Qeveria i jep me konçesion hekurudhën Ballsh-Fier-Vlorë djalit të deputetes Leskaj

[Albo]

Akuzat për Ramën , PD: Djali i Valentina Leskajt mori 25 vjet me koncesion hekurudhën Fier – Vlorë



Partia Demokratike akuzon kryeministrin Edi Rama se i ka dhënë me koncesion për 25 vite hekurudhën Ballsh-Fier-Vlorë djalit të deputetes, njëkohësisht nënkryetares së Parlamentit Valentina Leskaj.
Deputetja demokrate Liliana Elmazi,nga selia e PD-së deklaroi se Edi Rama ka vendosur t’i japë mikut dhe donatorit të tij, Arian Leskaj, hekurudhën Ballsh-Fier-Vlorë.
“Çdo mall që do transportohet për 25 vite, çdo pasagjer që do udhëtojë për 25 vite në këtë linjë, do paguajë paratë tek biznesmeni Arian Leskaj, mik i vjetër i Bashkisë së Edi Ramës, djali i nënkryetares së Kuvendit”
Më tepër PD pretendon se koncesioni është bërë pa transparencë, pa garë, pa asnjë njoftim.
“Kemi të bëjmë me një biznes miliona eurosh në vit, duke ditur se në hekurudhën Leskaj, do të transportohet nafta që prodhohet në ballsh, e cila shkon në Vlorë për t’u tregtuar më pas në Europë.
Me filozonë pa tender, me fitues të paracaktuar, që janë gjithnjë miqtë e Edi Ramës po jepen çdo ditë ekskluzivitete për dekada të tëra.”
PD e mbyll deklaratën duke u shprehur: ” Çdo ditë, pas çdo tenderi, pas çdo koncesioni, pas çdo pasurie kombëtare po shfaqet një mik i Edi Ramës, që ndan fitimet më të.
Edi Rama është sot kryeministri më i korruptuar në Ballkan, dhe sipas raportit të punës së OSBE pasuria e tij llogaritet mbi 200 milionë euro.
Pasuri e cila po rritet çdo ditë, pasi fondet shperndahen nga Edi Rama, i cili cakton xhepat se ku duhet të shkojnë paratë e shqiptarëve, duke i ndarë ato me miqtë dhe ndërtuesit e tij personal”

ORA NEWS

[Albo]

Reagimi, Ministria e Transporteve hedh poshtë akuzat e opozitës për hekurudhën Fier- Vlorë



Ministria e Transportit dhe Infrastrukturës hedh poshtë akuzat e PD-së lidhur me koncesionin e hekurudhës Fier- Ballsh-Vlorë.
“Proçedurat kanë qenë të hapura dhe konform kuadrit ligjor” thuhet në njoftimin për shtyp të ministrisë e cila akuzon opozitën se po keqinformon.
Gjithashtu ministria vë në dispozicion të dhënat kronologjike në lidhje me këtë konçesion që tregojnë se Agjensia e Prokurimit Publik ka bërë botimin për ftesën për ofertë në datën 8 qershor deri në datë 30 korrik 2015, rreth 50 ditë.
“Ndërsa fituese u shpall oferta e vetme, që erdhi nga bashkimi i kompanive“ALB STAR” shpk dhe “Matrix Construction” shpk.
Nga studime të shumta, infrastruktura hekurudhore në tërësi dhe ajo e këtij segmenti në veçanti, paraqitet tejet e amortizuar dhe kërkon ndërhyrje.
Për këtë arsye MTI, nëpërmjet një politike të hapur zhvillimore për infrastrukturën e transportin në Shqipëri, inkurajon biznese, vendas apo të huaj, të ndërmarrin iniciativa të partneritetit publik privat për realizimin e projekteve infrastrukturore, me qëllim rritjen e cilësisë së shërbimit për qytetarët” thuhet në njoftim
Në datë 18 Maj 2015, Komisioni i Dhënies së Konçensionit, i paraqet Ministrit relacionin e hartimit të Dokumentave Standarde të Procedurës Konkurruese, në zbatim të Ligjit 125/2013 dhe VKM 575/2013; dhe vendimin e datës 19 Maj 2015 për miratimin e këtyre dokumentave.
Me shkresë Nr. Prot. 3178, datë 2 Qershor 2015, MTI i dërgon për botim ftesën për ofertë Agjencisë së Prokurimit Publik.
Agjencia e Prokurimit Publik bën botimin e ftesës për ofertë në Buletinin e Njoftimeve Publike Nr. 22, datë 8 Qershor 2015, që mund të shihet në https://www.app.gov.al/ep/2015_Arkiva_e_Buletineve.aspx .
Në datë 30 Korrik 2015, ora 15:00, Komisioni i Dhënies së Konçensionit hap ofertat për projektin, ku rezultonte vetëm një ofertë.
Në datë 26 Gusht 2015, ora 11:00, Komisioni i Dhënies së Konçensionit konstatoi se në sistemin elektornik të prokurimit kishte vetëm një ofertë, nga Bashkimi i Përkohshëm i Shoqërive “ALB-STAR” sh.p.k. dhe “Matrix Konstruksion” sh.p.k. Në përfundim të vlerësimit të përpuethshmërisë me Dokumentat Standarte të Konkurimit rezultoi se Bashkimi i Përkohshëm i Shoqërive përmbushte kapacitetet dhe kualifikohet për fazën e mëtejshme.
Me vendim të datës 31 Gusht 2015, Komisioni i Dhënies së Koncensionit, pasi shqyrtoi dokumentacionin e paraqitur nga bashkimi i përkohshëm i operatorëve “Alb-Star” sh.p.k. dhe “Matrix Konstruksion” sh.p.k., konstatoi se:
Koha e zbatimit te punimeve 46 muaj
Vlera e investimit 1,394,569,680 lekë (infrastrukturë) 742,000,000 lekë (pajisje)
Vlera e “Fee koncesionare” është2.2% . Aktualisht, palët janë në fazë negocimi të kontratës koncensionare.

ORA NEWS

[Albo]

Investimi 2.4 miliard lekë, Jepet me konçesion hekurudha Fier-Ballsh dhe Fier -Vlorë



Gjendja e amortizuar në të cilën ndodhet hekurudha shqiptare ka detyruar qeverinë që të japë me konçesion dy linjat hekurudhore Ballsh-Fier dhe Fier-Vlorë për 5 vite.
Anëtari i vlerësimit të këtij koncesioni, Leonard Jani tha se shoqëritë që fituan tenderin do të investojnë dhe do ti përdorin këto segmente për transport hidrokarburesh.
Leonard Jani: “Fituesi i garës për dhënien në koncesion është bashkimi i shoqërisë Alb Star shkp Fier, dhe Matrix Construcion. Vlera e investimit që kanë parashikuar në periudhën 5 vjeçare për vënien në funksionim të plotë të kësaj linje është 2. 43 miliardë lekë. Në pjesën më të madhe do të kenë transport karburanteve dhe qymyrit. Kanë parashikuar dhe transport të udhëtarëve”.
Duke i bërë një pasqyrim situatës në të cilën ndodhet hekurudha shqiptare, Jani tha se ajo ndodhet thuajse e paralizuar, për shkak të mungesës së investimeve
Linja Fier-Ballsh është mbyllur për transport hekurudhor të mallrave rave që prej janarit të vitit 2012, për shkak të infrastrukturës së degraduar. Ndërsa linja Fier-Vlorë shërben aktualisht vetëm për transportin e udhëtarëve.



ORA NEWS

[Albo]

PD kërkesë në Kuvend, Koncesioni me hekurudhën, Ristani: Valentina Leskajt i ka mbaruar mandati



Partia Demokratike depozitoi në Kuvend kërkesën për mbledhjen e Këshillit për Rregulloren, Mandatet dhe Imunitetin, për konstatimin e mbarimit të mandatit të deputetes Valentina Leskaj.Kërkesa vjen pas koncesionit që sipas PD, përfitoi djali i nënkryetares së Parlamentit me marrjen për 25 vjet të hekurudhës Ballsh-Fier-Vlorë, ç’ka sipas nenit 21 dhe 24 të ligjit 9367 sjell papajtueshmërinë e mandatit të zonjës Leskaj.PD thekson se ligji ndalon deputetët dhe familjarët e tyre ku përfshihen fëmijët në moshë madhore, që të lidhin kontratë ose nënkontratë me institucionet publike.
Partia Demorkatike do ti kërkojë Kuvendit ndërprerjen e mandatit të deputetes socialiste, Valentina Leskaj.
Kërkesa e PD, bazohet në konçesionin e fituar nga djali i deputetes për hekurudhën Ballsh-Fier-Vlorë. Selia blu argumenton se kjo bie ndesh me ligjin “Për parandalimin e konfliktit të interesave në ushtrimin e funksioneve publike”.
Ristani: “Pika 1 e nenit 21 shprehimisht përcakton: “Asnjë individ, kur ky njësohet me një zyrtar në njërin nga funksionet e përcaktuara nga ligji (ku përfshihet edhe deputeti), nuk mund të lidhë kontratë apo nënkontratë me asnjë institucion publik”.Ndërkohë pika 3 e nenit 24 parashikon se: “Ndalimet dhe kufizimet për zyrtarin, (deputetin) zbatohen edhe për personat e lidhur me të, ku sipas ligjit përfshihet edhe fëmija në moshë madhore (pika 1 e nenit 24)”.Partia Demokratike nuk do të lejojë shkeljen e ligjit dhe do ta çojë deri në fund këtë çështje”.
Ristani tha se kur bëhet fjalë për korrupsion dhe tendera klientelist, për Kryeminsitrin ligji pushon së ekzistuari.

ORA NEWS

[Albo]

Kuvend , Leskaj mbron fëmijët: S’kanë marrë asnjë qindarkë publike, reagon Berisha



Ish kryetarja e parlamentit Valentina Leskaj mbron dy djemtë e saj të cilët opozita akuzon se kanë përfituar tendera publikë duke marrë para publike. Leskaj tha se djemtë e saj nuk kanë përfituar asnjë qindarkë para publike.
Në replikë Berisha tha se djali i saj nuk duhej të merrte tender pasi ishte në konflikt interesi

Valentina Leskaj: “Harrojeni se mund të më bëni pis, të më intimidoni duke sajuar histori me tendera dhe do i marr një për një.
Ne bëjmë një diferencë unë jam një nënë e lumtur me fëmijët e mi dhe mos mendoni se duke më goditur si fëmijë mund të më shkatërroni. Djali im është 48 vjeç dhe ka 20 vjet biznes dhe e ka ngritur në qeverinë tuaj.
Nuk ka asnjë qindarkë para publike në biznesin e tij. Vetëm ka paguar taksa. Zero para publike në biznesin e tij. Turp që i bjeni në qafë një njeriu që doli në treg për të shitur sepse ngeli pa punë. Cfarë të bënte të bënte rolin e sekserit, sic bëjnë disa?
Ai ka kërkuar të marrë përsipër të marrë kredi të sakrifikojë me kredi për të bërë një punë . Cfarë duhet të bëjë të bëjë rolin e sekserit. Jeni mësuar me klientët tuaj që kanë punuar dhe vijojnë të punojnë me paratë publike
Të dy fmijët e mi janë model, është turp për këtë vend që djali im ka investuar 8 vjet studime jashtë shteti. Ka ngelur 8 vjet pa punë sepse ju ishit në pushtet hapi një zyrë konsulence. Çfarë duhet të bëjë ?
Ka aplikuar tek OSHEE jo për stres dhe është tërhequr vetë që në tetor, jo në kohën kur nxorrët ju që të sulmonit një njeri të ndershëm.
Terminali multimodial i qytetit të Tiranës, projekti u fitua në 2012, fitues bashkia e Tiranës, u financua nga BERZH dhe u implementua në bashkëpunim me shoqërinë Ital Ferr .
Nuk e besoj se Lul Basha ka ndarë paratë me djalin tim. Dhe nuk janë para publike.
Studimi i fizibilitetit dhe hartimi i projketeve të kullimit. Fitues ka qenë qeveria Berisha.. nëse i keni ndarë paratë me djalin tim tregojeni.
Projekti u financua nga BB . Djali im ka qenë nënkontraktor. Cfarë duhet të bëjë të mos punojë?
Është marrë konsulent nga kompani të njohura. Duhet të ndihem fajtore se firma të njohura përzgjedhin djalin tim si konsulentë. Nuk kam folur për fëmijët e asnjërit
I kërkoj qeverisë të botojë të gjitha listat e koncesioneve dhe tenderave të punëve publike nga viti 2000 e të dalim e të matemi në sheshin e të vërtetës se kush abuzon këtu.
Berisha: I takonte që të mos merrte pjesë në tendera nëse ligji e ndalohet. Janë shkelje flagrante të ligjit pas nuk ka deklaruar konfliktin e interesit. Këta thonë nuk ka faj hajduti që vjedh. Po hekurudha e kujt është. Paratë e Bankës Botërore janë paratë që merren borxh

ORA NEWS

[Albo]

Tjetër akuzë, PD: Rama, 1 mln e 620 mijë euro të tjera për djalin e nënkryetares së Kuvendit



PD ka hedhur një tjetër akuzë ndaj djalit të nënkryetares së Kuvendit, Valentin Leskaj. Në një deklaratë për mediat nga selia blu, deputetja Arbiola Halimi tha se Rama i ka dhënë 1 milionë e 620 mijë euro për rehabilitimin e digave dhe për të përgaditur planin e menaxhimit të baseneve lumore për Drin-Buna dhe Seman.
Arbiola Halimi: 1 milionë e 620 mijë euro ka marrë sërish djali i Valentina Leskajt, me dy kontrata, kësaj radhe me Ministrinë e Bujqësisë.
Qeveria ia jep këto para djalit të nënkryetares së kuvendit për mbikqyrje të punës për rehabilitimin e digave dhe për të përgaditur planin e menaxhimit të baseneve lumore për Drin-Buna dhe Seman.

Ja ku janë dokumentat, kontratat.

1 milionë e 620 mijë euro për letra pra, që firma e djalit të zonjës Leskaj të prodhojë disa letra.
Nëse këto para do të ishin investuar për të rregulluar digën e Semanit, për të thelluar lumin, me siguri nuk do të ishin përmbytur qindra familje e biznese siç ndodhi një muaj më parë në Fier e në Vlorë.
Sigurisht qeveria dhe Edi Rama nuk e ka mendjen tek qytetarët.
Prioritet është zhvatja e parave, ndarja e milionave me miqtë e me klientelën.
Habi e madhe është se si djali i zonjës Leskaj qenka i vetmi në Shqipëri që ofron ekspertizë edhe për stresin e punonjësve të KESH-it në këmbim të 700 milionë lekëve për 4 muaj, po dhe ekspertizë për digat e lumenjve.
Ky është një korrupsion skandaloz dhe i paimagjinueshëm.
Ky është në fakt, shteti korruptiv që ka ngritur Edi Rama, shtet korruptiv që çdo ditë ndan paratë e shqiptarëve me rrethin e ngushtë të biznesmenëve të kryeministrit.
Partia Demokratike ka bërë një kërkesë pranë Kuvendit për mbarimin e mandatit të deputetes Leskaj, pasi djali i saj i madh mori hekurudhën Ballsh-Fier-Vlorë për 25 vjet. Ligji i ndalon fëmijët madhorë të një parlamentari të marrin fonde apo të nënshkruajnë kontrata me zyrat publike.
Sot, ne do ti shtojmë kërkesës tonë, edhe këto kontrata që ka marrë ABKONS, firma e djalit tjetër të zonjës Leskaj.
Paratë dhe privilegjet duhet të kthehen, ligji duhet të funksionojë.
Partia Demokratike do ta çojë deri në fund këtë çështje, me çdo mjet.

ORA NEWS

[Albo]

REPLIKAT/ Leskaj: Djali im jeton akoma në një shtëpi nga të Enverit. Berisha: U bë kurban i Ramës


Deputetja e PS Valentina Leskaj, duke folur gjate nje seance Parlamentare

Jam një nënë krenare dhe e lumtur për fëmijët e mi dhe mos mendoni se duke më goditur si nënë mund të më dobësoni apo të më shkaktoni trauma në familje.

Djali im është 48 vjec, ka 20 vjet në biznes e ka ngritur në kohën tuaj biznesin, nëse i ke bërë ndonjë privilegj ngrihu e thuaj këtu, s’ka asnjë qindarkë para publike të jetë përdorur në biznesin e Arjan Lekës, vetëm ka paguar taksa, 0, 0 pra publike në biznesin e tij, po them turp t’i bihet në qafë një prinidi që e ka vajzën 18 vjec, që ka dalë e ka shitur në treg zotëri se ka mbetur pa punë, cfarë të bënte, të bënte rolin e sekserit siv bëjnë disa të tjerë? Shumë nga juve këtu e njohin mirë se cfarë djali, prindi është, familje ka. Akuza që i keni bërë juve është që ai ka kërkuar të marrë përsipër me grup invesitorësh të marrë kredi, të sakrifikojë me kredi për të bërë një punë, cfarë? Të bëjë rolin e sekskerit? Po ju them edhe një gjë, jeni mësuar me klientët tuaj që kanë punuar e vazhdojnë të punojnë me para publike, po jua them tani që po përgojoni.

Kanë mbaruar shkoklalt shkëlqyeshëm që nga kopshti deri sot janë model, është turp për këtë vend që ka investuar 8 vjet studime jashtë shtetit, ka fituar bursë mes 3 mijë studentëve në Itali për në Francë, ka ardhur këtu dhe ka ndenjur 8 vjet pa punë se ishit ju në pushtet, cfarë duhet të bëjë? Një djalë që është 38 vjec cfarë duhet të bëjë? Të rrijë rrugëve? Të vjedhi? Ka nisur një zyrë konsulence.

Po i marr një për një akuzat që keni bërë edhe djalit të dytë, ka aplikuar tek OSHE jo për stresin , ka aplikuar dhe është tërhequr vetë që në tetor, jo në kohën kur nxorët juve papagallët që të sulmonit juve një njeri të ndershëm….Jemi nëna e baballarë, e s’mund tua vrisni njerëzve fëmijët në mënyrë të tillë.

Dhe po ju them edhe të fundit, projetki për masat e parandalimit të përmbytjeve është fituar në 2011 gjatë qeverisjes së PD…a ka mundësi të më thoni një gjë? Duhet të iki unë nga politika se BERZH e përzgjedhin konsulent djalin tim? Ja ku i keni miqtë e mi edhe më vjen shumë keq po ju them edhe një gjë. S’kam folur për fëmijët e asnjërit këtu sepse kam tjetër kulturë dhe tjetër standart, jam e gatshme të iki që sot nga politika por kurrë nuk prish standartin e kulturën e familjes sime, jam rritur nga një baba me kulturë franceze që më ka mësuar të respektoj njerëzit, kam dalë përballë jush dhe gjithë të tjerëve për atë që jemi këtu, dhe arsyeja pse dola këtu është respekti ndaj publikut. Jam ndër deputetet më të votuara që nga dita kur kam hyrë në politikë.

Kam mbledhur të dhëna, 80% e firmëtarëve që kanë mbledhur firma për mua janë njerëz në konflikt inrteresi, unë si kam edukuar kështu fëmijët, por për fatin tuaj të keq s’ka një qidnrakë para publike të shpenzuar nga ta.

E kam me qeverinë time, i kërkoj të botojë të gjitha listat e koncesikoneve tenderëve të punëve publike që nga të paktën 2000 e deri sot e të bëhet publike e aty të matemi në sheshin e të vërtetës se kush abuzon këtu. Keni nisur një rrugë ndaj meje, çojeni deri në fund, se të humbur do dilni.

Replikon Berisha

Respekti për ju si nënë është i pandryshueshëm por as ky rol, as ky mantel s’mund të përdoret për të mbuluar abuzimin që jep pusheti me pasuritë publike të këtyre qytetarëve. Kjo është e pamundur.

Ky shtet dhe cdo shtet tjetët i lirë ka një ligj që quhet ligji i konfliktit të interesit, mbi bazën e këtij ligji, cdo zyrtar është i detyruar të përshtasë të gjithë veprimtarinë etike, morale, të familjarëve të tij, përndryshe, del se pushteti është përdorur në favor të kësaj veprimtarie. Ky ligj ndalon anëtarët e familjeve tona të përfitojnë qëoftë edhe një qindrakë të vetme nga pasuritë publike të shqiptarëve. I takonte djemve të saj të mos merrnin pjesë në tendera. e them edhe një herë, lexoni ligjin. prandaj thashë banditokraci, se kemi të bëjmë me banditë që s’njohin ligj, por ngrihet edhe më numëron këtu dhjetra tendera që paskan marrë pjesë.

Mandati yt moralisht ka marrë fund, që në momentin që djali yt ka marrë hekurudhën për llogari të Edi Ramës, kur ai funksionon si kurban i Edi Ramës. ti dorëzon mandatin se qytetarët shqiptarë s’të kanë votuar ty për një gjë të tillë.

Reagon Leskaj:

Unë besoj se s’ja vlen ta zgjat shumë se e kuptoj dëshpërimin e parafolësit por dua tu them edhe një gje së djali im edhe pse po ju them të gjitha këto nuk ësyhtë asnjëra në konflikt interesi, unë eci në cdo hap me ligjin. Por mirë bëre që e the edhe atë se e ka thënë edhe bashkëshortja juaj që një gazetë që jemi një familje të nderuar por se di pse e keni ndërruar mendimin. Edhe pse ka punuar kaq shumë, jeton në një shpi të kohës së Enverit nuk jeton në një vilë shumë luksoze sic jeton djali juaj edhe pse s’ka punuar asnjë ditë, jeton një një shpi të kohës së Enverit madje edhe unë që jam nëna e tij dhe që kam 45 vjet punë, ndofta më shumë se sa kanë vjec shumë nga deputetët këtu kam 100 metra katrorë që mi ka dhuruar djali.

Panorama

[Albo]

Del gënjeshtra e Valentina Leskaj për tenderat. Ja dokumentet /FOTO



Duket se nuk kanë fund tenderat e fondeve publike për djemt e nënkryetaraes së Kuvendit Valentina Leskaj. Partia Demokratike deklaroi sot se djali i nënkryetares së Kuvendit ka marrë të tjera fonde publike, këtë herë nga Ministria e Bujqësisë.

“1 milionë e 620 mijë euro ka marrë sërish djali i Valentina Leskajt, me dy kontrata, kësaj radhe me Ministrinë e Bujqësisë. Qeveria ia jep këto para djalit të nënkryetares së Kuvendit për mbikëqyrje të punës për rehabilitimin e digave dhe për të përgatitur planin e menaxhimit të baseneve lumore për Drin­Buna dhe Seman,” tha deputetja Arbiola Halimi

“Ja ku janë dokumentet, kontratat. 1 milionë e 620 mijë euro për letra pra, që firma e djalit të zonjës Leskaj të prodhojë disa letra. Habi e madhe është se si djali i zonjës Leskaj qenka i vetmi në Shqipëri që ofron ekspertizë edhe për stresin e punonjësve të KESH­it në këmbim të 700 milionë lekëve për 4 muaj, po dhe ekspertizë për digat e lumenjve.

Ky është një korrupsion skandaloz dhe i paimagjinueshëm. Ky është në fakt, shteti korruptiv që ka ngritur Edi Rama, shtet korruptiv që çdo ditë ndan paratë e shqiptarëve me rrethin e ngushtë të biznesmenëve të kryeministrit.

Partia Demokratike ka bërë një kërkesë pranë Kuvendit për mbarimin e mandatit të deputetes Leskaj, pasi djali i saj i madh mori hekurudhën Ballsh­Fier­Vlorë për 25 vjet. Ligji i ndalon fëmijët madhorë të një parlamentari të marrin fonde apo të nënshkruajnë kontrata me zyrat publike,” tha Halimi.



Syri

[Albo]

Kushtet e opozitës - Valentina Leskaj letër Metës: Mandati im të shkojë në Kushtetuese

Nënkryetarja e Kuvendit, Valentina Leskaj i ka dërguar një letër, kryeparlamentarit Ilir Meta, ku i kërkon që mandati i saj të shkojë në Gjykatën Kushtetuese.
Ora News ka siguruar letrën e Leskajt, ku ndër të tjera thuhet: “Duke qene e bindur se veprimtaria ime si deputete është në përputhje me jurispudencën e Gjykatës Kushtetuese, po ju drejtohem me këtë letër kryetarit të Kuvendit të Shqipërisë ta dërgojë në Gjykatën Kushtetuese kërkesën përcjellë Kvendit. Mbetet në vlerësimin tuaj procedura që do të ndiqet.”
Ndërkohë mandati i deputetes Leskaj, por edhe i deputetit Rakip Suli janë kushti i opozitës për kthimin ne Kuvend.





ORA NEWS