Iraku i pasluftes

[Enri]

Ajatollah Mohammed Baqer al-Hakim kleriku 63 vjeçar, ka lindur në një nga familjet më tradicionale Shi'ite të Irakut.

Deri në kohën kur vdiq, në vitin 1970, ati i tij ishte udhëheqësi shpirtëror i shi'itëve.

Biri i tij vazhdoi traditën që ai nisi dhe u përfshi në lëvizjen politike e cila kundërshtonte qëndrimin shekullar të partisë Ba'ath dhe të partive komuniste.

Ndërsa partia Ba'ath fuqizoi pozitat e saj në pushtet në Irak në vitet '70, Ajatollah Hakimi u burgos dhe u torturua.

Shumë pjesëtarë të familjes së tij u vranë.

Menjëherë pas fillimit të luftës Iraq-Iran në vitin 1980, ai u largua për në Iran, ku formoi Këshillin Suprem për Revolucionin Islamik në Irak dhe krahun e tij ushtarak, të quajtur brigada Badr.

Më vonë, gjatë kryengritjes shi'ite që dështoi në vitin 1991, trupat e tij hynë në Basra.

Ajatollah Hakimi gjithmonë ka qenë i afërt me konservatorët fetarë të Iranit dhe thotë se ai është në favor të shtetit islamik në Irak.

Por ka shenja se qëndrimi i tij po bëhet më pragmatik.

Edhe pse ai e kundërshton kontrollin amerikan mbi Irakun, organizata e tij është përfshirë në bisedime me Pentagonin dhe duket se ai dëshiron që të luajë në rol udhëheqës në të ardhmen e vendit të tij.

[Enri]

Sekretari amerikan i shtetit Kolin Pauell ka zhvilluar bisedime në Siri me presidentin Bashar al-Assad, në lidhje me ndryshimet strategjike që kanë ndodhur në Lindjen e Mesme dhe planin e ri të paqes.

Ndërkohë sirianët kanë rishyrtuar politikën e tyre rajonale në dritën e pushtimit të udhëhequr nga amerikanet të fqinjit të saj lindor, Irakut.

Vizita e zotit Pauell në Siri ka koinçiduar me ndjenjën që egziston në Damask se ajo është në pozitën më të vështirë strategjike që nga luftrat arabo-izraelite.

Është ulur kërcënimi ushtarak ndaj Damaskut, por jo pasojat e rrrethimit nga vende me orientim amerikan.

E para në këtë kuadër është plani i sapo botuar i paqes për Lindjen e Mesme.

Në kuadër të këtij procesi, amerikanët duan që Siria të shkatërrojë armët e saj kimike-- të cilat, nëse ekzistojnë, paraqesin një kërcënim për Izraelin dhe potencialisht për Amerikën nëse bien në duart e gabuara.

Sirianët, megjithëse nuk e pranojnë se kanë armë kimike, kanë dhënë shenja se janë të gatshëm të ecin përpara në lidhje me këtë çështje, por vetëm në një kontekst rajonal-- me fjalë të tjera, vetëm nëse izraelitët çarmatosen, pra shkatërrojnë armët e tyre bërthamore që pretendohet se kanë.

Dr George Jabbour, ish këshilltar i presidentit Sirian thotë se Siria ka deklaruar se është për pastrimin e gjithë zonës nga armët e shkatërrimit në masë.

"Ajo ka paraqitur te Këshilli i Sigurimit një projekt rezolutë në lidhje me këtë", thotë Dr Jabbour.

"Pra nëse kjo zonë pastrohet nga armët e shkatërrimit në masë, Siria do të ishte e kënaqur."

"E dini, ne jemi të kërcënuar nga armët izraelite të shkatërrimit në masë", thotë Dr George Jabbour, ish këshilltar i presidentit Sirian.

Së dyti, ndërsa Siria është parë gjithnjë si një përkrahëse e fortë e çështjes palestineze, kjo është bërë duke patur parasysh interesat siriane.

Damasku ka këmbëngulur që kthimi i Lartësive Golan nga Izraeli të mos shkëputet nga zgjidhja për Lindjen e Mesme.

Kështu shpjegohet, pjesërisht se pse Sirianët kanë vazhduar të mbështesin Hamasin dhe grupe të tjera, dhe nuk kanë ngurruar të punojnë kundër Jasser Arafatit dhe Organizatës për Çlirimin e Palestinës sa herë që ata janë tunduar për të pranuar një shtet palestinez të zvogëluar, pa zgjidhur edhe çështjen e Lartësve Golan në të njëjtën kohë.

Pra do të duhet të bëhen shumë kompromise në muajt e ardhshëm për ti bindur sirianët të mbështesin planin e ri të paqes.

[Enri]

Nga Hajro Limaj

Një shtet që zotëron një teknologji të përparuar, një forcë zjarri të madhe dhe një sistem të mirë komandim-kontrolli, patjetër e fiton luftën. Por fituesin e pret një luftë më e madhe dhe ndoshta më e vështirë. Dhe kjo ka të bëjë me krijimin e një sistemi dhe rendi të ri, që kërkohet të ngrihet mbas përfundimit të luftës ushtarake. Veçanërisht kjo luftë është e vështirë në vende si Iraku, i cili jeton me ndarjet etnike, fetare, të botëkuptimit fisnor e klanor, me vështirësi serioze në konceptimin dhe pranimin e një rendi të ri në ambientet e një vendi me diktaturë 30 -vjeçare. Në këto rrethana, a mund të dalë nga ky batak Amerika, apo ajo mori një bela të madhe për veten e saj ? Qëllimi kryesor i këtij diskutimi është se çfarë dëshiron dhe çfarë mund të bëjë Amerika në një periudhë të afërt në këtë rajon? Në këtë periudhë në Pentagon dhe Departamentin e Shtetit, epiqendra e diskutimeve është përgatitja e një harte me skenarët që duhet të ndjekë Amerika për realizimin e objektivave strategjike. Detajet e kësaj harte nuk janë plotësuar akoma, por vijëzimet që janë piketuar deri tani na vendosin përpara një panorame të tillë:
-SHBA dëshirojnë të ngrenë në rajon një model irakian të cilin do ta eksportojnë në Lindjen e Mesme, Kaukaz dhe Republikat e Azisë Qendrore. Qëllimi përfundimtar dhe afatgjatë i Uashingtonit është krijimi i një rendi të ri në të gjithë rajonin. Me krijimin e këtij rendi të ri do të synohet shkëputja e mbështetjes që i bëhet terrorizmit, vendosjen e demokracisë dhe stabilitetit. Në fazën e parë të këtij plani është krijimi i shtetit të Palestinës dhe realizimi i sigurisë për Izraelin. Uashingtoni është bindur se pa zgjidhur problemi palestinez nuk do të mund të luftohet terrorizmi. Pikëpamja e administratës së Bushit është domosdoshmëria e neutralizimit të “organizatave terroriste” që shpesh emërtohen islamike. Ky prioritet nuk mund të parashikohej në këtë masë para ngjarjeve të 11 Shtatorit. Per këtë qëllim Uashingtoni po përgatit një plan me përparësitë e çdo vendi. Faza e dytë për arritjen e këtij qëllimi është braktisja e regjimit Bas të Sirisë, liberalizimi i Iranit, dhe prishja e çerdhes së terrorizmit në Liban .Por akoma më e rëndësishme për Uashingtonin eshtë Arabia Saudite, ku ndodhet edhe burimi i terrorizmit islamik. Per këtë do të bllokohen burimet financiare mbështetëse të organizatave islamike që ndodhen jashtë, që punojnë për të ruajtur pushtetin e familjes Suud.Në objektivat e Uashingtonit futen edhe, zvogëlimi i influencës së Rusisë në rajon dhe zgjidhja e mosmarrëveshjeve midis Azerbajxhanit dhe Armenisë. Për Amerikën, vendosja e demokracisë dhe stabilitetit në Republikat e Azisë Qendrore është i lidhur me shpëtimin nga rreziku i terrorizmit në të gjitha vendet deri në Afganistan si dhe shkëputjen e tyre nga mbështetja që i kanë dhënë terrorizmit. Këto vlerësime në shikim të parë duken si pikëpamje të parealizueshme dhe shumë idealiste, por administrata e Bushit e ka bindur vetveten se kjo është e vetmja rrugëzgjidhje afatgjatë. Në kuadrin e skenarëve të rinj të politikës amerikane në rajonin e Lindjes së Mesme dhe më gjërë ,do të ishte me interes të dihej nëse do të ndryshojë pozicioni rajonal i Turqisë? Mbas Luftës së Irakut, si në konceptin global, ashtu edhe në atë rajonal janë vënë në ndryshim të gjitha raportet dhe ekuilibrat botërorë. Amerika direkt ose indirek i ka të nevojshme konsultimet me aleaten e saj të vjetër, Turqinë, të cilën politikëbërësit amerikanë më parë e vlerësonin si aleatin “front” që kryente detyrat e një mbrojtësi kundër trekëndëshit Irak-Iran-Siri. Qëllimi kryesor i Turqisë ishte presioni ushtarak ndaj ketyre vendeve që mbështesnin organizatat terroriste-fetare. Kjo do të siguronte Izraelin për të qenë një element ekuilibri në Azinë Qendrore dhe Kaukaz si dhe ekspozonte modelin e një vendi islam laik - demokratik në botën islame. Tani që një shumicë e rëndësishme e këtyre vlerësimeve, koncepteve dhe roleve janë në ndryshim. Turqia nuk vlerësohet si një “vend front”, sepse aktualisht në rajon ka hyrë ushtarakisht vetë Amerika. Ajo nuk ka nevojë për një kordon aleatësh për të garantuar sigurinë e Izraelit ose një mbrojtës të interesave të saj ne kuptimin klasik në rajon. Me këto zhvillime pa mohuar rëndësinë e bazave ushtarake, rëndësia e Turqisë do të rritet në eksportimin e sistemit laik-demokratik dhe stabilitetit të saj. Turqia sa më shumë të fuqizohet në këtë drejtim dhe sa më shumë t’i reflektojë këto në raport me vendet e Lindjes së Mesme, Kaukazit dhe Azise Qendrore, aq më shumë do t’i rriten vlerat. SHBA në procesin e ndërprerjes plotësisht të mbështetjes, qoftë edhe morale të organizatave terroriste nga disa shtete arabe, do të ketë akoma më tepër nevojë për Turqinë.Por me ndryshimin e sistemeve politike në rajon SHBA do t’i kerkojë Turqisë edhe mundësinë e zgjidhjes së çështjes kurde dhe për zgjidhjen e problemit Qipro-Deti Egje. Ndërsa per vetë Turqinë në këto situata parësore është, anëtarësimi në BE. Ankaraja se bashku me vazhdimin e marrëdhënieve të afërta me Uashingtonin, është e detyruar të mbështetet plotesisht tek Bashkimi Europian duke i dhënë përparësi të plotë bashkëpunimit me të. Turqia, si aleat i afërt i Amerikës, vetëm me anëtarësimin e plotë të saj në BE do të realizojë objektivin e saj strategjik. Kjo është panorama mbi te cilën tani po skicohet harta e politikës së re amerikane në dhjetëvjeçarin e parë të shekullit të 21-të.

[Zarathustra.]

Cunimartum

Une nuk dale nga situata e keqe duke i kujtuar vetes ditet e te qenit viktime. Ndoshta edhe ne na kane thirrur ashtu por deri tashme ne kemi ditur te mbijetojme. Plus qe une asnjehere nuk e kam pare popullin tim si viktime.Ndoshta na kane vrare, djegur, persekutuar, por ne gjithmone kemi pasur privilegjin e te qenit kundershtar i denje ndaj kujtdo, edhe pse mund te kemi humbur. Ka nje ndryshim thelbesor midis atij qe humb ne nje perpjekje te ashper dhe viktimes. Ai ka vlera kurse viktima jo. Shqiptaret sdo kishin per te qene sot ne harten e botes nese ata do aplikonin mentalitetin tend dhe do ta quanin veten VIKTIME.

Pyet "per ca i detyrohesh amerikes ti leshator a mund ta di???"


Kete e di edhe bufi, por une nuk po ta kursej pergjigjen. Po te jap pikat me te dukshme.

I detyroj mbeshtetjen e vetme dhe vendimtare ne Konferencen e Paqes ne Paris 1919, kur Wilson vendosi veton kunder planit te ndarjes se trojeve shqiptare, dhe mbeshteti pa rezerva dhe pa asnjelloj interesi kombin shqiptar, pra i detyroj kombin tim.

I detyroj jeten e mijera bashkatdhetareve te mi ne Kosove, si dhe lirine apo jeten e tyre te lire sot. Ishte pikerisht kjo fuqi qe quhet AMERIKE nderhyrja e se ciles shpetoi jete shqiptaresh. Ja pse nga interesi yne kombetar dhe si shqiptar, te jesh anti-amerike do te thote te jeshe anti-jete, dhe mqs keto jane jete shqiptaresg do te thote te jesh anti-interesit tone kombetar. Ketu nuk iu akuzoj si armiq, por si menderisht inferior persa i perket ketij interesi.

Amerikes i detyroj faktin se me ben mua dhe te gjithe ata shqiptare serioze ne amerike te shpalosim velrat dhe aftesite tona pa paragjykime dhe pergjithesime. Vetem ne ambientin e vlerave te kesaj shoqerie ne jemi individe te plote, dhe funksionale. Kudo qe vemi na paragjykojne, na diskriminojne edhe pse jemi ta afte apo te vlere, por ne amerike jo. Keto pra , parimet e shoqerise amerikane, jane parime qe ne duhet jo vetem ti perqafojme dhe ti valvisim kudo se jane ne interesin tone, por qe duhet ti aplikojme nje ore e me pare ne shoqerine tone. Amerika eshte modeli i shoqerise me perfekte qe ne duhet me te gjitha forcat dhe energjite tona t'a synojme.

Ne duhet te gjejme interesin tone tek interesi i amerikes dhe jo ta luftojme kete interes. Vete begatia e amerikes eshte ne interesin tone kombetar ashtu sic u vertetua ne 99 ne Kosove.

Pra eshte injorante ta vleresojme mardhenien tone apo interesin tone me ameriken duke e konsideruar faktin se sa mire i trajton amerika Irakianet apo arabet ne kete bote. Une nuk jam Irakian zoteri, as arab nuk jam, dhe as me kercet se si jane ata nen ndikimin amerikan. Ne kemi interesin tone kombetar qe duhet ta ndiejme per detyre ti sherbejme. Dhe ne kete do e bejme jo duke menduar si Afgane, as si Irakiane apo Arabe, por si shqiptare. Diten qe ne nuk i sherbejme ketij interesi do jete fundi yne.

Prandaj duajeni ameriken, sherbejini asaj, synojeni ate apo cka ajo perfaqeson se vetem keshtu do shpalosni dy fije integritet, per veten dhe per ate komb.
Lejini bythegrisurit mesjetare te arabise, se nga ata vetem mesoni kulture ekstreme, dhune dhe shterpe te afte per tiu mjeruar ju dhe gjithe shoqerine tuaj. Lereni edhe Europen qe kurre si ka kercitur per ne dhe qe kurre nuk ka per te na mbeshtetur realisht ne synimet dhe qellimet tona.
Shoqeria amerikane, rregullat, morali dhe parimet e saj ne na japin kuptim, na japin forme edhe trajte dhe na bejne te vlere.As ne shqiperi nuk e bejme ne dot kete.

[cunimartum]

Historikisht o Leshator, shqiptaret kur e kane lidhur fatin e tyre me fatin e dikujt tjeter me te forte u ka rene cekani kokes
sa per ate punen e Viktimes te kujtosh se je nen hijen e Amerikes mua me duket me shume se Viktime
ndryshimi midis meje dhe teje eshte se une kombin tim s'ja detyroj askujt por ja detyroj vetem BURRAVE te trojeve te mia qe derdhen gjak dhe shkruajten historine me te, ata ishin qe luftuan ndaj copetimit te trojeve,
per sa i perket Kosoves ishin prap ata qe vdiqen ne ato troje, mos erdhe gje ti qe nga Amerika dhe te luftosh ne Kosove
Per sa i perket te tera te tjerave as mos u lodh fare, lexo pak shkrimin e Henrit te tema "Amerika, Orgji pushteti" dhe pastaj hec e fol ketu

Tashti per sa i perket temes ku jemi po te them te lexosh pak lajmet e fundit ne Irak
doja vetem te sillja pak nje Lajm te lezetshem ne CNN rreth 4 dite me pare "ku thuhej se ne nje perleshje me arme ndermjet protestanteve dhe Marinsave 25 Protestante u vrane"

ne c'do gazete dhe Media tjeter te botes thuhej numri i te vrareve ka qene mbi 100

Mos te kujton gje Komunizmin kjo taktike ???

Leqe s'degjohen me zerat e atyre qe benin gam gam per luften
Ku jane ata qe pretendonin se Irakenet tani do ishin te lire dhe po te jete keshtu pse tere populli Iraken eshte ne proteste Kunder Pushtusit
Hajd pra se ka dava Janina
Per ca u fillua lufta se se mbaj mend? Ku jane ato dy arsyet e famshme?

[Enri]

Klerikët myslimanë në Irak kanë shfrytëzuar vakumin politik të lënë nga rënia e regjimit të Sadam Huseinit dhe po përpiqen për të vendosur në vend versionin e tyre strikt të islamit.

Dyqanet e pijeve alkolike janë sulmuar dhe pronarët e tyre janë kërcënuar. Grave u është thënë të mbajnë ferexhe.

Një pronar i krishterë i një dyqani ushqimor ende po e mban hapur dyqanin, por nuk e di edhe për sa kohë.

Gjatë këtyre javëve të fundit janë sulmuar disa dyqane pijesh alkoolike në Bagdad: njërit prej tyre i është hedhur një bombë molotov, një tjetër është qëlluar me granadë-hedhës.

"Kemi shumë frikë. Ata thonë se duan të na dëmtojnë," thotë shitësi.

'Ata' janë klerikët radikalë shiitë dhe pronari i dyqanit ushqimor, i cili është kaq i frikësuar sa nuk dëshiron të japë emrin e tij, thotë se është i tmerruar se tani në rrezik është si jeta ashtu edhe e ardhmja e aktivitetit të tij tregtar.

Por nga shitja e pijeve alkoolike ai mban gruan e tij dhe dy fëmijët dhe është i vetmi profesion që ka.

"Kjo është puna jonë dhe ne besojmë tek zoti, kështu që ne do të vazhdojmë punën, por kemi nevojë për ndihmë... a do ta dëgjojë njeri zërin tonë?"

Por zëri që dëgjohet më shumë tani është ai i Sheikh Mohammed al-Fatoussit, një klerik 31-vjeçar që e ka bazën në Bagdadin lindor, i cili i ka shpallur luftë shitësve të pijeve alkoolike.

Ai do gjithashtu që të gjitha gratë, edhe të krishteret, të mbajnë ferexhe, megjithëse thotë se myslimanet do të ndëshkohen më keq se të tjerët.

"Grave që nuk mbajnë ferexhe nuk do t'u shërbehet kur dalin në pazar; taksitë nuk do t'i marrin, dhe ato mund të qëllohen me vezë dhe domate të prishura," thotë kleriku radikal.

"Përsa i përket shitësve të pijeve alkoolike, ata do të detyrohen të mos shesin më, dhe nëse është e nevojshme, duke ua hedhur tavanin e dyqanit mbi kokë," thotë al-Fatoussi.

Frikë nga radikalët

Në kishën e Zemrës së Shenjtë në qendër të Bagdadit, lehtësimi se hoqën qafe Sadam Huesinin avulloi menjëherë.

Për shumë vetë në komunitetin e vogël, por të lashtë, të krishterë, kërcënimet e Sheikh Fatoussit kanë shkaktuar frikë të madhe lidhur me të ardhmen e tyre kolektive. Tani ata luten vetëm që t'i lënë rehat.

"Nëse ne vëmë sot ferexhenë, kisha jonë do të kthehet në xhami," thotë Victoria Challerby. "Mos e dhëntë zoti, mos e dhëntë zoti!"

Të shqetësuar nuk janë vetëm të krishterët, të cilët nuk e dinë se çfarë do të bëhet me mënyrën e tyre të jetesës. Bagdadi ka pasur një ndër shoqëritë me laike në Lindjen e Mesme.

Në Universitetin Mustansiriyah, disa nga gratë mbajnë ferexhe, por shumë të tjera nuk mbajnë. Vajzat dhe djemtë bisedojnë nëpër banka.

Midis studenteve që nuk mbajnë ferexhe është Farah Samarai e cila thotë se tani pas rënies së Sadam Huseinit ajo nuk do të pranojë diktat për asgjë, përfshirë veshjen:

"Lirija është gjëja më e mirë që kemi tani. Nëse dua do ta vë, nëse nuk dua nuk do ta bëj," thotë Farah.

Por në sallonin e bukurisë 'Mice' në jug të Bagdadit janë të shqetësuara.

Ipta Sam Jasson e ka hapur sallonin që 20 vjet më parë. Duke i bërë flokët një nuseje të re për dasëm ajo thotë se klerikët radikalë shiitë janë një lajm i keq për aktivitetin e saj.

"Ata duan që të gjithë të mbajnë ferexhe si në Iran dhe thonë se tualeti është i ndaluar, por kjo nuk është mënyra jonë e jetesës," thotë zonja Jasson.

"Nëse ky vend bëhet si Irani, unë do të mbledh plaçkat dhe do të largohem," shton ajo.

Shumë vetë në kishën e Zemrës së Shenjtë në Bagdad kanë ndjenja të ngjashme. Ata po mendojnë edhe mundësinë e largimit nga vendi nëse klerikët radikalë bëjnë atë që duan ata.

Por është ende herët. Beteja për shpirtin e këtij vendi ende po zhvillohet dhe ka shumë irakianë laikë që janë të vendosur të mos humbin.

[Kashmir]

u trashegofsh nje here


me verte per ca e bon luften se e kam harru

[armandovranari]

Pedro, teatri i kukullave neper bote e,
ishte gjeja me bukur qe kam lexuar kohet e fundit ne forum. bravo, bravo.

[XimiD]

Ej se kam shme kohe pa u duk nga forumi per shkak te ca provimeve . Na thoni naj gjo ju shqiptaro-amerikanet si eshte gjendja , a kane gjetur ndonje arme biollogjike ne Irak,(se kane filluar ca komisione hetime ne Usa dhe Britani per kete mashtrim e permasave boterore dhe te popujve rrespektive ) se per bunkerin e Saddamit u mor vesh qe nuk kishte egzistuar kurre, Po Amerika a po e ndihmon ndonje cike Shqiperine apo piramide si gjithmone ?
Hajt ja kalofshi sa me mire !

[cunimartum]

Washington/ABU Gharib, Iraq (Reuters) - Koka e forcave Amerikane ne Irak tha te Merkuren se trupat u gjenden perballe ne lufte guerile dhe nje granate vrau nje ushtar Amerikan
Luftimet me te fundit e prune numrin e ushtareve Amerikan te vrare ne 147, dhe rriten presionin mbi Presidentin Bush, i cili eshte nen zjarrin politik per arsye te kostove te medha te luftes dhe akuzimeve qe ai i pushkatoi Amerikanet me lufte

Massachusetts Sen. John Kerry tha te Merkuren, administrata Bush ka "trafikuar ne pavertetesi" rreth Irakut qe gjojja po perpiqej te merrte Uran nga Afrika si nje nga justifikimet mbi luften ne Irak

Bushi tha ne Janar qe Bagdati kerkoi Uran nga Afrika per te bere nukes. U zbulua qe reportet ishin te bazuara ne dokumenta fallco

Ne nje mbledhje Senati me dyer te mbyllura, ligjevenesit pyeten Drejtorin e CIA George Tenet rreth inteligjencer e paraluftes ne Irak. Tenet ka pranuar pergjegjesi per CIA qe ka aprovuar fjalimin e Bushit.

Ne zjarret me te fundit ne Irak nje major i nje qyteti ne perendim te Bagdatit u qellua per vdekje me gjithe te birin.
"sa per sqarim pasi hengren plumbat dhe predhat e guerilasve ja plasen major mavrise dhe te birit per te lare inatin"

etj etj.

Nga Pentagoni vijne lajmet qe Irakenet po konduktojne nje lufte guerilase klasike qe sido qe ta rrotullosh quhet gjithsesi lufte

Artikullin e plote mund ta gjeni ketu: http://www.reuters.com/newsArticle.j...toryID=3103962