Meta: LSI distancohet nga çdo individ me rekorde kriminale
Lëvizja Socialiste për Integrim ka mbledhur sot pasdite Kryesinë e kësaj force politike. Kreu i saj Ilir Meta, u shpreh se LSI do të mbajë larg radhëve të saj personat me rekorde kriminale.
Ai nxiti edhe njëherë tjetër klasën politike që të përmbyllë sa më parë procesin e dekriminalizimit dhe të dalin me një ligj konkret.
“LSI përkrah fuqimisht platformën e dekriminalizimit dhe distancohet nga çdo individ me rekorde kriminale që mund të jetë në radhët e saj, apo që synon të anëtarësohet në LSI. Për ne, platforma e dekriminalizimit duhej të ishte miratuar dje dhe jo nesër në Kuvend. Jemi të angazhuar për të përshpjetuar këtë proces që t’i heqim vendit tonë një njollë të pamerituar për shkak të politikës”, tha Meta.
Mbledhja e Kryesisë së LSI-së ishte thërritur nga Sekretari i Përgjithshëm i kësaj force, Luan Rama, për të diskutuar platformën e re për financat e partisë.
Meta i ka kërkuar të gjithë përfaqësuesve të LSI që të zbatojnë ligjin dhe të shërbejnë me korrektesë tek qytetarët. Kush nuk zbaton ligjin tha Meta do të dënohet.
“Në këtë kontekst LSI kërkon nga të gjithë përfaqësuesit e saj në të gjitha nivelet të zbatojë ligjet e shtetit. Asnjë sugjerim apo ndërhyrje nga cilido, në kundërshtim me ligjin jo vetëm që nuk zbatohet, por është i dënueshëm dhe nëse ndodh do merren masa ndëshkuese. Të distanocohen nga cdo parktikë korrupsioni dhe abuzimi me detyrën. Shoqëria ka nevojë të nxitet dhe të thellohet transparenca ndaj publikut dhe cdo shfaqje arrogance dënohet nga LSI. Transaprenca është e vetmja rrugë që realiz0ohet dhe forcohet besimi i qytetarit dhe i shoqërisë ndaj institucioneve”,- tha ai.
Panorama
Përgjigju Duke Cituar
Krijoni Kontakt