Eurovision Song Contest 2016 - Sweden

[sirena_adria]

AUSTRALIA

Po po, Australia merr pjesë në Eurovizion, pas debutimit vitin e kaluar, por kësaj here si konkurrent (vitin e kaluar ata u lejuan menjëherë në finale. Duhet thënë se është një vendim i çuditshëm nga enti organizator i Eurovizionit, sepse ata patën thënë se pjesmarrja e vitit të kaluar ishte "one off" (vetëm për një herë). Gjithashtu ky vendim duket ende më i çuditshëm, kur Radio Televizioni Publik i Kosovës RTK ka shprehur dëshirë të zjarrtë për të marrë pjesë por nuk i është mundësuar pjesmarrja, ndërsa Australisë po. Edhe këtë herë, Radio Televizioni Publik Australian SBS, ka zgjedhur mënyrën e brendshme për të përzgjedhur këngën dhe pjesmarrësin e tyre. Këtë herë ata kanë zgjedhur këngëtaren Dami Im e cila është 27 vjeç dhe ka lindur në Korenë e Jugut por ajo dhe familja e saj, emigroi në Australi kur ishte 9 vjeç. Dami Im fitoi edicionin e pestë të talent show-it "X-Factor Australia" në vitin 2013 dhe ka patur një sukses të madh në kontinentin Australian, duke hedhur në treg 3 albume, një prej të tyre fitoi edhe çmimin "ARIA No. 1 Chart Awards" (çmimet e muzikës në Australi) si albumi më i mirë i vitit. Dami Im do të përfaqësojë Australinë me këngën "Sound of silence" (Zë i heshtjes)


http://www.ogaealbania.com/index.php...jme&Itemid=110

[sirena_adria]

SLLOVENIA

Sllovenia ka marrë pjesë në Eurovizion 4 herë me artistë sllovenë, por si përfaqësues të Jugosllavisë. Sllovenia mori pjesë për herë të parë si shtet i pavarur në 1993. Sllovenia ishte gjithashtu vendi i parë që u shkëput nga federata jugosllave, në vitin 1991. Rezultatet më të mira kanë qenë dy herë vend i shtatë, në vitin 1995 dhe së fundmi në vitin 2001 me këngën "Energy" (Energji) Kënduar nga Nuša Derenda. Në këto 12 vite që Eurovizioni ka patur edhe natë gjysëmfinale, Sllovenia ka arritur të shkojë në finale vetëm 4 herë. Edhe këtë vit here Radio Televizioni Publik Slloven RTV SLO, zgjodhi që përfaqësimin e tyre ta gjejë mes pjesmarrësve të festivalit "Evrovizijska Melodija" (EMA 2016) festival në të cilin morën pjesë 10 artistë. Vota publike sllovene, vendosi që biletën për në Stokholm t'ja japi këngëtares 31 vjeçare Manuela Brečko, e cila njihet me emrin e artit ManuElla. Kënga "Blue and red" (Blu dhe e kuqe) do të interpretohet në anglisht. Kjo është pjesmarrja e 13-të e Sllovenisë.

http://www.ogaealbania.com/index.php...jme&Itemid=110

[sirena_adria]

BULLGARIA

Bullgaria rikthehet në Eurovizion pas një shkëputje që prej vitit 2013. Bullgaria ka marrë pjesë 9 herë, që nga debutimi i tyre në vitin 2005, Bullgaria ka arritur që të shkojë në finale vetëm një herë me këngën "Voda" (Ujë) kënduar nga Elitsa & Stoyan, e cila u rendit në vendin e pestë në Eurovizionin e viti 2007. Kësaj here Radio Televizioni Publik Bullgar BNT, vendosi në mënyrë të brendshme që biletën për Stokholm t'ja japi këngëtares Poli Genova me këngën "If Love Was a Crime" këngë e cila është një kompozim dhe bashkpunim bullgaro/suedez. Këngëtarja 29 vjeçare Poli Genova, ka përfaqësuar Bullgarinë edhe më parë në Eurovizion në vitin 2011 me këngën "Na inat" (Për inat) Ndonëse Poli Genova po studion për regjisore filmi, ajo vazhdon karrierën e saj në muzikë me shumë projekte të ndryshme. Kënga përfaqësuese e Bullgarisë pati premierë në datën 21 Mars, duke kompletuar listën e 43 këngëve pjesmarrëse në edicionin e 61. të Eurovizionit.

http://www.ogaealbania.com/index.php...jme&Itemid=110

[sirena_adria]

DANIMARKA

Danimarka vjen në Stokholm pas një disfate që pësoi me mosarritjen në finale të vitit të kaluar me këngën "The way you are" (Ashtu si je ti) e cila u këndua nga grupi Anti Social Media, megjithatë këto vitet e fundit, Danimarka ka arritur rezultate të kënaqshme në Eurovizion, sidomos duke e fituar jo më larg se në vitin 2013 me këngëtaren Emmelie De Forest në Eurovizionin e zhvilluar në Suedi. Danimarka ka fituar gjithashtu në vitin 1963 dhe në vitin 2000. Në festivalin përzgjedhëz danez "Dansk Melodi Grand Prix " (Çmimi i madh i melodisë daneze) këtë herë u përcollën 10 këngë nga prej të cilave votimi publik shaplli si fitues grupin Lighthouse me këngën "Soldiers of love" (Ushtarë dashurie" Këta tre djema të cilët quhen, Søren Bregendal, Johannes Nymark dhe Martin Skriver, kanë marrë përsipër të luftojnë për një vend në finalen e Eurovizionit dhe ndoshta edhe një fitore të katërt për vendin e tyre.

[sirena_adria]

UKRAINA

Ukraina i rikthehet Eurovizionit pas shkëputjes që ata bënë vitin e kaluar, për arsyetë problemeve që u shaktuan gjatë krizës me Rusinë gjatë aneksimit që Rusia i bëri krahinës autonome të Krimesë. Ukraina ka marrë pjesë në Eurovizion 12 herë, duke filluar prej vitit 2003. Ukraina ka arritur gjithmonë të shkojë në finale, përveç mungesës që ata bënë vitin e kaluar. Në vitin 2004, i cili ishte edhe viti në të cilin Shqipëria debutoi në Eurovizion, Ukraina arriti fitoren e tyre të parë dhe të vetme me këngëtaren Ruslana dhe këngën "Wild dances" (Valle të egra) Këtë vit, Radio Televizioni Publik Ukrainas NTU organizoi një festival përzgjedhës për të gjetur përfaqësimin e tyre për në Stokholm. Në natën finale, votat e jurisë dhe të televotimit shpallën fituese këngëtaren 32 vjeçare Susana Jamaladynova, e cila njihet më mirë me emrin Jamala. Kënga e cila do të përfaqësojë Ukrainën quhet "1944" dhe flet për deportimin e e popullit Tartar të Krimeas në vitet 40, në duart e Stalinit. Për shkrimin e kësaj kënge, Jamala u frymëzua nga historia e stërgjyshes së saj e cila në moshën 25 vjeçare e shpërngulën në stepat e Azisë qëndrore sëbashku me katër fëmijët e saj dhe kur gjatë rrugës, një nga fëmijët i vdiq. Kënga do të këndohet në një përzierje të gjuhëve anglisht dhe tartarisht të Krimesë.

http://www.ogaealbania.com/index.php...jme&Itemid=110

[sirena_adria]

NORVEGJIA

Norvegjia hyri në Eurovizion vetëm pak vjet pas fillimit të tij, në vitin 1960 me këngëtaren Nora Brockstedt e cila këndoi në norvegjisht këngën me titull "Voi Voi" e cila është një mënyrë përshëndetje e kulturës Same. Iu deshën 25 vjet që ta arrinin fitoren e tyre të parë me këngën "La det svinge" (Le të tundet) kënduar nga Bobbysocks!, e cila është një duo-pop përbërë nga Elisabeth Andreassen dhe Hanne Krogh. Më pas kohëpritja per fitore u shkurtua, sepse në vitin 1995 pra vetëm 10 vjet më pas ishte grupi Secret Garden me këngën "Nocturne" i cili arriti të korrë fitoren e dytë të Norvegjisë. Fitorja e tretë dhe e fundit për ta ishte një rekord. Alexander Rybak me këngën e tij "Fairytale" (Përrallë) arriti të fitojë çmimin e parë në Eurovizionin e vitit 2009 me 387 pikë. Por krahas fitoreve rekord, Norvegjia rreshton edhe 11 renditje si të fundit, ku katër herë pa marrë dhe asnjë pikë. Në festivalin përzgjedhës "Melodi Grand Prix 2016" morën pjesë 10 këngë, ku prej tyre publiku shpalli fitues këngëtaren 21 vjeçare Agnete Johnsen me këngën "Icebreaker" (Akullthyes). Kjo këngë, është edhe e vetmja këngë që vjen në zhanrin electropop në Eurovizion. Ky zhanër muzikor, është përdorur shumë nga artistë si Lady Gaga, Kesha, Demi Lovato etj.

[sirena_adria]

GJEORGJIA

Gjeorgjia mori pjesë për herë të parë në Eurovizion në vitin 2007 dhe ndonëse e ka arritur finalen 6 herë nga 8 pjesmarrje, nuk ka ndonjë renditje shumë të mirë në Eurovizion, duke patur dy vende të 9. atë të vitit 2010 dhe 2011. Në vitin 2014 ata patën rezultatin më të keq në historinë e tyre në Eurovizion, duke u renditur të fundit në gjysëmfinalen e tyre. Gjeorgjia pati një festival përzgjedhës me vetëm 5 këngë, nga prej të cilave juria profesionale dhe tolevotimi ia dhanë çmimin e parë grupit Nika Kocharov & Young Georgian Lolitaz me këngën "Midnight Gold" (Mesnatë flori). Kjo është hera e parë që Gjeorgjia vjen me një grup të përbërë vetëm nga artistë të gjinisë mashkullore, ata janë Nika Kocharov, Gia Iashvili, Nick Davitashvili dhe Dima Oganesian. Kjo është pjesmarrja e 9-të për Gjeorgjinë.Gjeorgjia mori pjesë për herë të parë në Eurovizion në vitin 2007 dhe ndonëse e ka arritur finalen 6 herë nga 8 pjesmarrje, nuk ka ndonjë renditje shumë të mirë në Eurovizion, duke patur dy vende të 9. atë të vitit 2010 dhe 2011. Në vitin 2014 ata patën rezultatin më të keq në historinë e tyre në Eurovizion, duke u renditur të fundit në gjysëmfinalen e tyre. Gjeorgjia pati një festival përzgjedhës me vetëm 5 këngë, nga prej të cilave juria profesionale dhe tolevotimi ia dhanë çmimin e parë grupit Nika Kocharov & Young Georgian Lolitaz me këngën "Midnight Gold" (Mesnatë flori). Kjo është hera e parë që Gjeorgjia vjen me një grup të përbërë vetëm nga artistë të gjinisë mashkullore, ata janë Nika Kocharov, Gia Iashvili, Nick Davitashvili dhe Dima Oganesian. Kjo është pjesmarrja e 9-të për Gjeorgjinë.

[sirena_adria]

SHQIPERIA


Shqipëria ka përdorur Festivalin e Këngës në RTSH, i cili këtë vit do të mbushë 55 vjeç dhe tashmë është një pjesë e traditës muzikore Shqiptare. Shqipëria filloi të marrë pjesë në Eurovizion në vitin 2004 duke patur një sukses të menjëhershëm. Ishte Anjeza Shahini e cila i dha Shqipërisë vendin e shtatë në finale me këngën "The image of you" (Imazhi yt). Shqipëria ka marrë pjesë 12 herë gjithsej dhe rezultatin më të mirë e ka patur me përfaqësimin e Rona Nishliut në Baku të Azerbajxhanit ku ajo doli në vend të 5-të. Përfaqësimet e Shqipërisë në Eurovizion kanë qenë në përgjithshesi shumë dinjitoze ndonëse rezultatet e arritura nuk kanë qenë dhe aq të mira. Vitin e kaluar Shqipëria arriti të futej në finale, por megjithëse pritshmëritë ishin shumë të larta, Elhaida Dani dhe kënga e saj "I'm alive" (Jam e gjallë) arriti të renditej e 17-ta në finale.Kësaj here juria e festivalit të këngës në Radiotelevizionin Publik Shqiptar, zgjodhi këngëtaren 34 vjeçare Eneda Tarifa me këngën "Përrallë" e cila është shkruar dhe kompozuar nga Olsa Toqi. Thuajse menjëherë pas fitores, u vendos që kënga të shkurtohej pak (për të respektuar rregullat e Eurovizionit) dhe gjithashtu teksti të adaptohej në anglisht. Në datën 13 Mars, versioni anglisht pati premierë në edicionin kryesor të lajmeve në RTVSH dhe menjëherë edhe në YouTube dhe ka shaktuar shumë reagime pozitive dhe negative në rrjetet sociale. Autorja e këngës Olsa Toqi, reagoi në një debat shumë konstruktiv nëpërmjet faqes tonë në facebook dhe la hapur idenë e këndimit të një versioni dygjuhësor të këngës. Ky është përfaqësimi ynë në Eurovizionin e këtij viti.

Shumë fat dhe sukses këngëtares Eneda Tarifa !

http://www.ogaealbania.com/index.php...jme&Itemid=110

[sirena_adria]

BELGJIKA

Belgjika merr pjesë për të 58. herë, dhe është një nga vendet me pjesmarrje më të shumta në Eurovizion, tejkalohet në vetëm nga Gjermania, Franca dhe Anglia. Megjithëse Belgjika ka qenë e pranishme në këtë event për shumë vite me rradhë, ata kanë arritur ta fitojnë Eurovizionin vetëm njëherë në vitin 1986 me këngëtaren Sandra Kim dhe këngën "J'ame la vie" (Unë e dua jetën). Belgjika u prezantua vjet me këngëtarin 18 vjeçar Loïc Nottet i cili këndoi këngën "Rhythm Inside" (Ritmi i brendshëm) duke arritur një rezultat shumë të kënaqshëm për Belgjikën, vendin e katërt në finale.Në festivalin përzgjedhës "Eurosong 2016" i cili u zhvillua nga Radio Televizioni Publik Belg VRT, ishin 5 kandidatë për një biletë në Stokholm dhe këtë herë biletën për në Eurovizion e fitoi këngëtarja 19 vjeçare Laura Tesoro, e cila vjen me këngën "What's the presure" (Cili është presioni)

http://www.ogaealbania.com/index.php...jme&Itemid=110

[sirena_adria]

Diskualifikimi i Rumanisë - garuese ne Gjysem Finalen e Dyte :

Radio Televizioni Publik Rumun TVRO, kishte një borxh të papaguar, që prej vitit 2007, e për këtë arsye, enti organizator kishte vendosur që të diskualifikonte pjesmarrjen e tyre në Eurovizionin e këtij viti.



Kjo ishte kenga e Rumanise :