Aforizmat e Agim Metbalës #2

[Agim Metbala]

- Mos krijo paralelizma për shkak të interesit, përfundimi do të jet i disfavorshëm!
- Favoret përqafojnë përtacinë e përtacia dështimin!
- Kurrë mos përbuzë lotin e burrit!
- Gazetari që shkruan për interes ose me imponime, dështimin si gazetar dhe njeri, e ka të sigurt!

[Agim Metbala]

- Mendimin ndryshe, respektoje, ama në hollësi analizoe!
- Çuditërisht, fjala e drejtë, mrrol shumë fytyra!
- Sa i urrej matrapazët dhe mafiozët në art?!
- Nuk ka lumturi të përhershme si një pikturë, por si një mozaik i bukur i krijuar me copëza ndriçuese!
- Mos u çuditni, frika dhe rreziku, forcojnë trimërinë!

[Agim Metbala]

- Politikanët tanë, vërtet janë aftësuar për luftë fjalësh!
- Sikur gratë ta sundonin botën, vërtet s’do të kishte luftë, por do ta legalizonin prostitucionin!
- Ngushllimi i të fortit, është ironi e sarkazëm i pastër!
- Të jesh i lumtur në jetë, nuk duhet shumë – heq dorë nga kërkesat joreale!

[Agim Metbala]

- Nëse kundërshtarit dhe armikut i tregon dobësitë – i bënë avantazhe!
- Nëse ndjenjat janë të varfër, edhe fjalori do të jet i varfër!
- Kur fuqizohet gruaja, dobësohet burri, arrihet balansi në familje!
- Kur populli heq dorë nga korridoret e gjykatave, pushteti duhet të ndërrohet o me vota o me dhunë!

[Agim Metbala]

- Sa më shumë shoqërohesh me mëshirën, aq më qetë do ta kesh shpirtin!
- Shumë shtetet demokratike të botës, më shumë e sulmojnë SHAMINË se armatimin nuklear, paradoks mbi paradokse!
- Shteteve të fuqishme të botës, më shumë u pengon SHAMIA se sa aneksimet dhe okupimet e shteteve nga okupatorët!
- Shkrimet më të pastërta të shkruar nga të gjithë shkrimtarët nëpër kohë, janë shkrimet kushtuar fëmijëve!

[Agim Metbala]

- Përdori faktet, s’të mposht dot as armiku më i përbetuar!
- Mbështetu në fakte, përfundimin do ta kesh të favorshëm!
- Mos u zhgënje lehtë, mbase ka pak njerëz të drejtë!
- Politika e jashtme shqiptare, më ngjan një orkestri që loz muzikën tallava!

[Agim Metbala]

- PADREJTËSIA, mund ta shkatërroj e faroj tërë një familje!
- Mjerë karriga që mban secilën b...!
- Detyrë parësore e secilt artist është rebelimi ndaj padrejtësisë!
- Artisti që nuk rebelohet, është i përkëdhelur nga pushtetarët!

[Agim Metbala]

- Personalisht njoh shumë katërkëmbësh të rehatuar nëpër karrige!
- Fjalët e mira, i japin bisedës dhe personit shije të jashtëzakonshme mu sikurse erëzat gjellës!
- Shumë nga politikanët dhe pushtetarët, nuk janë as plehra për riciklim!
- Kur humben kriteret, edhe mirënjohjeve, dekoratave e medalieve, u zbehen vlerat!

[Agim Metbala]

- Edhe jeta e poetit do të kaloj sa çel e mbyll sytë, mirëpo veprat dhe emri i tij, do të jetojnë nëpër shekuj!
- Ti mund të flesh sa të duash, punët s’do të lëvizin nga vendi!
- Mos u përpjek t’u përshtatesh të gjithëve, mbase s’do arrish kurrë e në anën tjetër, do të shkrihet personaliteti ytë!
- Ju thafshin duart të gjithë atyre gjykatësve që nënshkruan aktgjykimet për pushkatimin dhe varrjen e artistëve!

[Agim Metbala]

- Për të jetuar, duhet ushqyer e për t’u ushqyer, duhet punuar që të mos bëhesh hajn!
- Edhe vila më e bukur duket bosh, nëse pran nuk e ke personin e dashur!
- Mos i prefero bllofet, do të mishërohesh me gënjeshtrën!
- Përbindëshit më të mëdhenj që kanë gëlltitur me milona njerëz, janë pushtetarët e çmendur!