon tregtia e armëve që mund t’iu jepen kujtdo që paguan: si ISIS, apo formacioneve të tjera xhihadiste, ashtu edhe krimit të organizuar. Për një mitraloz mund të paguash rreth 600 euro. Në kohën e diktatorit Enver Hoxha, Shqipëria ishte vendi i vetëm në Europë, radikalisht laik dhe u shembën xhamitë, kishat, manastire. Pas rënies së komunizmit, priftërinj dhe imamë dolën në skenë duke u përpjekur të rikuperonin kohën e humbur. Fondacione super të pasura saudite, kuvajtiane, të Emirateve financuan ndërtimin e një rrjeti xhamish dhe propaganduan linjën më të vështirë të Kuranit por ishte e vështirë të ndotej deri në infektim total një popull inteligjent dhe punëtor që vijon të besojë në bashkëjetesën paqësore mes të gjithëve.

Kam vizituar Tiranën në shtator, falë ftesës të komunitetit të Sant Egidio që edhe në vendin ballkanik është prezent dhe shumë aktiv. Më pas kam vënë re në realitet konfirmimin e asaj që imagjinoja: vend energjik dhe elitar Shqipëria. Janë me dhjetëra bizneset italiane prezente për shkak të lehtësirave fiskale. Sigurisht, tani rreziku për sigurinë mund të shumëfishojë kufizimet dhe mund të lëndojë, për shkak të disa njerëzve dhe predikimeve të imamëve më të vështirë, vullnetin e shumicës që akoma në sy ka imazhin e Papa Franceskut gjatë vizitës së tij historike në Tiranë.

(m.k/BalkanWeb)

[SERAFIM DILO]

Gazetari italian eshte gazetar me eksperience sidomos persa e perket Mesdheut,di ate qe thote.

Tahiri ka dalur bllof kot.

[Mike Oldfield]

Keta taljonet ta hedhin kur se ke mendjen !

[murik]

Kemi dekada qe dalim ne lajmet boterore per trafiqe,vrasje,prostitucion e te tjera.. tani po dalim edhe per ekstremizem fetar.Dite te bardha duket se po vijne per vendin tone te dashur e te rrjepur...

[Albo]

Llalla në Gjirokastër: ISIS në Lazarat, pjellë e fantazisë

Pas Saimir Tahirit edhe Prokurori i Përgjithshëm, Adriatik Llalla tha se lajmet e dhëna nga disa media të huaja dhe të pasqyruara më pas në mediat shqiptare, nuk janë reale. Gjatë analizës së punës së prokurorisë së Gjirokastrës, kryeprokurori u shpreh:

“Në asnjë rast, nga hetimet e prokurorisë nuk kanë rezultuar që këta persona të jenë përfshirë në vepra të tjera penale të lidhura me terrorizmin, siç u pretendua fillimisht në disa agjenci mediatike periferike shqiptare, nga të cilat kanë marrë indicjen më pas edhe disa media ndërkombëtare. Lajme për lidhjen e lëndës narkotike të prodhura në Lazarat, por edhe në zona të tjera të vendit, me terroristët e të ashtëquajturit shteti islamik janë tërësisht prodhim i fantazisë dhe pa asnjë bazë reale.”

Gazetat Daily Mirror e Corriere Della Sera shkruajtën pak ditë më parë se ISIS po kontrollonte plantacionet me cannabis sativa në Lazarat. Ministri Tahiri u dërgoi një letër redaksive të tyre për t’i përgënjeshtruar lajmet e dhëna për Shqipërinë.

Koha Jone