Në shkollën "Mati Logoreci", Shkodër, i ndryshuan gjuhën e huaj, nxënësit bojkotuan mësimin: Të rikthehet anglishtja
Ndryshe nga ditët e tjera, këtë të martë, prindërit nuk i kanë dërguar nxënësit e shkollës 9 vjecare “Mati Logoreci” në mësim.
Vendimi i komunitetit të prindërve ka ardhur pasi DAR u ka ndryshuar lëndën e gjuhës së huaj nga Anglisht në Frëngjisht. Sipas tyre ky ndryshim pasi është realizuar gjysma e plan programit është i pakuptimtë ndaj paralajmërojnë se do t’i vijojnë protestat.
Pasi protestuan në mjediset e jashtme të shkollës, prindërit ju drejtuan drejtorisë arsimore, ku atje nuk munguan as debatet me kreun e këtij institucioni Kadri Ymeri.
Edvin Rexhepi specialist i burimeve njerëzore pranë DAR Shkodër thotë se në qytet janë katër shkolla 9 vjecare ku aplikohet gjuha franceze dhe kjo nuk bie ndesh me rregulloren e arsimit parauniversiar.
Prindërit kanë kërcënuar se nëse nuk zgjidhet ky problem i lëndës së gjuhës angleze atëherë ata nuk i sjellin fëmijët në shkollë.
ORA NEWS
Krijoni Kontakt