Korrupsioni: Si të kalosh makinën në kolaudim duke lënë 4 mijë lekë në kroskot

[Albo]

Si të kalosh makinën në kolaudim duke lënë 4 mijë lekë në kroskot (foto)



Katër mijë lekë në taketuken e makinës dhe e kalon kontrollin teknik, edhe po ke defekte. Kjo është mënyra sesi e kalojnë automjetet kontrollin teknik në qendrën e kontrollit teknik të automjeteve në Laç. Radhët e gjata të automjeteve për kolaudim, por edhe korrupsioni i punonjësve kanë detyruar një grup shoferësh të Laçit që t’i drejtohen emisionit Fiks Fare.

Sipas denoncimit të qytetarëve nga Kurbini, në pikën e kontrollit të automjeteve në këtë rreth, nuk kalon asnjë automjet pa paguar lekë nën dorë punonjësve të kësaj pike, “ Fiks Fare” nisi edhe investigimin.

Fillimisht gazetarët e këtij emisioni biseduan me drejtues të automjeteve të cilët ishin në radhë për të kryer edhe kolaudimin e mjeteve të tyre, ku mësuan sasinë e lekëve që duhej të paguanin për punonjësit e kontrollit të automjeteve dhe vendin se ku duhej të linin lekët.



Sipas drejtuesve të mjeteve që ishin në radhë për t’u kolauduar, për kalimin e një autoveture duhej të linin në taketuken e duhanit ose në afërsi të levës së marshit të makinës, nga 3000 – 5000 lekë, kjo në vartësi të mjeteve që kishim për kolaudim.

Nëse nuk paguhej kjo shumë mjeti nuk kalonte në kolaudim. Sipas drejtuesve të automjeteve kjo pagesë është e pashmangshme. Për të vërtetuar një gjë të tillë gazetarët siguruan një autoveturë, e cila edhe pse nuk ishte në kushte teknike për të lëvizur gazetarët e dërguan automjetin në pikën e kontrollit të mjeteve në Kurbin.



Fillimisht bashkëpuntorët e “Fiks Fare” futen 4000 lekë në taketuken e cigareve në makinë dhe më pas e mbyllën atë, për të mos provokuar punonjësit e pikës së kontrollit.

Më të afruar mjetin pranë pikës së kontrollit, është përgjegjësi i pikës i cili merr mjetin. Me të hyrë brenda në autoveturë, të parën punë që bën kryekontrollori i Qendres Kontrollit te mjeteve Laç, hap kapakun e taketukes së cigareve dhe pasi sigurohet që lekët ishte brenda, tregon edhe kontrollorit të pikës, duke i pohuar se gjithçka ishte në rregull.

[Albo]

Pasi del nga makina, punonjësi i dytë i pikës futet në makinë merr autoveturën hap kapakun e taketukes dhe merr 4000 lekëshin duke e future në xhep. Më pas mjeti futet në pikën e kontrollit dhe nuk i matet sasia e ndotjes që çlirohet nga djegia e karburantit.





Po kështu mjeti nuk ngrihet në vinç për të parë pjesët xhenerike të tij nëse janë të rregullta apo jo. Ndërkohë që për të justifikuar gjendjen e mjetit, punonjësi i Qendres së kontrollit të automjeteve Laç e kthen mbrapsht drejtuesin e mjetit. Pra ne kontrollin e pare makina ngeli per mosfunksionimin e një llampe. Pasi bashkëpuntori i “Fiks Fare” shkon në arkën e qendrës së kolaudimit të automjeteve, paguan tarifën prej 780 lekësh takon përsëri kryekontrollorin.



Kryekontrollori i thote bashkepuntorit te “Fiks Fare” se nuk do te hynte përsëri per kontroll. Ai kthehet pas 30 minutash për të marrë letrën kaluese, të kontrollit pa e futur sërish për kontroll mjetin.

Kaq ka mjaftuar që mjeti të kolaudohej dhe gazetarët të merrnin fletën e kolaudimit për të lëvizur normalisht me mjetin.

[Albo]

Lapsi