A jemi ne prag te L3B ?!

[The_Capital]

Skena e Luftës së Tretë Botërore? Siria i fut të gjithë në luftë me njëri-tjetrin

Në Siri çdokush ka armikun e vet.
Pas nisjes së sulmeve të Rusisë mbi ISIL-in secili aktor pjesëmarrës po mendon luftën kundër armikut të tij.
Amerika është e vendosur të luftojë dhe largojë regjimin e Assad, ndërkohë që Moska mbështet status-quon e Damaskut zyrtar. Në mes tyre qendrojnë aleanca dhe antipati të ndryshme.
Rusia nisi dje bombardimin e bazave të ISIL-it, por jo vetëm, duke komplikuar edhe më shumë një luftë që ka shkaktuar deri tani të paktën 250 mijë të vdekur dhe ka detyruar 4 milionë të tjerë të braktisin vendin dhe shtëpitë e tyre. Njëkohësisht kjo luftë ka hapur konflikte mes aktorëve të ndryshëm rajonalë dhe ndërkombëtarë.
Në OKB u vu re qartazi objektivi i ndryshëm i dy fuqive të mëdha, SHBA-së dhe Rusisë.
Amerika këmbëngul për largimin e Assad ndërsa Rusia e mbështet diktatorin sirian.
E vetmja pikë e përbashkët e dy shteteve është se ISIL-i duhet mposhttur.
Por le të shohim cilët janë aktorët e përfshirë në këtë luftë të saponisur dhe cilat janë objektivat e tyre dhe antipatitë:

SHBA
Që prej 2011 Amerika ka nisur trupa opozitare kundër regjimit të Assad. Uashingtoni mbështet një tranzicion politik në Siri që parashikon largimin e përhershëm të Bashar Al Assad. Në të njëjtën kohë Shtëpia e Bardhë është e impenjuar ushtarakisht kundër Shtetit Islamik. Që prej 2014 SHBA drejton një koalicion ndërkombëtar në të cilin bëjnë pjesë edhe shtetet arabe sunite por edhe shtete europiane që kanë nisur bombardimet në Siri dhe Irak të bazave të ISIL-it. Në orët e fundit pas ndërhyrjes ushtarake të Rusisë Obama tha se është i hapur për një bashkëpunimm me Moskën dhe aleatin e saj Iranin.
Rusia
Aleate e përhershme e Assad, ka vendosur të hyjë ushtarakisht në fushë në krah të qeverisë kundër Shtetit Islamik dhe grupeve të tjera islamike në vend. Bashkëpunon edhe me Iranin si një aleat i rëndësishëm. Moska mbështet idenë se shpëtimi i regjimit të Assadit garanton stabilitetin në vend, një ide që nuk pëlqehet aspak nga SHBA.

Irani
Aleat historik i Assad, lufton që prej fillimit në krah të regjimit sirian i mbështetur edhe nga milicia shiite libaneze e hizbollahut. I pranishëm edhe në jug të Irakut ku bashkëpunon me qeverinë shiite të Bagdadit për të ngadalësuar lëvizjet e Shtetit Islamik drejt kryeqytetit irakian.
Vendet e Gjirit
Aleatë të Amerikës, vendet e gjirit do të marrin pjesë në sulmet ajrore kundër bazave të Shteti Islamik dhe janë pro largimit të Assadit dhe kundër çdo lloj bashkëpunimi me Iranin, komb shiit që prej vitesh përfaqëson për arabët një kërcënim për hegjemoninë rajonale, edhe për shkak të programit të tij bërthamor. Marrëveshja e firmosur nga Teherani dhe komuniteti ndërkombëtar e bën akoma edhe më të madh rivalitetin mes këtyre vendeve, pasi ul Iranin në një tavolinë me Perëndimin.

Izraeli
Vend kufitar me Sirinë, ka tentuar kinse gjithmonë të mbajë një pozicion neutral lidhur me fatin e Assadit dhe qeverisë së tij. Ka luftuar kinse me hizbollahun në 2006 dhe është përplasur vazhdimisht kinse me Iranin. Kryeministri Benjamin Netanjahu ishte para pak ditësh në Moskë për të evituar incidente në Siri mes ushtrisë ruse dhe asaj izraelite që shpesh ndërhyn në konflikitn në pikën kufitare të Golan.

Italia
Mbështet koalicionin ndërkombëtar anti-ISIL por ndryshe nga Franca që ka nisur bombardimet, kryeministri Matteo Renzi ka thënë që “Italia nuk do të kryejë sulme në Siri dhe Irak. Pozicioni italianëve mbështet idenë se në Siri duhet të përfshihen vetëm palët e interesuara direkt.

Kurdët
Kurdët, qoftë ata në Irak apo në Siri, janë kundërshtarë të paepur të Shtetit Islamik. Luftojnë në terren për të ngadalësuar avancimin e ISIL-it, në bashkëpunim me SHBA-në dhe aleatët e tyre. Por afrimi i Turqisë në këtë aleancë ndërkombëtare, armiku i tyre i urryer, ka krijuar një pështjellim te kurdët të cilët janë në dilemë nëse duhet të vijojnë luftimet apo jo.
Turqia dhe Jordania
Vendet kufitare të Sirisë së bashku me Libanin kanë thithur numrin më të madh të refugjatëve siriane. Pas një atentati të 20 korrikut në qytetin turk të Suruc ku u vranë dhjetëra persona, Ankaraja hyri në koalicionin anti-ISIL duke nisur edhe sulme ajrojre dhe duke i lejuar Amerikës përdorimin e bazave ushatarake turke. Edhe Jordania është e angazhuar në luftimin e ISIL-it.

02.10.2015 02:00

[SERAFIM DILO]

Nuk ke futur Arabin Saudite,pa parat e sauditeve ne lindjen e mesme as mizat nuk fluturojne.


"Meqe fute Italin,mund te fusje dhe ministrin e jashtem shqiptar".

[martini1984]

Nuk fillon L3B per panarabizmin sepse ka mbaruar qe me 1967,vetem do krijohen konkllava te reja me mjekrrash!
Histori dhe fund jave te mbare duke filluar nga tani.

[pranvera bica]

Po mor ka filluar L3B! Nuk e shikoni c'bejne dhe sulmojne superfuqite...vecse me zona te izoluara...avash-avash!