Biznesi i vdekjes, varrezat private : Qeveria i jep 80 ha tokë deputetit socialist

[Albo]

Rama 80 hektarë tokë shtetërore për vëllain e deputetit/ Dokumentet



Cara është përfitues i 80 hektarëve toke shtetërore në Paskuqan.

Ka qenë një vendim i Majit të këtij viti nga qeveria shqiptare, ai që ka përcaktuar se 80 hektarë tokë, do i kalojnë për administrim kompanisë “VEBO Invest”, ndërsa kjo e fundit presupozohet se do të nisë aty ndërtimin e një varreze private, citon portali ‘Hashtagalbania’.

Në kompaninë “Vebo Invest” rezultojnë bashkëpronarë dy shtetas italianë së bashku me vëllain e deputetit socialist Parid Cara, shtetasi Besim Cara.
Me firmën e kryetarit të qeverisë, Edi Rama, është autorizuar Ministria e Zhvillimit Urban e drejtuar nga Eglantina Gjermeni, për të lidhur kontratën me këtë kompani.

Portali shprehet se kërkoi informacion pranë kësaj ministrie disa ditë më parë por ministria nuk ofroi informacion në lidhje me këtë kontratë.
Duket se ka qenë kompania private ajo që ka bërë kërkesën tek Ministria e Zhvillimit Urban për shfrytëzimin e 80 hektarëve tokë në Paskuqan për ndërtimin e varrezës private.





Më pas ministria ka ndryshuar ligjin “Për Shërbimin Publik të Varrezave” ku me ligj është dhënë hapësira për operimin e kompanive private në këtë shërbim. Pasi është bërë gati dhe ligji, ministria i ka kërkuar leje në Këshillit të Ministrave për të lidhur kontratë me kompaninë e vëllait të deputetit socialist Parid Cara.

Por ka ende aspekte të rëndësishme të pazbardhura sidomos mbi mënyrën e operimit të kompanisë dhe përfitimit monetar.

Në ndryshimet ligjore që ka bërë qeveria në ligjin “Për Shërbimin Publik të Varrezave” këto lloj kontratash nuk konsiderohen si koncesione, por si kontrata ekskluzive, madje ky ligj përcakton se këto kontrata mund të përfitohen pa garë dhe pa tender.

Por gjithsesi ato mbeten kontrata publike dhe në rastin konkret bëhet fjalë për shfrytëzimin e plot 80 hektarëve tokë publike në periferi të Tiranës dhe kalimi i këtij shërbimi tek vëllai i një deputeti socialist duket si një konflikt interesi flagrant dhe favorizim.

Syri

[Albo]

Besim Cara: Toka s'është dhuratë tërhiqem, Paridi: Fajtor që e lejova



Besim Cara vëllai i deputetit Parid Cara kompanisë së të cilit sipas një vendimi qeverie i është dhënë një hapësirë prej 80 ha tokë për ndërtimin e varrezave private në Paskuqan ka thënë toka ne fjale "nuk është dhurate për mua, por një truall i vënë në dispozicion ligjërisht nga qeveria (jo nga Edi Rama) per te investuar për një shërbim dinjitoz qe njerëzve sot ne Shqipëri u mungon totalisht- shprehet ai

“Nëse për mediat shqiptare jam fajtor qe im vëlla është deputet, kjo nuk me bën fajtor mua po tregon mentalitetin e tyre. Ne këtë jetë askush nuk me ka dhuruar asgjë dhe toka ne fjale nuk është dhurate për mua, por një truall i vënë në dispozicion ligjërisht nga qeveria (jo nga Edi Rama) per te investuar për një shërbim dinjitoz qe njerëzve sot ne Shqipëri u mungon totalisht. Ndërkohe që të vdekurit sot në vendin tonë varrosen njëri mbi tjetrin dhe te gjesh një varr është bërë si të gjesh flori, politika megjithë media nuk lënë ide biznesi dhe biznesmen të suksesshem pa u munduar ta varrosin per se gjalli” – shkruan Cara në një reagim për mediat

Më pasi ai thotë se u udhëhoq nga dëshira për të bërë diçka të mirë, por pa cenuar punën e vëllait që është në politikë madje hprehet se gjithcka ai gëzon e ka falë punës së bërë në emigracion prej shumë vitesh dhe sot ai ka partner në Kanada dhe SHBA në fushën e funeraleve.

“Prandaj me keqardhje i kam lajmëruar menjëherë ortaket e mi se do te tërhiqem menjëherë bashke me kuotat e mia dhe i kam sugjeruar te tërhiqen edhe ata. Sepse te investosh ne Shqiperi duhet te përballesh jo vetëm me sfidën si investitor po edhe me stresin e tepër psikologjik mbi gjithë familjen, përderisa kush shpif me paratë e popullit quhet politikan apo gazetar dhe kush investon paratë e veta quhet keqbërës dhe hajdut. I pafte hajrin ai popull njerëzve qe i tregojnë përralla me gogolë!” – e mbyll reagimin e tij Besim Cara, vëllai i deputetit socialist.

Parid Cara: Fajtor pse se ndalova
Lidhur me akuzat për varrezat private në Paskuqan ka reguar edhe deputeti Parid Cara. “Ndjehem fajtor pse nuk e ndalova vellain tim te vinte. Por perkundrazi e inkurajova te provonte te sillte ketu eksperiencen e Sherbimit Funeral Privat me cikel te plote qe ortaket e tij italiane e kane prej vitesh ne Amerike”, - thuhet në reagimin e deputetit të Partisë Socialiste Parid Cara.

Disa media online, akuzuan tim vella per nje investim qe deshironte te bente ne Shqiperi me ortaket e tij italiane. Ndjehem fajtor pse nuk e ndalova vellain tim te vinte. Por perkundrazi e inkurajova te provonte te sillte ketu eksperiencen e Sherbimit Funeral Privat me cikel te plote qe ortaket e tij italiane e kane prej vitesh ne Amerike etj. Ndjehem fajtor sepse nuk e mora dot me mend atehere gati dy vjet me pare se hallalli do t"i behej harram siç ndodhi! Kam ardhur te mbeshtes Partine Socialiste dhe Edi Ramen ne rrugen per Rilindjen e vendit sepse une mendoj dhe besoj se ky eshte drejtimi i duhur. Po ne kete drejtim kam dy vjet qe perjetoj nje stres dhe shqetesime te papara nga cfare ndodh ketu me njerezit qe punojne dhe duan te bejne dicka ne politike ne biznes ne jete. Nje tmerr i vertete thashethemesh shpifjesh e poshtersish kudo ku ka nje kafene! Kurse parlamenti kafeneja me e shpifur e Shqiperise ku shkoj sikur shkoj ne tortura! Po edhe mediat nuk ngelen mbrapa.

Pergojohen njerez qe punojne, kryqezohen publikisht njerez qe perpiqen t'i levizin gjerat per mire. Shahen me liber shtepie njerez qe bejne diferencen ne dac ne qeveri ne dac ne komunitet si deputete te thjeshte ne dac ne biznes si shqiptare ne pune te tyre qe sapo bejne nje gje shpallen kriminele! Im vella sot e la investimin ne Shqiperi dhe une i kerkoj ndjese edhe kolegeve te mi qe u bera sebep per nje akuze tjeter te piset. Te jetosh sot ne Shqiperi dhe te duash te dallohesh duhet ta kesh bere mire llogarine me sasine e baltes qe mund te mbash mbi supe. Une po mesoj ta bej edhe pse me kosto te larte personale shoqerore familjare. Jam shume i vogel dhe i parendesishem per te bere deklarata te medha po nje gje e them me force: Sot jam me shume se kurre me Edi Ramen dhe Partine Socialiste sepse alternativa eshte shkaterrim i vendit dhe dinjitetit njerezor"-shkruan Cara

Shqiptarja

[SERAFIM DILO]

Edhe varrezat private ! Ore, perveç bunkerit ne qender a ka ndonje gje shteterore ne ate vend ?

Se u bem vend per estrade,mjeksia private,shkolla private,varrezat private.....Edhe i kemi private por te financuara nga shteti. Shtet qe vjedh vetveten.

[Ciarli]

Vend varri apo vendi i prehjes eshte edhe me rendesi spirituale po ashtu. Psh nje varr jashte shtetit te ben pergjithnje te huaj ne jete te tjera, apo varri me koke nga juglindja te jep nje mundesi per tu bere besimtar ndonjehere tjeter...

[Qyfyre]

Qe te kete varreza private nuk eshte problem, po problemi eshte qe i fiton vellai deputetit te drejtat per ta marre token. Gjynaf qe i paska ngelur hatri nga menyra si e kan trajtuar mediat.