Rektori i UT: "Protesta masive nëse mazhoranca aprovon ligjin e arsimit!"

[Albo]

Ligji i arsimit të lartë, Rektori i universitetit të Tiranës paralajmëron protesta masive si në Kili



Ligji i arsimit i cili kaloi pa ndryshime në Komisionin e medias pas kthimit në Kuvend nga kryetari i shtetit ka shkaktuar një valë të re zemërimi në rradhët e akademikëve, duke shuar çdo shpresë për një reflektim të shqetësimeve të tyre në ligj. Rektori, Dhori Kule, ishte i ashpër dhe paralajmëroi protesta.
Rektori i Universitetit të Tiranës, Dhori Kule, reagoi ashpër nga sjellja e shumicës së majtë në Komision, që nuk reflektoi me asnjë ndryshim në ligjin e arsimit të lartë gjatë diskutimit të dekretit të Presidientit që e ktheu sërish në Kuvend për rishqyrtim.
Kule: Tarifat e studentëve do të vinë më pas nga goditja dhe shkatërrimi që do u bëhen Universiteteve publike. Për këtë ne e kemi të qartë, nëse do të kalojë në pavarësi nga e mirë publike, kthehet në e mirë private dhe nuk realizon funksionet që ka arsimi i lartë. Ne pushkë nuk kemi, kemi argumentat, idetë, mendimet, sugjerimet. Shpresonim të merreshin parasysh”.
Rektori paralajmëroi rritje të pakënaqësisë në rradhët e studentëve ndaj këtij ligjit në protesta masive.
Kule: “Reforma që nuk u bë, ajo kiliane që para katër vjetësh nuk u realizua në Shqipëri, ky parashikimm dhe ajo që ka ky ligj, institucioni publik i pavarur është shumë më problematik, më i rrezikshëm dhe më shqetësues sesa ajo që ka ndodhur në Kili dhe që. Çdo vit, shikoni ne Kili, protesta studentësh, viktima në këto protesta”.
Keto deklarata të ashpra si asnjëherë më parë, Rektori i bëri pas një marrëveshje me Shërbimin e Provës.

ORA NEWS

[Albo]

Ligji për arsimin e lartë, Studentët përleshen me policinë, qëllojnë me vezë Sekretarin e MAS



Dhjetra studentë protestuan para parlamentit kundër miratimit të ligjit të arsimit të lartë pa asnjë ndryshim nga qeveria pas kthimit për rishqyrtim nga Presidenti. Ata qëlluan me vezë Sekretarin e Përgjithshëm të Ministrisë së Arsimit dhe makinën e Ministrit Beqaj dhe më pas u ndeshën fizikisht edhe me forcat e rendit.
Studentët e Universitetit të Tiranës kanë bërë përpjekjen e fundit për të ndaluar miratimin e projektligjit të arsimit të lartë, përmes një protestë të organizuar para parlamentit shqiptar.
Studentët kanë qëlluar me vezë Sekretarin e MAS, Plarent Ndreca, deputetin demokrat Astrit Patozi si dhe makinën e Ministrit të Shëndetësisë Ilir Beqaj gjatë kohës që ai hynte në Kuvend.
Gjatë kësaj kohe studentët janë ndeshur fizikisht me forcat e rendit.
Studentët kundërshtojnë një nga pikat kryesore të ligjit të arsimit të lartë, atë të autonomisë së Universitetit.
Ata pretendojnë se ligji i ri për arsimin e lartë favorizon hapur Universitetet private në dëm të institucioneve publike të arsimit të lartë.
“Të mbledhur rreth idealeve të drejtësisë dhe universitarizimit shpallim se qeveria dhe parlamenti aktual nuk përfaqësojnë më askënd, përveç grushtin të sponsorve që i mbajnë në pushtet”.
Studentët qëndruan rreth një orë para Kuvendit. Në vend të librave, në çantat e tyre kishin vezë, ndërkohë që në Kuvend shumica prezantonte edhe njëherë arsyet e dobisë së ligjit të arsimit të lartë.



ORA NEWS