Emërimet partiake në administratë: Ja si "Rilindasit" punësojnë militantët e tyre

[Albo]

Skandal në arsim. Zbulohet lista me qindra emërime partiake



Pak ditë pasi lapsi.al zbuloi skandalin e emërimeve partiake në tatime, një skandal i ngjashëm është zbuluar edhe në arsim. Listat e mëposhtme dëshmon se si emërohen mësuesit në Lushnje. Janë propozime të ardhura nga deputetë të PS e LSI dhe përfaqësues të këtyre partive në qeveri. Ky dokument, sipas PD –së së Lushnjës, provon se 169 mësues janë futur në punë në këtë qytet me rekomandime të deputëteve dhe përfaqësuesve të mazhorancës vetëm gjatë periudhës dhjetor 2013 – maj 2014. Petrit Vasili i LSI ka bërë 38 emërime.

Bujar Çela i PS 29 emërime, Arben Çuko i PS 26 emërime, Erion Braçe i PS ka emëruar 17 mësues, Nora Malaj, zëvendësministre e arsimit (LSI) ka bërë 3 emërime. Nuk i mungon listës edhe deputeti i PS, Taulant Balla, i cili sipas dokumenteve të publikuara pak ditë më parë nga lapsi.al kryesonte emërimet në administratën tatimore. Figurojnë edhe emrat e Vasilika Hysit, deputete e PS dhe të disa kryetarëve dhe ish kryetarëve të komunave të majta në Lushnje. Të gjitha kërkesat rezulton se ata ia kishin paraqitur ish -drejtoreshës së Arsimit, Luiza Tabakut, të arrestuar në nëntor të vitit 2014 për korrupsion, pasi u merrte para mësuesve për t'i emëruar.

Arrestimi i saj dhe dokumentet e mëposhtme janë provë se sa janë marrë në konsideratë kriteret për emërimet e arsimtarëve, kur nga njëra anë pushtetarët dërgojnë lista partiake dhe nga ana tjetër drejtoresha merrte para' për të emëruar pjesën tjetër.






Lapsi

[Albo]

Gjeni emrin tuaj ne liste:





Lapsi

[Albo]

Lista e skandalit/Ja emrat e deputetëve socialistë që emërojnë njerëzit e tyre në tatime



Një skandal i vërtetë është zbuluar sot nga lapsi.al. Megjithëse është folur shumë për mënyrën se si rekrutohen njerzit në administratën socialiste, ne sot kemi arritur të gjejmë dokumentin që provon mënyrën abuzive jashtë cdo profesionalizmi dhe me tesër partiake se si futen njerzit në punë.

Dokumenti që ne kemi në duar është një listë e drejtorisë së tatimeve, ku "vajza që po sakrifikon për të bërë shtet" rekruton me urdhër partie.

Aty gjenden plot 372 vetë të "mbështetur" nga deputetë socialistë. Natyrisht ashtu silurse pritej numrin më të madh të emërimeve e ka bërë "Flamuri" i PS-së, Taulant Balla, me plot 80 emërime.

Pas tij vjen LSI-ja me 62 të tilla, kreu i bashkisë se Durrësit, që pasi ka kapur OSSHE-në ka sugjeruar 13 emerime dhe Koco Kokëdhima me 8 të tilla.

Kjo listë është hartuar që këta njerëz të shihen me sy të mirë dhe ndaj tyre mos merren masa apo të pushohen nga puna për shkeljet që bëjnë.

Ne shkrimet poshte emrat e tjere me faksimile. (Lista e plote)



Lapsi

[Albo]

Lista e plotë me 160 të punësuarit e parë nga deputetët (vijon)





Tani po japim 160 emrat e parë të listës me punonjës të drejtorisë së tatimeve të sugjeruar dhe të mbështetur (nuk mund të themi duke dhënë ryshfet) nga deputetët e shumicës, për të filluar punë. E vecanta është se përpos njerëzve të futur nga Taulant Balla, Dako, Kokëdhima dhe LSI- a që kanë bërë më shumë emërime bie në sy se partia e Ilir Metës në shumë raste ka ndërhyrë që njerzit të mos hiqen nga puna. Pra të qëndrojnë në poste ata që ka sistemuar që nga koha e qeverisjes Berisha. Interesant janë edhe ata që kanë mbështetjen e Taulant ballës dhe Monika Kryemadhit sëbashku (më të blinduarit). Një kategori tjetër është ajo e atyre që janë larguar dhe tani që janë rikthyer duhen ruajtur me kujdes si monumente partie. Nga ana tjetër ka dhe nga ata që janë rikthyer se kanë fituar gjyqin dhe kanë mbështetjen e PS-së. Kjo listë është hartuar për të mos penalizuar nga shefat apo për të mos pushuar nga puna punonjësit e mbrojtur ......(Pas pak emrat e tjere)

Lapsi

[Albo]

Reagon Briseida e Tatimeve për emërimet politike: Lista është e sajuar!



Reagimi i Briseida Shehajt për listën me tatimorët e emëruar nga partitë politike, që u publikua nga Lapsi.al, erdhi pas konferencës për shtyp të kreut të Partise Demokratike, Lulzim Bashës. Sipas njoftimit për shtyp, lista së cilës iu referua Basha është e sajuar. “Shumë nga emrat e përgojuar prej zotit Basha nuk kanë asnjë lidhje me punën tonë” thuhet në njoftim, duke iu referuar deputetëve e shënuar në listë, si njerëzit që i kanë emëruar në punë.


Deklarata e plotë e Drejtorisë së Tatimeve

Drejtoria e Përgjithshme e Tatimeve shpreh keqardhjen më të thellë për lumin e shpifjeve që lëshoi sot në adresën e Administratës Tatimore, kryetari i Partisë Demokratike.

Zoti Basha doli me një listë të sajuar emrash, të cilët sipas tij janë emëruar në Administratën Tatimore në bazë të kërkesave të partive të koalicionit. Me siguri kryetari i PD nuk e ka marr vesh akoma se ne, Drejtoria e Përgjithshme e Tatimeve, nuk kryen emerime punonjësish prej fillimit të vitit 2014. Çdokush që punësohet në këtë drejtori, kalon përmes konkurseve të Departamentit të Administratës Publike, të cilat monitorohen nga Bashkimi Europian.

Komisioni Europian nga ana e tij e vlerëson me nota shumë pozitive këtë proces dhe ndryshe nga kryetari i PD që përgojon e denigron gjithëkënd, ka shprehur vazhdimisht konsiderata të veçanta për rekrutimet në Administratën tonë, ashtu sikundër edhe FMN e Banka Botërore. Koha e politizimit të Administratës Tatimore ka marrë fund dhe përpjekja jonë drejt rritjes së profesionalizmit të kësaj administrate është e përditshme, edhe falë mbështetjes së institucioneve ndërkombëtare.

Drejtoria e Përgjithshme e Tatimeve konfirmon me përgjegjësi të plotë se shumë nga emrat e përgojuar prej zotit Basha nuk kanë asnjë lidhje me punën tonë, ndërkohë që plot nga tatimorët që sipas tij janë punësuar nga partitë, në fakt janë larguar nga puna në këtë drejtori për shkelje ligjore e administrative të llojeve të ndryshme.

Prandaj, Drejtoria e Përgjithshme e Tatimeve e sheh me vend t'i bëjë apel kryetarit të opozitës që të heqë dorë nga fjalori i rrugës dhe nga sharjet e shpifjet vulgare të cilat nuk janë në kodin etik të asnjë familjeje e qytetari normal të Republikës së Shqipërisë. Ne mirëpresim çdo kritikë nga kushdo dhe zoti Basha duhet ta bëjë detyrën e tij duke na kritikuar në emër të qytetarëve, jo duke na hedhur baltë si të ishte përfaqësues i kundërshtarëve të betuar të ligjit, të moralit qytetar dhe të normave më elementare të komunikimit njerëzor.

Faleminderit !



Lapsi

[Ronierjoni]

po ti qenke nga ato sekseret e VEFAs ta paska gjet venin Lul Kurvicka, nuk ke faj ce do shtetin ti !? ngri dy gishtat perpjete dhe prit zgjedhjet ate pune te kane lene

[Albo]

Dokumenti konfidencial: Deputetët e PS-së që bëjnë emërime në burgje

Partia Demokratike ka publikuar sot një listë të punësimeve në drejtorinë e Burgjeve dhe emrat e deputetëve të PS-së, që i kanë bërë këto ‘propozime’.

Kreu i Departamentit të Rendit dhe Sigurisë, Enkelejd Alibeaj tha në një konferencë për shtyp se “Edi Rama thotë se po bën shtet, dhe ka ardhur për të bërë shtet jo për të punësuar njerëzit në shtet. Kjo sigurisht është një prej gënjeshtrave e mashtrimeve të koleksionit të tij. Ai në fakt është në krye të një shteti të korruptuar, kriminal, një ngrehine me lidhje nepotike, ku në punë të fut vetëm paraja dhe njohja me deputetin e ministrin.

Deputetët që kanë bërë punësimet në burgje

Në 6 raste, sekseri është Saimir Tahiri.

Në 11 raste, sekseri është Fatmir Xhafaj.

Në 6 raste, sekseri është ministrja kushërirë, Milena Harito.

Në 5 raste, sekseri është Ditmir Bushati

Në 4 raste, sekserja është Lindita Nikolla

Në 6 raste, sekseri është Rakip Suli.

Në 4 raste, sekseri është Sadri Abazi.

Në 7 raste, sekserja është Vasilika Hysi

Në 6 raste, sekseri është Besnik Bare.

Në 7 raste, sekseri është Pandeli Majko







Panorama

[Albo]

Skandali i punësimeve të militantëve në administratë. Zv/drejtori i Burgjeve, letër Ramës: LSI s'respekton marrëveshjen

Punësimet partiake në administratë nuk janë fantazi siç përpiqen t’i paraqesin Edi Rama me ministrat apo deputetët e tij besnikë. Lista të punësuarish me kërkesë të deputetëve apo ministrave janë publikuar disa herë. Dy prej tyre janë botuar ekskluzivisht në lapsi.al (lexo në rubrikën lajme). Sot PD publikoi një tjetër dokument që e vërteton këtë fakt. Bëhet fjalë për një letër konfidenciale që nëndrejtori i Përgjithshëm i Burgjeve, Bledar Skënderi i dërgon Edi Ramës. Ai e njofton kryeministrin për faktin se LSI, që ka Drejtorin e Përgjithshëm të Burgjeve dhe Ministrinë e Drejtësisë nga varet kjo drejtori, nuk po e respekton marrëveshjen për ndarjen e pushtetit.

Sipas Skënderit, nga tetori i vitit 2013 e deri në gushtin e 2014, nga 762 emërime, vetëm 300 i ka bërë partia socialiste, ndërsa 462 i ka bërë LSI.

Ai i ankohet kryeministrit se disa drejtorë burgjesh, punësojnë njerëz sipas dëshirave të tyre dhe nuk marrin në considerate listën zyrtare me emra që i ka çuar Partia Socialiste.

“Në përgjithësi të gjitha emërimet në stafet drejtuese të policisë së burgjeve (shefa policie dhe oficerë) janë marë nga jashtë sistemit, njerëz jo me formimin e duhur profesional dhe kjo po cënon rëndë sigurinë në këto institucione”, shprehet zëvendësdrejtori i Përgjithshëm i Burgjeve.

Ai i sugjeron kryeministrit që Partia Socialiste të marrë nën drejtim burgun e Fierit pasi aty ka 700 vende pune.

Një ditë më parë lapsi.al publikoi dy e-maile të Ministres së Inovacionit, Milena Harito dhe nënkryetarit të Grupit Parlamentar të PS, Taulant Balla, që tregojnë se Edi Rama dhe të tijët jo vetëm nuk kanë mundur ta depolitizojnë administratën, por e kanë politizuar atë më shumë me militant partiakë.

Balla dhe Harito u rekomandojnë deputetëve socialistë, drejtues qarqesh të ndryshme, se si t’i rekrutojnë militantët në sistemin e Administratës Publike dhe t’i vënë ata në funksion të zgjedhjeve lokale.

Balla dhe Harito u këshillojnë disa deputetëve që të vendosin në zyrat elektorale persona që të administrojnë dhe instruktojnë njerëzit e PS që të aplikojnë pë t'u futur në poste të administratës pubilke, duke e shndërruar kështu në farsë garën dhe meritokracinë.








Lapsi

[Qyfyre]

po pse per ca dalin njerzit neper mitingje?

Deri dje ishte parajs Shqiperia per demokratet e forumit. Sot qe i kan heq nga puna vetem ankesa ka. Socialistet e forumit nuk degjohen me tani se kan zen pun, jan ne ndonje zyr.

[Albo]

po pse per ca dalin njerzit neper mitingje?

Deri dje ishte parajs Shqiperia per demokratet e forumit. Sot qe i kan heq nga puna vetem ankesa ka. Socialistet e forumit nuk degjohen me tani se kan zen pun, jan ne ndonje zyr.

Or ti deputeti nga Skrapari!

Ne socialistat nuk futemi te shkruajme ne forum, e kafshojme gjuhen dhe e kemi bere cope, se na genjeu shoku Rama. Na premtoi 300,000 vende te reja pune ne shtet, si ne kohen e shokut Enver, dhe nuk na hapi asnje. Edhe ato vende qe leshuan demokratet, i moren njerezit e Ilir Metes.

Po ne prape se prapi nuk e shajme as Partine, as shokun Rama!

Do dalim te protestojme me vete, jo me demokratet, kunder Ilir Metes!

Shoku Rama le ta beje vella, po ne nuk e bejme vella ate qen bir qeni qe ha buke ne cdo sistem!

Albo