Eurovision Song Contest 2016 - Sweden

[sirena_adria]

GJYSEM FINALJA 2: 18 Garues - 10 FINALISTE


1. Letonia

2. Polonia

3. Zvicra

4. Izraeli

5. Bjellorusia

6. Serbia

7. Irlanda

8. Maqedonia

9. Lituania

10. Australia

11. Sllovenia

12. Bullgaria

13. Danimarka

14. Ukraina

15. Norvegjia

16. Gjeorgjia

17. Shqiperia

18. Belgjika


BIG 6 : Votojne ne kete Gjysem Finale - GJERMANIA, ANGLIA, ITALIA.


http://www.eurovision.tv/page/news?i...inals_revealed

[sirena_adria]

LETONIA

Letonia e nisi rrugën e Eurovizionit në vitit 2000, me një sukses të vërtetë sepse grupi Brainstorm me këngën "My star" (Ylli im) arriti të renditej vendin e tretë. Nuk iu desh shumë kohë dhe vetëm 2 vite më vonë, Letonia arriti të fitojë çmimin e parë në Eurovizionin e vitit 2002 me këngën "I wanna" (Unë dua) kënduar nga Marie N.

Këtë vit Radio Televizioni Publik i Letonisë (LTV) përzgjodhi artistin dhe përfaqësimin e tyre nëpërmjet festivalit Supernova 2016, ndoshta për arsye të suksesit që patës vitin e shkuar me këtë proces përzgjedhjeje.

Kënga "Heartbeat" (Rrahje zemre) është kompozuar nga këngëtarja Aminata Savadogo e cila arriti të renditej në vendin e pestë në finalen Eurovizionin e vitit të kaluar me këngën "Love injected" (Dashuri e injektuar), pas 6 vitesh ku nuk arritën të futeshin në finale.Kënga përfaqësuese "Heartbeat" do të këndohet nga këngëtari Justs Sirmais, i cili është 21 vjeç dhe sapo ka filluar karrierën e tij në muzikë.

http://www.ogaealbania.com/index.php...jme&Itemid=110

[sirena_adria]

POLONIA

Polonia ka marrë pjesë në Eurovizion 18 herë, por nëse kërkon në Google me fjalët Polonia Eurovision, rezultati i parë është për pjesmarrjen e tyre e fundit, atë të vitit 2014.Kush mund ti harrojë preformancën e Donatan & Cleo dhe vajzave shoqëruese në këngën "My Słowianie" (Ne jemi sllave).

Në paraqitjen e tyre të parë, ata arritën edhe rezultatin e tyre më të mirë deri tani me këngëtaren Edyta Górniak dhe këngën "To nie ja!" (Nuk isha unë) e cila arriti vendin e dytë në Eurovizionin e vitit 1993.

Edyta Górniak e cila tashmë është 43 vjeç, është një nga artistet më të dashura për publikun polak dhe ndonëse ajo ishte një nga pretendet për të fituar biletën për Stokholm, televotimi në festivali përzgjedhës, çmimin e parë ia dha këngëtarit Michał Szpak. Në vend të dytë, u rendit këngëtarja Margaret, e cila gjithashtu ishte përfolur si një pretendete e fortë për të fituar, ndërsa Edyta Górniak u rradhit e treta.

Kënga e Polonisë këtë vit, do të jetë "Color of Your Life" (Ngjyra e Jetes tende) dhe këndohet nga 25 vjeçari Michał Szpak. Ai ka një karrierë 7 vjeçare në muzikë dhe ka në treg dy albume.

[sirena_adria]

ZVICRA

Zvicra mori pjesë që herën e parë kur filloi Eurovizioni në vitin 1956, i cili u mbajt në Lugano të Zvicrës. Madje edhe çmimi i parë i Eurovizionit të parë u fitua nga këngëtarja zvicerane Rosa Mina Schärer e cila njihet më mirë me emrin Lys Assia.Për fitoren e dytë, iu desh një kohë shumë e gjatë dhe mobilizimi i këngëtares tashmë me famë botërore kanadeze Céline Dion dhe këngës në frëngjisht "Ne partez pas sans moi" (Mos u largo pa më marrë dhe mua). Céline Dion në momentin e fitores ishte 21 vjeç, fama e saj botërore erdhi me albumin e saj "The colour of my love" publikuar në vitin 1993.

Zvicra është një nga vendet që ka dhënë disa herë vota për Shqipërinë,por një nga arsyet për këtë gjë mund të jetë edhe prezenca e diasporës shqiptare atje.

"ESC 2016 – Die Entscheidungsshow" i cili është spektakli përzgjedhës Radio Televizionit Publik të Zvicrës këtë herë votat e duhura ia dha këngës "The Last of Our Kind" (Të fundit e qenies tonë) të kënduar nga këngëtarja 30 vjeçare kanadeze me emrin Christina Maria Rieder, por që shkurt e thërrasin Rykka. Lidhja e saj me Zvicrën, është gjyshi i saj zviceran. Rykka e ndan kohën duke jetuar në Zürich të Zvicrës dhe në Vancouver të Kanadasë. A do të mundet ajo që të fitojë Eurovizionin, ashtu sikur Celine Dion?

http://www.ogaealbania.com/index.php...jme&Itemid=110

[sirena_adria]

IZRAELI

Izraeli ka filluar pjesmarrjen në Eurovizion në vitin 1973 dhe ka arritur ta fitojë atë 3 herë, në vitet 1978, 1979 dhe së fundmi në vitin 1998 me këngëtaren Dana International.Megjithatë, Izraeli nuk ka patur shumë sukses këto vitet e fundit duke mos arritur as në finale.por gjithçka ndryshoi vitin e kaluar, me arritjen në finale dhe renditjen e tyre në vendin e 9-të me këngën "Golden boy" (Djaloshi flori) e cila u këndua nga këngëtari simpatik Nadav Guedj. Kësaj here Izraeli paraqitet me këngën "Made of stars" (I prodhuar nga yjet)kënduar nga këngëtari 29 vjeçar Hovav Sekulets (ose siç njihet më mirë me emrin Hovi Star). Karriera e tij muzikore nisi që në moshën 14 vjeçare. Ai arriti fitoren në festivalin përzgjedhës izraelit "HaKokhav HaBa L'Eirovizion" (Ylli i ardhshëm i Eurovizionit). Kënga "Made of stars" do të jetë edhe përfaqësimi i 39-të i Izraelit në Eurovizion.

http://www.ogaealbania.com/index.php...jme&Itemid=110

[sirena_adria]

BJELLORUSIA

Bjellorusia filloi përfaqësimin në Eurovizion në vitin 2004 dhe ashtu si Shqipëria ky vend po sjell përfaqësimin e 13.Rezultati më të mirë deri tani e ka atë të vitit 2007 duke u renditur si të 6-tët në finale me këngëtarin Dimitry Koldun.Bjellorusia normalisht i jep dhe i merr pikët maksimale për dhe nga vendet e ish-bllokut Sovjetik si për shembull Rusia dhe Ukraina.Alexander Rybak i cili fitoi Eurovizionin në vitin 2009 për Norvegjinë, është me prejardhje nga Bjellorusia.Kësaj here Radito Televizioni Publik Bjellorus BTRC vendosi që këngën dhe përfaqësusein ta zgjedhin nëpërmjet një festivali i cili solli 10 këngë në konkurrim. Ishte Alexander Ivanov (Ivan) ai, i cili nëpërmjet televotimit arriti të fitonte çmimin e parë, gjithashtu edhe biletën për në Stokholm,me këngën "Help you fly" (Të ndihmoj të fluturosh" .

http://www.ogaealbania.com/index.php...jme&Itemid=110

[sirena_adria]

SERBIA

Serbia dhe Zvicra mbajnë rekordin e vendeve që kanë fituar Eurovizionin që me herën e parë. Zvicra fitoi në 1956 në edicionin e parë dhe Serbia fitoi në hyrjen e parë në vitin 2007. Serbia ka marrë pjesë në Eurovizion por duke qenë pjesë e Federatës Jugosllave dhe më pas si pjesë e Federatës Serbi & Mali i Zi.Vitin e kaluar ata u përfaqësuan nëpërmjet këngëtares Bojana Stamenov me këngën "Beauty never lies" (Bukuria nuk gënjen kurrë), këngë cila u rendit në vendin e 10-të në finalen e Vienës. Kësaj here Radio Televizioni Publik Serb RTS, ka vendosi që përzgjedhjen t'a bëjë në mënyrë të brendshme duke ia dhënë biletën për në Stokholm këngëtares Sanja Vučić dhe këngës "Goodbye" (Lamtumirë). Kjo këngë, me tekst dhe muzikë të kompozitores Ivana Peters, flet për dhunën në familje, për femrat e dhunuara të cilat gjejnë forcën për të tu larguar.

http://www.ogaealbania.com/index.php...jme&Itemid=110

[sirena_adria]

IRLANDA

Irlanda mban rekordin me të mirë në këtë konkurrencë të cilën e ka fituar jo më pak se 7 herë në 49 pjesmarrje. Irlanda filloi të marrë pjesë në vitin 1965 dhe fitoi 5 vjet pas kësaj pjesmarrje në vitin 1970, duke pasuar me fitoret në vitet 1980, 1987, 1992, 1993, 1994 dhe 1996. Një nga rekordet e arritura është edhe fitorja e njëpasnjëshme, sepse Irlanda fitoi Eurovizionin 3 herë rresht në 1992,1993 dhe 1994. Por pas viteve 2000 dhe me ardhjen e gjysëmfinaleve, Irlanda nuk ka arritur ndonjë rezultat aq të mirë. Këtë herë Radio Televizioni Publik Irlandez RTÉ vendosi që të përzgjedhë këngëtarin dhe këngën në mënyrë të brendshme. Dhe ishte Nicky Byrne i cili është edhe ish-antari i grupit irlandez Westlife, i cili me këngën "Sunlight" (Dritë dielli) do të provojë ti rikthejë shkëlqimin e dikurshëm Irlandës. 37 vjeçari Nicky Byrne ka një karrierë të gjatë në muzikë, sport, radio dhe televizion. Ai e nisi karrierën e tij me futbollin, si portier i ekipeve Home Farm dhe St. Kevins Boys në Dublin, e më pas si portier në ekipin Leeds United. Karrierën e tij në muzikë, ai e nisi në vitin 1998 me formimin e grupit Westlife, grup i cili u shpërbë në vitin 2012. Tashmë ai merret me prezantimin e disa programeve radiofonike si edhe me televizion.

http://www.ogaealbania.com/index.php...jme&Itemid=110

[sirena_adria]

MAQEDONIA

Ish Republika Jugosllave e Maqedonisë ka marrë pjesë për herë të parë në Eurovizion në vitin 1998, dhe rreshton 16 pjesmarrje. Rezultatin më të mirë deri tani e ka patur atë të vitit 2006 me këngëtaren Elena Risteska e cila u rendit e 12-ta në finale.Ndonëse Maqedonia nuk ka fituar ndonjëherë, duhet vënë në dukje se këngët e tyre përfaqësuese janë vlerësuar me pikë të larta nga Shqipëria.Daniel Kajmakoski ishte artisti i fundit i cili përfaqësoi ata në Eurovizion, por ai nuk arriti dot në finale.Kësaj here, Radio Televizioni Publik Maqedon MRT vendosi që të zgjedhë përfaqësimin e tyre në mënyrë të brendshme. Këtë detyrë, ia kanë vënë këngëtares 49 vjeçare Kaliopi Bukle e cila është lindur në qytetin e Ohrit.Kjo nuk është hera e parë për Kaliopin në skenën e Eurovizionit. Ajo përfaqësoi vendin e saj në vitin 2012 me këngën "Crno i belo" (Bardh & zi) Kaliopi, e cila ka një karrierë shumë të gjatë muzikore, ndër të tjerat ka qenë edhe në panelin e jurisë për festivalin "Kënga Magjike 2007" në Klan TV. Kësaj here, në Eurovizion ajo vjen me këngën "Dona" (Grua) dhe është ndër të paktat këngë të cilat nuk këndohen në anglisht.

[sirena_adria]

LITUANIA

Lituania është i vetmi vend balltik, i cili ende nuk e ka provuar shijen e fitores madje në pjesmarrjen e parë në vitin 1994 Lituania përfundoi e fundit me 0 pikë. Lituania ka marrë pjesë 16 herë në Eurovizion por nuk e ka ende fitoren. Rezultati më i mirë që kanë, është vendi i 6-të në vitin 2006 me grupin LT United dhe me këngën me titull ironik "We are the winners" (Ne jemi fitimtarët). Publiku i Lituanisë, nëpërmjet festivalit të tyre "Eurovizijos" përzgjodhi këngëtarin 29 vjeçar Donny Montell (Donatas Montvydas) i cili ka e ka përfaqësuar Lituaninë dhe më parë në Eurovizion, nshe vitin 2012 me këngën "Love is blind" (Dashuria është e verbër).Këtë herë, Donny Montell vjen me këngën "I've Been Waiting for This Night" (Kam pritur për këtë natë)e cila është shkruar nga kompozitorët suedezë Jonas Thander dhe Beatrice Robertsson.