Eurovision Song Contest 2016 - Sweden

[sirena_adria]

Cilat jane kenget me te pelqyera te ESC 2016 ?

Preferenca artdashesish sjelle ne forme kolazhesh e vleresimesh.



TOP 10 i ketij vleresimi.

1 - Rusia
2 - Suedia
3 - Australia
4 - Franca
5 - Malta
6 - Izrael
7 - Kroacia
8 - Qipro
9 - Letoni
10 - Spanja

[sirena_adria]

Nje tjeter vleresim.



1 - HUNGARIA
2 - Spanja
3 - Letonia
4 - Norvegjia
5 - Rusia
6 - Bullgaria
7 - Estonia
8 - Kroacia
9 - Qipro
10 - Armenia

[sirena_adria]

Nje tjeter TOP 10 .



1 - Maqedonia
2 - Serbi
3 - Çekia
4 - Franca
5 - Kroacia
6 - Bullgaria
7 - Polonia
8 - Austria
9 - Gjermani
10 - Zvicer

[sirena_adria]

Nje gare shume e forte kjo e ketij viti.



1 - FRANCA
2 - Lituania
3 - Italia
4 - Spanja
5 - Malta
6 - Islanda
7 - Australia
8 - Letonia
9 - Gjermania
10 - Estonia

[sirena_adria]

Nje tjeter TOP 10 .



1 - SPANJA
2 - Ukraina
3 - Çekia
4 - Gjermania
5 - Malta
6 - Azerbajxhani
7 - Izrael
8 - Australia
9 - Bullgaria
10 - Armenia

[sirena_adria]

Nje nga renditjet me te mira te Shqiperise, ne vleresimet ne You Tube te 43 kengeve pjesmarrese te ESC 2016.

[sirena_adria]

16 / 43 . Do ishte bukur sikur te arrinim nje pozicion te tille ne Naten Finale.

1 - ARMENIA
2 - Ukraine
3 - Qipro
4 - Rusia
5 - Azerbajxhan
6 - Italia
7 - Kroacia
8 - Australia
9 - Bullgaria
10 - Gjermani
11- Malta
12- Spanja
13- Hungaria
14- Austria
15- Franca
16- Shqiperia

[sirena_adria]

Nje Prezantim shume I bukur I 43 vendeve garuese - nga pertej Oqeanit:



1 - BULLGARIA
2 - Franca
3 - Azerbajxhani
4 - Spanja
5 - Rusia
6 - Qipro
7 - Hungaria
8 - Malta
9 - Letonia
10 - Lituania
11- Australia
12- Izraeli
13- Shqiperia
14- Armenia
15- Islanda
16- Italia

[sirena_adria]

Eurovision in Concert 2016 - Amsterdam (NL)

Edhe këtë vit , Amsterdami do t'ju ofrojë koncertin tradicional të Eurovizionit. Koncerti do të mbahet me datë 09 Prill 2016. Biletat për koncertin tashmë tradicional "Eurovision in Concert" i cili do të zhvillohet ditën e shtunë 09.04.2016 janë shitur! Shqipëria nuk ka për të munguar si gjithmonë në këtë koncert, Eneda Tarifa me këngën "Fairytale" do të jetë pjesë e këtij koncerti i mbledh fansë nga e gjithë Europa në këtë edicion të 8-të të tij. Po ju, a do të jeni të pranishëm???











Vendet dhe artistët pjesmarrës janë:

Shqipëria - Eneda Tarifa
Maqedonia - Kaliopi
Moldavia - Lidia Isac
Qipro - Minus One
Bosnja & Hercegovina - Dalal & Dean ft. Ana & Jala
Armenia - Iveta Mukuchyan
Mali i Zi - Highway
Italia - Francesca Michielin
Vendet e Ulëta - Douwe Bob
Zvicra - Rykka
Franca - Amir Haddad
Letonia - Justs
Austria - Zoë
Spanja - Barei
Norvegjia - Agnete
Izraeli - Hovi Star
Kroacia - Nina Kraljić
Bjellorusia - Ivan
Islanda - Greta Salòme
Estonia - Jüri Pootsmann
Rumania - Ovidiu Anton
Malta - Ira Losco
Serbia - Sanja Vučić ZAA
Ukraina - Jamala
Sllovenia - ManuElla
Bullgaria - Poli Genova
Polonia - Michał Szpak
Britania e Madhe - Joe & Jake

Ky koncert do të drejtohet nga komentatori i Vendeve të Ulëta, hollandezi Cornald Maas dhe këngëtarja Islandeze Hera Bjørk e cila ka përfaqësuar Islandën në Eurovizionin e vitit 2010 në Oslo të Norvegjisë më këngën "Je ne sais quoi". Pas koncertit, do të ketë edhe një festë afterparty duke filluar nga ora 23.30 në klubin VondelCS (Vondelpark 3, 1071AA Amsterdam) me DJ Galfo nga Spanja

Për më tepër informacion (në anglisht) shikoni: www.eurovisioninconcert.nl

http://www.ogaealbania.com/index.php...hes&Itemid=108

[sirena_adria]

[sirena_adria]

ENEDA mund t'ja dali mbane ! Suksese & ne Finale !

[sirena_adria]

Israel Calling ...

[sirena_adria]

RUSIA ....

[sirena_adria]

apo ..... FRANCA

[sirena_adria]

" Israel Calling " - Tel Aviv 2016

[sirena_adria]

Njera prej 2 kengeve me te bukura te Ballkanit !

[sirena_adria]

Ndonese nje produksion jo - Ballkanik , kenga me e bukur perfaqesuese e Ballkanit - per mendimin tim.

[sirena_adria]

ESC 2016 - Disa fakte dhe përshkrime për këngët pjesmarrëse

Gjysmëfinalet do të mbahen më 10 dhe 12 maj 2016, ndërsa finalja e madhe do të organizohet dy ditë më vonë, më 14 maj 2016 në Globen Arena të Stokholmit. Sllogani për këtë vit është "Come Together" (Ejani sëbashku). Këtë vit marrin pjesë 43 vende, përfshi këtu edhe Shqipërinë.

Këngët këtë vit janë pothuajse të gjitha në gjuhën angleze (përveç Bosnjës & Hercegovinës dhe Ish Republikës Jugosllave të Maqedonisë). Austria do të preformojë në gjuhën franceze ndërsa vetë Franca në anglisht por me pjesë edhe në frëngjisht. Gjithashtu edhe Greqia ka vendosur që pjesmarrjen e tyre ta sjellin në dy gjuhë (anglisht & greqisht), një shembull të cilin e ndjek edhe Italia (italisht & anglisht), Bullgaria (bullgarisht & anglisht), Ukrania (tartarisht të Krimesë & anglisht) Ndoshta edhe Shqipëria do të ndjekë të njëjtën rrugë, duke e përcjellë këngën "Fairytale" me një tekst anglisht dhe me refren në gjuhën shqip, kjo mbetet për t'u parë gjatë provave në Stokholm.

Disa nga këngët pjesmarrëse janë kompozime të blera nga kompozitorë në Suedi ose Gjermani dhe vende të tjera. Për shembull, kompozimi i këngës përfaqësuese së Maltës është i shkruar dhe kompozuar i tëri nga kompozitorë suedezë. Gjithashtu edhe kënga e Rusisë, Bullgarisë, Lituanisë janë prodhime të plota ose pjesërisht suedeze, ndërsa Kroacia ka zgjedhur një prodhim gjermano-austriak.

http://www.ogaealbania.com/index.php...jme&Itemid=110

[sirena_adria]

Këngët pjesmarrëse në gjysëmfinalen e parë të Eurovizionit sipas rradhës së prezantimit

1. Finlanda fitoi për herë të parë në Eurovizion me grupin Lordi, rezultati më i mirë që ata kishin patur ndonjëherë, ishte një vend i 6. në vitin 1973. Deri para fitores së tyre të parë, Finlandezët tregonin një anektodë: "Xhindi: falemnderit që më nxorre nga shishja, tani do të të lejoj një dëshirë. Finlandezi: Ktheja Finlandës krahinën e Karelias! Xhindi: Shumë dëshirë e madhe,ndoshta pak më të vogël? Finlandezi: Në rregull, bëj që Finlanda ta fitojë Eurovizionin sikur edhe vetëm një herë?Xhindi: Hmm...ma trego pak atë hartën përsëri?Sandhja Kuivalainen është 25 vjeç dhe ka një karrierë të shkurtër artistike, me një album të hedhur në vitin 2014.Në këtë pjesmarrje të 50-të do të jetë këngëtarja Sandhja e cila do të konkurrojë nën flamurin finlandez me këngën "Sing it away" (Shtroja me këngë)


2. Greqia vjen në edicionin e 61. të Eurovizionit me një këngë të përzgjedhur në mënyrë të brendshme nga Radio Televizioni Publik Grek (ERT).Kjo është pjesmarrja e 37 e Greqisë e cila ka fituar një herë në Eurovizion me këngëtaren Elena Paparizou në vitin 2005.Greqia është një nga tre vendet që ka arritur të futet ose të jetë në finalen e Eurovizionit çdo herë, dy vendet e tjera që mbajnë këtë rezultat janë Rumania dhe Rusia.Këtë herë, kënga greke quhet "Utopian land" (Vend utopi) këngë e cila prek një temë aktuale, pikërisht valën masive të refugjatëve e cila ka prekur gjithë Europën. Vargjet e këngës këndohen në një dialekt helen i cili quhet "dialekti pontiak".Kënga këndohet nga grupi Argo, i cili përbëhet nga Vladimiros Sofianides, Christina Lachana, Konstantinos Topouzis, Alekos Papadopoulos, Maria Elbrus, Elias Kesides.Shqipëria ka dhënë shumë herë pikët maksimale dhe pikë të larta për përfaqësimet e Greqisë, a do të ndodhë edhe kësaj here?

3. Modavia mori pjesë për herë të parë në vitin 2005 dhe në 11-të pjesmarrjet e tyre, është ende përfaqësimi i tyre i parë me grupin Zdob şi Zdub dhe këngën "Bunica Bate Toba" (Gjyshja i bie daulles) të cilët u renditën në vendin e gjashtë. Pas rezultateve të dobta të vitit 2006, Radio Televizioni Publik Moldav TRM tha se do të tërhiqej nga konkurimi për arsye financiare, duke mos buxhetuar për përfaqësimin e tyre në vitin 2007, por pas presionit të publikut vendas, ata u detyruan të dërgojnë këngëtaren Natalia Barbu me këngën "Fight" (Lufto) e cila vërtet luftoi, duke arritur vendin e 10 në finale. Rezultatet e Moldavisë kanë qenë pak a shumë të mira, në 11 konkurrime ato kanë qenë të pranishëm në finale 8 herë. Kënga e tyre konkurruese përzgjidhet nga festivali "O melodie pentru Europa" (Një këngë për Europën" me finalen e cila kishte 16 këngë dhe u mbajt në kryeqytetin e Moldavisë, Chișinău në datën 27 Shkurt.Në fund, fitoren e mori këngëtarja Lidia Isac me këngen "Falling Stars" (Yje që bien).Lidia e cila është me origjinë ruse, ka provuar fatin për të përfaqësuar Moldavinë në Eurovizion edhe tre herë më parë, si pjesë e duos "Glam girls", por asaj i duhej që të provonte fatin si soliste, për t'a arritur këtë gjë.

4. Hungaria përdori një procedurë të gjatë për të zgjedhur këngën e tyre përfaqësuese në Eurovizion. Kjo procedurë e cila zgjati për 6 javë në çdo të shtunë, nga data 23 janar solli shumë këngë dhe këngëtarë dhe në natën finale ishin përzgjedhur vetëm 8 nga 30 të prezantuarat.Festivali i cili zhvillohet nga Televizioni Publik Hungarez (MTV) quhet "A Dal"(Kënga) u zhvillua në 27 Shkurt në Budapest.Alfréd Gábor Fehérvári i cili njihet shkurt me emrin skenik Freddie, arriti të fitojë votat e nevojshme për të fituar dhe për të marrë biletën hungareze për në Stokholm me këngën "Pioneer" (Pioner)25 vjeçari Freddie, ka një karrierë të shkurtër artistike me dy këngë të lëshuara në treg dhe një pjesmarrje në talent show "Rising star" në Hungari, ku doli në vendin e katërt.Megjithëse Hungaria ka debutuar në vitin 1994 ato kanë vetëm 13 pjesmarrje dhe rezultati më i mirë i arritur është vendi 4-rt në 1994 me këngëtaren Friderika Bayer.

5. Kroacia filloi të marrë pjesë në Eurovizion si shtet i pamvarur, thuajse menjëherë pas shpërbërjes së federatës Jugosllave, duke filluar prej vitit 1993. Megjithatë, Kroacia ksihte marrë pjesë edhe 10 herë të tjera para shpërbërjes, madje duke fituar Eurovizionin në emrin e Jugosllavisë jo më larg se në vitin 1989 me këngën "Rock me baby". Kjo ishte edhe arsyeja, për të cilin Eurovizioni i vitit 1990, u mbajt në Zagreb.Ata i kthehen Eurovizionit pas një shkëputje prej dy vjetësh, mungesë të cilën HRT (Radio TV publik Kroat) e justifikoi me arsyen mugesë buxheti.Këtë rikthim do t'a sjellë këngëtarja 23 vjeçare Nina Kraljić e cila është ish-pjesmarrëse në talent show-in kroat "The Voice - Najljepši glas Hrvatske".Kënga "Lighthouse" (Far) është pjesmarrja e 22-të për shtetin ballkanik, a do të munden ata ta rikthejnë Eurovizionin në Zagreb?

6. Hollanda e ka fituar Eurovizionin 4 herë, në vitet 1957, 1967, 1969 dhe së fundmi në 1975-ën ndaj këtë herë do të jetë përfaqësimi i 41-të që nga fitorja e fundit.Ata arritën një rezultat të mirë në vitin 2013 dhe 2014 pas disa vitesh me mosarritje në finale dhe tashmë është rradha për këngëtarin Douwe Bob është ndoshta në emër komplet i panjohur në Shqipëri, për të përfaqësuar vendin e tij në këtë pjesmarrje të 57-të në Eurovizion.Kënga quhet "Slow Down" (Merre me ngadalë) dhe procesi për zgjedhjen e artistit dhe këngës, u bë në mënyrë të brendshme nga Radiotelevizioni Publik i tyre AVROTROS.Douwe Bob është 23 vjeç dhe ka në treg dy album. Nëse do të arrijë ai ta ri-kthejë vendin e tij në natën finale pas dështimit të këngëtares Trijntje Oosterhuis e cila u rendit në vendin e 14-të në gjysëmfinale vitin e kaluar në Vienë, kjo mbetet për tu parë në përfundimin e natës gjysëmfinale të datës 10 Maj në Stokholm.

7. Armenia filloi të marrë pjesë në Eurovizion në vitin 2006 dhe që konsiderohet si një nga vendet e suksesshme kur bëhet fjalë për të arritur nga gjysëmfinalja në finale.Armenia nuk arriti të futet dot në finale vetëm një herë në vitin 2011.Kjo është pjesmarrja e 10-të e Armenisë, në vitin 2012 ata u tërhoqën nga pjesmarrja për arsye sigurie, meqë Eurovizioni organizohej në Azerbaijxhan.Kësaj here Armenia do të përfaqësohet nga 29 vjeçarja Iveta Mukuchyan me këngën "LoveWave" (Valë Dashurie)Iveta e cila është një fotomodele, këngëtare dhe aktore ka një karrierë të shkurtër artisktike, e cila përmbledh 3 këngë dhe së fundmi edhe një rol në filmin komedi "Run Away Or Get Married" (Vrapo larg, ose martohu) i cili sapo është lëshuar në kinematë armene. Në vitin 2012 ajo u shpall si femra më seksi në Armeni nga revista "El Style".

8. San Marino,vendi i vogël që ndodhet në verilindje të vargmaleve apenine të Italisë dhe shteti që ka më shumë mjete motorrike sesa banorë, mori pjesë për herë të parë në Eurovizionin e vitit 2008 me grupin Miodio dhe më pas u shkëput duke u kthyer sërish dhe pa ndërprerje prej vitit 2011.Në këto 6 pjesmarrje, San Marino ka arritur të futet në finale vetëm një herë dhe kjo ndodhi dy vite më parë në Eurovizionin e zhvilluar në Kopenhagë të Danimarkës.Ishte këngëtarja Valentina Monetta, e cila pas 3 tentativash arriti në finale me këngën "Maybe" (Ndoshta), pasi po ajo kish provuar fatin për San Marinon por pa arritur në finale me këngën "The network song" (Kënga e rrjetit social) në Eurovizionin 2012 në Baku e më pas me këngën "Crisalide" (Foleja e fluturës) në Eurovizionin 2013 në Suedi.Megjithëse Valentina më në fund e arriti qëllimin e futjes në finale, ajo nuk i dha San Marinos ndonjë rezultat të veçantë duke u renditur e 24-ta.San Marino është një nga vendet e cila voton me zemërgjerësi për përfaqësimet tona, por për fat të keq ky vend do të marrë pjesë në gjysëmfinalen e dytë. SMRTV i cili është Radio Televizioni Publik i San Marinos, ka vendosur që në Stokholm të dërgojë këngëtarin turk Serhat, i cili është 51 vjeç dhe ka një karrierë të gjatë në televizion si producent dhe moderator, si edhe një karrierë të vogël këngëtar me disa këngë të lëshuara.Kësaj here San Marino përfaqësohet me një këngë në anglisht "I Didn't Know" (Unë nuk e kam ditur)

9. Rusia, është një nga tre vendet që ka arritur të futet ose të jetë në finalen e Eurovizionit çdo herë, dy vendet e tjera që mbajnë këtë rezultat janë Greqia dhe Rumania.Rusia është paraqitur 19 herë në Eurovizion duke arritur pozicione të larta dhe duke e fituar çmimin e parë në vitin 2008 me këngëtarin Dima Bilan.Për pjesmarrjen e tyre numër 20. Radio Televizioni Publik Rus Channel 1, ka përzgjedhur këngëtarin 32 vjeçar Sergey Lazarev i cila ka një karrierë në aktrim dhe muzikë.Ka publikuar 4 albume dhe 25 single, ku i fundit quhet "You are the only one" (Ti je i vetmi) këngë e cila do të përfaqësojë Rusinë në Stokholm.Rusia i është afruar fitores disa herë, vitin e kaluar ata u renditën në vend të dytë me këngën "A million voices". Kësaj here ata përfliten si favoritët për të fituar Eurovizionin, kjo sipas faqeve të basteve. A do mundet Sergey Lazarev të dërgojë Eurovizionin në Moskë vitin e ardhshëm?

10. Çekia filloi të marrë pjesë në Eurovizion në vitin 2007, por arsye të mungesës së interesit nga publiku çek dhe rezultateve shumë të dobta ata iu shkëputën konkurrencës duke mos dërguar më përfaqësues prej vitit 2010 deri në 2014.Çekia mban rekordin e rezultateve të këqija është vendi që nuk ka arritur asnjëherë në finale (këtë rezultat e ndan me Andorrën), gjithashtu në të katërta pjesmarrjet Çekia është renditur thuajse e fundit, ku madje në pjesmarrjen e parafundit ata përfunduan me 0 pikë.Këtë vit ata përfaqësohen me këngëtaren Gabriela Gunčíková dhe këngën "I Stand" (Unë i qëndroj). 22 vjeçarja Gabriela Gunčíková ka një karrierë të shkurtër në muzikë dhe jetën e saj e kalon sa në Bratisllavë e sa në Pragë.Nëse ajo do të arrijë që të bëjë atë që askush nga bashkombasit e saj nuk ka arritur më parë, futjen në finale dhe ndoshta edhe fitoren, këtë do ta mësojmë në shpalljen e rezultateve në fundin e gjysëmfinales së parë të Eurovizionit.

11. Qipro u paraqit për herë të parë në vitin 1981 dhe në 32 pjesmarrje kanë si rezultat më të mirë 3 herë vendin e pestë. Shumica e këngëve të paraqitura në Eurovizion, janë kshënduar në gjuhën greke dhe disa në anglisht. Këngëtarja e mirënjohur edhe nga publiku shqiptar, Anna Vissi është me origjinë qipriote dhe ka qenë përfaqësuese për Qipron në Eurovizionin e vitit 1982 me këngën "Moni i agapi" (Veç dashuri) duke arritur në vendin e pestë.Disa nga emrat që spikasin në listën e përfaqësuesve qipriotë është edhe këngëtari Constantinos Christoforoui i cili ka përfaqësuar Qipron si solist ose pjesë e një grupi në vitet 1996, 2002 dhe vitin 2005 me këngën "Ela ela" (Eja Eja).Në këtë listë mund të përmendim edhe kantautorin e susksseshëm Alexandros Panayi i cili ka një karrierë të gjatë muzikore dhe ka përfaqësuar vendin e tij në vitet 1995 dhe 2000. Ai gjithashtu ka qenë trainer vokali për këngëtarët Anna Vissi, Fabrizio Faniello dhe Elena Paparizou.Këtë here Qipro, sjell në Eurovizion grupin Minus One me këngën "Alter ego" e cila ështe shkruar nga vetë antarët e grupit, në bashkpunim me kompozitorin e suedez Thomas G:son..A do të mundet ky grup të bëjë atë gjë që 32 pjesmarrjet e mëparshme për Qipron, nuk e kanë bërë dot?

12. Austria, i cili ishte edhe vendi mikpritës i edicionit të 60 të Eurovizionit ka marrë pjesë për herë të parë në vitin 1957 dhe ka marrë pjesë gjithsej 48 herë. Rezultatet e tyre kanë qenë shumë të dobta,duke u renditur 7 herë në fund të tabelës, madje tre herë me zero pikë. Ata fituan Eurovizionin për herë të parë në vitin 1966 me këngëtarin Udo Jürgens dhe mëpas, pritja u bë shumë e gjatë. Por austriakët nuk e humbën toruan dhe 48 vite më vonë ata vendosën që të dërgojnë një personazh tepër të veçantë për ta kthyer Eurovizion in në kryeqytetin e muzikës klasike.Në këtë edicion, Austria provon fatin me një këngë e cila do të këndohet në frëngjisht "Loin d'ici" (Larg nga këtu) të kënduar nga 19 vjeçarja Zoë Straub e cila ka një karrierë të shkurtër në aktrim dhe muzikë.Ajo arriti të fitojë në festivalin përzfjedhës austriak "Wer singt für Österreich?" (Cili do të këndojë për Austrinë?) dhe me këngën "Loin d'ici" do të mundohet që ta rikthejë Eurovizionin në Vienë.

13. Estonia po merr pjesë për të 22.tën herë dhe është gjithashtu një nga vendet e para që iu bashkua Eurovizionit pas rënies të Bashkimit Sovjetik me pjesmarrjen e parë në vitin 1994.Ndonëse nuk kanë patur ndonjë sukses të veçantë në këto 10 vitet e fundit, duke arritur në finale vetëm 3 herë, Estonia e ka fituar Eurovizionin më parë në vitin 2001 me këngëtarët Tannel Padar, Dave Benton & 2XL.Estonia e zgjedh këngën me festivalin "Eesti Laul" që kësaj here kishte finale në datën 05 Mars. Është këngëtari 21 vjeçar Jüri Pootsmann ai i cili me këngën "Play" (Luaj) do të përfaqësojë Estoninë në Eurovizion.Jüri Pootsmann fitoi edicionin e gjashtë të talent show "Eesti otsib superstaari" (Estonia kërkon superstarin), po a do të arrijë ai të fitojë edicionin e 61-të të Eurovizionit?

14. Azerbajxhani mori pjesë për here të parë në vitin 2008 duke u renditur si të 8-të në finale.Më pas, në vitin 2009 ata arritën vendin e 3-të, në 2010 të 5-in dhe në vitin 2011 ata fituan Eurovizionin me duon Ell & Nikki.Në vitin 2012 ata u renditën në vendin e 4-rt, në vitin 2013 në vendin e dytë dhe në vitin 2014, papritur ata arritën rezultatin më të dobët që kanë patur deri tani, duke u renditur në vendin e 22-të në finale.Vitin e kaluar ata arritën të renditen në vendin e 12-të në finale me këngën "Hour of the wolf". Duke patur 6 përfaqësime të njëpasnjëshme të vlerësuara si 10 këngët më të mira në Eurovizion, ku një prej tyre ishte edhe këngë fituese, mund të themi me plot gojën se Azerbajxhani është një nga dy vendet më të suksseshëm në Eurovizion, tjetri vend është Suedia.Ndoshta kjo nuk është ndonjë koinçidencë e rastit, sepse këngët azere përveç përfaqësimit të parë në vitin 2008 i cili është prodhuar nga autorë vendas dhe përfaqësimit në vitin 2013 i cili ishte prodhim greko-anglez, gjithë të tjerat kanë autorësi suedeze.Edhe kësaj here përfaqësimi mban vulën suedeze Amir Aly, Jakke "T.I Jakke" Erixson & Henrik Wikström.Kënga quhet "Miracle" (Mrekulli) do të këndohet nga këngëtarja 21 vjeçare Samra Rahimli e cila ka marrë pjesë si konkurente në talent showet "The Voice of Turkey" dhe "The Voice of Azerbaijan" duke mos arritur ndonjë rezultat që ja vlen për t'u përmendur.

15. Mali i Zi debutoi si shtet i pamvarur në Eurovizion, në vitin 2007 pas shpërbërjes me federatën Serbi & Mali i Zi. Ata kanë marrë pjesë edhe më parë, por nën emrin e Federatës Jugosllave dhe më pas nën emrin e Federatës Serbi & Mali i Zi.Vitin e kaluar ata u paraqitën me këngëtarin Nenad Knežević (Knez) due u renditur në vendin e 13-të në finale, vend i cili është edhe renditja më e mirë që Mali i Zi ka patur në Eurovizion në shtatë pjesmarrjet e tyre.Këtë herë ata kanë përzgjedhur grupin Highway, i cili përbëhet nga antarët Petar Tošić,Marko Pešić,Luka Vojvodić & Bojan Jovović.Mënyra e përzgjedhjes së artistit dhe këngës u bë në mënyrë të brendshme nga Radio Televizioni Publik Malazez RTCG. Kënga "The real thing" (Gjëja e vërtetë) është një kompozim i Srđan Sekulović Skansi,Maro Market &Luka Vojvodić do të përfaqësojë fqinjin tonë veriperëndimor në gjysëmfinalen e parë të Eurovizionit.

16. Islanda ka marrë pjesë 28 herë në Eurovizion duke filluar prej vitit 1986 dhe ishulli vullkanik iu afrua shumë afër fitores në vitin 1999 me këngëtaren Selma Björnsdóttir e cila me këngën "All out of luck" (Komplet e pa fat) nuk pati fatin të marrë më tepër pikë se suedezja Charlotte Nilsson duke u renditur pas saj dhe u gëzuar vetëm me çmimin e dytë. Në vitin 2009 ishte gjiashtu një vend tjetër nordik i cili ia rrëmbeu kupën nga dora islandezes Yohanna dhe këngës së saj "Is it true" (A është e vërtetë), sepse fitues u shpall Norvegjia me këngëtarin Alexander Rybak. Përfaqësimet islandeze deri në vitin 1997 ishin të gjitha në gjuhën amtare, por pas një pushimi një vjeçar në 1998, Islanda iu kthye Eurovizionit me një taktikë të re, përdorimin e gjuhës angleze. Në 17 përfaqësimet e fundit të tyre, gjithë këngët janë kënduar në anglisht përveç vitit 2013 ku këngëtari Eyþór Ingi Gunnlaugsson këndoi "Ég á líf" (Unë kam jetë). Skena e Eurovizionit nuk është diçka e re për këngëtaren 29 vjeçare Greta Salóme Stefánsdóttir e cila fitoi festivalin "Söngvakeppnin 2016" (Gara e këngës 2016) mënyra përzgjedhëse për përfaqësimin islandez në Stokholm. Ajo ka marrë pjesë edhe në Eurovizionin e vitit 2012 në Baku (Azerbajxhan) me këngën "Never forget" (Kurrë mos harro) të cilën e këndoi sëbashku me këngëtarin islandez Jón Jósep Snæbjörnsson (Jonsi).Kësaj here ajo provon fatin si soliste me këngën "Hear them calling" (Dëgjo thirrjen e tyre)

17. Bosnja & Hercegovina rikthehet në Eurovizion pas një mungese të shkurtër 3 vjeçare për arsye buxheti. Bosnja & Hercegovina debutoi si shtet i pavarur në Eurovizion, në vitin 1993. Ata kanë marrë pjesë edhe më parë, por si pjesë e Federatës Jugosllave.Bosnja & Hercegovina kanë patur rezultate të kënaqshme në Eurovizion, sidomos në vitin 2006 ku ata iu afruan shumë afër fitores me këngëtarin Hari Mata Hari dhe këngën "Lejla", këngë e cila u rendit në vendin e tretë.Këtë herë ata kanë zgjedhur që përfaqësimin e tyre ta sjellin me zërat e këngëtarëve Dalal Midhat-Talakić (Dalal), Fuad Backović (Deen), Ana Rucner & Jasmin Fazlić (Jala).Kënga quhet "Ljubav je" (Dashuria është) dhe kjo këngë është pjesmarrja e tyre e 19-të në Eurovizion.

18. Malta ka marrë pjesë 28 herë në Eurovizion dhe ka arritur shumë afër fitores në vitin 2002 me këngëtaren Ira Losco dhe më pas në vitin 2005 me këngëtaren Chiara duke u renditur në të dyja herët në vendin e dytë. Edhe kësaj here, Malta përzgjodhi këngëtaren 34 vjeçare Ira Losco për të përfaqësuar vendin e tyre në Stokholm.Ajo fitoi në festivalin përzgjedhës maltez me këngën "Chameleon" (Kameleon), por Radio Televizioni Publik i Maltës vendosi që të ndryshojë këngën dhe vuri në punë disa kompozitorë suedezë Lisa Desmond, Tim Larsson, Tobias Lundgren, Molly Pettersson Hammar dhe në bashkpunim me vetë këngëtaren Ira Losco prodhuan këngën "Walk on water" (Ec mbi ujë).Prezantimi zyrtar i këngës së re, u bë në datë 14 Mars, brenda afateve të caktuara nga enti i producentëve të Eurovizionit.Pra është kënga "Walk on water" dhe jo "Chameleon" e cila do të jetë përfaqësimi i Maltës në këtë edicion të Eurovizionit.


http://www.ogaealbania.com/index.php...jme&Itemid=110

[sirena_adria]

KENGET E GJYSEM FINALES SE PARE: