Aforizmat e Agim Metbalës #2

[Agim Metbala]

- Injoranca është lavire, shkulja flokët vazhdimisht!
- Qeshje më falso dhurojnë lavirja dhe politikani!
- Atë çka të ndalon armiku, luftoje deri në sakrifikim, mbase për ty është diçka jetësore!
- Njerëzit i bëjnë dy lloj mëkatesh: Me dashje dhe pa dashje, ato pa dashje, t’i falin edhe njerëzit e qe besa edhe Zoti!

[Agim Metbala]

- Ju lutem, mos luani me artin, edhe ashtu s’mund t’i bëni gjë dot, arti është përjetësi!
- Politikanët matrapazë, i ngjajnë gjinkallave – tërë verës lozin me violinë, e dimrit, vjedhin të mirat e popullit!
- Fjala e shkruar, i ngjan fosilit – edhe nga thellësia e tokës, del një ditë!
- Dëm më të madh një kombi, nuk mund t’i sjell askush sa politika e gabuar e përzgjedhjes të kuadrove!

[Agim Metbala]

- M’i jep të gjitha fotografitë, do e sajoj me lehtësi monografinë tënde!
- Liderët tanë, vërtet i kanë degraduar dhe devalvuar skajshmërisht të gjitha institucionet dhe organet shtetërore!
- Kur shkruaj për fëmijë, gjërat dhe ngjarjet i shikoj nëpërmjet syrit të fimijës e i ndjej nëpërmjet shpirtit dhe zemrës së fëmijës!
- E vetmja ndjenjë e fuqishme që nuk plaket kurrë, është ndjenjë e dashurisë!

[Agim Metbala]

- Të preferoj, mos merr rrugën nëse mendon se do ta gjejsh lehtë e shpejt të vërtetën!
- Dehja mbi të gjitha dehjet, është dehja për pushtet!
- Po të ishin vërtet mjetet e informimit të pavarur dhe apolitike, pse do i kishin aq shumë sponsorë të dijtur e të padijtur?!
- Nëse vepron me ndjesi, pak do kesh nevojë për arsyetime!

[Agim Metbala]

- Shoqëria kurrë nuk do të ec përpara me krijimin e subjekteve të reja politike e me politikanë të vjetër!
- Pa para, shumë probleme – me para, pa numër probleme!
- Sikur kafshët të dinin të komunikonin me gjuhën tonë, me arsye do t’na bënin horr!
- Dështim në familëje, dështim në shoqëri!

[Agim Metbala]

- Nëse me dikë s’mund të ecish krahpërkrah, ka ardhur koha t’i ndani rrugët!
- Mos lejo veten që vazhdimisht të mbrohesh ose të sulmosh nga defanziva!
- Po mos të ishim çliruar, kurrë nuk do të kisha kuptuar se sa shumë matrapazë ka klasa jonë politike!
- Në kohën e sotme, është shumë vështirë të ndahet kufiri në mes të nderit e të pa nderit!

[Agim Metbala]

- Nëse nuk i bashkangjitesh shumicës, i ke “hypur sajave”!
- Kujdes nga personi që s’ka turp, të shqyen si hijena!
- Gruas/burrit, as në ëndërr mos ia rrëfe të kaluarën, do t’i lidhish vetes rreth qafe lakun i cili nga dita në ditë, do shtrëngohet fuqishëm!
- Jeta i ngjan shumë flisë, problemet duhet zgjidhur kat-kat!

[Agim Metbala]

- Kur luhatet besimi – mirret gjysëm veprimi!
- Mendjelehtësia, të sjell në situatë ta demantosh vetveten!
- Personi që vazhdimisht kritikon – s’ka kohë për mendimet pozitive!
- Para se të marrish veprimin a vendimin, përshtypjet analizoi hollësisht!

[Agim Metbala]

- Përshtypja është vetëm pikënisja për ecje të mëtejme!
- Mos u mbështet shumë në përshtypje – ajo mund të jet e gabuar!
- Shoqëria i ngjan një organizmi – sa herë largohesh nga një shokë, këputet një gjymtyrë!
- Mos prit që partneri të bëhet yll polar e ta ndryçoj vazhdimisht rrugën e jetës, por si një bashkëudhëtar të jetës!

[Agim Metbala]

- Kur pushtetarët dëshirojnë të qeverisin keq, e dobësojnë sistemin gjyqësor!
- Kur ndien psherrëtimën – mos hezito, ofro ndihmën!
- Çdo ofertë, analizoe maksimalisht!
- Kujdes, gjuha mund të futet çdo kund e mund të shqiptoj secilën fjalë!