K.Spahiu: Edi Rama para 3 vjetesh me triko leshi, sot me kostume 10 mije Euro.

[benseven11]

Kreshnik Spahiu: Edi Rama para 3 vjetesh me triko leshi, sot me kostume 10 mije Euro.

Edi Rama i terheq veshin Blendi Fevziut.


Që kryeministri shqiptar është një mashkull që vishet me shije, për këtë nuk asnjë dyshim. Siç nuk ka dyshim gjithashtu që kjo shije e tij është e kushtueshme, shumë e kushtueshme. Kravatat plot fantazi, të zgjedhura e përzgjedhura sipas eventeve ku merr pjesë i pari i qeverisë, janë kthyer tashmë në shenjën e vetme ekstravagante të artistit që u bë politikan. Ky simbol i të kaluarës artistike, bie shumë në sy, brenda dhe jashtë Shqipërisë, kur i bashkangjitet kostumve chic klasik të Edi Ramës.
E si çdo gjë veçantë, edhe kravatat unikale të Edi Ramës, e kanë një çmim. Duke patur parasysh që kryeministri i ndërron ato çdo ditë, madje edhe dy herë në ditë, dhe duke llogaritur një çmim normal prej 100 euro, rezulton se njeriu që qeveris shqiptarët harxhon rreth 40 mijë euro në vit vetëm për kravatat.
Ndërsa kostumet, kryeministri shqiptar i preferon me tri pjesë, me copë të veçantë nga markat më të shtrenjta të botës dhe sigurisht të qepura me porosi sipas përmasave, “su misura”. Për këtë, një rrobaqepës personal merr rrugën në mënyrë periodike nga Milano dhe vjen në Tiranë për t’i marrë masat shefit të qeverisë shqiptare sipas ndryshimeve që pëson fiziku i tij. Kjo porosi e veçantë e kryeministrit shqiptar llogaritet në disa mijëra euro vetëm për një kostum të vetëm. Llogaritë mund t’i bëjë kushdo.
Kryeministri, siç e shihni dhe në foto më poshtë, nuk është i lirë edhe kur vishet sport. Paul&shark, zegna, costum national, etj janë markat që i pëlqejnë të mbulojë trupin e tij.
Duke patur parasysh rrogën e kryeministrit shqiptar dhe deklarimin e tij të pasurisë, i bie që ai këto miliona që harxhon për dukjen elegante dhe plot shije, i merr ose nga taksat e qytetarëve shqiptarë ose ia dhuron dikush në mënyrë të paligjshme, përsa kohë që një gjë e tillë nuk është e deklaruar në institucionet përkatëse. Duket shumë moralizuese nëse krahason nivelin e jetesës së shqiptarëve (të fundit në Europë) dhe luksin në veshje të kryeministrit të tyre. Moralizuese mund të tingëllojë gjithashtu nëse thekson hipokrizinë e atij që bërtet me të madhe se është në shërbim të të varfërve dhe nuk i respekton ata edhe në shpenzimet që bën për veten e tij. Dikush mund të thotë që një kryeministër me një paraqitje të tillë është një imazh i mirë për vendin. Po, mund të jetë, por do të kishte kuptim edhe nëse bën diçka të mirë për vendin. Ndryshe kontrasti mes pamjes së tij dhe vendit që përfaqëson (mijëra shqiptarë po ia mësyjnë si emigrantë Europës) mund t’i bëjë të huajt të nënqeshin. Një kryeministër chic i një vendi të varfër, është fabul për çdo karikaturë apo fejton.

Megjithatë, kryeministri ynë do të tregojë që ka shije. Shqiptarët kanë fatin që ta shijojnë çdo ditë.



globnews.al