Një 37 vjeçar shqiptar është vendosur në pranga nga karabinierët e Peruxhias, pasi konsiderohej si një tregtar i rrezikshëm kokaine, raportojnë mediat italiane.
Nga dhjetori i vitit 2013 deri në nëntor të vitit 2014, në mënyrë të vazhdueshme ai shpërndante doza kokaine kujtdo që kishte nevojë në Peruxhia.
Zonat e lëvizjes së tij ishin gjithnjë të njëjtat: San Sisto, Sant’Andrea delle Fratte dhe Santa Sabna, njoftojnë autoritetet italiane.
Karabinierët e Peruxhias i dhanë fund operacionit të arrestimit të 37-vjeçarit shqiptar pas hetimeve të shumta.
Identiteti i tij nuk bëhet i ditur, por kishte nofka të shumta dhe ishte i ngrakuar me shumë precedentë.
Hetimet policore kishin vënë re për një kohë të gjatë lëvizjet e shqiptarit në zonat e ndryshme të Peruxhias dhe se si ai takohej me klientët e tij për shpërndarjen e kokainës.
Investigimet e kryera nga Shoqëria Operative e Peruxhias kanë evidentuar dhe lidhje të të arrestuarit me tregtarë të tjerë me origjinë shqiptare, që punonin në zona të tjera të Peruxhias apo dhe në vendet fqinje.
ORA NEWS
Krijoni Kontakt