Korrupsioni: Fondet e Qeverisë për shoqërinë civile shkojnë në xhepat e MAJFT-istave

[Albo]

Zbardhen emrat, ja si shpërndahen fondet e shoqërisë civile nga ish-mjaftistët e Veliajt tek FRESSH-i socialist



Shoqëria civile përveç fondeve që merr prej donatorëve financohet edhe nga Qeveria. Është pikërisht Agjencia për Mbështetjen e Shoqërisë Civile që drejtohet nga Andi Kananaj që i ndan këto fonde për shoqatat. Përpos ish-aktivistëve të MJAFT, janë edhe disa gazetarë që marrin para nën petkun e shoqatave.

Deputetja Albina Deda e PD-së ka denoncuar shpërndarjen klienteliste të fondeve të shoqërisë civile në Parlament. Referuar raportit që disponojmë prej deputetes Deda, mesojmë se agjencia e cila drejtohet nga Andi Kananaj (ish-aktivist i organizatës MJAFT) e ka zyrën brenda ambienteve të Ministrisë së Mirëqenies Sociale.

Kujtojmë se Mjaf drejtohej dikur nga Erjon Veliaj dhe në 2014 Kananaj u bë drejtues agjencie pikërisht kur Veliaj ishte ministër i Mirëqenies Sociale.

Po kush është tjetër në bordin e kësaj agjencie?

Endri Fuga, tjetër ish-anëtar i MJAFT dhe aktualisht Drejtori i Informacionit të Kryeministrit Edi Rama. Adrian Thano, gazetar, ish-drejtor i Shekullit aktualisht drejtor i gazetës së majtë “Dita”. Aldo Merkoçi është një tjetër aktivist i MJAFT që ka zënë vend në këtë bord. Edhe prezantuesi i njohur i TCH Alban Dudushi i Top rezulton në këtë bord.

Por si ka shpërndarë fondet kjo agjenci?

Pesë milionë lekë ka përfituar kreu i bordit, Kananaj për projektin “Së bashku për të njohur dhe ndihmuar fëmijët me nevoja të veçanta në shkollë”. Ky projekt zbatohet në zonën elektorale të Veliaj, në Gjirokastër.

“Shoqata e gazetarëve profesionist” me qendër në Frakull të Fierit, e drejtuar nga xhaxhai i Ardian Thanos, Kristaqi gazetar lokal në Fier, ka marrë 5 milionë lekë përmes projektit “Nisma lobuese për një qeverisje me të mirë lokale për komunën Frakull”.

Kozara Kati e cila është po ashtu anëtare e bordit të kësaj agjencie rezulton të ketë përfituar 12 milionë lekë. Ky fond i është dhënë permes “Qendrës Shqiptare për të Drejtat e Njeriut” ku Kati është drejtuese.

Qendra “Sfida”, e drejtuar nga një tjetër aktiviste e MJAFT Ornela Hamitaj ka marrë 8 milionë, në kuadër të projektit “Organizatorë të komunitetit”.

Plot 7 milionë ka thënë Agjencia për Mbështetjen e Shoqërisë Civile për Qendrën Eurisocialiste e Rinore (organizata rinore e Partisë Socialiste).

Për rastin e fundit, Albina Deda thotë se jo vetëm është klientelist por edhe i ndaluar me ligj pasi kjo agjenci nuk duhet të financojë organizata partiake.

Syri

[SERAFIM DILO]

Shteti keshtu vendoset,merja lekun fukarait dhe jepja atij qe nuk punon.

Kete e bente dhe shoku Sali,por te pakten per leket qe vidhte nuk kerkonte as fatur dritash e as kupon tatimor. Ndersa keta per te financuar disa mbeturina postkomuniste kane vene kasa neper berberet. Me kuponin e berberit financon direkt Qendren Euro-socialiste Rinore.
(Me qe financohet me leket e berberit e jo me euro,beje te pakten;Qendra lekut-socialist rinor ).

[Duke_Of_Arberia]

Ze hollet e Erit jane kudo. Kete e dinim. Ate qe s'kuptojme eshte fakti sesi marrin vota keta dylbere ne kuptimin e vertete te fjales?!