Aforizmat e Agim Metbalës #2

[Agim Metbala]

- Kur zemra e shpirti falin, kot llomotit gjuha!
- Nëse sistemi gjuqësor sulmohet pa vend, sulmohet zemra e shtetit!
- Nëse nuk përkrahet gjyqësori, forcohet nëntoka!
- Vet kamatat e larta të bankave kosovare, tregon fuqinë ekonomike të popullit!

[Agim Metbala]

- Përplasja e të vërtetës në fytyrë, e dërmon njeriun e moralshëm e të ndershëm, e jo njeriun e pandershëm!
- Poeti që shkruan në favor të pushtetit, është shitur shumë lirë!
- Në momentin kur shpirti i poetit pushon të jet grindavec, i preferoj ta hedhë pendën!
- Nëse gazetari nga data pesëmbëdhjet të muajit ngel me xhepa të zbrazët, mos u çuditni se shkruan shkrime gazetareske të porositur!

[Agim Metbala]

- E njëjta gjë mund të thuhet në shumë mënyra, thuaje atë me kulturë!
- Mos i prano lehtë përgjegjësitë, mbase mosrealizimi, sjell pasojat e pariparueshme!
- Njeriu shumë shpesh ka nevojë t’a shkund vehten si arrusha pas shiut e t’i gjuaj të këqijat!
- Shpirti i ngan vitit kalendarik, i përjeton të katër stinët!

[Agim Metbala]

- Fatbardhësisht që “snajperit” të Zotit nuk mund t’i ik askush, përndryshe kjo botë ish katandisur totalisht!
- Nëse me kujdes e kërcen “vallen” e jetës, do të bashkangjiten shumë “valltarë”!
- Ka njerëz që në shpirt e zemër vazhdimisht ndjejnë të ftoftë, kanë dimër!
- Nëse ke vendosur të merresh me shkrime, ta kesh me dije se në mënyrë progresive do të shtohen miq, por edhe armiq!

[Agim Metbala]

- Te ne korrupcioni ishte “beqar” me mustakët, tash u bë burr me mjekër!
- Braktisja është akt i frikacakut dhe i të padijshmit!
- Fatkeqësisht, njerëzimi sot injorancën e ka përqafuar si shkathtësi!
- Politikanët dhe pushtetarët tanë, nga dorëheqja frikësohen si djalli nga kryqi!

[Agim Metbala]

- Sikur SINQERITETI dhe BESNIKËRIA ta zinin vendin e vet, bota do të dukej e mrekullueshme!
- Ai i cili mund ta përcjell deri në fund një debat televiziv paraelektoral, definitivisht ka zemër shumë të fort!
- Politika shqiptare nëse vërtet do progres, urgjentisht duhet t’i rirreshtoj kuadrot në të gjitha subjektet politike!
- Dikush duhet paguar nga xhepi, dikush me kokë (qengji, kau...), që ne të bëjmë gosti!

[Agim Metbala]

- Nëse fal apo shet votën, do mbetesh pa vullnetin tënd!
- Po heshte në padrejtësi, që nga ai moment, luhatet pozicioni ytë si njeri e në shoqëri!
- Shumë prej liderëve tanë (në të gjitha trojet), janë amortizuar skajshmërisht si automjetet e vjetra që u ka ardhur koha të shkojnë në “varrezat e automobilave”!
- Politikani i ngjan gurit të mullirit, bluan pa pardon çka do që i del përpara!

[Agim Metbala]

- Njeriu publik dhe autoritativ, fjalët vazhdimisht duhet peshuar në peshore miligramike!
- Gjërat nga afër, shumë shpesh vështirë vërehen!
- Në një shtëpi që s’ka rregull, vërehet edhe nga filxhan!
- Të pasurit, vazhdimisht ankojnë të varfërit e të fortit të dobëtit, barcaletë pa kripë!

[Agim Metbala]

- Për të mbrojtur ndërgjegjen e pastër, kurrë ndaj askujt, e ndaj çfarëdo force, mos u zbraps!
- I vetmi shkrimtar që më bënë me nerva, është ai që subjektivisht debaton në tema fetare e përqan kombin!
- Shumica e shqiptarëve ditën zakonisht e kalojnë duke pirë kafe e bërë llafe!
- Krijuesi që nuk ka fuqi të shkatërroj e të ndërtoj, kurrë nuk mund të bëhet poeti i madh!

[Agim Metbala]

- Mos u dashuro shumë në kombinatorikë, do i humbasish ndjenjat për logjikë!
- Ndieshmëria me mundësitë, duhet të veprojnë në sistemin e terazisë!
- Shpirti dhe shikimi duhet të vehen në barazpeshë nëse nuk dëshiron të bëhesh gaz i botës!
- Shpirti i ngjan shumë futbollit i cili ka një vrimë që i shërben për t’u fryer e mbrenda kohës edhe për t’u shfryer!