Raporti i Bankës Botërore: Qeveria e Rilindjes po ia nxin jetën biznesit privat

[Albo]

Raporti i BB, Të bërit biznes, Shqipëria pëson ulje, humbet 35 vende nga viti i kaluar



Klima e të bërit biznes në Shqipëri për vitin 2016 ka humbur 35 vende.

Raporti i fundit i Bankës Botërore thekson se negativisht në klimën e të bërit biznes ka ndikuar sidomos mungesa e furnizimit me energji elektrike dhe vështirësitë në dhënien e lejeve të ndërtimit dhe pagesa e më shumë taksave për kompanitë si pasojë e rritjes së nivelit të taksës mbi të ardhurat për kompanitë.
Kjo bëri që Shqipëria të renditet në vendin e 97 nga vendi i 62 që ishte një vit më parë.
Furnizimi me energji dhe transparenca me tarifat e energjisë shkaktoi humbjen e 7 vendeve për Shqipërinë.
Ndërsa përsa i përket lejeve të ndërtimit sipas raportit të Bankës Botërorre Shqipëria e bëri më të vështirë marrjen e lejes së ndërtimit duke pezulluar lëshimin e lejeve të ndërtimit.
Renditja e Shqipërisë gjithashtu është e lidhur edhe me një ritëm më të shpejtë reformash në vende të tjera.
Pavarësisht përkeqësimit të klimës së biznesit vendi ynë ka bërë edhe disa përmirësime në forcimin e mbrojtjes së investimeve të pakicave, duke paraqitur kërkesa ligjore për publikimin e menjëhershëm të transaksioneve.
Po ashtu raporti vlerëson se Shqipëria ka lehtësuar eksportin ndërkufitar duke zbatuar një sistem elektronik inspektimi që ka shkrtuar kohën e procedurave që kryhen në kufi.
Kosova ka shënuar rritje në klasifikimin e Bankës Botërore duke u radhitur e 66 duke e kaluar Shqipërinë përsa i përket klimës së biznesit.
Sipas vlerësimit të BB-së Kosova është vlerësuar për përparimin që ka arritur me lehtësimin e pagimit të taksave për kompanitë duke eliminuar tarifën vjetore për liçensën e biznesit.
Nga vendet e rajonit më mirë pozicionohet Maqedonia, për të cilën BB vlerëson reformat e ndërmarra për lehtësimin e të bërit biznes.

ORA NEWS

[Albo]

Reagim, Arben Ahmetaj: Raporti “Doing Business” i pritshëm, ndikuan dy indikatorë



Pas publikimit të Raportit “Doing Business 2016” që e rendit Shqipërinë në vendin e 97 ka reaguar edhe ministria e Ekonomisë. Në një dalje për mediat, Arben Ahmetaj dha se kjo renditje ishte e pritshme nga ana e qeverisë, për shkak të dy indikatorëve.
Arben Ahmetaj: Në raportin e vitit 2016 Shqipëria renditet në vendin e 97 në botë, renditje që ndikohet nga dy indikatorë, sic janë dhënia i lejeve të ndërtimit dhe marrja e certifikatës së pronësisë e pagesa e taksave. Kjo renditje ishte e pritshme për qeverinë Shqiptare për shkak të zhvillimeve të lidhura me këta dy indikatorë. Me dnërmarrjen e reformës territoriale Këshilli Kombëtar i Territorit ka marrë vendimin për pezullimin e përkohshëm të lejeve të ndërtimit me qëllim harmonizimin e instrumentave të planifikimit territorial në kaudër të ndarjes së re territoriale. Dhe për një arsye tjetër, disiplinimin e dnërtimeve në Republikën e Shqipërisë. Kjo është një qasje afatgjatë për zhvillimin e turizmit dhe ekonomisë. Ne jemi të bindur që në raportin e vitit të ardhshëm kjo reformë do të gjejë një reflektim të drejtpërdrejtë në vlerësimin e indikatorit.
Të rëndësishëm për vendin e quan dekriminalizimin dhe reformën në drejtësi. Kjo e fundit sipas Schnoll ka shumë probleme që duhen zgjidhur dhe vendi nuk duhet të deshtojë në këtë reformë.
Arben Ahmetaj: Për t’i dhënë një përgjigje zerave që e kanë quajtur “goditje” për ekonominë shqiptare apo e atyre që e duan Shqipërinë të fundit në rajon përsa i përket konkurrueshmërisë, dëshiroj tju them se ekonomia shqiptare ka hyrë në një rrugë të qëndrueshme reformash aggressive që shkojnë në thelb të ekonomisë, tek produktiviteti dhe konkurrueshmëria.
Ahmetaj më tej tha se “Në thelb Shqipëria nuk është se ka humbur vende në raport me vetëveten. Në raport me vetëveten përkundrazi ka përmirësime, por sigurisht kjo është një sfidë e konkurueshmërisë që vendi ka me rajonin”

ORA NEWS

[Qyfyre]

Raporti i plote

http://www.doingbusiness.org/~/media/GIAWB/Doing%20Business/Documents/Annual-Reports/English/DB15-Full-Report.pdf

dhe te dhenat per Shqiperine

http://www.doingbusiness.org/data/exploreeconomies/albania

[Albo]

Raporti i Bankës Botërore, PD: Jemi vendi i fundit në rajon, shkak keqqeverisja



TIRANE- Partia Demokratike ka komentuar raportin e Fundit të Bankës Botërore “Doing Bussines”, në të cilin Shqipëria ka humb 35 vende. Deputeti Florion Mima shprehet se vendi ynë është i fundit në rajon dhe shkak për këtë është keqqeverisja.
“Vendi është në pikiatë, në rënie të lirë. Në rajon, sigurisht të fundit, ku dhe Kosova paraqitet më mirë, më atraktive për biznesin. Të fundit në botë për lejet e ndërtimit”,- tha deputeti.

DEKLARATA E PLOTE E FLORION MIMES
Edi Rama shpenzoi kot dhjetra mijëra euro nga taksat e shqiptarëve, në luksin e shfrenuar të hoteleve më luksoze të Hong-Kongut, pasi thirrja e tij ndaj biznesit kinez për të investuar në Shqipëri u hodh në kosh te plehrave nga raporti më i rëndësishëm i Bankës Botërore, Doing Bussines Investitoret përpara se të marrin një vendim, nuk dëgjojne pallavrat e Edi Ramës, por shohin raportin e Bankës Botërore për Shqipërinë, ku ne kemi humbur 35 vende krahasuar me një vit më parë.
Jemi sot vendi i fundit në rajon dhe, për lejet e ndertimit, vendi i fundit në botë. Treguesit kryesorë janë në përkeqësim të ndjeshëm:
Nisja e biznesit me -4 pikë.
Leja e ndërtimit -67 pikë.
Furnizimi me energji elektrike – 3 pikë.
Regjistrimi i pronës -3 pikë.
Marrja e kredisë -6 pikë
Taksat – 12 pikë.
Zgjidhja e çështjeve të paaftësisë paguese -2 pikë.

Të gjitha këto përkeqësime dramatike për biznesin lidhen me qeverisjen, me Edi Ramën drejtpërdrejt. Korrupsioni skandaloz i shtrirë masivisht, klientelizmi dhe fakti që vetëm ndërtuesit e tij punojnë sot, rritja e taksave dhe, nga ana tjetër, kontrabanda e evazioni i stërmadh, represioni dhe dhuna ndaj biznesit që nuk është afer qeverisë, të gjitha këto kanë sjellë këtë rezultat dramatik.
Ky është raporti më negativ që merr një qeveri shqiptare për ekonominë e vendit. Edi Rama, ka bërë gjithçka për të ardhur në këtë ditë. Kjo pasaportë e zezë për Shqipërinë është një pengesë serioze për ardhjen e investitorëve dhe për zhvillimin e ekonomisë”.

Vendi është në pikiatë, në rënie të lirë. Në rajon, sigurisht të fundit, ku dhe Kosova paraqitet më mirë, më atraktive për biznesin. Të fundit në botë për lejet e ndërtimit.
Vendi është në krizë të thellë dhe kjo tashmë u konfirmua dhe nga raporti kryesor i Bankës Botërore.
Ky paport është një nekrologji e kësaj qeverie që nuk ekziston më.
Shqipëria dhe qytetarët kanë nevojë për një paketë shpëtimi dhe Partia Demokratike është gati të marrë vendime të rëndësishme për uljen e taksave, lehtësimin e biznesit dhe luftën ndaj korrupsionit.

(ma.ar/BalkanWeb)

[Albo]

BB: Kosova e 66-ta në raportin e “Të bërit biznes”

Në raportin e fundit të Bankës Botërore për “Të bërit biznes”, Kosova radhitet e 66-të, ndërsa Shqipëria është e 97-ta. Ne dokument theksohet se Kosova ka shënuar përparim krahasuar me vitin paraprak.

Prej vendeve të tjera të rajonit, Maqedonia është e 12-ta, Kroacia e 40-ta, Mali i Zi radhitet në vendin e 46, Serbia është e 59-ta, ndërsa Bosnjë Hercegovina e 79.

Kushtet më të mira për të bërit biznes janë në Singapor, Shtetet e Bashkuara radhiten në vendin e 7, ndërsa Rusia ka shënuar avancim duke u plasuar në vendin 51, derisa vjet ishte në pozitën e 62-të.

Në këtë tabelë gjenden 189 vende.

Ky raport, tashmë i 13-ti me radhë, e analizon ambientin rregullator për kompanitë e vogla dhe të mesme, për të parë se në çfarë mënyre i pengon ose i ndihmon firmat për të bërë biznes, nga fillimi dhe pagesa e taksave, e deri te pasuria e regjistruar dhe tregtia ndërkufitare.

(d.b/BalkanWeb)