Krim...pa Ndeshkim

[pirro10]

Të rralla janë vendet ku ata që kryejnë krime vazhdojnë jetën politike pa u ndëshkuar. Nuk është problemi se nuk ndëshkohen VIP-at apo drejtuesit politikë ose ata shoqërorë dhe dënohen vetëm recidivistët dhe delinkuentët pa poste. Problemi është kthyer në një obsesion dhe në një fobi sociale kur mendon se krimet e kryera në formën e korrupsionit, hajdutllëkut, shkeljes së ligjit, ose dhe vrasjeve me prapavija politike, janë bërë me idenë e fajtorit se... këto gjëra po i bëjnë që të pasurohen dhe duke u pasuruar të krijohet klasa e pasur me qëllim që të distancohet vendi sa më shumë nga murtaja komuniste...

Apologjia hipokrite e pasurimit sepse komunizmi na la të varfër dhe të barabartë në varfëri, e shumëfishuar pas viteve `90 nëpërmjet klaneve drejtuese politike, krijoi idenë e shkeljes së ligjit dhe të pandëshkueshmërisë nga të gjithë. Aq më të lehtë e patën drejtuesit sepse ata mbollën idenë e ...o burra të pasurohemi, ligjin e bëjmë ne që jemi në pushtet dhe nuk dënohemi po ta shkelim atë…, ose edhe më tragji-komikja: Poshtë komunizmi, dhe shkatërro pa kriter pronën, veprat e bëra nga populli, dhe përvetëso e digj arkivat, hipotekat; të gjitha këto në emër të pasurimit pa kriter, sepse për partitë politike thirrjet `poshtë komunizmi` fshihte në vetvete jo vetëm që komunizmi nuk mund të kthehej më, por nën maskën e ndëshkimit të komunizmit (që gjithsesi të kujton fjalën e urtë popullore .`ujku ujku por çakalli po bën namin`), po mbulohej një krim tjetër që nisi si ndëshkim ndaj së kaluarës por që nën këtë kamuflazh keqpërdorën, keqmanaxhuan, dhe përvetësuan pronën shtetërore aq sa dhe OSBE, BE dhe organizata ndërkombëtare u shqetësuan se Shqipëria deri në vitin 2011 nuk kishte bërë as inventarin e popullatës dhe as inventarin e pronave.

Ky ishte një turp i madh për shtetin shqiptar, pushtetet e të cilit mbajnë përgjegjësi të rëndë për shkeljet e ligjit dhe për moszbatimin e tij. Gjithçka u krye nën emrin që duke shkatërruar dhe marrë ato që prodhoi komunizmi, Shqipëria do të bëhej më e mirë në të ardhmen. Por nuk ndodhi kështu.

Kjo të kujton Romanin e Fjodor Dostojevskit “Krim dhe Ndëshkim”. Shkurtimisht personazhi kryesor Rodion Raskolnikov... fokusohet në dilemën dhe brerjen e ndërgjegjes së Raskolnikovit (që ishte një ish student në Shën Petërsburgun e atëhershëm) nëse vrasja e një njeriu si fajdexhiu i paskrupullt ndaj të cilit ishte borxhli Raskolnikovi do të shërbente për të kryer vepra të mira në të ardhmen, sepse bota do të shpëtonte nga një krimb i ndyrë si fajdexhiu, të cilit i kishte borxh?! Pra kryerja e një vrasjeje bëhet për të testuar teorinë që njerëz të aftë për të kryer të tilla veprime, të kenë të drejtën për ti kryer këto veprime të rënda si vrasja, me besimin se vrasja qenka e lejueshme kur bëhet fjalë për qëllime me të larta dhe për të përmirësuar të ardhmen...

Në këtë rast, personazhi i romanit të Dostojevskit e krahasonte veten me Napoleon Bonapartin…

Kjo ka ndodhur dhe me kastën drejtuese të politikës sonë 25 vjeçare, e cila krahas detyrës për të shembur komunizmin dhe për të ndërtuar një të ardhme më të mirë për popullin shqiptar i lejoi vetes (sigurisht me pa të drejtë) të dëmtojë të keqmanaxhojë dhe të përvetësojë asetet e shtetit dhe të krijojë kushte për të lulëzuar krimi dhe korrupsioni me qëllimin e mirë... për të krijuar klasën e pasur…

Përplasjet e ashpra politike këto dy vjet pas fitores së mazhorancës së sotme janë pikërisht problemet e pazgjidhura këto 25 vite të tranzicionit: informaliteti, korrupsioni galopant, kriminalizimi i politikës dhe papunësia si pasojë e politikave të gabuara. Ndihma e BE dhe SHBA në përshpejtimin e integrimit, në vendosjen e zbatimit të ligjit për shkak të pandëshkueshmërisë të shkelësve VIP-a të ligjit, ka hasur kundërshtimin e ashpër të opozitës, e cila nuk po e kupton se kundërshtimi i ashpër i veprimeve të mazhorancës të miratuara edhe nga BE, nuk do ta çojë as opozitën për të marrë më shumë vota dhe as stabilizimin e ekonomisë dhe as dekriminalizimin e vendit, duke patur parasysh se vetë opozita është fajtorja kryesore e kësaj gjendjeje gjatë qeverisjes 8 vjeçare por edhe gjatë qeverisjeve në total 14 vjeçare. Është ajo që ka nxitur dëshirën për të krijuar të ashtuquajturën `klasë e pasur` me çdo kusht, pra duke thyer dhe ligjet, është ajo që ka nxitur me mosveprimet e saj mbjelljen e drogës dhe fshehjen e informacionit, është ajo që ka dëmtuar rëndë teknokracinë profesionale duke preferuar militantizmin partiak për vendet e punës.

Po ky problem, ishte akut edhe gjatë 8 viteve të qeverisjes së majtë. Problemet që hasen sot në politikën shqiptare janë pikërisht pasojat e politikave të gabuara të së kaluarës, dhe është mirë që opozita të luajë rol konstruktiv e debatues dhe jo destruktiv në formën e sharjeve, fyerjeve, dhe mos pasjes së asnjë alternative dhe për më tepër të mungesës së reflektimit. Nuk është e rastit që sot në gazetën RD të dalë një titull sa komik aq edhe tragjik: “Maxhoranca po prish kanabisin e mbjellë në veri... për të rritur çmimin e kanabisit në jug në Tepelenë”?! Ç’është kjo thagmë opozitare? Ç’janë këto orientime idiote të politikës opozitare? Kështu do të luftohet droga? Kështu do të ndihmohet Shqipëria për t’u integruar?

Aspekti tjetër i rëndësishëm është dekriminalizmi i politikës. Kjo nuk mund të bëhet me sharje dhe me ofendime, por me përmirësimin e ligjeve dhe jo duke përdorur vetëm Dëshminë e Penalitetit siç është bërë deri tani, për të cilën duhet të turpërohet edhe vetë opozita, e cila ka nxjerrë edhe deputetë e drejtues, pikërisht nëpërmjet këtij ligji. Duke patur parasysh problemet e mëdha të përshkruara më sipër dhe përkrahjen e BE për të luftuar korrupsionin, reformën në drejtësi, kriminalitetin (nëpërmjet ligjeve të dekriminalizmit dhe atij të lustracionit), informalitetit, emigracionin dhe papunësinë, është e domosdoshme që të bashkëpunohet, ndryshe popullit do i krijohet përshtypja se lufta politike që bëhet në Parlament nuk ka qëllim tjetër veçse për të mbuluar të palarat, fshehjen e krimit, fshehjen e korrupsionit, paaftësinë për të drejtuar, dhe më në fund vjen sigurisht edhe zhgënjimi 25 vjeçar i popullit: dëshira për t’u larguar sepse gjendja nuk përmirësohet. Dhe ky fakt rëndon tërësisht mbi politikën shqiptare: mungesa e plotë e dëshirës për të zgjidhur problemet sepse nëse zgjidhen- ka shumë mundësi që të dalin se fajtorët kryesorë janë ata që kanë qenë në drejtim por kanë mbetur të pandëshkuar. Duke ndenjur të pandëshkuar për një kohë të gjatë, këta politikanë dhe servilët e tyre kanë bërë çmos që të çmontojnë shtetin duke u rizgjedhur apo riemëruar dhe duke formuluar ligje më boshllëqe që i amendonin herë pas here sipas dëshirës, dhe duke penguar transparencën.
Rezultati shihet sot në Parlament si vatra ku shihen më mirë problemet dhe pasojat e problemeve: Ujqër e çakej të veshur me lëkurë deleje që predikojnë... hakmarrje, të përzier me dele që ulërasin si ujq që ...predikojnë paqe,- në një kakofoni përqeshëse ndaj popullit që dëgjon e shurdhohet dhe nuk kupton se si mund të zgjidhet kjo zallamahi 25 vjeçare.

Rezultati, dëshira për të emigruar larg hipokritëve të politikës. Mendoj se mazhoranca duhet të kryejë deri në fund detyrat e lëna dhe të miratuara nga BE pa u tërhequr, duke bashkëpunuar me pjesën më të mirë të opozitës. Se si mund të bëhet kjo, duhet durim dhe bashkëpunim.
-

[Wrangler]

Vetëm se ajo fjalia e fundit mua ma heq trurin lol. Durim edhe sa ? Le t'i vëm një limit ju lutem se edhe durimi e ka një kufi, e me sa duket ky kufi ka sosur se njerzit po marin ferrat kush e kush te ikë më parë nga ky vënd !!

[Duke_Of_Arberia]

Artikull per te shkulur lesht e b*ythes me piskatore!


Ky shoku artikullshkrues nuk e ditka, qe qeverite shqiptare jane te lidhura koke e kembe me trafiqet e droges?!
Kaq shpejte na e paska harruar artikullshkruesi mushkonjen gjigande qe ulej rregullisht neper bazat ushtarake dhe thyu rroten ne Divjake?! Po laboratori i dyte i kokaines ne ballkan, ne mes te Shqiperise ne Xibrake, kush e lejoj?! Pse prokuroria Gjermane nuk i besonte as policise se shtetit por vetem prokurorise tone?! Si shpjegohet qe kjo qeveri pa hapur mire nje qebabtore te sjell tatimet e Brimseldes mbrenda dites dhe mbyllka syte perpara gjithe atij derro laboratori me kolumbian barkalec mbi 40 vjeç qe i kalonin policise se shtetit me vize futbollistesh?! Si e shpjegon artikullshkruesi qe mbas mbylljes se trafiqeve ne Lazarat te cilat i kalonin miliard euro ne vit, u arrestuan vetem Gatja me Van Damin me shtepi pa kondicioner?!

Kjo qeveri njesoj si ne te kaluaren eshte e lidhur koke e kembe me krimin, mafian dhe korrupsionin! Kjo qeveri kundermon era korrupsion...

Dhe mos çuditet artikullshkruesi me thagmat e RD-se, se ne Tepelene po mbillen rrenjet e kanabisit njesoj si ne Lazarat dikur...

Dhe s'ka asnje arsye te merret me 2011-en, sepse qeveria e kaluar e mori verdiktin me vote! Sot syte i kemi nga rilindaxhinjte, dhe jo me fjale por me vepra! Pavaresisht se veprat tregojne se jemi me keq se kurre, ne te gjitha aspektet (i hyjme edhe shifrave po te doni)...

[pirro10]

Po ai qe thote se ky shkrim te.... ben per te shkulur qimet e b... me pickatore.. do te bente mire te shkulte lesht e kokes per keto qe kane ndodhur keto 25 vite. Une kam analizuar problemin per te dy palet pa dallin. Kjo maxhorance po ben dicka ndryshe. Te shpresojme qe te na jape shprese dhe kjo shprese duhet besuar dhe share e ofenduar pa asnje lloj fakti. A nuk e kupton mor les cimbithur se rezistenca e madhe qe po behet ndaj reformave ezhte pjese e individeve te opozites te drejtesise dhe te ndonjerit nga maxhoranca me qellim qe te mos futen ne burg?

[Albo]

O Pirro,

Problemi me drejtesine ne Shqiperi, mungesen e saj apo kapjen e mberthimin e saj nga politika, eshte pikerisht mentaliteti i shqiptareve si puna tende. Ti flet per fenomenin real, te prekshem e te kudondodhur ne realitetin shqiptar ne te cilin ti vete jeton perdite, ore e minute, e ti nuk ke kurajon qe ta denosh ate. Ti nuk ke kurajon qe ti citosh me emer ato ujqerit e hijenat per te cilet ti flet ne shkrimin tend ne parlament. Ti nuk ke kurajon qe ti citosh me emer ata te korruptuarit qe i has ne zyrat e institucioneve te shtetit, apo ne spitalet e shkollat publike. Ti as nuk ke kurajon qe te pranosh qe ti si person je po aq fajtor sa ai i korruptuarit apo ai krimineli qe tani ka kapur majat e qeverise e pushtetit ne Shqiperi: kriminelet dhe te korruptuarit bejne lart e me lart ne nje shoqeri, kur ajo shoqeri nuk ka kurajon qe te ngreje zerin e saj e t'iu cjerre masken, e kerkoje ndeshkimin me ligj nga drejtesia.

Dhe ajo qe eshte me e bukura me tipa si puna juaj me mentalitetin qe shfaqni eshte se ju gjithmone prisni nga te tjeret qe tu zgjidhin problemet e realitetit tuaj: ti pret nga BE-ja, ti pret nga mazhoranca, ti pret nga qeveria, ti pret nga Kryeprokurori qe t'iu japi zgjidhje te gjithe ketyre problemeve me drejtesine shqiptare! Nuk e kuptoni, se duke e bere kete gje gje, deshmoni impotencen tuaj si njerez per te sjelle ndryshim ne jeten tuaj, ne jeten e familjes suaj, ne jeten e femijeve te tu.

Kur ti te mesosh te vrasesh friken, dhe te ngresh zerin tend si qytetar, duke denoncuar me emer e mbiemer kedo qe shkel ligjet e lirite e qytetareve te atij vendi, atehere ka per t'u rikthyer drejtesia ne ate vend. Kur sa here gjykatat e gjykatesit e korruptuar japin vendime arbitrare dhe i lene te lire trafikantet e kriminelet, ti dhe shume si ty dilni ne proteste para gjykates e para atij gjykatesi, vetem ashtu ka per t'u rikthyer drejtesia ne ate vend. Kur sa here behen zgjedhje, ti dhe shume si ty u kerkoni kandidateve e partive: cili eshte plani juaj per vendosjen e ligjit dhe drejtesise ne kete vend? - vetem ashtu ka per tu rikthyer drejtesia ne ate vend. Kur ti dhe shume si ty te ndeshkoni me vote te gjithe ata qe shkelin ligjin dhe i bejne trafikantet dhe kriminelet deputete e ministra, vetem atehere ka per tu rikthyer drejtesia ne ate vend.

Albo

[Duke_Of_Arberia]

Po ai qe thote se ky shkrim te.... ben per te shkulur qimet e b... me pickatore.. do te bente mire te shkulte lesht e kokes per keto qe kane ndodhur keto 25 vite. Une kam analizuar problemin per te dy palet pa dallin. Kjo maxhorance po ben dicka ndryshe. Te shpresojme qe te na jape shprese dhe kjo shprese duhet besuar dhe share e ofenduar pa asnje lloj fakti. A nuk e kupton mor les cimbithur se rezistenca e madhe qe po behet ndaj reformave ezhte pjese e individeve te opozites te drejtesise dhe te ndonjerit nga maxhoranca me qellim qe te mos futen ne burg?

Ne te dy ndryshojme bashke, sepse une nuk paguhem si ty per te broçkollitur nen stemen e gazetarit te pavarur, artikuj teresisht te ngjyrosur mavi! Opoziten hajde ta anatemojme nga mengjesi deri ne darke, por prej dy vitesh nuk ka asgje ne dore! Dhe si rrjedhoje nuk mban asnje pergjegjesi per situaten dramatike ku ndodhemi.
Po te ishe pak me i vemendshem i pergjigjeshe pyetjeve qe t'i drejtova me larte. Nderkohe qe ti flet ne pergjithesi dhe nuk kthen pergjigje per gjerat konkrete.

O shoku gazetar i pavarur, Elvis/Ervin Roshin e denuar me 3 vjet burg ne Zvicer per trafiqe droge kush e kandidoi? Artur Bushin te denuar ne Itali per trafiqe nderkombetare droge ne 2010-en kush e kandidoi? Arben Ndoken te denuar ne Itali per shfrytezim prostitucioni, kush e kandidoi? Po Mark Frrokun te denuar ne mungese me 10 vite burg ne Belgjike per vrasje dhe shfrytezim prostitucioni kush e kandidoi? Lista me keta mafioz, kriminel, vrases eshte akoma me e gjate, por po i referohem rasteve me flagrante. Si ma shpjegon faktin zotrote qe te gjithe keta bandite jane te perzgjedhur nga EDI RAMA nen stemen e PS-se?!

Ja ketyre jepju pergjigje o gazetari "pavarur", pastaj hajde lexo copy-paste shkrimet hibride qe dalin nga selia ngjyre PINK...

[Wrangler]

Kur ti te mesosh te vrasesh friken, dhe te ngresh zerin tend si qytetar, duke denoncuar me emer e mbiemer kedo qe shkel ligjet e lirite e qytetareve te atij vendi, atehere ka per t'u rikthyer drejtesia ne ate vend. Kur sa here gjykatat e gjykatesit e korruptuar japin vendime arbitrare dhe i lene te lire trafikantet e kriminelet, ti dhe shume si ty dilni ne proteste para gjykates e para atij gjykatesi, vetem ashtu ka per t'u rikthyer drejtesia ne ate vend. Kur sa here behen zgjedhje, ti dhe shume si ty u kerkoni kandidateve e partive: cili eshte plani juaj per vendosjen e ligjit dhe drejtesise ne kete vend? - vetem ashtu ka per tu rikthyer drejtesia ne ate vend. Kur ti dhe shume si ty te ndeshkoni me vote te gjithe ata qe shkelin ligjin dhe i bejne trafikantet dhe kriminelet deputete e ministra, vetem atehere ka per tu rikthyer drejtesia ne ate vend.

Albo

Me emer e mbiemer i denonconte edhe Saliu kur ishte ne opozite. Bile premtoj se kur te vinte ne pushtet do t'i vinte prangat Sollakut, Nanos & co, po ç'beri ?! Edhe keta te PeSes kur ishin ne opozite kercenonin se do t'i vinin prangat kur te vinin ne pushtet atyre qe e kan ber vendin.. po ç'ndodhi ?! Ndersa ti vjen e i thua Pirros ngrije zerin dhe denoncoji me emer e mbiemer. Po ngrije zerin o Pirro qe te hash koqen e plumbit, se drejtesi ketu ne Shqiperi vetem magnitu 10 sjell !!

[Albo]

Me emer e mbiemer i denonconte edhe Saliu kur ishte ne opozite. Bile premtoj se kur te vinte ne pushtet do t'i vinte prangat Sollakut, Nanos & co, po ç'beri ?! Edhe keta te PeSes kur ishin ne opozite kercenonin se do t'i vinin prangat kur te vinin ne pushtet atyre qe e kan ber vendin.. po ç'ndodhi ?! Ndersa ti vjen e i thua Pirros ngrije zerin dhe denoncoji me emer e mbiemer. Po ngrije zerin o Pirro qe te hash koqen e plumbit, se drejtesi ketu ne Shqiperi vetem magnitu 10 sjell !!

Gjithe kriminelet, tutoret e trafikantet jane bere sot politikane, deputete, kryetare bashkish ne Shqiperi! E dini ju qe jetoni ne ate vend, e kane mesuar edhe gjithe vendet e botes, ambasadoret e te cileve ju bejne thirrje ju qe ti ndeshkoni me vote. Ky eshte rezultati, produkti i asaj heshtjes e frikes tende si qytetar per te denoncuar te keqen ne shoqerine tende. Shqiperia sot nuk eshte me demokraci, eshte oligarki ku kushtetuta e ligjet nuk kane me asnje vlere, pasi ligji e maliqi eshte nje njeri i vetem qe ben sic i do qejfi.

Po nuk do te ngresh zerin, vazhdo e jeto ne ate vend se drejtesia do te vije me avion nga qielli apo ma vapor nga deti.

Albo

[Wrangler]

Me thuaj ti ku ta ngrem zerin ?! Rrjetet sociale sa nuk po plasin duke hedhur drite mbi krimet dhe korrupsionin qe behet nga politikanet. Po çfare po ndryshon, asgje. Shko ankohu te drejtori i Spitalit se nuk more sherbimin e duhur, shko ankohu te drejtori i shkolles, se femijes tend i mungon ngrohti dhe se mesuesi nuk shpjegon siç duhet, po rri gjate gjithe ores ne facebook, shko ankohu ne polici se te kan vjedhur shtepine, shko ankohu se nuk te vjen uji qe ne fillim te Qershorit... ore ankohu ku te duash dhe sa te duash se nuk e ka problem njeri fare. Edhe ato Mediat qe bejne ndonje kamer te fshehte e bejne se i duhet gjetur vendi i punes ndonje militanti, se po te ngren kamerat e fshehta ne çdo institucion e polici, do shohesh po nuk ngelen bosh pa staf. Gjykatesit jane multimilionere duke futur e duke nxjerrur nga burgu kriminele.

Shkurt ky vend duhet braktisur nje ore e me pare (te pakten ata qe nuk e durojne dot anarkine)