ryetari i Partisë Demokratike, Lulzim Basha, forcoi sot akuzat ndaj zyrtarëve të lartë të policisë për përfshirje në trafikun e drogës duke veçuar dy prej tyre, Drejtorin e Policisë së Gjirokastrës dhe atë të Korçës. Këto akuza shefi i selisë blu i mbështeti në dokumentat e partnerëve ndërkombëtarë dhe shtoi se dy Drejtorët punojnë për llogari të Minsitrit Brendshëm, Sajmir Tahiri.
Prej muajsh opozita ka denoncuar Ministrin e Brendshëm, Sajmir Tahiri, të lidhur me banda kriminale, kryesisht me trafikantë të lëndëve narkotike.
Por kryetari i Partisë Demorkatike Lulzim Basha, e ka rritur dozën e akuzave kur tha se Drejtori i policisë së Korçës dhe ai i Gjirokastrës, janë të implikuar në trafikun e drogës dhe se punojnë për llogari të shefit të tyre në qeveri.
Basha: “Publikojmë sot fakte të dokumentuara po kështu nga partnerët, për faktin se dy Drejtorë të tij të policisë në Korçë dhe Gjirokastër janë të implikuar drejtëpërdrejt në trafikun e drogës, Ajet Zyberi dhe Arianit Arapi janë dokumentuar përsëri nga partnerët si shërbëtorë të krerëve të trafikut të drogës, si njerëz në dispozicion të biznesmenëve të hashashit,miq për kokë të Edi Ramës”.
Kryetari i opozitës Lulzim Basha, akuzat i bazon në dokumenta të partnerëve ndërkombëtarë.
Sipas tij po në ato dokumenata gjendet dhe biseda e Ministrit Sajmir Tahiri, që shfajësohet para trafikantëve që u arrestuan.
Basha: “Pas arrestimit të bandës në Durrës Ministri i tij është dokumentar duke u justifikuar, duke dhënë llogari para banditëve duke u justifikuar para kapjes së hambarit të drogës, duke u thënë se nuk e keni prej meje.Por Edi Rama është krenar të thotë se kjo është era shtet, a do jetë krenar Edi Rama për Ministrin e pas fakteve të sotme?”
Në këto rrethana kryetari i PD e shpall shtetin shqiptar të kalbur dhe në duar të mafias.
Basha: “Era shtet është kjo?Kjo është era e kalbëzimit të shtetit, era e rënies së shtetit në duart e mafias, era e përzierjes së Kryeministrit dhe qeverisë së tij me krimin”.
Deklarata e plotë e Bashës:Vendi qelbet nga përfshirja e shtetit të Ramës në trafiqe
Ka filluar të vijë era shtet, thotë Edi Rama. Në fakt vendi kutërbon dhe qelbet nga era e drogës, e krimit, e trafiqeve, e përfshirjes të palo shtetit të Edi Ramës në trafiqe.
Pas arrestimit të bandës në Durrës, ministri i tij është dokumentuar duke justifikuar, duke dhënë llogari para banditëve, krerëve të bandës dhe personave të lidhur me ta, duke ju thënë “nuk e keni prej meje, nuk isha unë ”. Kjo wshtw e dokumentuar.
Është pikërisht dokumentimi i kësaj që tregon se sa qelbet shteti i Edi Ramës.
Por Edi Rama është krenar dhe thotë se kjo është era shtet.
A do jetë krenar Edi Rama sot për ministrin e tij, pas fakteve të reja që publikojmë, të dokumentuara po kështu nga parnerët se dy drejtorët e tij të Policisë në Korçë dhe në Gjirokastër, janë të implikuar drejtpërdrejt në trafikun e drogës.
Arianit Arapi dhe Ajet Zyberi janë dokumentuar përsëri nga parnerët si shërbëtorë të krerëve të trafikut të drogës, si njerëz në dispozicion të biznesmenëve të hashashit, miq për kokë të Edi Ramës. Era shtet është kjo?!
Kjo është era e kalbëzimit të shtetit. Kjo është era e rënies së shtetit në duart e mafies. Kjo është era e përzjerjes së kryeministrit dhe qeverisë së tij me krimin. Cili është treguesi, matësi kryesor i shtetit?! Është forca, dhuna ndaj të pamundurve?! A është vallë shtet të mbushësh qelitë me të varfër, me të pamundur që nuk kanë 10 mijë lekë të vjetra të paguajnë energjinë se nuk kanë se me çfarë, se nuk kanë ku ti marrin?!
Apo të mbushësh burgjet me berberë e ambulantë që nuk kanë kupon.Por nga ana tjetër, të kesh narkoministrin e dy drejtorët e Policisë në shërbim të bandave të drogës.Era shtet është të kesh hektarë të mbjellë me drogë në gjithë vendin që ruhen me njerëz të armatosur, që kanë imunitet nga banditët e veshur me uniformë që ruhen nga ministri i Brendshëm që justifikohet se nuk e kanë prej atij kur e kapin shërbimet partnere?!
Në fund, jo vetëm era shtet që nuk është por është era krim.Çdo qytetar e sheh vetë dhe e di se kjo është forma, përmbajtja, përmasa e një regjimi kriminal, e një miksimi qeveri-krim, që i ka zënë frymën vendit.Nuk është era shtet të vendosësh drejtorin e kufirit të Dhërmiut në prehrin e kushërinjve habilaj, zonë ku magazinohet e bëhet gati për të kaluar në Itali hashashi i vendit?
Nuk është era shtet të dalësh e të thuash që refuzon të zbatosh një vendim gjykate si ministër i Brendshëm, e më pas po ky birbo të dalë e të arrestojë përmbaruesin që u ngarkua me zbatimin e këtij vendimi gjykate, një arrestim që prokuroria e shpalli të paligjshëm.
Ky nuk është shtet. Është një regjim kriminal oligarkik. Eshtë kutërbimi i ndotjes që ka shkaktuar shkrirja e qeverisë së Edi Ramës me bandat, ndotja e një oligarkie të përlyer me krim.Ky regjim me këto përmësa ka qelbur Shqipërinë, bashkë me qytetarët kemi detyrën dhe të drejtën ta largojmë një orë e më parë.
Ajet Zyberi, Drejtor i policisë së Korçës
Arianit Arapi, Drejtor i policisë Gjirokastër
ORA NEWS
Përgjigju Duke Cituar
Postuar më parë nga Lul Zagari
Krijoni Kontakt