Bushat-diplomacia u bë president: Shkarkon ambasadorin shqiptar në OSBE

[Albo]

Skandali i Bushatit, i merr kompetencat Nishanit. Shkarkon ambasadorin në OSBE



TIRANË- Ministri i Punëve të Jashtme, Ditmir Bushati, është përfshirë në një tjetër skandal, kësaj radhe duke marrë kompetencat e Presidentit dhe duke urdhëruar lirimin nga detyra të ambasadorit shqiptar në OSBE, Spiro Koçi, shkruan Panorama.

Bushati nëpërmjet sekretarit të Përgjithshëm të Ministrisë së Jashtme, i ka dërguar një letër zyrtare ambasadorit shqiptar në OSBE, të cilit i ka njoftuar se ndaj tij kanë nisur procedurat e lirimit nga detyra dhe për rrjedhojë duhet të kthehet në atdhe brenda datës 1 tetor.

Burime nga kabineti i Presidentit bëjnë me dije se kreu i shtetit nuk ka firmosur asnjë dekret që të lirojë ambasadorin Spiro Koçi nga detyra. Po ashtu mësohet se ministri i Jashtëm nuk ka propozuar kandidaturë të re për postin e ambasadorit, ndërkohë që nuk ka dërguar asnjë kërkesë te Presidenti për të liruar nga kjo detyrë përfaqësuesin e selisë diplomatike në Vjenë.

Sipas Kushtetutës, Presidenti është i vetmi që ka tagër ligjor të lirojë apo të emërojë ambasadorët me propozim të Kryeministrit. “Presidenti ushtron edhe këto kompetenca: dh) me propozim të Kryeministrit, emëron dhe liron përfaqësuesit e plotfuqishëm të Republikës së Shqipërisë në shtetet e tjera dhe në organizatat ndërkombëtare; e) pranon letrat kredenciale dhe tërheqjen e përfaqësuesve diplomatikë të shteteve të tjera dhe të organizatave ndërkombëtare të akredituara në Republikën e Shqipërisë”, thuhet në nenin 92 të Kushtetutës.



(m.k/BalkanWeb)

[Albo]

PD, Çollaku: Shkarkimi ambasadorit në OSBE, nevojë e verbër qeveritare për ndëshkim

TIRANË- Partia Demokratike ka reaguar sot për shkarkimin e ambasadorit shqiptar në OSBE nga Ministri i Jashtëm, Ditmir Bushati. Shefi i departamentit për politikën e Jashtme, Kreshnik Çollaku, tha se sot se ky vendim është një nevojë e verbër qeveritare për ndëshkim pas raportit të publikuar pak ditë më parë.

“Harbutëria ndaj ambasadorit, presidentit, partnerëve ndërkombëtarë duket se ndikohet nga nevoja e verbër e për ndëshkim. Qeveria kërkon të ndëshkojë dikë për raportin e rëndë të OSBE për krimin në Shqipëri. Nuk ka kë të ndëshkojë. Ata që do të donte ti ndëshkonte nuk ka ç’u bën”, tha Çollaku.

Sipas tij ky vendim i marrë në nervozitet është bërë në shkelje të ligjit. “Ata vazhdojnë bëjnë deklarata ndëshkuese ndaj krimit qeveritar. Dhe qeveria paska zgjedhur kë të ndëshkojë. Shkarkon me nxitim ambasadorin shqiptar në OSBE!! Ky nxitim, që detyron të shkelin ligjin dhe standardin e trajtimit të diplomatëve, për të shkarkuar ambasadorin është marrë qartësisht në nervozitet për shkak të raportit të OSBE”, tha më tej ai.

Çollaku u shpreh se “Papjekurisht mendojnë se duke shkarkuar me urgjencë ambasadorin mund të ndëshkojnë hartuesit e raportit”. “Këtyre naivëve u duhet shpjeguar se raportet e OSBE nuk i shkruan ambasadori Shqipërisë atje..por ca ambasadorë të tjerë në Shqipëri. Ambasadori i Shqipërisë në OSBE nuk ka asnjë mundësi të ndikojë, në hartimin e raporteve të tilla për Shqipërinë. Hakmarrja primitive duket si ajo shprehja “kur nuk ke ç’i bën gomarit i bie samarit”!!!”, përfundoi Çollaku.

(m.k/BalkanWeb)

[Duke_Of_Arberia]

Nese e largojme OSBE-ne, druaj se duhet te pergatitemi per nje 97-te tjeter te bute dhe moderne. Shqiperia e ka pesuar gjithmone nga perplasjet me nderkombetaret!

[murik]

Na turperuan keta diletante,keta leshko qe zgerdhihen para kamerave sikur te ishin manekine e jo njerez te ngarkuar me detyra jetesore per vendin dhe popullin e tyre.