Fjalor i gjuhës shqipe, 2006

[BHGod]

Ky projekt nuk synon të zëvendësojë një produkt që tashmë është hedhur në tregun shqiptar. Fjalori në format elektronik i përgatitur nga Terminal Albania dhe Qendra e Studimeve Albanologjike ka disa të mira në krahasim me versionin tim, si faqosjen, shqiptimin e artikujve dhe e shprehjeve frazeologjike për ata që nuk e njohin në tërësi gjuhën shqipe, përditësime të shpeshta të bazës informative, e të tjera. Çfarë e dallon në mënyrë të qartë projektin tim nga ai ekzistues është mundësia për ta përdorur fjalorin e gjuhës shqipe thuajse në çdo sistem operativ; edhe çmimi.
Kur u interesova ta blej fjalorin elektronik ekzistues, m'u tha se mund ta instaloj atë veç në një kompjuter Windows, dhe ta aktivizoj vetëm nëpërmjet internetit. Kjo ishte shtysa kryesore që më bëri të fotografoj çdo faqe të Fjalorit të gjuhës shqipe, botimi i vitit 2006, dhe ta përpunoj me ABBYY FineReader për një periudhë dy-tremujore.

Sikurse me fjalorin e vitit 1980, puna për ta kthyer në format të lexueshëm nga një program kompjuterik zuri kohën më të madhe. Nëse vini re gabime drejtshkrimore që mund të më kenë shpëtuar gjatë përpunimit, apo në formatim, ju kërkoj mirësisht t'i postoni këtu. Disa prej gabimeve të qarta në tekstin origjinal janë korrigjuar. Nuk besoj të ketë zë që mungon në krahasim me fjalorin e shtypur, por nëse hasni një problem të tillë, lutem ta thoni.

Disa fakte interesante për Fjalorin e 2006-s:

• tre nga artikujt më të gjatë janë “gjashtëmbëdhjetërrokësh”, “shtatëmbëdhjetëvjeçar”, dhe “shtëllunga-shtëllunga”;
• tre nga artikujt me shpjegime më të gjata janë “sy”, “dorë”, dhe “bëj”;
• ka 30,730 artikuj në total (ndoshta fare pak më shumë a më pak, n.q.s. e kam bërë mirë detyrën).

Baza informative është e lexueshme nga GoldenDict, një program që ofrohet për të trija sistemet kryesore Windows, Linux, Mac, dhe Android.

Shkarko falas Fjalorin e gjuhës shqipe, botimi 2006.

[Leonso]

Po si lexohen keto format: Fjalor i gjuhës shqipe.dsl.dz
Faleminderit

[BHGod]

Si përdoret fjalori:

1. Shkarko Fjalorin dhe hidhi (extract) të tria skedat që ka brenda në një dosje të re, p.sh. në desktop "fjalor shqip 2006".
2. Nëse përdor Windows, shkarko GoldenDict këtu [seleksiono Download (zip)] dhe hidhi (extract) të gjitha skedat që ka brenda në një dosje të re, p.sh. në desktop "GoldenDict".
3. Hap programin te dosja "GoldenDict"
4. Shko te menyja (tre vijat vertikale) > Dictionaries... > Add... dhe tani seleksiono dosjen "fjalor shqip 2006" (p.sh.).
5. Shtyp Open, OK, dhe kërko fjalët në fushën majtas.

Mund të shkarkosh edhe fjalorë të gjuhëve të tjera që ofrohen falas dhe janë të lexueshëm nga GoldenDict; kërko në Google.

Për kureshtarët që duan të dinë si është ndërtuar fjalori, formati ".DZ" hapet thjesht me 7-zip.

[LJanina]

Ju falënderoj për punën tuaj,

Kam vënë re se fjalori i vitit 2006 përmban 30.730 fjalë, kurse fjalori i vitit 1980 ka 41.068 fjalë. A është e mundshme
që fjalori i vitit 2006 të jetë më i varfër se fjalori i vitit 1980? Sipas botuesit fjalori i vitit 2006 ka rreth 48 mijë fjalë.

[BHGod]

Edhe unë u befasova në fillim, por një shpjegim e jep vetë Parathënia e Fjalorit të gjuhës shqipe, viti 2006:

Si fjalë themelore (në krye e në çerdhe) ai ka mbi 43.000 njësi; si fjalë që përdoruesi i fjalorit i ndërton vetë sipas shkurtesave (“edhe si em.”, “edhe si em. m.”, “edhe si em. f.”, “edhe si mb.”, “edhe si ndajf.” etj.) ka mbi 4.500 njësi. Gjithsej fjalori përmban rreth 48.000 fjalë, përveç shumë njësive frazeologjike dhe thënieve.

Te fjalori i ri, “fjalët me lidhje të drejtpërdrejtë prejardhjeje” janë përqendruar në një njësi të vetme. P.sh. te marr renditen “merrem, merret, marrje, marrë (i, e)” etj. Te fjalori i vjetër këto janë në artikuj të veçantë, dhe në dukje e bëjnë fjalësin e tij “më të pasur”.

Duhet pranuar se nga fjalori i vjetër janë hequr me qindra (?) fjalë, dhe janë shtuar rishtas ca mijëra.

[BHGod]

Po postoj një variant më korrekt të Fjalorit të gjuhës shqipe, 2006. Pas zbulimit të disa njësive që ishin fshehur mes të tjerave, totalit të fjalëve iu shtuan edhe 10. Ndreqa, po ashtu, disa gabime që kishin dalë nga procesi i skanimit.

Mund të shkarkohet këtu

[Olsi Hysa]

Shume flm BHGod!!!

[Mister Enigma]

Ju faleminderit për fjalorin.

[perralla]

te lutem, me ndihmo pak ta shkarkoj kete GoldenDict ne MAC, sepse po gjej vetem nje file qe ka nja 5000 file brenda dhe nuk ka asnje qe te instalohet. Rrofsh