Kolektivizimi: Qeveria e Rilindjes i bllokon llogaritë bankare Bankers Petrolium

[Albo]

Tatimet i bllokojnë llogarinë, Bankers Petroleum çon Shqipërinë në arbitrazh



Qeveria shqiptare do të duhet të përballet me një tjetër kompani.
Bankers Petroleum me anë të një njoftimi ka lajmëruar se ka apeluar në arbitrazhin ndërkombëtar, pretendimin e Tatim Taksave që Bankers duhet të paguajë 75 milionë dollarë taksa
Vendimi i Bankers Petroleum vjen një ditë pasi Departamenti i Taksave ka vendosur të bllokojë llogaritë e kompanisë së naftës.
Në njoftim thuhet se “Bankers Petroleum Ltd. ka aplikuar për një vendim bllokimi në Dhomën Ndërkombëtare të Tregëtisë (ICC) për të siguruar mbrojtje ndaj zbatimit të vlerësimit mbi taksat i bërë publik më parë, deri në arritjen e një konkluzioni nga një palë e tretë audituese ndërkombëtare, siç është rënë dakord.”
Bankers thotë se një masë e tillë është vijueshmëri e fazës paraprake të aplikimit
“Më 19 nëntor, 2015, Bankers ka marrë njoftimin se departamenti i taksave shqiptare ka pezulluar përdorimin e llogarive bankare shqiptare të kompanisë që përdoren për të paguar furnizuesit lokalë në një përpjekje për të mbledhur një shumë prej 75 milionë dollarësh, një shumë e rritur kundrejt vlerësimit të deklaruar, prej 57 milionë dollarësh, për shkak të interesit dhe gjobave të aplikuara.
Bankers nuk mban një ekuilibër të rëndësishëm në llogaritë e tij bankare shqiptare dhe aktiviteti në fushë në Shqipëri vazhdon si zakonisht. Edhe pse nuk ka një njoftim formal mbi lëshimin e ndonjë vendimi nga gjykata e apelit shqiptare, Bankers supozon se gjykata e apelit shqiptare ka hedhur poshtë urdhrin e gjykatës shqiptare të lëshuar më 1 tetor, 2015. Vijueshmëria e procesit të auditimit ndërkombëtar nga pala e tretë vazhdon në përputhje me Termat e Referencës të nënshkruara më 25 Shtator 2015 me Agjensinë Kombëtare e Burimeve Natyrore (AKBN).
Po ashtu në njoftim thuhet se “Një urdhër i ICC-së do të lejojë që procesi në tërësi të trajtohet në mënyrë të pavarur, në përputhje me parimet e pranueshme ndërkombëtare.
Bankers e mbyll njoftimin e saj duke deklaruar se pret që qeveria shqiptare do të pajtohet me çdo vendim ndërkombëtar dhe do të mbështesë rezultatin e procesit të auditimit të palës së tretë.”

ORA NEWS

[Albo]

Vendimi, Gjykata e Arbitrazhit në favor të Bankers: Heq pezullimin e llogarive bankare



Kompania kanadeze Bankers Petrolium ka fituar betejën e parë me shtetin shqiptar. Gjykata e Arbitrazhit Ndërkombëtar ka urdhëruar zhbllokimin e llogarive bankare të kompanisë, ndërsa ndalon Drejtorinë e Tatimeve që deri në një vendim të dytë të mbledhin me forcë detyrimin e pretenduar prej 75 milionë dollarë.
Gjykata e Arbitrazhit ndërkombëtar ka hequr pezullimin e llogarive bankare të Bankers Petrolium, duke e kosnideruar të paligjshëm vendimin e Drejtorisë së Tatimeve.
Ky vendim detyron Tatimet të zhbllokojnë menjëherë llogaritë e kompanisë kanadeze, ndërsa ndalon deri në një vendim të dytë që Tatimet të mbledhin me forcë detyrimin e pretenduar prej 75 milionë dollarë nga “Bankers”.
Sipas vendimit kjo masë sigurimi do të mbetet në fuqi deri në momentin që Gjykata e Arbitrazhit të vendosë ndryshe.
Kompania Bankers Petrolium do të paraqesë një kërkesë për një masë sigurimi afatgjatë që do të dëgjohet nga Gjykata e Abritrazhit Ndërkombëtar në javët e ardhshme.
Aktualisht në këtë kompani vijon proçesi i auditimit ndërkombëtar për kostot e rikuperueshme nga pala e tretë pas marrëveshjes së bërë midis kompanisë me Agjencinë Kombëtare të Burimeve Natyrore (AKBN) dhe Ministrinë e Energjisë dhe Industrisë.
Më 19 nëntor 2015, Bankers ka marrë njoftimin se Drejtoria e Tatimeve shqiptare pezulloi përdorimin e llogarive bankare shqiptare të shoqërisë në një përpjekje për të mbledhur një shumë prej 75 milionë dollarë.
Sipas autoriteteve shqiptare, kompania kishte shmangur pagesën e taksave prandaj duhet të kryente pagesën e caktuar.
Por Bankers Petroleum e konsideroi vendimin të padrejtë dhe u ankua në Gjykatën Administrative, e cila vendosi në favor të Tatimeve.
Pas kësaj, Bankers Petroleum e çoi çështjen në Gjykatën e Abritazhit Ndërkombëtar ku fitoi edhe betejën e parë me shtetin shqiptar.

ORA NEWS

[Albo]

Moszhbllokimi i llogarive, Bankers Petroleum paralajmëron ndërprerjen e aktivitetit në Patos-Marinzë



Kompania Bankers Petroleum denoncon qeverinë shqiptare se nuk ka nisur zbatimin e vendimit të arbitrazhit për zhbllokim të llogarive bankare, dhe paralajmëron se do të ndërpresë aktivitetin e saj në fushën e naftës në Patos-Marinzë.
Me anë të njoftimi për mediat, kjo kompani thotë është e detyruar të konsiderojë një reduktim deri në ndalim të operacioneve të saj në Shqipëri pasi bllokimi i llogarive bankare do të fillojë të kufizojë aftësinë e saj për të paguar kontraktorët të huaj dhe vendas, mallrat që importon, dhe eksportin e naftës.
Bankers flet edhe për kufizime që ka hasur gjatë kësaj periudhe per eksportin e naftës.
“Javën e kaluar kompania përfundoi pagesën e tatimit për rentën minerare për një anije eksporti nafte, duke liruar hapësirë në magazinimin në port por ky eksport u kufizua në 85% të kapacitetit, si rezultat i fondeve të kufizuara për të paguar rentën minerare pasi vlera tejkalonte aftësitë paguese të shoqërisë. Me bllokimin e llogarive të saj bankare shqiptare, shoqëria nuk ka aftësi financiare për të paguar taksat për eksport, çka mund të detyrojë shoqërinë që të reduktojë prodhimin nga fundi i kësaj jave, pasi magazinimi arrin kapacitetin maksimal”, thuhet më tej në reagimin e kompanisë.
Më tej, kjo e fundit shpreson që qeveria të zbatojë urdhrin për të vazhduar më pas me pjesëmarrjen në procesin e Gjykatës së Arbitrazhit.

ORA NEWS

[Albo]

Edi Rama i shpall luftë Bankers Petroleum. “Bindjuni rregullave tona ose ikni, pasuritë e Shqipërisë janë të shqiptarëve”



Duket se Qeveria Shqiptare po shkon drejt një përballjë të re në Arbitrazh, dhe kësaj here me shumë gjasë, përballë të do të ketë kanadezët e Bankers Petroleum. Qeveria shqiptare përmes një njoftimi për mediat ka reaguar kundër kompanisë së naftës British Petroleum, duke u shprehur se pavarësisht kërcënimeve do t’i qëndrojë deri në fund vendimit të saj.

Në njoftimin e Qeverisë shqiptare e cila është përforcuar edhe nga vetë Kryeministri Edi Rama thuhet: “Qeveria e Shqipërisë është e ndërgjegjshme për kërcënimet e bëra nga Bankers Petroleum Ltd. për të mbyllur apo reduktuar aktivitetin në zonën naftëmbajtëse të Patos-Marinzës. Teksa qeveria mirëpret partnerët e huaj apo vendas, pasuritë kombëtare të Shqipërisë janë një pasuri e të gjithë shqiptarëve dhe nuk mund të keqpërdoren ose të përdoren si kërcënim ndaj vendit. Të gjithë kompanitë që punojnë në Shqipëri, qofshin të huaja apo vendase, duhet t’i bindet rregulloreve dhe ligjeve në fuqi në Republikën e Shqipërisë”.

Ky është një paralajmërim konkret i Qeverisë shqiptare e cila duket se është e gatshme ti përzërë një orë e më parë kanadezët dhe kompaninë e tyre në Shqipëri. Historia e Bankers Petroleum në Shqipëri nuk është aspak një histori e një kompanie që i përdori me rigorozitet pasuritë që iu besuan në Patoz-Marinëz, sidomos me shpërthimet e fundit në këto zona që dëmtuan qindra shtëpi të banorëve dhe u kthye në një problem serioz social për imazhin e Qeverisë dhe që ende nuk ka marrë një zgjidhje konkrete ashtu siç u anagazhua vetë Bankers.

Por një tjetër problem që lind në këtë pikë, në rast hipotetik të largimit të Bankers Petroleum nga Shqipëria do të ishte nisma ligjore e kompanisë për të cuar në Gjykatën e Arbitrazhit Shqipërinë dhe historia e këtyre përballjeve nuk është aspak në favorin e shqiptarëve nëse i referohemi qoftë çështjes me Rapiscan dhe më flagrantja nga të gjitha, ajo e çështjes CEZ. Mbetet për tu parë sesi do të menaxhohet kjo situatë nga Qeveria shqiptare gjatë ditëve në vazhdim.

Syri

[Albo]

O shoku Rama!

Perziri keta kanadezet nga puset tona te naftes, e jepja shokut Koco Kokedhima!

Ke per te pare se si ka per ti shfrytezuar shoku Koco keto puset! Apo nuk ka eksperience ai ne industrine e naftes! Ore lume dollaresh e eurosh do te derdhen ne llogarine e bankes se 2-koq*-shtetit.

Albo

[Albo]

Vetem ti o shoku Rama ne Shqiperi dhe shoku Çavez ne Venezuele i keni shtetezuar puset e naftes. Shoku Cavez vdiq, keshtu qe ke ngelur vetem ti qe ta mbash revolucionin e idealin gjalle.

Albo

[Vinjol]

O shoku Rama!

Perziri keta kanadezet nga puset tona te naftes, e jepja shokut Koco Kokedhima!

Ke per te pare se si ka per ti shfrytezuar shoku Koco keto puset! Apo nuk ka eksperience ai ne industrine e naftes! Ore lume dollaresh e eurosh do te derdhen ne llogarine e bankes se 2-koq*-shtetit.

Albo

O ti zoteri mos u shpreh keq kundrejt Koco Kokdhimit
Sepse ne mes te fierit po planifikon te ngreje Nji Pallat 25 Katsh
Ato te naftes i ka pasur me kohe ai ato burimet e tij
dhe Ndertimin e Kazinose ndermjet fierit dhe vlores e ka cuar planin deri ne gjys ndersa sarajet e tij hotelet etj qe ka ne vlore i kane ncjerre edhe neper f,b

[Qyfyre]

E provoi dhe qeveria e kaluar te bej sipas qejfit me kompanite e huaja dhe nuk perfundoi mire. Dhe kesaj rradhe besoj do ket te njejtin perfundim. Ka gjykata nderkombetare per keto pune ku nuk i korrupton dot kollaj gjykatesit.

[Qyfyre]

http://www.reuters.com/article/2015/12/01/bankers-petrol-albania-idUSL8N13Q4XF20151201#SlxYZEyQO62WDRWz.97

[mesia4ever]

Vetem ti o shoku Rama ne Shqiperi dhe shoku Çavez ne Venezuele i keni shtetezuar puset e naftes. Shoku Cavez vdiq, keshtu qe ke ngelur vetem ti qe ta mbash revolucionin e idealin gjalle.

Albo

Jo je gabim sepse ne plot shtete pasurite natyrore jane prone e shtetit dhe popullit perkates. Por edhe nese lejohen qe kompanite private te privatizojne puset e naftes atehere ato kompani megjithate paguajne tatim. Rama po mundohet te permiresoje gabimet e qeverive paraprake qe benin gjithfare marreveshjesh ne dem te popullit e shtetit per te mbushur gjepat e tyre. Tani ndodhe nje krim i pa pare. Shqiptaret detyrohen te lene vendin e tyre per shkak te fukarallekut e detyrohen te flene ne kampet e refugjateve ne perendim, ndersa kompanite e huaja pasurohen me pasurine tone. Kjo eshte sikur te ia ngulesh vetes thiken.