Buxheti 2016: Qeveria e Rilindjes ul fondet për arsimin, rrit fondet për veten

[Qyfyre]

Ne bashkepunim me FMN eshte paraqitur projekt buxheti i 2016

Prodhimi i brendeshem bruto parashikohet te rritet 3.4%
Te ardhura 417 miliarde leke ($3.26 miliarde) dhe shpenzime 452 miliarde leke, me deficit 34 miliarde leke, 23.8 miliarde leke me pak se ne 2015.
Deficiti do te jete 2.2 % i Prodhimit të Brendshëm Bruto, nga 4.1% te PBB qe ishte ne 2015. Borxhi publik pritet te shkoje ne 70.9% te PBB nga 72.6% ne 2015.

FMN gjithashtu parashikon nje rritje te ekonomise me 3% deri ne 3.5% ne 2016, nje rritje ne vazhdim nga 1.1% ne 2013 por akoma sa gjysma e rritjes enonomike ne vitet para krizes globale ne 2008.

http://in.reuters.com/article/2015/11/18/albania-budget-idINL8N13D32G20151118

[Duke_Of_Arberia]

Fale kesaj rritje ekonomike, nga shteti me i varfer dhe i korruptuar i ballkanit qe nuk prodhon as gozhde, po ikin nga 50 mije shqiptare çdo vit drejt BE-se, po falimentojne me mijera biznese, po perfundojne ne burg fukarenjte dhe tregtaret e farave te lule diellit per kupon tatimor. Mos flasim pastaj per politikat fiskale qe po na i marrin fqinjet shume nga investitoret e huaj.
Gjithesesi jemi te bindur ne luften ndaj informalitetit, madje edhe per nismen zero informalitet. Nderkohe qe Gjermania e ka diku tek 11% informalitetin dhe Italia diku tek 25%..

Rritja ekonomike per shqiperine nuk tregon praktikisht asgje...

[SERAFIM DILO]

Keto parashikimet e rritjes te ekonomise ne Shqiperi asnjehere si kuptova.
Supozohet gjithmone qe do rritet me shume ekonomia ne perqindje sesa borxhi,ndodh pothuajse gjithmone e kunderta qe rritet me shume borxhi sesa ekonomia.(Cani,ministri, do thoshte,qe lehtesohet me shume borxhi,kur ngrihet )

A ka ndonje vit,qe borxhi te jet rritur me pak se ekonomia ?

[Qyfyre]

Kemi fatin qe jemi te varfer keshtu qe kemi gjithnje rritje

[2043]

Po, po Planin e 12 pesvjecar do e realizojme patjeter !
E ka thene Partia dhe keshtu do te behet.

[Vinjol]

rritja e ekonomise ne shqiperi DO te vije atehere kur tehiqet korrupsioni ne qeveri
jane te kota kto publikime........................

[Albo]

Politikat e qeverisë, Buxheti 2016, arsimit i ulen fondet, qeveria rrit shpenzimet për veten



Politika e shtrënguara e shpenzimeve që qeveria është e detyruar të ndjekë vitin e ardhshëm prek mjaft insititucione por jo aparatin e kryeministrisë, te cilaj jo vetem qe kane pesuar ulje por jane rritur me 343%. Tabelat e projektbuxhetit 2016, të dorëzuar në kuvend tregojnë se jane ulur fondet për arsimin dhe infrastrukturën, ato të shëndetësisë ë qëndrojnë në të njëjtat nivele si këtë vit.
Qeveria do të zbatojë një politikë të shtrënguar shpenzimesh vitin e ardhshëm. Në draftbuxhetin e dorëzuar tashmë në Kuvend parashikohet ulje e fondeve për arsimin dhe infrastrukturën. Por për kryeministrinë nuk do të përdoret e njëjta politikë, pasi fondet për të janë rritur ndjeshëm.
Kështu, sipas tabelave që shoqërojne projektbuxhetin 2016, shpenzimet për aparatin e kryeministrisë përcaktohen mbi 3.1 miliardë lekë nga 715 milionë lekë që ishin në buxhetin e rishikuar të këtij viti, me rritje 343 %. Ndresa fondet për ministrine e Transportit dhe Infrastrukturës do të jenë vitin e ardhshëm 23.9 miliardë lekë ose 32 .1% me te uleta se ato të këtij viti. Përsa i përket arsimit, nga buxheti do të jepen 36.4 miliardë lekë vitin e ardhshëm ose 9.7% me pak se këtë vit.
Fondet janë rritur ndjeshëm edhe për Ministrinë e Ekonomisë me mbi 42% më 2016, me argumentin se është shtuar numri i strukturave pranë këtij dikasteri. Ministria e Bujqësisë e vënë në qendër të prioriteteve. Fondet për këtë dikaster vitin e ardhshëm parashikohen në 25 miliardë lekë, me rritje 24.1 %. Fondet rriten edhe për Ministrinë e Kulturës me 19 % dhe atë të Drejtësisë me 20%, si një mbështetje direke për reformat në drejtësi. Për Ministrinë e Mjedisit fondet janë rritur me mbi 50%. Rritje e fondeve është parashikuar vitin e ardhshëm edhe për Prokurorinë dhe gjykatat, përkatësisht me 10% dhe 4%, ndërsa është ulur fondi për Gjykatën Kushtetuese me 6.7%. Ndërsa per presidencen do te jepen vitin e ardhshem 202 milione leke, me rritje 8.7% kundrejt ketij viti. Me një rritje modeste prej 0.6% parashikohen edhe fondet per Kuvendin.
Ndërsa janë mbajtur thuajse në të njëjtat nivele për sektorin e shëndetësisë janë shkurtuar me 20 për qind fondet për Ministrinë e Integrimit. Për shkak se 2015 ishte një vit elektoral, fondi i Komisionit Qendror të Zgjedhjeve ulet me 87% vitin e ardhshëm.

ORA NEWS

[Albo]

Rrit shpenzimet, Kryeministria 15 mln euro më shumë se në 2014 për pritje, karburant e udhëtime



Gjatë këti viti, shpenzimet që Kryeministria ka bërë për pritje dhe përcjellje, karburant, udhëtime brenda dhe jashtë vendit vlerësohen në rreth 15 milionë euro më të larta se një vit më parë. Të dhënat e portalit Open Data Albania konfirmojnë shifrat e këtyre shpenzimeve, që konsiderohen me efektivitet të ulët, pasi nuk sjellin të mira mbrapsht për vendin.
Kryeministria ka rritur ndjeshëm këtë vit shpenzimet për pritje dhe përcjellje, karburant, udhëtime jashtë dhe brenda shtetit dhe honorare.
Sipas të dhënave të portalit Spending Date Albania, rezulton se vetëm për këta 5 zëra janë shpenzuar këtë vit 17.8 milionë lekë të reja më shumë se një vit më parë, ose rreth 15 milionë euro.
Kështu, për periudhën 1 janar-20 nëntor 2015, janë shpenzuar për pritje dhe përcjellje 29.4 milionë lekë ose 13 milionë lekë më shumë se në të njëjtën periudhë të një viti më parë.
Përsa i përket karburantit, është shpenzuar deri më 20 nëntor, 11.9 milionë lekë ose 1.7 milionë lekë më shumë se e njëjta periudhë e një viti më parë.
Aparati i Kryeministrisë ka shpenzuar më shumë edhe në udhëtime jashtë shtetit.
Nga janari deri më 20 nëntor, shpenzimet kanë qenë 25.5 milionë lekë, me rritje 2.3 milionë lekë kundrejt vitit të kaluar.
Më shumë shpenzime janë bërë edhe për udhëtimet brenda vendit, me një shumë që vlerësohet në rreth 615 mijë lekë të reja.
Ndërsa përsa u përket shpenzimeve për honoraret, kundrejt një viti më parë janë shpenzuar 200 mijë lekë më shumë.
Shpenzimet në këto zëra konsiderohen me efektivitet të ulët, pasi ato nuk garantojnë të mira mbrapsht për vendin, siç ndodh në rastin e investimeve në rrugë.
E njëjta filoziofi duket se do të mbizotërojë edhe në buxhetin e vitit të ardhshëm, ku nga 600 milion dollarë që jepen për investimet publike, 10% e kësaj shume ose 58.5 milionë dollarë do të shkojnë për blerjen e pajisjeve të zyrave dhe kompjuterëve për administratën.

ORA NEWS

[Albo]

SHËNIM/ Lista e investimeve. Miliona dollarë për zyra dhe OJQ-të e qeverisë. Rrugët 50% më pak



Në listën e detajuar të investime publike, që do të financojë buxheti për vitin e ardhshëm, zëri rikonstruksion godine haset plot 45 herë. Thuajse çdo institucion publik, Ministri apo agjenci qeveritare vitin tjetër ka parashikuar të rikonstruktojë godinën dhe sipas listës, rezulton se dhjetëra milionë dollarë nga paratë e qytetarëve në 2016-ën do të shkojnë për këtë qëllim jo për rrugë, shkolla apo spitale.

Ironia më e madhe qëndron në faktin se rasti më tipik i denatyrimit të investime publike është vetë institucioni përgjegjës për to; Ministria e Zhvillimit Ekonomik. Për vitin 2016, ky dikaster ka një buxhet investimesh prej 1.8 miliardë lekësh ose 18 milionë dollarë. Por në listën e projekteve që do financohen, rezultojnë si investime zëra të tillë si trajnim me biznesin, analiza, studime apo publikime të ndryshme në gazetat ndërkombëtare. Ky është një klasifikim i dyshimtë, pasi studimet apo analizat nuk janë investime.

Por përtej manipulimit të parimeve kontabël të buxhetit, Ministria e Zhvillimit Ekonomik është rasti më evident se si janë denatyruar investimet publike për vitin e ardhshëm, ku paratë e taksapaguesve nuk do të përdoren për ndërtim rrugësh, ujësjellësish apo spitalesh në dobi të tyre, por do të financojnë projekte të padukshme.

Përgjysmohen rrugët dhe ujësjellësit

Sipas draftit të buxhetit, vitin e ardhshëm, qeveria ka parashikuar të shpenzojë në total 60.5 miliardë lekë ose 4 për qind e Prodhimit Kombëtar për investime publike. Sipas shifrave të vetë qeverisë, ky është niveli më i ulët i investimeve me para publike që nga viti 1997.

Por krahas tkurrjes së fondeve, qeveria ka ndryshuar dhe filozofinë e investimeve duke i larguar ato nga qytetarët. “Nga lista e detajuar e projekteve rezulton se vetëm 27 miliardë lekë, ose më pak se gjysma, do të shkojnë për punime civile në projekte publike në përfitim të qytetarëve si shkolla, rrugë, spitale apo ujësjellësa,” thotë Sherefedin Shehu, ish zëvendësministër i Financave, aktualisht deputet i Partisë Demokratike.

Sipas listës, pjesa më e madhe fondeve janë destinuar për rikonstruksion zyrash, blerje kompjuterash, kancelari për institucionet apo shpenzime për blerje librash, studime dhe analiza të ndryshme që do të kontraktohen nga OJQ-të.

Ndryshe nga vitet e kaluara kur investimet publike në pjesën dërrmuese, financonin rrugë, shkolla apo ujësjellësa në dobi të publikut këtë vit ato do të të jenë të padukshme për qytetarët dhe të dukshme për pushtetarët.

Dëshmia më e qartë për këtë janë krahasimi i investimeve që shkojnë në ndërtim rrugësh apo ujësjellësish. Sipas të dhënave të vetë qeverisë, nëse këtë vit investimet në rrugë dhe ujësjellësa ishin 35.5 miliardë lekë, në 2016-ën ato do të jenë vetëm 19.8 miliardë lekë ose gati dy herë më pak.

Syri

[Qyfyre]

Mire bere qe e ndrrove titullin e temes, se s'ka lezet titull qe thjesht tregon se per cfare flet tema. Duhet cik titull politik te shash PS se pastaj kot qe e ke forumin.