Koinçidencë: Bie zjarr në laboratorin kriminalistik ku ruhen provat e Prokurorisë

[Albo]

Zjarr, Basha: Është djegur laboratori kriminalistik, policia mohon

Kati i dytë i godinës së laboratorit shkencor të policisë është përfshirë nga flakët në orët e para të mëngjesit të sotëm.
Një prej neoneve të ndriçimit në një nga shesh pushimet ka bërë masë elektrike.
Për pasojë janë djegur telat që furnizojnë ndriçimin e shesh pushimit.
Ngjarja fillimisht u denoncua nga kreu i PD-së Basha, në rrjetin social fb.
Kryeopozitari duke iu referuar burimeve të tij nga policia tha se zjarri ka qenë i qëllimshëm dhe ka pasur objektiv shkatërrimin e provave në lidhje me drogën e konfiskuar në disa operacione të fundit.
Policia në njoftimin për media hodhi poshtë këtë version, duke deklaruar se
asnjë prej sallave të laboratorit nuk është prekur nga zjarri .
Por PD insiston se janë asgjesuar provat.
“Burime nga policia bëjnë me dije se provat materiale, lënda narkotike, që ishte mbushur korridori plot, janë bërë shkrum të gjitha.Zjarri ka rënë natën në katin e dytë në sheshpushimin (është në mes të korridorit). Aty janë ekzaminimet kompiuterike dhe ekzaninimet e dokumentave dhe provave”.

Zjarri dyshohet të jetë shkaktuar nga një shkëndije elektrike

Policia ka ngritur grupin hetimor për zbulimin e shkaqeve të zjarrit.
Paraprakisht, grupi hetimor mendon se shkak i zjarrit është një shkëndijë elektrike në një kabëll në korridorin e katit të dytë të godinës.
“U krijua grupi hetimor nën drejtimit e Prokurorit, me përbërje të ekspertëve të fushës, si: ekspertë të OSHEE-së, të shërbimit zjarrfikës, oficerë të Policisë gjyqësore të Komisariatit nr.2, si edhe specialistë të Hetimit të Krimit të SHÇBA-së.
Grupi hetimor po vijon veprimet për gjetjen dhe zbulimin e shkaqeve të zjarrit.Paraprakisht, grupi hetimor mendon se shkak i zjarrit është një shkëndijë elektrike në një kabëll në katin e dytë të godinës, në korridor.Ndërkohë vijojnë verifikimet, në përfundim të të cilave do bëhen me dije shkaqet e zjarrit”.

Zjarri në laborator u njoftua nga Basha

Kreu i Partisë Demokratike, Lulzim Basha, raporton për një zjarr në laboratorin shkencor të policisë.
Përmes rrjetit social facebook, Basha duke iu referuar burimeve të policisë thotë se “zjarri është i qëllimshem dhe ka pasur objektiv shkatërrimin e provave në lidhje me drogën e konfiskuar në disa operacione të fundit”.
Kryeopozitari thotë gjithashtu se po bëhen përpjekje për ta fshehur këtë akt kriminal.
Pas denoncimit, Policia konfirmoi zjarrin

Ngjarja është konfirmuar dhe nga vetë Policia e Shtetit.

Sipas bluve zjarri ka rënë në orët e para të mëngjesit në një nga shesh pushimet në katin e dytë të godinës së laboratorit kriminalistik, por asnjë prej sallave të laboratorit nuk është prekur nga zjarri.
“Rreth orës 02.15 minuta në Drejtorinë e Policisë Shkencore (godina e dytë Laboratorit Qendror të Kriminalistikës) e cila ndodhet brenda territorit të Gardës së Republikës, u konstatua një vatër zjarri.
Në një nga shesh pushimet në katin e dytë të godinës së laboratorit kriminalistik, njëri prej neoneve të ndriçimit ka bërë masë elektrike ku për pasojë janë djegur telat që furnizojnë ndriçimin e shesh pushimit.
Menjëherë u njoftua Salla operative e Policisë së Tiranës dhe shërbimi zjarrfikës, të cilët ndërhynë për izolimin dhe shuarjen e vatrës së zjarrit.Ndërkohë u njoftua zyra e Prokurorit të Përgjithshëm dhe në vendngjarje mbërriti Prokurori i gatshëm i Prokurorisë së Tiranës”.
Asnjë nga laboratorët nuk është dëmtuar nga zjarri.Dhe përveç djegies së neonit dhe telave që furnizojnë me energji nenonin në shesh pushim nuk ka asnjë dëmtim tjetër.
Asnjë prej sallave të laboratorit nuk është prekur nga zjarri”.

ORA NEWS

[Albo]

Zjarri te laboratori i Policisë Shkencore dogji 200 kilogramë drogë, prova materiale



200 kilogram kanabis sativa u dogjën nga zjarri që ra në laboratorin e qendror të kriminalistikës. Lënda ndodhej ne korridorin e Drejtorisë së Policisë Shkencore, e cila ndodhet në ambientet e Gardës së Republikës pasi Ministria e Brendshme po rikonstruktohet. Sasia e drogës ndodhej ne laborator si prove materiale.

Ngjarja ndodhi në orë 2:15 minuta të së enjtes, ku si pasojë e shkëndijës elektrike u dogjën telat që furnizojnë me ndriçim Drejtorinë e Policisë Shkencore. Sipas një njoftimi zyrtar të Policisë së Shtetit, si pasojë e kësaj mase elektrike është djegur njëri prej neoneve të ndriçimit në një nga shesh pushimet e katit të dytë të laboratorit kriminalistik.

Bëhet me dije se asnjë prej sallave të laboratorit nuk është prekur nga zjarri. Të paktën kështu bënë me dije policia e shtetit, e cila në njoftimet e saj për median, ka mohuar faktin se nga zjarri pati dëme materiale brenda laboratorit te kriminalistikes. Ndërkaq nuk dihet ende nëse zjarri është i qëllimshëm apo aksidental.

Në laboratorin kriminalistik analizohen të gjitha provat, si armë, shenja gishtash e të tjera, që oficerët e policisë gjyqësore sekuestrojnë në një vendngjarje, por fatmirësisht nuk është shkaktuar asnjë dëm tjetër bën me dije policia. Menjëherë pasi u konstatua varta e zjarrit , ne vendngjarje shkuan shërbimi zjarrfikës, të cilët ndërhynë për izolimin dhe shuarjen e flakëve.

Për këtë ngjarje, u ngrit një grup hetimor nën drejtimit e Prokurorit, me përbërje të ekspertëve të fushës, si: ekspertë të OSHEE-së, të shërbimit zjarrfikës, oficerë të Policisë gjyqësore të Komisariatit nr.2, si edhe specialistë të Hetimit të Krimit të SHÇBA-së.

Por i pari që dha lajmin për këtë incident në Laboratorin Shkencor të Policisë ishte kreu i opozitës Lulzim Basha, i cili ne Facebook shkroi se zjarri ishte i qëllimshëm, për të shkatërruar sipas tij, provat në lidhje me drogën e konfiskuar nga policia në disa operacione të fundit.

ABCNEWS

[Duke_Of_Arberia]

Koiçidence shqiptaro-frojdiane...

[Ronierjoni]

Mos te ka punesu gje te VEFA ky felliqsira Basha apo mos je gje te kunati jo per gje po ai vete eshte nje cope dordolec i fellique ne duart e VEFAS

[Albo]

Dëmet e zjarrit në Laboratorin e Kriminalistikës. Digjen provat (FOTO)



Zjarri ra rreth orës 02:15 të mëngjesit të sotëm sipas Policisë, e cila mohoi në mënyrë kategorike që të kishte dëme, sidomos të provave për çështje të ndryshme hetimore.

Pamjet nga dëmet e zjarrit në Laborator
Mirëpo, burime nga “Panorama” konfirmojnë se ka zjarri ka djegur disa akte ekspertimi, analiza provash shkencore etj, të çështjeve të ndryshme hetimore.


Dyshohet se janë djegur akte ekspertimi

Nuk dihet ende se të të cilave çështje i përkisnin provat e djegura. Zjarri, sipas policisë ka rënë prej një shkëndije elektrike të shkaktuar nga një kabllo elektrik në korridorin e laboratorit, përkatësisht në katin e dytë të godinës.

Mirëpo, kreu i opozitës Lulzim Basha akuzoi strukturat e rendit se zjarri ka qenë i porositur për të zhdukur disa prova që lidhen me hetimet për organizatat e trafikut të drogës që janë shkatërruar kohët e fundit.

Panorama

[Duke_Of_Arberia]

200 kg drogë u dogj në flakët, që ranë në Laboratorin Qëndror të Kriminalistikës. Sasia e madhe e kanabis sativa ishte lënë në korridorin e Drejtorisë së Policisë Shkencore, e cila ndodhet në ambjentet e Gardës, pasi Ministria e Brendhme po rikonstruktohet. Sasia e drogës ndodhej në laborator si provë materiale, raporton abcnews. Ende nuk është e qartë se në çfarë aksioni të policisë ishte sekuestruar droga. Gjithashtu ende nuk dihet, nëse ekspertët shkencorë i kishte përfunduar me analizat, apo droga që ishte në korridoret e laboratorit ende nuk ishte analizuar.

Varianti i policisë për shkaqet e këtij skandali që ndodhi në Laboratorin e Kriminalistikës është i diskutueshëm. I pari që foli për ngjarjen ishte kreu i Partisë Demokratike, Lulzim Basha. Rreth orës 09;00 të mengjesit, ai publikoi një status në Facebook, me të cilin akuzonte se ishte djegur qëllimisht droga e kapur në një aksion të kohëve të fundit të policisë. Flakët synonin zhdukjen e provave, sipas Bashës.



Por pak orë pas njoftimit të lajmit, nga Lulzim Basha policia përgënjeshtroi aludimet, se në Laborator ishin dëmtuar prova materiale, të llojit kanabis sativa. Me një mesazh për gazetarët, zyra e shtypit njoftoi kohën dhe vendin ku ndodhi ngjarja. Në mesazh njoftohej se shkak për zjarrin kishin qenë disa shkëndija nga neoni i djegur, por siç duket nga mesazhi, policia mohon të ketë pasur dëme. “Asnjë nga laboratorët nuk ësht dëmtuar nga zjarri.”, u saktësua në njoftim.

“Përveç djegies së neonit dhe telave që furnizojnë me energji neonin në shesh pushim nuk ka asnjë dëmtim tjetër. Asnjë prej sallave të laboratorit nuk është prekur nga zjarri” ishte njoftimi që hidhte poshtë shqetësimin e kreut të Partisë Demokratike, Lulzim Basha.



Pak orë më pas qëndrimi i policisë ndryshoi përsëri. Në një email të shpërndarë për mediat, policia konfirmoi edhe njëherë kohen dhe vendin e ngjarjes, por kësaj rradhe nuk përmendi dëmet në korridorin e laboratorit. Në vendin e ngjarjes, kishin mbërritur prokurorët dhe policia nxitoi të flasë në emër të grupit hetimor për shkaqet e ngjarjes. “Paraprakisht, grupi hetimor mendon se shkak i zjarrit është një shkëndijë elektrike në një kabëll në katin e dytë të godinës, në korridor.” thuhet në njoftimin e dytë. Pra ende pa dalë në përfundime prokurorët, zyra e shtypit të policisë theksoi edhe njëherë për gazetarët atë që mendonin hetuesits se shkak për ngjarjen ishte shkëndija elektrike nga një kabëll në korridor.



Ne laboratorin kriminalistik analizohen te gjitha provat, si arme, shenja gjishtash e te tjera, qe oficeret e policise gjyqesore sekuestrojne ne nje vendngjarje. Laboratori eshte vendosur në një nga ambjentet më të sigurta në Tiranë, brenda në ambjentet e Gardës së Republikës së Shqipërisë. Gjasat që të ndodhte djegia e një sasie kaq të madhe droge në Laboratorin e Kriminalistikes ishin 1 me 1 milion, por duket se fati kesaj rradhe ishte me trafikantët e drogës.

[Duke_Of_Arberia]

Sesi mund te asgjesohen 200kg droge nga nje shkendi e vockel neoni, kete vetem horrat e Sajmirit mund ta sqarojne...

[Albo]

Zjarri në laborator aksidental prej llambave, Tahiri pranon që digjen provat e 20 cështjeve nën hetim



* Tahiri: Tani që zjarri doli aksident, do kërkojë PD falje?

Zjarri në laboratorin e Kriminalistikës është shkaktuar nga dy llamba luminishente të prodhimit kinez, që kanë burim nxehtësie përtej standardit të 70 gradëve. Kjo është përgjigjja e ekspertëve, e dorëzuar në Prokurorinë e Tiranës. Lajmi është bërë i ditur nga Top Channel, dhe është shpërndarë në rrjet social, Facebook dhe nga ministri i Brendshëm, Saimir Tahiri.

“Tani që ekspertiza thotë se zjarri ishte aksident nga rrjeti elektrik, do kërkojë falje PD për 10 konferencat me akuza kundër meje për zjarrvënie të qëllimshme?”, shkruan Tahiri duke publikuar lajmin me titull, “Zjarri në laborator, prej llambave. U dogjën provat e 20 çështjeve nën hetim”.
Duket se ministri e ka pranuar që pavarësisht zjarrit aksidental, provat e 20 cështjeve nën hetim tanimë nuk ekzistojnë më.

Top Channel citon se, zjarri në laboratorin e Kriminalistikës është shkaktuar nga dy llamba luminishente të prodhimit kinez, që kanë burim nxehtësie përtej standardit të 70 gradëve.
Kjo është përgjigjja e ekspertëve, e dorëzuar në Prokurorinë e Tiranës, mbi ngjarjen që shkaktoi akuzat e opozitës ndaj ministrit të Brendshëm, pasi – sipas saj, – me këtë zjarr ai ishte njeriu, që kishte zhdukur provat për trafikantët.

Ekspertët u janë përgjigjur në këtë dokument, që disponon Top Channel, 4 pyetjeve të Prokurorisë për shkakun e zjarrit në laborator, burimin e nxehtësisë që sipas specialistëve është një drosel elektromagnetik, e që sipas mënyrës së vendosjes së ndriçuesit nuk ka qenë i sigurtë me elementët e shtrirjes së kabllit.

Po ashtu, ekspertët pohojnë se nuk ka qenë e sigurtë edhe mosfiksimi i tokëzimit të ndriçuesit, çfarë ka sjellë rënien e ndriçuesit nga tavani, mbi tavolinën që mbahej në korridor.
Pyetjes se, cila është vatra fillestare e zjarrit, ekspertët i përgjigjen se, gjithçka ka nisur pingul me pozicionin ku ndodhej në tavan ndriçuesi, ndërkohë që dëmtimi prej energjisë konstatohej edhe me sy të lirë gjatë këqyrjes te kablli i ndriçuesit.

Për ekspertët, në dyshemenë e korridorit të laboratorit u konstatuan mbetje të materialit të djegur, që ishte lëndë narkotike, si dhe mbeturinat e ndriçuesve të rrëzuar.

Por, ndërsa ekspertët nuk përcaktojnë se, sa është sasia e lëndës narkotike të djegur e që ndodhej aty si provë materiale, jozyrtarisht pohohet se është konstatuar dëmtimi i 20 provave, prej tyre i 12 mostrave kanabis sativa, që ishin vendosur në tavolinë në korridor për t’u tharë, e që janë pa autorë; dhe për 8 të tjera, që janë të regjistruara me autorë.

Prokuroria e Tiranës pritet të bëjë një analizë të veçantë për këtë ngjarje, për të vendosur se çfarë veprimesh të tjera hetimore do të ndërmarrë.

Nga ana tjetër, në raportin e tyre, ekspertët rekomandojnë që Laboratori i Kriminalistikës të rikonstruktojë sistemin e ndriçimit në përputhje me klasifikimin e rrezikshmërisë ndaj zjarrit, që ka në disponim, ndërkohë që e konsideron gjendjen ekzistuese të sistemit të ndriçimit si të pasigurtë, jo vetëm nga cilësia e ndriçuesve, por edhe nga mënyra për instalimin elektrik të tyre.

(d.b/BalkanWeb)