News24: Ja fshati në Bilisht i mbjellë me drogë që mbrohet nga policia.

[Albo]

VIDEO/ Zbulohet fshati i kanabisit, dyshime për përfshirje të Policisë



Pak ditë më parë, kryeministri Rama dhe ministri Tahiri organizuan një konferencë mbi luftën ndaj kanabisit, ku u proklamua se tashmë territori shqiptar ishte i “pastër” pas operacioneve të suksesshme të policisë.

Mirëpo, ditën e sotme gazetari Artan Hoxha publikoi në “News 24” një video që tregon një fshat në Bilisht të mbjellë me kanabis.

Sipas Hoxhës, sipërfaqe të tëra në një zonë të pyllëzuar janë të mbjella me kanabis. Ky territor mbrohet nga disa persona të armatosur që nuk lejojnë të panjohurit të hyjnë.

Hoxha thotë se sipas dëshmive të banorëve që jetojnë aty pranë, plantacionet me kanabis janë mbjellë nga dy biznesmenë që janë pronarë lokalesh dhe hotelesh.

Fshatarët tregojnë se në zonë kanë parë edhe drejtues të policisë lokale, dhe kjo ngre dyshime se mund të jenë të përfshirë në kultivimin e kanabisit.

News24

[pranvera bica]

Pse nuk zbuloni edhe emrat e biznesmeneve sic zbuluat plantacionet ne fshat,s'eshte ndonje sekret i madh,prandaj jane investigatoret per kete pune!

[Albo]

Zbuluan fshatin e kanabisit, SMS kërcënuese nga Holanda për gazetarin dhe operatorin e “News 24”

Mesazh kërcënues për gazetarin e “News 24″Artan Hoxha dhe operatorin Ervin Daja, pas videos së realizuar te zbulimit të parcelave me kanabis ne Devoll.


Mesazhi kercenues

“News 24” raporton se mesazhi kërcenues ka mbërritur në redaksinë e televizionit në një telefonat celulare te redaksise, nderkohe qe numri dergues i takon shtetit të Holandës.

Ky kërcënim i drejtohet gazetarit Artan Hoxha dhe operatorit Ervin Daja, të cilët pak ditë më parë realizuan një reportazh në parcelat me hashash të pakorrur në Devoll.

Në tekstin e mesazhit thuhet: ‘Për spektaklin që keni bërë me djersën dhe gjakun tonë do paguani me kokë. ‘Çdo rrënjë dhe cent që na çuat dëm, do ta paguani. Faturën do ta paguajnë familjet dhe fëmijët tuaj. Do shihemi shumë shpejt, përshëndetje nga Holanda’.

Mesazhi shkruhet nga numri 0031615538341 dhe për të redaksia e News24 ka njoftuar edhe policinë.

Panorama