Laç: Deputeti socialist Armando Prenga plagos familjen Cali ne komisariat

[Albo]

Detajet, deputeti Prenga shkatërroi lokalin e Calit para ngjarjes


Deputeti Armando Prenga duke hyre ne Kuvendin e Shqiperise

Paraditen e djeshme, vëllai i deputetit Prenga është konfliktuar me fjalë me pjesëtarë të familjes Cali. Ndërkohë që mbrëmë në darkë vonë, deputeti Armando Prenga ka shkuar vetëm te lokali i familjes Cali në Patok.

Lokali ka qenë i mbyllur dhe jashtë tij ka qenë vetëm roja. Prenga ka nxjerrë pistoletën ka thyer xhamin me qytën e armës ka hyrë brenda dhe ka shkatërruar edhe disa sende brenda lokalit. Roja është larguar dhe ka njoftuar njërin nga familjarët Cali.

Më pas, familjari ka shkruar me makinë për të komisariati i Laçit për të kallëzuar dëmtimin e lokalit nga Armando Prenga. Në kohen që kanë hyrë për kallëzimin roja dhe pronari Cali, para komisariatit janë grumbulluar palët.

Nga dëshmitë dhe hetimet rezulton se të plagosurit kundërshtarë të Prengës, janë dëmtuar e plagosur ose me armë, ose të goditur me qytën e armës, ndërkohë që të afërmit të Prengës janë dëmtuar vetëm nga goditje me thikë dhe sende të forta.

Panorama

[Albo]

Lugina e Patokut, si lindi konflikti mes familjeve Prenga dhe Cali

Përplasja e mbrëmshme në Lac me 7 të plagosur, pasuar me ndalimin e deputetit Armando Prenga zë fill me konfliktin për shfrytëzimin e Lagunes se Patokut, për të cilën Ministria e Bujqesise ia dha kontratën vëllait të deputetit të PS.

Denoncimi u bë që në fillim të prillit, kur vetë peshkatarët, mes te cileve, edhe Gjergj Cali, i plagosur gjate perleshjes se mbremshme, akuzuan qeverinë për favorizim në tender, me qellim qe ta perfitonte vellai i Prenges.

Pas kesaj, ishte PD qe publikoi dokumentet që mbeshtesnin akuzat e vete peshkatareve.

Ky sektor funksiononte në mënyrë të organizuar në formën e kooperativës dhe falë saj krijoheshin të ardhura për më shumë se 50 familje të zonës. Kooperativa e përbashkët e themeluar që në 1991 nga peshkatarët, tashmë e ka humbur të drejtën e shfrytëzimit të kësaj lagune me pretendimin se nuk i plotësojnë kushtet.

Denoncimi i peshkatareve ne prill


Administratori, Gjon Cali

Administratori i kooperativës së peshkatarëve kërkon nga ministri i Bujqësisë që vendimet të merren në bazë të meritës dhe jo në zyra të korruptuara sikur ka ndodhur në këtë rast.

“Mënyra e realizimit të këtij tenderi është totalisht abuzive dhe e padrejtë, pasi nuk mund të fitojë një kompani që ka nisur dje punën dhe nuk ka asnjë dokumentacion. Unë kur hyra brenda në tender, konkurrentin e gjeta aty. Ai ishte vëllai i deputetit. Me lënë 100 vetë pa bukën e gojës. Kjo nuk më duket normale. Nuk kishte barazi në tender ndaj i bëj thirrje ministrit Panariti që ta shikojë këtë çështje, pasi e vetmja e ardhur për familjet tona është puna në peshkim”, tha Gjon Cali, administrator i kooperativës së Peshkatarëve


***

Përballë kësaj situate, peshkatarët reaguan ashpër, duke e konsideruar absurde atë çfarë ka ndodhur me këtë tender. Gjergj Cali, i cili është dhe një nga peshkatarët më të vjetër në këtë zonë, thotë se është vepruar si dikur me zarfe të mbyllur, gjë për të cilën ai hedh dyshime se ka pasur manipulime.

“Ne e kemi të trashëguar këtë prej shumë vitesh. Në dy dekada kemi firmosur licencën e shfrytëzimit. Kontrata ka qenë 10-vjeçare. Pasi mbaroi ky 10 vjeçar na njoftuan se duhet të hynim në tender për të përsëritur licencën tjetër 10- vjeçare. Kemi dorëzuar të gjithë dokumentacionin si për çudi në zarf dhe jo në mënyrë elektronike siç e ka gjithë bota. Këtu ne na lindën dyshimet se nuk do ketë barazi dhe ashtu ndodhi. Aty morëm vesh se ishim në konkurrim me vëllain e deputetit. Për këtë çështje kemi njoftuar Kryeministrin Rama, por nuk kemi marrë përgjigje. Ne na kanë nxjerrë në rrugë, pasi e vetmja e ardhur për familjet tona është peshkimi në këtë zonë, të cilën e kemi ruajtur shumë dhe kemi investuar që të mos dëmtohet. Ne e kemi të trashëguar prej 100 vitesh dhe po na e marrin punën në mënyrë të padrejtë”, u shpreh peshkatari Gjergj Cali.


Denoncimi i PD

Partia Demokratike më 7 prill publikoi dokumentet që sipas saj faktonin se lugina e Patokut, një prej pasurive kombëtare, iu dha vëllait të deputetit të PS Armando Prenga.

Sipas dokumenteve kompania e vëllait të deputetit Prenga ka dalë fituese, ndonëse është krijuar vetëm dy muaj më parë.



Dokumentet qe publikoi PD
“Me një tender të dyshimtë, në shkelje të të gjithë kritereve teknike, vëllai i deputetit të Edi Ramës, ka arritur të fusë në dorë këtë aset të çmuar edhe pse ka një kompani të ngritur enkas, prej 2 muajsh”, tha deputeti Bashkim Shehu në ate deklaratë për shtyp.



Dokumenti denoncues i PD
Ai publikoi dokumente që tregojnë se kompania e vëllait të deputetit Prenga ka dalë fituese, ndonëse është krijuar vetëm dy muaj më parë. “Kështu, Armando Prenga për të cilin ka informacione për aktivitet kriminal në Itali dhe vende të tjera të Europës, me identitet të ndryshuar për shkak të problemeve me drejtësinë, po i forcon lidhjet me Edi Ramën përmes biznesit korruptiv dhe në kurriz dhe dhjetra peshkatarëve që mbanin familjet e tyre deri më sot me këtë aktivitet në Lagunën e Patokut”, tha ai.

Panorama

[Albo]

Kush është deputeti i PS, Armando Prenga



Deputeti Armando Prenga, i ndaluar nga policia për perplesjen e mbremshme mes familjeve Prenga e Cali në Lac është deputet i Partisë Socialiste për qarkun Lezhë.

Ai ka qenë deputet në dy legjislaturat e fundit. Prenga lindi më 26 qershor të vitit 1974 në Lac.

Prenga, 41 vjec eshte diplomuar per Juridik. Ai është anëtar i Grupit parlamentar të Partisë socialiste dhe anëtar i Komisionit Parlamentar për Sigurinë Kombëtare.

Emri i tij eshte lakuar shume herë nga opozita si i lidhur me aktivitete kriminale.

Prenga eshte nje nga deputetet qe u përfshi në sherrin me deputetin e PD Gent Strazimiri në ambientet e Kuvendit, pas te ciles u ndeshkua me 10 dite mospjesemarrje ne Kuvend.

Panorama

[Albo]

Përleshje me armë zjarri në Laç, arrestohet deputeti socialist Armando Prenga

Si pasojë e një përleshje me armë zjarri mes dy grupeve, kanë mbetur të plagosur shtatë persona. Ngjarja ka ndodhur mbrëmjen e djeshme, përpara Komisariatit policor të Laçit.

Sipas të dhënave të dëmtuarit janë dërguar në Spitalin e Traumës në Tiranë. Policia ka nisur hetimet për zbardhjen e shkaqeve të konfliktit të përgjakshëm.
Paraprakisht mendohet se palët janë konfliktuar për çështje të pronësisë në luginën e Patokut. Kjo nuk ka qenë hera e parë që dy familjet Prenga dhe Çali janë konfliktuar me njëri-tjetrin.

Burimet thonë së në përleshjen me armë është përfshirë edhe deputetin i Partisë Socialiste, Armando Prenga. Ky i fundit ka dhunuar Tom dhe Nikolin Çalin. Aktualisht Prenga ndodhet në Policinë e Tiranës si i arrestuar. Ndja tij rëndon akuza e plagosjes me dashje dhe armëmbajtjes pa leje.

Njoftimi zyrtar i policisë

Në njoftimin zyrtar të Policisë theksohet se, në datë 04.09.2015, në orën 23:40, Salla operative e Komisariatit të Policisë Kurbin, mori njoftim për një konflikt të ndodhur në një lokal në Patok. Menjëherë Policia e Kurbinit ka shkuar në vendngjarje për të kryer veprimet. Në Komisariat është paraqitur shtetasi Gjok Cali, për të bërë kallëzim se është goditur nga shtetasi Armando Prenga (deputet i Kuvendit të Shqipërisë).

Në momentin që ky shtetas po jepte kallëzimin në ambientet e Policisë, janë afruar përpara ambienteve te Policisë, në rrugën që të çon në Komisariat, një grup shtetasish, palë në konflikt, në mes tyre dhe deputeti Armando Prenga. Në debat e sipër ata janë përleshur me njëri-tjetrin duke u goditur me mjete të forta dhe me armë zjarri. Policët që ndodheshin në Komisariat kanë ndërhyrë menjëherë për të neutralizuar konfliktin.

Nga ky konflikt kanë mbetur të plagosur 7 persona:

Gazmir Jushi, 39 vjeç banues në Kurbin, plagosur me mjete prerëse dhe të forta, jashtë rrezikut për jetën.

Eduart Prenga, 36 vjeç banues në Kurbin, plagosur me mjete prerëse dhe të forta jashtë rrezikut për jetën.

Tom Cali, 66 vjeç banues në Fushë Kuqe, i plagosur me armë zjarri jashtë rrezikut për jetën.

Gjergj Cali, 55 vjeç, banues në Fushë Kuqe, i plagosur me mjete të forta jashtë rrezikut për jetën.

Gjok Cali, 51 vjeç, banues në Fushë Kuqe, i plagosur me mjete të forta jashtë rrezikut për jetën.

Nikoll Cali, 53 vjeç, banues në Fushë Kuqe dhe i plagosur me mjete të forta jashtë rrezikut për jetën.

Françesk Cali, 30 vjeç, banues në Fushë Kuqe, i plagosur me mjete të forta.

Këtyre shtetasve u është dhënë ndihma e parë mjekësore në Spitalin e qytetit të Laçit dhe më pas janë dërguar në Qendrën Spitalore të Traumës Tiranë. Aktualisht të gjithë janë jashtë rrezikut për jetën. Polica e Kurbinit ka njoftuar menjëherë prokurorinë e rrethit dhe prokurorinë e Përgjithshme dhe është ngjitur një grupi hetimor, i cili, nën drejtimin e prokurorisë filloi menjëherë kryerjen e veprimeve hetimore për sqarimin e rrethanave të kësaj ngjarje, dhe vënien para përgjegjësisë së përgjegjësve.

Është këqyrur vendi i ngjarjes, ku janë gjetur dhe marrë në cilësinë e provës materiale 4 gëzhoja model 56, 5 gëzhoja fishekësh model 54, një teh biçaku. Polica gjatë ushtrimit të kontrollit në banesa, ka gjetur në banesën e shtetasit Gazmir Jushi, 1 armë zjarri automatik model 56, sekuestruar në cilësinë e provës materiale, si dhe gjatë kontrolleve të tjera të banesave janë sekuestruar 6 armë gjahu dhe 1 automjet. Nga tërësia e veprimeve hetimore dhe procedurale rezulton që palët janë konfliktuar për motive pronësie. Në funksion të zbardhjes së ngjarjes janë shoqëruar në ambientet e Policisë 36 shtetas nga të dy palët në konflikt.

Në lidhje me këtë ngjarje është vendosur masa e arrestit në flagrancë për gjashtë shtetas të përfshirë në konflikt, midis tyre edhe deputeti Armando Prenga, i cili nga tërësia e veprimeve hetimore ka rezultuar i përfshirë në këtë ngjarje dhe u arrestua në flagrancë me akuzat “Plagosje e rëndë, me dashje”, “Armëmbajtja pa leje”, “Kanosje serioze për vrasje”. Materialet procedurale iu referuan Prokurorisë së Përgjithshme për veprime të mëtejshme dhe hetimin e plotë të ngjarjes dhe gjithë personave të përfshirë në të.

Shqip

[Albo]

Basha: Prenga plagosi 4 persona, Rama po e mbron duke fshehur provat

Kreu i Partisë Demokratike, Lulzim Basha e ka cilësuar mjaft tronditëse përfshirjen e Armando Prengës në konfliktin e përgjakshëm në Laç. Sipas tij, ka nisur manipulimi i provave dhe dëshmitarëve për deformimin e të vërtetës. Basha thotë se Armando Prenga është autori i 4 plagosjeve me armë, brenda Komisariatit të Laçit. Një deklaratë të tillë, shefi i PD-së, e ka bërë në Facebook.

“Lajm tronditës nga Laçi. Në orët e para të mëngjesit, deputeti socialist Armando (Edmond) Prenga, ka plagosur me armë zjarri katër persona të familjes Çali, brenda në ambientet e Policisë. Me urdhër të Edi Ramës dhe ministrit të tij të drogës, Sajmir Tahiri, policia ka vendosur një shtetrrethim të vërtetë tek spitali dhe ka nisur manipulimin e provave dhe dëshmitareve që të mbulojnë ngjarjen dhe t’ia lënë fajin dikujt tjetër.

Largimi i kriminelëve nga Kuvendi dhe Qeveria, më urgjent se kurrë. I bëj thirrje mediave të mos heshtin, të mos pranojnë presionin për të manipuluar ngjarjen dhe të bëjnë detyrën ndaj shoqërisë duke raportuar të vërtetën!”, shkruan Basha në Facebook.

Shqip

[Albo]

Dëshmia e Prengës në prokurori: Qëllova në ajër për vetëmbrojtje, ndalimi i paligjshëm

Është zbardhur dëshmia e dhënë nga ana e deputetit socialist Armando Prenga para prokurorit Kosta Beluri dhe avokatit mbrojtës, Baftjar Rusi lidhur me ngjarjen e ndodhur në orët e vona të mbrëmjes së djeshme, ku nga një konflikt mes fiseve Cali dhe Prenga mbetën të plagosur 7 persona.

Prenga në dëshminë e tij pretendon së është kërcënuar me armë nga shtetasi Gjon Cali, me të cilin familja e tij kishte një konflikt pronësie, dhe se në këto kushte ka qëlluar në ajër me armën që mbante me leje për t’u vetëmbrojtur. Prenga e cilëson të paligjshëm ndalimin e tij dhe kërkon lirimin e menjëhershëm.

“Isha duke udhëtuar me makinë nga Patoku në Laç. Gjon Cali më zuri pritë dhe na kërcënoi me armë. Në këto kushte qëllova në ajër, për t’u vetëmbrojtur. Vëllain e dërgova të bënte denoncim në polici, vetë u nisa për në lokalin e Calëve. Jam ndaluar nga policia në spitalin e traumës. Urdhri për ndalimin tim është i paligjshëm, kërkoj lirimin”, – mësohet të jetë shprehur Prenga para prokurorit.

Shqip

[Albo]

Ngjarja e Laçit, Rama: Ka ikur koha e të paprekshmëve, të ndëshkohet deputeti

Kryeministri Rama ka reaguar në Facebook, në lidhje me ngjarjen e Laçit, ku ishte përfshirë edhe deputeti i Partisë Socialiste, Armando Prenga dhe që mbetën të plagosur me armë e sende të forta 7 persona.

Sipas Edi Ramës, ka ikur koha e të paprekshmëve dhe se askush nuk është mbi ligjin. “Askush s’është mbi ligjin, aq më pak deputeti! Ngjarja e Laçit, kërkon ndëshkim të plotë ligjor. Koha e të paprekshmeve ka ikur bashkë me Saliun!”, shkruan Rama.

Shqip

[Albo]

Murat Basha: Kryeministër, largohu se do të tërheqim zvarrë!

Anëtari i Këshillit Kombëtar të Partisë Demokratike Murat Basha, i cili njihet publikisht për deklaratat e tij emocionale dhe të papërmbajtura ka lëshuar “kërcënimin” e radhës.

Në një status në Facebook, duke marrë shkas nga ngjarja e ndodhur në Laç, Basha i kërkon kryeministri të vendit, Edi Rama që të japë dorëheqjen.

“Largohu. Nuk kam menduar kurrë që ti do dorëhiqesh sepse je frikacak. Nuk ke nder as moral. Deputetët kriminelë dhe hajdutë i zgjodhe ti. Ti je përgjegjësi. Largohu se do të tërheqim zvarrë”, shkruan Murat Basha.

Shqiptarja

[Albo]

Arrestimi i Prengës, Basha: Kjo është prekja e fundit, s’ka më shtet

Lulzim Basha, në një dalje për mediat, deklaroi se ngjarja e Laçit ku u plagosën 7 persona dhe në të cilën është i përfshirë edhe deputeti socialist Armando Prenga, tregon se ka ardhur fundi i shtetit ligjor në Shqipëri. Sipas Bashës, me urdhër te Edi Ramës dhe Saimir Tahirit policia vendosi një shtetrrethim te vërtetë në vendngjarje dhe tek spitali për të fshehur ngjarjen, për të mos dhënë informacion, për të manipuluar provat, për të mbrojtur agresorin, të përzgjedhurin e Edi Ramës në Laç.

“Për 8 orë me radhë, me urdhër te Edi Ramës dhe Saimir Tahirit policia vendosi një shtetrrethim te vërtetë në vendngjarje dhe tek spitali për të fshehur ngjarjen, për të mos dhënë informacion, për të manipuluar provat, për të mbrojtur agresorin, të përzgjedhurin e Edi Ramës në Laç. Terri informativ për këtë ngjarje të rëndë u thye vetëm pas denoncimit tonë. Por përpjekjet e Edi Ramës dhe Sajmir Tahirit për të mbrojtur deputetin kriminel nuk reshtën, derisa u përballën me presionin e opozitës, partnerëve ndërkombëtarë dhe kurajën e disa mediave për të hedhur ditë mbi të vërtetën. Ky, është fundi i shtetit ligjor në vend, dhe pavarësisht se armët i shkrehu një bandit deputet, autori i kësaj gjendje të rëndë është Edi Rama.

Nuk do të ishim në këtë situatë, të rënies së shtetit, ku krimineli bën ligjin, nëse Edi Rama nuk do ta kishte shpërblyer deputetin e tij me Lagunën e Patokut, me një tender skandaloz, në shkelje të të gjithë kritereve dhe procedurave, duke ua hequr peshkatarëve që mbanin familjen me këtë aktivitet prej dekadash. Kjo është prekja e fundit. S’ka më shtet, s’ka më standarde. Janë orë dramatike për vendin. Autori është deputet, pjesë e një grupi të inkriminuar, me rekorde për vepra të rënda penale, në një parlament që drejtohet nga Ilir Meta, që pak kohë më parë manipuloi një hetim ku akuzohej për porositjen e vrasjes së dy deputetëve, dhe tani është nën akuzë për marrje ryshfeti në shuma të mëdha, me prova e fakte të njohura botërisht.

Autori, deputeti i Edi Ramës, e kryen veprën e rëndë penale brenda komisariatit, në zyrat e policisë që drejtohet nga Saimir Tahiri, i cili gjendet nën akuzë nga oficerë të lartë të policisë si kumbar i bandave të drogës në vend, dhe i cili vetëm pak kohë më parë bënte pazare me vrasës me pagesë, sa në Ministri, në plazh, në kafe e në rezidencat qeveritare. Të gjithë këtë mekanizëm kriminal e mban në këmbë dhe e kontrollon Edi Rama që tërheq fijet sipas interesave të pushtetit të tij”, tha Basha.

ORA NEWS

[Albo]

Berisha informohet nga një qytetar: Armandi i Partisë, plagosi 4 persona. Krim shtetëror!

TIRANË- Ish-kryeministri Sali Berisha ishte ndër politikanët e parë që reagoi për ngjarjen e Kurbinit. Berisha publikoi në profilin e tij, dy foto të ardhura nga një qytetar si dhe denoncimin se deputeti socialist, Armando Prenga kishte qëlluar sipas tij 4 persona.

“Qytetari dixhital informon: Zjarr mbi qytetarët në komisariatin e Kurbinit nga deputeti, Armandi i Partisë. 4 të plagosur!”, shkruan Berisha, duke publikuar edhe mesazhin e qytetarit.

“Përshëndetje z Berisha! Sonte në mesnatë deputeti i Partisë Socialiste, Armando Prenga ka plagosur me armë zjarri katër persona në komisariatin e Kurbinit dhe po mundohen të mbyllin ngjarjen nëpërmjet policisë së shtetit”.

Por Berisha nuk është mjaftuar me denoncimin e parë, ai ka vijuar akuzat ndaj qeverisë dhe kryeministrit Rama. Ai e ka quajtur ngjarjen krim shtetëror duke thënë se polcia i ka çuar drejt pushkatimit anëtarët e familjes Cali.

“Krim i shëmtuar shtetëror! Policia i dërgon të pafajshmit para skuadrës së pushkatimit të deputetit që i priste brenda në komisariat!! Të dashur miq, ngjarja e sotme e Laçit është dëshmi tjetër e shëmtuar e krimit shtetëror të qeverisë të kreut të meduzës Edi Rama.

Shkaku i kësaj ngjarje tronditëse të pashembullt është padia që kanë bërë në gjykatë peshkatarët e Fushëkuqes pas heqjes se licencës nga Edi Rama për peshkim në Lagunë dhe dhënies së ekskluzivitetit të peshkimit deputetit vrasës Armando Prenga. Ankimi në gjykatë i familjes Cali dhe seanca gjyqësore e datës 2 shtator e ka bërë që deputeti vrasës Armando Prenga të shkojë në fshatin e Fushëkuqes me banditë të armatosur, ndër të cilët dhe një polic dhe të terrorizojë fëmijët e familjes Cali, që i ka gjetur tek po loznin afër shtëpisë së tyre.

Kjo ka shkaktuar reagimin e ligjshëm të burrave të familjes. Armando Prenga vet, ka goditur me qytë të revoles pas veshi njërin nga të pranishmit, të cilët kanë njoftuar policinë. Pjesëtaret e familjes Cali me furgon të policisë kanë shkuar në spital për mjekimin e te plagosurit. Policia që i shoqëronte, i ka marrë me furgonin e vet në komisariat për të bërë denoncimin. Ndonëse anëtarë të familjes Cali kanë kërkuar që denoncimin ta bëjnë në Tirane duke ju thënë policëve se nuk donin ta bënin në Laç denoncimin pasi sipas tyre ata nuk janë në gjendje ti mbrojnë. Por me hir dhe pahir, policia i ka sjellë ata në komisariat. Në oborrin e komisariatit kishte zënë pritë skuadra e pushkatimit e drejtuar nga vrasësi me imunitet Armando Prenga, e cila, sapo burrat e familjes Cali kanë zbritur nga furgoni i policisë, kanë shkrehur armët e mbushura mbi ta duke plagosur 4 prej tyre. Pas kësaj, me urdhër nga lart po bëhet gjithçka për të fshehur krimin e shëmtuar të deputetit vrasës, që falë Zotit që i shpëtoi se me breshëritë e tij vdekjeprurëse do merrte jetën e 4 qytetarëve të pafajshëm, por jo në një kafene në një rrugë të Tiranës si Kostandini i partisë, por brenda në komisariatin e Policisë së Shtetit të shndërruar në strofull të “çunave të krimit”!

Shtoj këtu se, vrasësi Armando Prenga, me urdhër të kreut të krimit në këtë vend, Edi Rama, ka goditur në detyrë deputetë të Partisë Demokratike i porositur nga padroni i tij.

Kjo është fytyra e krimit e Edi Ramës dhe mazhorancës së qelbësirave që qeveris sot vendin!”, shkruan Berisha

Balkanweb