99 vjeçarja dy muaj pa drita, Ndocaj ndihmon nënë Barbullën: Deputetët, gjysmën e pagës ta japin për bamirësi
Deputeti më i ri i parlamentit shqiptar, Eduart Ndocaj, e ka nisur punën në zonën e tij elektorale me ndihmën për të moshuarën 99-vjeçare në Fang të Mirditës, të cilës 3 muaj më parë iu ndërpre energjia. Ndocaj apeloi kolegët deputetë që një pjesë të pagës ta japin për bamirësi.
Vetëm pak ditë pasi mori mandatin e deputetit, Eduart Ndocaj është kthyer në zonën e tij elektorale. Barbulla Pepa nga Fangu i Mirditës, e moshuara 99-vjeçare që jeton në varfëri ekstreme, mori vëmendjen e deputetit që e ndihmoi me ushqime.
Teksa pinte kafen me nënë Barbullën, Ndocaj u apeloi kolegëve që të heqin dorë nga një pjesë e pagave dhe t’i dhurojnë për bamirësi.
Eduart Ndocaj: “Unë në fakt rastin e saj e kam parë në media kur isha në Itali dhe jam traumatizuar, teksa kam parë gjendjen e sajë ekonomike dhe vendin ku ajo jetonte.
Nga ana tjeter unë u mahnita, kur e pashë këtë të moshur në një moshë kaq të madhe e cila i ka mbijetuar kohës me vuajtje dhe sakrica dhe fatmirësisht gëzon shëndet të mirë. Ne duhet të bëjmë maksimumin që njerëz që jetojnë në kushte të tilla të mos i shohim më në këtë vend, pasi është një trishtim i vërtetë.
Unë kam një apel për të gjithë koleget e mijë deputet që kanë mundësi financiare, që ti ndihmojnë njerez të tillë në zonat ku ata janë zgjedhur. Të paktën gjysma e pagës së tyre, duhet të shkojë për humanizem në këtë drejtim. Unë kam qenë edhe më parë pranë njerëzve në nevoje, duke i ndihmuar ata dhe këtë do ta bëj edhe në të ardhmen”.
E moshuara Barbulla Pepa pasi falenderoi ligjvënësin më të ri të parlamentit shqiptar, tha se deri më sot askush është kujtuar për të.
Barbulla Pepa:“Unë po gëzohem shumë për këtë ndihmë që ju po me jepni. Për mua nuk është kujtuar askush, nuk më është dhënë asnjë ndihmë. Më kanë lënë disa muaj edhe pa energji elektrike dhe vetem pas publikimit të rastit tim në media më është rikthyer energjia.
Unë dua të falenderoj shumë deputetin Eduart Ndocaj, që është kujtuar për mua. Këto veprime duhet të bëjnë edhe pushtetarë të tjere të cilët kanë mundësi të më japin diçka, pasi unë jam e braktisur dhe jetoj e vetme në kushte tepër të vështura ekonomike”.
99-vjeçares nga Fangu i Mirditës i ishin prerë dritat tre muaj më parë, pasi figuronte debitore.
ORA NEWS
Krijoni Kontakt