Opozita: Protestë masive në 8 dhjetor për të rrëzuar Rilindjen e Mafies!

[Albo]

Zbulohet SMS-ja e Bashës dërguar demokratëve për protestën



Kreu i PD-së, Lulzim Basha u ka dërguar të gjithë anëtarëve të Partisë Demokratike një sms ku bën thirrje për pjesëmarrje në protestën e nesërme, më 8 dhjetor.

“Ti që je pa punë, ti që nuk siguron dot bukën e fëmijëve, ti që nuk kurohesh dot në spital, ti që terrorizohesh për kuponin, dritat dhe ujin, ti që nuk shet dot prodhimet e tua, ti që mbyll qepenin, ti që vidhesh dhe poshtërohesh, ti që mbitaksohesh, është koha të protestosh bashkë me ne”, shkruan Basha.

“Më 8 dhjetor, ora 11 në sheshin “Skënderbej”, për t’i treguar kësaj bande hajdutësh se durimi ynë ka mbaruar! Duam një rrugë të re për Shqipërinë! Lulzim Basha”, mbyllet mesazhi.

Basha thumbon Ramën: S’pastron dot hundën e vet, jo më Shqipërinë

Kreu i Partisë Demokratike, Lulzim Basha foli ditën e sotme gjatë prezantimit të Belind Këlliçit në krye të FRPD-së.

Basha ironizoi kreun e qeverisë, i cili paralelisht po zhvillonte fushatën e tij qeveritare në Elbasan, nën moton “Të pastrojmë më tej Shqipërinë”.

“Edhe sot, pashë kur po vija këtu se ekranet i kishte zënë kokoshi. E pashë që po i rridhnin hundët, dhe ky që kërkon të pastrojë Shqipërinë, nuk pastron dot as hundën e tij”, tha Basha, duke ironizuar Ramën, i cili sot në Elbasan u shfaq disi i ftohur.

“Kush do ta pastrojë Shqipërinë, ai që e bëri pis me aleancën e krimit?! Ky e bëri mis Shqipërinë me mashtrimet e tij.

Ky e bëri pis Shqipërinë me aleancën e tij që mban në këmbë korrupsionin me Ilir Metën”, vijoi Basha më tej.

Kreu i PD-së vlerësoi si demokratike garën për kreun e FRPD-së, si edhe bëri edhe një herë thirrje për protestën e ditës së nesërme.

Panorama

[Albo]

Thirrja për 8 dhjetor, Basha ftesë rinisë: Nesër Dhjetori i dytë, merrni në dorë fatet e vendit



Kreu i opozitës, Lulzim Basha, ka ftuar qytetarët shqiptarë ti bashkohen marshimit të nesërm të Partisë Demokratike, në orën 11:00 në sheshin “Skënderbej”.Sikundër në çdo protestë tjetër, Basha forcën e sheh tek rinia demokrate dhe rinia shqiptare. Andaj ftesa për ta ishte e qartë: Merrni në dorë fatet e vendit!
Kryetari i Partisë Demokratike, Lulzim Basha, takoi pasditen e sotme të rinjtë demokratë nga ku bëri thirrjen e fundit ndaj shqiptarëve për tu bashkuar në protestën e 8 dhjetorit për largimin e qeverisë Rama.
Qytetarët sipas Bashës, nuk vinë në shesh për të realizuar objektivin politik të Partisë Demokratike për largimin e qeverisë, por për të çelur një rrugë të re për Shqipërinë, duke mbyllur kapitullin e zi të korrupsionit dhe të vjedhjes.

Basha: “Koha ka ardhur, koha ka ardhur që rinia të marrë përsëri në dorë fatet e vendit. Koha ka ardhur dhe ne sëbashku me rininë do të mbyllim kapitullin e zi të rrënimit ekonomik, të depresionit dhe do të hapim një kapitull të ri. Ne duam që rinia të ketë mundësi studimi me tarifa të përballueshme nga prindërit e tyre, të studiojë dhe punojë në qytetet e tyre, në vendin e tyre në Shqipëri. Ne duam që sëbashku me rininë ta bëjmë Shqipërinë vendin më atraktiv ku të qëndrohet, të punohet dhe të prodhohet me dëshirë të madhe dhe jo të largohemi sikur largohemi nga ferri. Sot është koha juaj, tani është ora juaj. Të marrim edhe një herë fatet e lirisë kombëtare në duar.Fatet e demokracisë. Ju ftoj të ngrihemi dhe të bashkohemi, studentë e gjimnazistë, të rinj dhe të reja nesër në orën 11:00 në sheshin “Skëndërbej”. Ta pagëzojmë 8 dhjetorin 25 vjetorin e demokracisë si dhjetorin e dytë të lirisë dhe demokracisë për shqiptarët. Liri nga tirania e krimit, varfërisë, korrupsionit, padrejtësisë. Le ta pagëzojmë edhe ekipin e ri drejtues të FRPD nesër me 8 dhjetor në ditën që do hyjë në histori ku rinia nuk iku po qëndroi, nuk e uli kokën por u ngrit, nuk u tërhoq por fitoi”.

Basha ironizoi kryeministrin Rama kur tha se prej muajsh nuk qeveris por bllokon ekranet e televizioneve me propagandë boshe.

Basha: “Shqiptarët e kanë të qartë, demokratët po se po, por edhe socialistët e kanë të qartë se familja e tyre politike është përdorur për të ozurpuar pushtetin me një grup kriminelësh pa asnjë lidhje me ta.Edhe sot ekranet i kishte zënë përsëri kokoshi.Për një moment pothuajse më erdhi keq për të, por pastaj e kuptova që nuk ishte punë zori, ishte punë vlerash. Po i ridhnin hundët, dhe ky që do pastronte Shqipërinë, nuk po pastronte dot as hundën e tij. Dhe nuk ka si ta pastrojë Shqipërinë njeriu që e bëri pis me aleancën e tij me krimin, duke graduar kriminelët dhe duke ju thënë ju të rinjve shqiptarë se studimet, të mësuarit nuk paskan vlerë. Mjafton të jesh i dënuar, narkotrafikant, tutor dhe bën karrierë më Edi Ramën.E bëri pis Shqipërinë me mashtrimet e tij që ja njeh gjithë bota. Ky e bëri pis Shqipërinë me aleancën e tij të vesit, të antivlerës, korrupsionit, që e mban në këmbë bashkë me ortakun e tij Ilir Meta, e me të cilën ja ka marrë frymën ekonomisë shqiptare. E bëri pis me padrejtësinë e tij”.

Lideri demokrat nuk la pa përgëzuar dhe kreun e ri të forumit demokrat, Belind Këlliçi.

Basha vlerësoi proçesin e zhvilluar në këto zgjedhje, duke e cilësuar një nga garat më të bukura politike që Ballkani ka parë në 70 vite.

Basha: “Dje FRPD përmbylli një nga garat më të bukura politike që Ballkani ka parë në 70 vite, jo Shqipëria por Ballkani nuk ka njohur një garë politike të hapur, të pastër, të bukur, të fortë si ajo që i dhuroi Shqipërisë dhe demokracisë FRPD.Rinisë dhe ekipit të sapozgjedhur po i afron e nesërmja. E nesërmja, 8 dhjetori, dita e madhe e rinisë ku ju shkruat dhe vendosët historinë e këtij vendi dhe padyshim dita ku përsëri rinia demokrate dhe rinia shqiptare në terësi do të dijë të jetë në ballë të marshimit popullor të një bashkimi të madh të të rinjve dhe shqiptarëve. Nesër në sheshin “Skëndërbej” në orën 11:00. Nesër nis një marshim i ri për vlerat më të shenjta të rinisë, për lirinë, për lirinë për tu zgjedhur, për tu shprehur, shkolluar, punësuar, për lirinë nga korrupsioni, krimi dhe tirania e varfërisë dhe padrejtësisë që është shtruar sot këmbëkryq në cdo cep të Shqipërisë. Shqipëria do bashkohet nesër por sytë e shqiptarëve do jenë nga rinia demokrate dhe rinia e saj”.

ORA NEWS

[SERAFIM DILO]

" Ti qe je pa pune,ti qe nuk siguron dot buken e femijeve,ti qe nuk kurohesh dot ne spital...,ti qe vidhesh e poshterohesh,ti qe mbi taksohesh,eshte koha te protestosh bashke me ne. Kush eshte "Ne-ja",cilet jane keta qe kerkojne te protestojne me te drejte kunder te padrejtes ? Jane nje o shume parti opozite qe kerkojne pjesmarjen e shoqerise civile,ku me shume propabilitet qellimi i tyre eshte ardhja ne qeveri per te ndryshuar o permirsuar keto pabarazi shoqerore,ekonomike-politike. Pra,si llogjike kerkojne te ndyshojne sistemin ekonomik shoqeror pa ndryshuar natyrisht sistemin politik,sepse kemi zgjedhur sistemin e demokracise dhe pak a shume ky sistem nuk mund te ndryshohet (mund te permirsohet o edhe keqsohet por rrenjesisht nuk mund te ndryshohet).

Kur ke,nje sistem te tille ekonomik-shoqeror, qe ka; papunesi,mos-sigurim buke,mos-kurim mjeksor,terrorizohesh,vidhesh dhe poshterohesh etj,do te thote qe nuk eshte vetem sistemi ekonomik i padrejte por eshte i gjithe sistemi shoqeror i padrejte,pra kemi nje shoqeri te padrejte.
Kur nje shoqeri eshte e padrejte ? Simbas perkufizimit lockiajan qe mund ta quajme dhe "rregull" ;"nje shoqeri nuk mund te jete e drejte kur ne te disa individ jetojne me keq seç do jetonin ne qendje natyrale" (gjendja natyrale duhet percaktuar...),por kuptimi eshte qe jetesa e individit,ne kete shoqeri,eshte me e keqe kur ka shtet,pra ai jeton me keq ne kete shoqeri qe ka rregulla shteterore sesa ne nje shoqeri natyrale pa shtet.

Ne çfare sistemi ekonomik-shoqeror jeton Shqiperia sot ? Eshte e veshtire ta caktosh me saktesi. Nga ana etike- morale o edhe ideologjike eshte pothuajse e pamundur,se ke miliarder te majte qe jane komunist (si ideologji) edhe ke dhe te perndjekur te djadhte qe votojne Berishen,pra kemi nje perzierje ekstremesh, ku nuk ka asnje ideal, ke vetem nje rremuje te nderlidhura interesash. Por,pak a shume, sistemin e sotem ekonomik-shoqeror mund ta perkufizojme per aq sa eshte e mundur ne nje sistem "liberist privatist" (natyrisht te padrejte,"se na e thote dhe Basha"). Pra,kemi nje sistem liberist kapitalist privat,ku individi qe eshte "me i zoti" kap i pari si resurset minerale natyrale dhe ato shteterore siç jane mjeksia o edhe nderlidhjet e trasportit shteteror,ku vet prona private qe duhet te jete baza e ketij sistemi nuk respektohet. Kemi nje sistem total pasigurie, privat dhe shteterore,ku individi eshte "ujk" per individin tjeter.

Per kete edhe protesta e Bashes eshte "liberiste privatiste" qe duhet respektuar,sepse nuk kerkon asgje,si princip.Nuk prish dhe nuk ndreq asgje. Pra,nga shoqeria kerkon vetem solidaritet,jo nga sistemi ne shoqeri (nje shoqeri liberiste solidariste),kerkon vetem ate qe i takon per vete. Proteston, kunder nje shoqerie te padrejte por pa kerkuar nje shoqeri te drejte.Qe,duhet te jete;nje shoqeri liberiste privatiste,ku individi nuk cenon individin tjeter,ku individi duhet te synoje te mare ate qe i takon ne menyre perfundimtare.Nje minimum harmonie,nje minimum equal respect.

[smokkie]

Sa I lezecem eshte ky lulushi.
Ben si i forte haha.
Camarrok I vogel.

[skender76]

Per sa kohe politika mbeshtetet tek krimi nuk do kemi asnje ndryshim...

PD-ja nuk e beri dot reformen brenda saj...

Une i uroj Bashes qe te ket kurajon per nje revolucion brenda partise se tij..., sa me heret aq me mire.
Duhet te zghedhe popullin o gangsteret..., dy kunguj nen sqetull nuk do i mbaje dot...


Protesta sot esht e parakohshme...

[Duke_Of_Arberia]

Per sa kohe politika mbeshtetet tek krimi nuk do kemi asnje ndryshim...

PD-ja nuk e beri dot reformen brenda saj...

Une i uroj Bashes qe te ket kurajon per nje revolucion brenda partise se tij..., sa me heret aq me mire.
Duhet te zghedhe popullin o gangsteret..., dy kunguj nen sqetull nuk do i mbaje dot...


Protesta sot esht e parakohshme...

Protesta e sotshme eshte tej mase e vonuar madje! Nje qeveri e dale nga binari si kjo e jona, do t'i kishte dhene te gjitha kreditet e ingrendientet çdo opozite ne bote, per te protestuar masivisht.

Gjithesesi ke te drejte kur thua, se dy kunguj nen sqetull nuk mbahen...

[xhori]

nuk u vjen turp fare ketyre shkerdhatave qe tallen me popullin 8 vjet ne qeveri populli pa buk ishte si tani. ky pederasti hollandez humbi ne qershor ca te semes kerkon cdo tre muaj zgjedhje

[skender76]

Duke,


edhe ti ke t'drejt kur thu se kjo qivuri ka dal prej binaresh..., qe n'fakt nuk ka qene nojher ne binare....


Protesta e sotme ishte me prapavije klienteliste...., prandaj them se esht e parakohshme.
Esht e tipit ulu ti t'ja hipi une...
Kshtu do jete deri ne momentin qe brenda dhe anash" PD-se do kete mbrojtjen" e gangstereve...


Nese Basha do bej revolucion (pa hile) brenda PD-se, ne protesten tjeter nuk do ndezin zjarr per tu ngroh tek bunkeri..., por do shkojne ne fillim te shembin vilen-bunker te Rames ne mes t'ullinjve...., dhe pastaj do e terheqin zvarre te jape llogari pas hekurave.

[SERAFIM DILO]

Si doli protesta ? Kush fitoi ; Dekriminalizimi apo Reforma ne drejtesi ?
Apo LSi-ija qe eshte per te dyja,me trasparenc.

[pirro10]

Protesta e sotme e mbajtur në një datë të shënuar përkujtimore degjeneroi edhe njëherë si protestat e tjera të udhehqura nga ky lidership katundaresk; me rrëmujë, djegie, hedhje shashkash, djegia thyerje xhamash, hedhje të shisheve me benzinë që për fat nuk u vra njeri.
Sulmi dhe djegia e bunkerit tw kujtonte luftwn me mullinjtw e erws sw Don Kishotit, pra kotwsinw e pwrpjekjeve tw opozitws dhe dwshirwn pwr dhunw.
Është për të ardhur keq që në një tubim të tillë i cili duhet të ishte një tubim në rradhë të parë përkujtimor dhe opozitar, por ndodhi e kundërta: tubimi degradoi në një tubim në të cilin shumica dërrmuese ishte e ardhur nga zona rurale dhe aspak qytetare, dhe të drejtuar nga drejtues që mbajnë në shpinën e tyre përgjegjësi në e korrupsionit masiv, borxheve të papaguara, keq-qeverisjes qëndrore dhe vendore, dhe të fshehjes dhe dis-informimit të qytetarëve të vëndit të tyre për zullumet e bëra gjatë të viteve.
Duke ngatërruar me qëllim historitë e të kaluarës me ato të sotme, një nga folësit, aktualisht deputet i kësaj partie, totalisht jo në gjëndje normale, me një zë të panatyrshëm kërkonte rrëzimin e qeverisë, rrëzimin e diktaturës (?!), duke kërkuar revolucion për të larguar dyshen Rama –Meta, dhe duke harruar që është një deputet i zgjedhur nga populli (në fakt është një deputet i emëruar nga drejtuesi i partisë pikërisht se njihet si një person jo normal me fjalët që thotë).
Të njëjtat fraza sit ë këtij deputeti folën edhe deputetë dhe drejtues të tjerë të kësaj Partie duke na kujtuar ata nxënësit e fillores që mësojnë përmëndësh mësimet e mësuesit gjithashtu me obsesione permanentetë ngatërrimit të së kaluarës që nuk vjen më me ngjarjet e sotme.
Fjalët e tyre të shoqëruara me britma anormale, dhe aspak qytetare, për rrëzimin e qeverisë për shkaqe që i kanë përsëritur qindra herë në seancat parlamentare e që në fakt janë po ato akuza për të cilat akuzohet qeverisja e mëparshme por që mund të përkufizohet me fjalën e urtë: `hajduti thërret-kapeni hajdutin`, qeverisje drejtuesit e të cilës folën në këtë protestë dhe dukeshin si fajtorë para gjykatës që bërtitnin: jemi të pafajshëm, këta të tjerët e kanë fajin….
Protesta e sotme mbetet një protest alla shqiptarce, një protest në të cilën kishin dalë të protestonin fajtorët dhe përgjegjësit e keq qeverisjes, përgjegjaist e korrupsionit galopant, përgjegjësit e shkeljes së ligjit, përgjegjësit e kriminalizuar të politikës shqiptare, të cilët përpiqeshin në mënyrë qesharake të mbronin vehten duke sulmuar me fjalë të ashpra qeverisësit e sotëm, por dhe duke u përpjekur të dukeshin të pafajshëm si Juda.
Protesta e dhunshmë e disata herë ndër vite të drejtuara nga opozitarët e sotëm nuk tregojnë gjë tjetër vetëm se sa jashtë realitetit mbeten drejtuesit e sotëm të kësaj Partie, se sa mungesë demokracie të brëndëshme ka në këtë parti, se sa jo cilësorë janë deputetetët e kësaj partie madje mund të themi se në rradhë të parë disa prej tyre nuk duhej të ishin fare deputetë sepse prania e tre aty rëndon gjendjen e tyre psikike, se sa e pasaktë është zgjedhja e Lulzim Bashës në krye të kësaj Partie, një zgjedhje ku tregon në fakt se ky kryetar, në kundërshtim me moshën e tij relativisht të re tregon një radikalizëm politik, një urrejtje patologjike ndaj kundërshtarëve të tij politikë, urretje e cila ngjason si d pika uji me politikat radikaliste dhe ekstremiste të PPSH.
Prishja e Pronës publike, dëmtimet që kanë ndodhur në Shqipëri gjatë këtyre vieve të për të demokracisë, tregon se kjo forcë politike nuk ka asnjë lloj programi politik të stabilizuar Shqipërinë, por me sa duket ka për qëllim që të kamuflojë kundërshtitë e saj ndaj Reformës në Drejtësi dhe ndëshkimin e të Korruptuarve, kërkesën për dekriminalizim (e cila në fakt është pjesë e reformës në drejtësi) e cila është një kërkesë surrogate, sepse futja e të dyshuarve për krime si deputetë në parlamentin shqiptar qoftë në maxhorancë qoftë në opozitë, ka ardhur si rezultat i ligjeve të KQZ jo të rregullta të miratuara nga kjo opozitë ; pikërisht prandaj është e nevojshme reforma në drejtësi.
Radikalizimi i politikës së Opozitës, gjë që u reflektua në protestën e sotme,tregon se lidershipi i Opozitës mbetet një organizëm anakronik dhe aspak normal në politikën e sotme.
Dy tezat e Lidershipit radikalist të PD si revolucioni demokratik dhe dhuna ndaj institucioneve nëpër mjet protestave të dhunshne dhe agresivitetit në parlament me pretekstin absurd të zgjedhjeve të parakohëshme, do të kenë rezultate aspak të suksesëshme për këtë Parti opozitare të madhe, madje, kjo opozite po humb pikë në sytë e popullit shqiptar madje dhe në vetë simpatizantët e saj qytetare, kur shohin se si kjo parti organizon protesta të dhunshme jo për të përkujtuar 8 dhjetorin e 1990 por për të fshehur pas këtij 8 dhjetori, përgjegjësite morale dhe penale të drejtuesve të saj gjatë këtyre viteve para ligjit, nëpërmjet nxitjes së akteve të vandalizmit, duke përdorur individë të ardhur nga zonat rurale apo individë të paguar.
Së fundmi, doli edhe një herë në dukje se këtë lidership nuk e meriton opozita, nuk e meriton populli shqipar, nuk e meriton inteligjencia shqiptare, nuk e meriton drejtimi i vendit.
Ky Lidership ka nevojë të ndryshohet jo vetëm si njerëz por në rradhë të parë si mentalitet drejtimi aspak demokratik, duhet të ndryshohet sepse duhet të ulet e të bëjë programe të besueshme për të fituar zgjedhjet e ardhshme, por në rradhë të parë duhet të ulet dhe të nxjerrë përgjegjësite për drejtimin korruptiv dhe të papërgjegjsëhmtë qeverisjes së kaluar.