Festivali i Këngës në RTSH, 2015 - Edicioni i 54-t

[sirena_adria]

Risi e befasi në edicionin e 54-t të Festivalit të Këngës në RTSH


Tiranë, 23 tetor - Edicioni i 54-të i Festivalit të Këngës në RTSH premton risi dhe surpriza të ndryshme dhe për këtë të fundit, garancinë e japin edhe Udhëheqësi Artistik i festivalit, Elton Deda, Drejtori i Festivalit - Martin Leka si dhe stafi i redaksisë së muzikës në Radio Tirana.

Pasi u përzgjodhën dhe u shpallën 30 veprat muzikore të këtij edicioni, drejtuesit e këtij eventi artistik bëjnë të ditur risitë e tij.

“Të godasë”, “të ngelet”, “të mbetët në gojën e publikut”, “T’i rrëmbejë zemrën”, janë disa prej qëllimeve të muzikës, e cila në edicionin e 54-të të Festivalit Kombëtar publikun e saj do ta emocionojë nëpërmjet 30 veprave muzikore.

Më një spunto nga realiteti, tekstet e këngëve do të interpretohen në skenën e Festivalit të RTSH-së nga emra të njohur të muzikës shqiptare por edhe nga interpretues të rinj, për të cilët, stafi drejtues ka menduar diçka krejt ndryshe në krahasim me vitet e shkuara.

Nëpër korridoret e Radio Tiranës, aty ku zhvillohen provat dhe që qëndrojnë gjatë këngëtarët, autorët dhe producentët, po qarkullon së fundmi edhe ideja që veprat muzikore të Festivalit të prezantohen paraprakisht në TVSH dhe në disa kanale të tjera muzikore dhe jo vetëm, gjë kjo e cila do të jetë tërësisht në funksion të promovimit të muzikës si risi e edicionit të 54-të.

Zhvillimi i këtij Festivali, premton edhe një tjetër risi të propozuar nga poeti Agim Doçi. Në çdo karrige në sallën e Pallatit të Kongreseve, publiku do të gjejë edhe një fletë palosje me tekstet e këngëve konkurrente.


http://koha.net/?id=4&l=80954

[sirena_adria]

Starti I Evenimentit me te madh te Kenges Shqipe nisi qe ne muajin Gusht me Ftesen ndaj te gjithe Krijuesve Artistike

[sirena_adria]

30 KRIJIMET MUZIKORE:

ARTISTET INTERPRETUES - TITULLI I KENGES


1. Egert Pano – Mos ik

2. Eneda Tarifa – Përrallë

3. Revolt Klan – Dashurinë s’e gjejmë dot

4. Kozma Dushi – Një kafe

5. Enxhi Nasufi – Infinit

6. Florent Abrashi – Të ndjek çdo hap

7. Dilan Reka – Buzëqesh

8. Evans Rama – Flakë

9. Sigi Bastri – Engjëll i lire

10. Simbol – Artiste

11. Lindi Islami – Për një mrekulli

12. Egzon Pireci – Triumf

13. Aslajdon Zaimaj – Merrmë që sot

14. Nilsa Hysi – Asaj

15. Jozefina Simoni – Një det me ty

16. Genc Tukiçi – Sa të dashuroj

17. Erga Halilaj – Monolog

18. Teuta Kurti – Në sytë e mi

19. Klodian Kaçani & Rezarta Smaja – Dashuri në përjetësi

20. Luiz Ejlli – Pa mbarim

21. Renis Gjoka – Ato që s’ti them dot

22. Besa Krasniqi – Liroje zemrën

23. Flaka Krelani – S’je për mua

24. Andi Tanko – Dielli vazhdon të më ngrohë

25. Edea Demaliaj – Era

26. Adrian Lulgjuraj – Jeto dhe ëndërro

27. Kristi Popa – Ajo çfarë ndjej

28. Voltan Prodani – Dëgjoje këngën o Atë

29. Klajdi Musabelli – Ndodh edhe kështu

30. Niku & Entela Zhula – Muza


http://esctoday.com/106221/albania-f...sts-announced/

[sirena_adria]

Elton Deda: Risolla artistë që kishin humbur besimin në festival


Edicioni i 54-t shënon edhe rekordin e pjesëmarrjes, me 30 këngë, një shifër më e madhe se ajo e viteve të kaluara dhe tregues i prurjes dhe interesimit të madh këtë vit. Drejtori Artistik, Elton Deda tha se këtë vit janë rikthyer edhe artistë që e kishin humbur besimin në këtë festival. Synimi i këtij edicioni, sipas Dedës, është minimizimi i defekteve dhe zhgënjimeve të artistëve nga vitet e kaluara

Më i miri ndër paraardhësit pritet të jetë edicioni i 54 –t i Festivalit të Këngës në Radio Televizion. Kështu kanë premtuar drejtuesit e tij në konferencën e parë për shtyp të mbajtur ditën e djeshme në sallën e orkestrës së Radios, ku edhe u prezantuan detajet e tri netëve të festivalit, që këtë vit nis mbrëmjen e Krishtlindjes. “Ky festival do të jetë në vazhdën e traditës, por edhe kreativ në të gjithë tërësinë e vet”, – u shpreh drejtori i RTSH-së, Martin Leka, ndërsa drejtori artistik i Festivalit, Elton Deda tha se këtë vit ka risjellë në konkurrim artistë që e kishin humbur besimin te festivali. “E pranova këtë ofertë për të bërë më të mirën e mundshme dhe ju garantoj që do të jetë më e mira ime. Mendoj se të gjithë paraardhësit kanë bërë punë të shkëlqyer. Mendoj të eci në traditën e tyre, duke u munduar të riparojmë disa defekte e të bëjmë minimale zhgënjimet e shumë artistëve. Kam tentuar të risjell artistë që e kishin humbur besimin në festival. Fatkeqësisht, festivali i ka këto; një konkurrim lë edhe njerëz të pakënaqur. Ideja është të minimizojmë gjërat e pakëndshme nga festivalet e kaluara. Nuk them që do jetë perfekt, por nga unë do të prisni më të mirën”, – u shpreh Deda, duke shtuar se përparësi është respektimi i krijuesve dhe interpretuesve që konkurrojnë në këtë edicion dhe ofrimi i kushteve sa më të mira teknike dhe njerëzore.

Elton Deda tha më tej se janë përzgjedhur 30 këngë për konkurrim nga 70 që janë paraqitur dhe do të shkojnë në natën finale 18 këngë, 9 për çdo natë. Festivali do të nisë mbrëmjen e 25 dhjetorit, ndërsa nata finale do të mbahet më 27 dhjetor. “Jemi munduar të mos mungojë përfaqësimi i të gjithë brezave, nga i gjithë spektri i artistëve, tekstshkruesve, kompozitorëve e këngëtarëve. Duhet të kemi një kod moral; njerëzit nuk duhet t’i qajmë për së gjalli, por duhet t’ua krijojmë kushtet për përfaqësim, sa i kemi tani. Për këtë arsye kemi bërë një përzgjedhje shumë të këndshme dhe të mirë midis brezave. Është festivali më i madh, që përfaqëson jo vetëm një zhanër apo stil, por një larmi zhanresh, prandaj shumë artistë do e gjejnë veten në këtë festival. Shpresojmë të shkojë gjithçka mirë e të mos kemi zhgënjime”, – ka vijuar Deda, i cili ka konfirmuar pjesëmarrjen e këngëtarit Kozma Dushi, që përfaqëson rekordin e moshës në këtë konkurrim, ndërsa më të rinjtë janë këngëtarët Edea Demaliaj dhe Dilan Reka. Deda ka zbuluar se nuk do të mungojnë edhe numrat specialë gjatë tri netëve, edhe pse nuk ka dhënë më shumë detaje, pasi ende janë në tratativa me artistët e ftuar. “Jam i bindur se edhe numrat e të ftuarve do të jenë shumë interesantë dhe jo të një lloji. Do të kemi disa artistë që do të performojnë. Kemi menduar për disa personazhe të dashur që janë ndarë nga jeta këtë vit dhe jemi duke punuar për të krijuar një homazh, një kujtim për veprën që kanë lënë dhe do u jepet rëndësi”, – shtoi Deda.

Edicioni i 54-t shënon edhe rekordin e pjesëmarrjes, me 30 këngë, një shifër më e madhe se ajo e viteve të kaluara dhe tregues i prurjes dhe interesimit të madh këtë vit.

Deda u bëri thirrje të gjithë krijuesve të përfundojnë realizimet e këngëve duke u vendosur si afat të fundit të dorëzimit datën 30 tetor. Ai tha se, nëse ky afat nuk do të respektohet, mund të bëhet shkas edhe skualifikimi nga gara. Gjatë konferencës u prezantua edhe stafi artistik me producentë muzikorë Edmond Zhulalin dhe Sokol Marsin, ndërsa regjia dhe skenari u janë besuar vëllezërve Bledi dhe Pandi Laço.

Elton Deda nuk e fshehu skepticizmin fillestar për ta pranuar ofertën e Drejtorit Martin Leka. “Kur m’u ofrua kjo ofertë prej tyre nuk ishte një zgjidhje me mendim të parë, por duke parë traditën, duke kuptuar që është një aktivitet që meriton të jetë në majat e aktiviteteve që organizohen në Shqipëri, i vetmi që na përfaqëson në Eurovizion, një aktivitet për të cilin kanë dhënë shpirti, gjak, kanë kaluar momente të bukura dhe të këqija pothuajse të gjithë krijuesit shqiptarë, përfshi edhe tim atë, që ka qenë një nga shtyllat më të forta të festivalit ndër vite”. Sa i përket përfaqësimit në Eurovizion dhe incidentit të vitit të kaluar me këngën fituese, drejtori Martin Leka u shpreh se u desh një precedent për të rishikuar rregulloren e Festivalit sipas parametrave që kërkohen jo vetëm nga RTSh-ja, por edhe nga EDU-ja dhe Eurovizioni. Ndërsa Elton Deda tha se ka gjithnjë vend për përmirësim për të arritur në parametrat e duhur. Poeti Agim Doçi, i pranishëm në konferencë, shtroi kërkesën për realizimin e një libreti me tekstet e 30 këngëve konkurruese në edicionin e 54-t të Festivalit të Këngës në RTSh, kërkesë që mori miratimin e drejtorit të institucionit, Martin Leka, si edhe hodhi idenë për rritjen e honorarëve për tekstshkruesit. Leka u përgjigj se buxheti për festivalin nuk mundej të siguronte një shtim të honorarëve, duke shtuar se ky është i vetmi festival ku autorët paguhen, ndërsa Edmond Zhulali shtoi se kjo pagesë bëhej me shifrat që ka aktualisht tregu. Sa i përket të gjithë buxhetit të akorduar për realizimin e Festivalit, Leka tha se është i njëjti me atë të akorduar edhe vitin e kaluar. Në fund të konferencës u hodh edhe shorti i radhës së këngëtarëve sipas netëve përkatëse.


http://www.mapo.al/2015/10/deda-riso...in-ne-festival

[martini1984]

[QUOTE=sirena_adria;3809165]Risi e befasi në edicionin e 54-t të Festivalit të Këngës në RTSH






“Të godasë”, “të ngelet”, “të mbetët në gojën e publikut”, “T’i rrëmbejë zemrën”, janë disa prej qëllimeve të muzikës, e cila në edicionin e 54-të të Festivalit Kombëtar publikun e saj do ta emocionojë nëpërmjet 30 veprave muzikore.

Më një spunto nga realiteti,

Me nje spunto (LOL) do jete vazhdimesia e te tjerava pacavure festivale,sepse do godase,do ngelet,do mbetet.dhe do rrembeje zemrat e manekinave.

Honoraret ja jepni gim Docit!

[sirena_adria]

“Të godasë”, “të ngelet”, “të mbetët në gojën e publikut”, “T’i rrëmbejë zemrën”, janë disa prej qëllimeve të muzikës, e cila në edicionin e 54-të të Festivalit Kombëtar publikun e saj do ta emocionojë nëpërmjet 30 veprave muzikore.

Më një spunto nga realiteti, tekstet e këngëve do të interpretohen në skenën e Festivalit të RTSH-së nga emra të njohur të muzikës shqiptare por edhe nga interpretues të rinj, për të cilët, stafi drejtues ka menduar diçka krejt ndryshe në krahasim me vitet e shkuara.

Ne nje retrospektive nder vite....

[sirena_adria]

Kompozimi : Aleksander Peçi Vargjet: Xhevair Spahiu

[sirena_adria]

Kompozimi: Ardit Gjebrea Vargjet: Xhankarlo Milone, Zhuljana Jorganxhi

[sirena_adria]

Ngado qe te shkoj
eci ditë e natë
m'pyesin zogjet e malit
nuk me lën rehat

m'pyesin ata m'pyesin
sikur nuk e din
ku shkojn Kosovaret
pse n'Kosove nuk rrinë

Detit po te shkoj
dita mbehet natë
m'pyesin valët e detit
nuk me lën rehat

m'pyesin ato m'pyesin
sikur nuk e din
ku shkojn Ulqinaket
pse n'Ulqin nuk rrinë

Sharrit po te ngjitem
eci ditë e natë
m'pyesin zogjet e malit
nuk me lën rehat

m'pyesin ata m'pyesin
sikur nuk e din
ku shkojn Tetovaret
pse n'Tetovë nuk rrinë

m'pyesin ata m'pysin
sikur nuk e din
ku shkojn Preshevaret
pse n'Preshevë nuk rrinë

Ngado qe te shkoj
njeri pa fat
enderrat per at'dhe
nuk me lën rehat

m'zgjojn ato m'zgjojn
dhe sikur e din
zemra ime me thot
dot' kthehem n'Prishtin
dot' kthehem n'Prishtin.

[sirena_adria]

Vargjet : YMER SHKRELI __________________ Kompozimi: NAIM GJOSHI _________________ Orkestrimi : XHEVDET GASHI