Rënia e ndjeshme e të ardhurave në gjashtëmujorin e parë të këtij viti detyron qeverinë shqiptare të rishohë buxhetin duke ulur me 16, 2 miliardë lekë. Me anë të një akti normativ, i cili hyn në fuqi menjëherë, qeveria ka ulur shpenzimet me thuajse në të njëjtën vlerë.
Kësisoj, deficiti vjetor do të jetë po ai që ishte parashikuar në buxhetin e vjetër, rreth 58.2 miliardë lekë. Ulja drastike e shpenzimeve me rreth 200 milionë dollarë do të prekë kryesisht zërin e shpenzimeve për investime.
Sipas “Mapo”, akti normativ i miratuar nga qeveria parashikon rënie të shpenzimeve për investime në të gjithë zërat e rëndësishëm të jetës së vendit. Rënia më e madhe në investime do të jetë në sektorin e shëndetësisë në të cilën kemi përgjysmim të asaj që ishte parashikuar në buxhetin e vjetër. Kështu akti normative parashikon që në sektorin shëndetësor investimet të bien nga 18 miliardë lekë në 9 miliardë lekë të vjetra.
Një tjetër zë i rëndësishëm që preket nga ndryshimet në buxhet është edhe Ministria e Transporteve dhe Infrastrukturës, ku shpenzimet kapitale ose investimet do të bien me rreth 50 miliardë lekë të vjetra ose me rreth 65 milionë dollarë.
Pra, akti normativ i ul shpenzimet për investime në rrugë, ujësjellës, kanalizime etj, me rreth 65 milionë dollarë. Sektori i bujqësisë, i parë si një sektor prioritar në zhvillimin e vendit, do të ketë shkurtime në investime me rreth 1 miliard lekë.
Pra bujqësia do të preket shumë pak nga ndryshimi i buxhetit dhe nga rënia e të ardhurave. Edhe Ministria e Arsimit do të ketë shkurtim të investimeve. Buxheti i ri i rishikuar i jep Ministrisë së Arsimit rreth 2 miliardë lekë më pak për investime se sa parashikonte buxheti i miratuar në fundvitin e kaluar.
Përgjigju Duke Cituar
Postuar më parë nga benseven11
Krijoni Kontakt