Plani i Berishes per te luftuar krimin

[Albo]

Kreu i opozitës paraqet paketën e masave antikrim. Propozime të ashpra dhe dënime të parevokueshme

Berisha: Ju tregoj si zhduket krimi dhe korrupsioni

«Komision për nepotizmin në administratë, të ngrihet xhandarmëria dhe të zhduken skafet për tre vjet »

TIRANE- Lideri i opozitës Sali Berisha bëri publike dje një paketë propozimesh me qëllim luftën ndaj krimit të organizuar dhe korrupsionit. Kryetari i demokratëve sqaroi se një pjesë e mirë e këtyre propozimeve do të përfshihen edhe në programin e Partisë Demokratike. “Lidhur me luftën kundër korrupsionit, unë propozoj para jush që korrupsioni të shpallet vepër e rëndë penale. Të bëhet abolicion imunitetit për të gjithë personat me imunitet për një periudhë së paku 5-vjeçare. Të krijohet një komision për studimin e nepotizmit në të gjitha nivelet e administratës, nga kushërinjtë e Fatos Nanos deri tek benjaminët, të afërmit dhe farefisi i deputetëve apo i zyrtarëve të tjerë, që janë në poste të cilat kanë të mundur procesin e korrupsionit, dhe brenda tre muajve ky komision t’u japë zgjidhje problemve të nepotizmit. Nepotizmi është një fenomen që favorizon shumë korrupsionin » , -tha Berisha. Lideri i opozitës përsëriti kërkesën që kontrolli i pasurive të zyrtarëve dhe Kontrolli i Lartë i Shtetit t’i kalojë opozitës. Berisha cilësoi të nevojshme të ndalohet me ligj
prokurimi i drejtpërdrejtë, apo me tender të kufizuar, për vlerat mbi 1 milion lekë.
«Të hiqen çmimet e referencës dhe të vendosen nën autoritetin e doganës të gjitha ato magazina doganore në mënyrë që zyrtarët e lartë të mos kenë të drejtë të kenë magazina doganore. Të liberalizohen plotësisht licensat, patentat etj. Brenda tre muajve të paraqitet në Parlament ligji për konfliktin e interesave.Të ngrihet gjykata e llogarive, me të drejtë vendimesh të parevokueshme » , -tha Berisha. Lideri i opozitës gjykoi se propozimet në fjalë do t’i japin përgjigje përpjekjeve që duhen bërë për të luftuar korrupsionin në Shqipëri. Duke u bazuar në shqetësimet e fundit që ngriti raporti i Komisionit Europian, veçanërisht për korrupsionin në piramidën e policisë së shtetit, Berisha tha se opozita kërkon krijimin e një force të re policore me qëllim eliminimin e krimit të organizuar në vend. « Konkretisht kërkojmë ngritjen e xhandarmërisë së shtetit si një institucion me destinacion shtypjen e krimit të organizuar. Për këtë qëllim propozoj një riorganizim të plotë të Ministrisë së Rendit, të Shërbimit Informativ Shtetëror dhe Prokurorisë së Shtetit për largimin nga këto institucione të të gjitha segmenteve të implikuara direkt në trafiqe », -tha Berisha. Duke cituar sërish raportin e Bashkimit Europian, Berisha tha se ndërkombëtarët në këtë raport flasin për një shtet koleon dhe jo për shtet ligjor. Për këtë arsye, kryetari i demokratëve cilësoi të nevojshme : « Moratorium 3-vjeçar për skafet në bregdetin shqiptar. Asnjë skaf për tre vjet, përveç peshkarexhave të peshkatarëve, të mos lundrojë në bregdetin shqiptar. Jam për vendosjen imediate të paketës ligjore antikrim me dënime fikse».

A.Lidhur me korrupsionin:
1-Korrupsioni të shpallet vepër e rëndë penale.
2-Të bëhet abolicion imunitetit për të gjithë personat me imunitet për një periudhë së paku 5-vjeçare.
3-Të krijohet një komision për studimin e nepotizmit në të gjitha nivelet e administratës
4-Kontrolli i pasurive të zyrtarëve dhe Kontrolli i Shtetit t’i kalojë opozitës.
5-Të ndalohet me ligj prokurimi i drejtpërdrejtë, apo me tender të kufizuar, për vlerat mbi 1 milion lekë.
6-Të hiqen çmimet e referencës dhe të vendosen nën autoritetin e doganës të gjitha magazinat doganore.
7.Të liberalizohen plotësisht licensat, patentat, brenda tre muajve, të paraqitet në Parlament ligji për konfliktin e interesave.
8.Të ngrihet gjykata e llogarive, me të drejtë vendimesh të parevokueshme

B-Për policinë :
1.Ngritjen e xhandarmërisë së shtetit.
2.Një riorganizim i plotë i Ministrisë së Rendit, Shërbimit Informativ Shtetëror dhe Prokurorisë së shtetit.
3-Moratorium 3-vjeçar për skafet në bregdetin shqiptar.
4-Vendosja imediate e paketës ligjore antikrim me dënime fikse.
5-Ngritja e Gjykatës së Krimeve Penale

[drini_në_TR]

Një gjë shumë e mirë, shumë me vënd,

Shpresoj që kjo nismë të kaloj në Kuvend me miratimin e tërësisë së Deputetëve. Kam mendimin se socialistët do ta miratojnë një gjë të tillë, sepse nuk ka si të kontestohet. Mbase mund të diskutohet për pikat e kësaj kërkese, disa prej të cilave as unë nuk i kuptoj se çfarë janë vëretetë. Ata janë vetë ekspert.

Pika që nuk e kuptoj ose nuk e di se çfarë është:

6-Të hiqen çmimet e referencës dhe të vendosen nën autoritetin e doganës të gjitha magazinat doganore.

Pika që për mendimin tim është tepër pozitive për Shqipërinë është:

2.Një riorganizim i plotë i Ministrisë së Rendit, Shërbimit Informativ Shtetëror dhe Prokurorisë së shtetit.

Kjo është mëse e nevojshme në këtë çast. Shpresoj që kjo nismë të marri aprovim në Kuvend, dhe me t'u thënë me t'u bërë!

drini.

[drini_në_TR]

Albo

Në Gazetën Shqiptare ka edhe 3 pika për Shtetin Ligjor. Ndërsa pikat A dhe B janë të tilla si më poshtë:

PROPOZIMET E BERISHËS

KORRUPSIONI
1.Të shpallet vepër e rëndë penale
2.Të hiqet imuniteti për personat që e kanë për një periudhë 5-vjeçare
3.Të krijohet një komision për studimin e nepotizmit në gjithë nivelet e administratës dhe për tre muaj ai t'i japë një zgjidhje problemit
4.Kontrolli i pasurive së zyrtarëve dhe KLSH-ja t'i kalojë opozitës
5.Të ndalohen prokurimet e drejtpërdrejta mbi vlerën 1 milion lekë
6.Të hiqen çmimet e referencës dhe magazinat doganore të kontrollohen nga doganat
7.Të liberalizohen liçensat dhe patentat e biznesit
8.Brenda tre muajve të paraqitet në Parlament ligji për konfliktin e interesave
9.Të ngrihet Gjykata e Llogarive me të drejtë vendimi të parevokueshme për aktet e korrupsionit


KRIMI I ORGANIZUAR
1.Të ngrihet Xhandarmëria e Shtetit
2.Riorganizim dhe ristrukturim i Ministrisë së Rendit, SHISH-it dhe Prokurorisë
3.Deri në krijimin e xhandarmërisë, të funksionojnë kundër krimit forcat speciale të ushtrisë
4.Të ndalohet qarkullimi i skafeve për tre vjet, përveç peshkarexhave
5.Të miratohet një paketë ligjore me dënime fikse, pra, krimi organizuar të ketë një masë dënimi


SHTETI LIGJOR
1.Moisiu, krahas projektit të reformës në drejtësi, të marrë garanci për zbatimin e vendimit të gjykatave
2.Reformë në gjyqësor

[drini_në_TR]

Një arsye më shumë për të besuar se kjo luftë për Drejtësi dhe rikthim të jetës së Ndershme, mund të filloj të marri jetë në Shqipëri. Nëse vërtetë dialogu demokratik midis dy poleve PS-PD do të ndodhi siç thuhet në artikullin e mëposhtëm at'herë pikat e lartëpërmëndra do të marrin vërtetë një mbështetje në Kuvëndin e RSHsë. Kjo besoj dhe shpresoj se do t'na sjelli më shumë Drejtësi, dhe më shumë çporrje të krimit të çfarëdolloji.

----------------------------------------------------------------------------------
Berisha e Nano, drejt dialogut për raportin e BE

TIRANE, 16 prill - Pas dy ditë debatesh, parlamenti shqiptar ka vendosur të martën hartimin e një rezolute të përbashkët midis shumicës dhe opozitës lidhur me raportin e fundit të Bashkimit Evropian mbi ecurinë e procesit të stabilizim- asociimit të Shqipërisë. Ajo që ra në sy në seancat e punimeve ishte se ndonëse tonet e diskutimeve ishin mjaftë të larta, më në fund të dy palët vendosën të bashkëpunojnë sërish. Kjo u duk edhe në deklaratat e dy udhëheqësve kryesorë të shumicës dhe opozites. Kryetari i PD-së, Sali Berisha, i cili paraqiti dhe një paketë propozimesh për të luftuar korrupsionin dhe krimin e organizuar, deklaroi se ato mbeten të hapura për t'u plotësuar apo për t'u hedhur poshtë. "Por, është jetike, është jashtëzakonisht e rëndësishme, që nga ky parlament të dalim me gjera konkrete," tha udhëheqësi i demokratëve. Ndërkaq, kryeministri shqiptar, Fatos Nano, ka mirëpritur këtë propozim të opozitës. "Unë mbetem i vendosur për të bashkëpunuar me institucionet dhe me politikën, me agjencitë e specializuara të shtetit dhe me opozitën, gjithashtu, për të bërë dhe politikën të mbrojtur nga krimi i organizuar, trafiqet dhe interesat që lidhen me para të qelbura," deklaroi Nano. Një grup i përbashkët pune pritet të hartojë rezolutën përkatëse e cila do të votohet të enjten. Media në Tiranë përfundimin e seancës së djeshme të parlamentit shqiptar e konsideron si një fund të lumtur dhe rikthim të dialogut midis Nanos dhe Berishës.
----------------------------------------------------------------------------------

drini.

[REG_KRAY]

Shpresoj qe ta kene seriozisht.

[hope31]

Uroj qe te shkoje gjithshka mbare ne te mire te vendit e te popullit,por ama sa me shpejt.

sinqerisht
hope31

[gonsheshi]

Mendimi im eshte se asgje nuk ka per te ndryshuar,perkundrazi mund edhe te keqesohet!Nuk eshte problemi tek zgjedhja:Sali apo Fatos.Per mendimin tim e gjithe qeveria shqiptare nuk eshte ne rregull.Do te duhej ti pastronim te gjithe qeveritaret e momentit(pozite e opozite)dhe te vendosnim njerez te rinj qe nuk kane pasur te bejne me politiken me pare.Se me Saliun e me Fatosin korrupsioni nuk ka per tu zhdukur ndonje here!!

[drini_në_TR]

Pas tre ditësh arrihet kompromisi. Parlamenti, pak vlerësime dhe shumë kritika për qeverinë

Rezoluta, Kuvendi: “Nano” të luftojë krimin

Miratohet me konsensus dokumenti që shpreh shqetësim për krimin e korrupsionin

TIRANË- Kuvendi miraton rezolutën e përbashkët PS-PD mbi raportin e Komisionit Europian për Shqipërinë. Bashkëpunimi politik mes pozitës dhe opozitës është institucionalizuar dje me miratimin e kësaj rezolute të Kuvendit, në të cilën është përfshirë edhe platforma e paraqitur nga ana e liderit të PD-së, Berisha. Në seancën e djeshme parlamentare, maxhoranca dhe opozita kanë miratuar me konsensus deklaratën e hartuar para fillimit të seancës nga komisioni parlamentar për Politikën e Jashtme. Rezoluta e Kuvendit është miratuar sipas variantit të paraqitur nga komisioni i Jashtëm, pa pësuar asnjë ndryshim. Deklarata e miratuar tashmë, ka shenjestruar qeverinë, e kjo është shprehur në pjesën hyrëse të saj. “Duke vlerësuar progresin realtiv lidhur me stabilitetin politik dhe reformën zgjedhore, duke shprehur shqetësimin për konstatimet në raport, se korrupsioni i përhapur dhe krimi i organizuar janë kërcënues për stabilitetin dhe se progresi i bërë në administratën publike është dëmtuar në disa raste të emërimeve politike dhe nepotike”,-thuhet në pikën e të preambulës së deklaratës. Gjithashtu në të është shprehur edhe për moszbatimin e Kushtetutës për ligjin e pronave. Seanca për këtë çështje, është shoqëruar me debate, ku deputetët e partive të vogla, si Mediu, Dule dhe Tepshi kanë kërkuar që të bëhen disa shtesa, në këndvështrime të ndryshme. Këtyre kërkesave, kryeparlamentari Pëllumbi u ka paraprirë, duke kërkuar konsensusin për miratimin e kësaj rezolute, sipas konsensusit të rënë në komisionin parlamentar të Politikës së Jashtme. Kryerepublikani Mediu ka kërkuar që në pikën pesë të kësaj deklarate të mos i lihej përgjegjësia Presidentit të Republikës, pasi kreu i shtetit nuk ka të drejtë të marrë iniciativa ligjvënëse, si dhe të ndikojë në KLD-në, pasi ka vetëm një votë në dispozicion. Ai ka kërkuar që nisma e Moisiut të ketë mbështetjen e partive politike dhe të Kuvendit. Ndërsa kreu i PBDNJ-së, Dule ka kërkuar që në preambul, tek pika e), çështja e të drejtave të njeriut të trajtohej në një paragraf të veçantë. “Ne të gjithë kemi pretendime për shtesa, por unë kërkoj që të mos ketë ndryshime rezoluta ta miratojmë, ashtu siç është, pasi ajo është arritje e mesme, përndryshe nuk do ta miratojmë asnjëherë”,-kërkoi Bode përpara votimit në seancën e djeshme.
Rezoluta
Bashkëpunimi mes pozitës dhe opozitës është vënë si parësor për çështjen e integrimit dhe të reformës institucionale, si dhe në luftën kundër trafiqeve të gjitha llojeve dhe krimit të organizuar. Brenda një periudhe 2-3 mujore në Kuvend duhet të paraqesë nismat ligjvënëse, duke marrë në konsideratë paketën e paraqitur nga kryetari i PD-së, Berisha. “I kërkon qeverisë dhe forcave politike të përfaqësuara në Kuvend, si dhe institucioneve tjera përkatëse që, mbi bazën e propozimeve konkrete të bëra në Kuvend, veçanërisht nga opozita, brenda një periudhe 2-3 -mujore të marrin të gjitha masat administrative dhe nismat ligjvënëse për zgjidhje të përshpejtuar të çështjeve që lidhen me luftën kundër korrupsionit, krimit të organizuar dhe reformën institucionale, të domosdoshme për shpejtimin e procesit të integrimit të Shqipërisë në BE”,-thuhet në pikën 2 të rezolutës. Në pikën tre të saj, Kuvendi i Shqipërisë i kërkon qeverisë “për konkretizimin dhe intensifikimin e procesit të veprimit në objektivat prioritare si lufta kundër krimit të organizuar, trafiqeve të paligjshme, korrupsionit, sidomos në fushat të sistemit gjyqësor, doganave dhe policisë për të përmbushur objektivat prioritare”. Kuvendi i Shqipërisë u bën apel partive politike që të kontribuojnë në përmirësimin e frymës së dialogut politik dhe të bashkëpunimit institucional, garantimin e stabilitetit politik në vend dhe përfundimin me sukses të procesit të reformës zgjedhore.
Bledar Hoti


Ja 10 pikat e Rezolutës
Kuvendi i Republikës së Shqipërisë:

1. I kërkon qeverisë të shndërrojë Planin Strategjik për Integrimin, në Strategji Kombëtare për Integrimin në Bashkim Europian
2. I kërkon qeverisë dhe forcave politike të përfaqësuara në Kuvend, si dhe institucioneve të tjera përkatëse që, mbi bazën e propozimeve konkrete të bëra në Kuvend, veçanërisht nga opozita, brenda një periudhe 2-3 -mujore të marrin të gjitha masat administrative dhe nismat ligjvënëse për zgjidhje të përshpejtuar të çështjeve që lidhen me luftën kundër korrupsionit, krimit të organizuar dhe reformën institucionale.
3. I kërkon qeverisë dhe institucioneve të tjera konkretizimin dhe intensifikimin e luftës ndaj krimit të organizuar, trafiqeve të paligjshme, korrupsionit, sidomos në fushat kyçe të sistemit gjyqësor, doganave dhe policisë.
4. I kërkojmë qeverisë të prezantojë në Kuvend programin e veprimeve për shpejtimin e reformës strukturore në ndërmarrjet e mëdha dhe ato strategjike, sidomos në sektorin financiar, për përmirësuar legjislacionin tregtar në dobi të forcimit të konkurrencës, minimizimit të ekonomisë informale, për të rritur performancën në sektorët kyç të ekonomisë, si dhe mbledhjen e të ardhurave nga administrata fiskale.
5. Fton Presidentin e Republikës të ndërmarrë nisma konkrete dhe rezultative për reformën në drejtësi me synim garantimin e pavarësisë së pushtetit gjyqësor dhe luftën kundër korrupsionit.
6. Kërkon nga gjyqësori dhe prokuroria të zbatojë me korrektësi ligjin kundër krimit dhe trafiqeve, si dhe të mundësojë dhënien e drejtësisë, sipas ligjit për të gjithë shtetasit.
7. U kërkon institucioneve të tjera kushtetuese, Avokatit të Popullit dhe KLSH-së, të kryejnë detyrat e tyre në forcimin e institucioneve në përputhje me Kushtetutën e Republikës së Shqipërisë dhe legjislacionin në fuqi.
8. U bën apel partive politike të Shqipërisë të kontribuojnë në përmirësimin dhe forcimin e frymës së dialogut politik, bashkëpunmin institucional, garantimin e stabilitetit politik në vend, si dhe përfundimin me sukses të reformës zgjedhore.
9. Nxit përshpejtimin e reformës në administratën publike në përputhje me ligjin “Për shërbimin Civil”, duke forcuar institucionet përgjegjëse, zgjeruar fushën e zbatimit të këtij ligji dhe garantuar zbatimin e kritereve të tij në emërimet në administratë.
10. Rikonfirmon vullnetit për mbështetje legjislative dhe kontroll parlamentar për zbatimin e rekomandimeve të BE-së, veçanërisht në fushën e reformave ekonomike, zgjidhjen ligjore përfundimtare

----------------------------------------------------------------

Pakashumë kërkesat e Berishës po miraton por në një formë të re. Megjithatë është me shumë vlerë fryma jetësore dhe demokratike që po e mbizotëron tani Kuvëndin.

drini.

[drini_në_TR]

PD: Presidenti dhe opozita po luftojnë krimin e organizuar

TIRANE, 21 prill - Partia Demokratike ka përshëndetur qëndrimin e presidentit të Republikës, Alfred Moisiu ndaj luftës kundër krimit të organizuar në Shqipëri. Në një konferencë për shtyp, zëdhënësi i PD Edi Paloka, tha sot se qëndrimi i presidentit është një faktor nxitës dhe tepër pozitiv në punën e organeve të drejtësisë në këtë luftë. "Ne konsiderojmë se është pikërisht ky qëndrim ndaj krimit të organizuar dhe presioni i opozitës, që ka sjellë si pasojë direkte edhe arrestimet e fundit të personave të implikuar në skandalet e trafikut të qënieve njerëzore", tha Paloka. Sipas tij, personat e arrestuar, ishin lënë të lirë vetëm disa ditë më parë nga ministri Rama, ndaj arrestimi i tyre fajëson edhe një herë këtë të fundit për implikim në këtë aferë. PD sulmoi sot ministrin e Rendit Publik Luan Rama edhe për akuzat e tij të fundit ndaj prokurorisë shqiptare dhe policisë italiane.

----------------------

Pak e ngapak makineria e ndryshkur e sistemit tone gjyqsor por fillon te leviz. Duhet vecse vajosur pak, dhe te rihidhet ne pune. Kjo do t'na sjell te tere miresine, dhe si rrjedhim, nje bashkim te trojeve tona.

drini.