Aforizmat e Agim Metbalës #2

[Agim Metbala]

- Fakti është kokëfort deri në pathyeshmëri!
- Fakti nuk nënshtrohet me asnjë armë e në asnjë kohë!
- Fakti vërtet mund të fshehet, por kurrë nuk mund të fshihet!
- Poqese thua çdo gjë çka dëshiron e çdo gjë çka mendon, do të ngatërrohesh me secilin!

[Agim Metbala]

- Në distancë të madhe, edhe aeroplani duket shumë i vogël!
- Sa herë një veprim kurorëzohet me sukses, mundi harrohet për besë!
- Afërsia dhe distanca, krijojnë ndjenjat e ndryshme ama për të dyjat kemi nevojë!
- Për ta vlerësuar afërsinë, duhet ta shijosh distancën!
-Po fole me fragmente, lehtë mund të keqkuptosh!

[Agim Metbala]

- Nëse e di se ke të drejtë, mos u shqetëso shumë për keqkuptime!
- Për një grup të madh të njerëzve, frika është shpëtimtare!
- Frikacakët po ta kishin guximin e guximtarit, botën do e kthenin bithprapë!
- Sa më vie inati ta pranoj sintagmën se “njeriu për njeriun është ujk”, bile pak më shumë!

[Agim Metbala]

- Aq gjërat e këqia e rëndojnë hapësirën shqiptare sa që edhe kur e detyroj veten të shkruaj për gjërat e mira, lapsi nuk më bindet dot!
- Sa më kokëderr, njerëzit aq më shumë ta lëshojnë rrugën – ekuacion i pakuptimt!
- Të urtit dhe të ndershmit, secili ua zë rrugën!
- Me shpërblime, zakonisht shpërblehen të pamerituarit nëse shpërblimi ka vlera materiale!
- Të merituarit, zakonisht marrin mirënjohjet e të pamerituarit, shpërblimet!

[Agim Metbala]

- Lufta për pushtet, i arsyeton të gjitha mjetet e përdorur!
- Thirrja në emër të popullit, është parullë më e rrejshme e të gjitha kohërave!
- Se sa hajdutë janë sundimtarët, mund të bindeni me varret e faraonëve!
- Varret e faraonëve, kështjellat, kalatë, sarajet e mbretërve, pallate me shumë kate... janë dëshmitë e gjalla të shfrytëzimit të popullit deri në palcë nga ana e sundimtarëve!
- Sundimtarët janë ushujza që pinë gjakun e popullit të vet!
- Kushdo që vazhdimisht thirret në emër të popullit, në gjak e ka pushtetin!

[Agim Metbala]

- Pallati i pushtetit, zakonisht ndërtohet mbi mëkatet dhe krimet!
- Autoriteti dhe afirmimi i shpejtë, i ngjajnë barakës montazhe me jetëgjatësi të shkurtër!
- Çdo detyrim, në masë është edhe shpëtim!
-Çdo shkollë ilegale, sado që ka arsyetimin, mund të jet shumë e rrezikshme!