Aforizmat e Agim Metbalës #2

[Agim Metbala]

- Ta diskutosh vazhdimisht çështjen e cila nuk mund të ndryshohet, vërtet është idiotizëm!
- Antivlera në arsim, krijon një armatë të tërë njerëz shumë të rrezikshëm!
- Nëse fal çdo herë, sulmet kurrë s’do të prajnë!
- Veprat çdo herë duhet vlerësuar në kushtet, rrethanat dhe kohën...nëse dëshiron të mos gabosh!

[Agim Metbala]

- Personi që shtiret, nga vetja krijon karikaturë!
- Poetin, kush e kupton e kupton; kush s’e kupton s’e kupton, ai punën e vet e vazhdon e fare s’i bëhet vonë!
- Të uriturin, kurrë mos e pyet për shijen e gjellës!
- Vetëpërmbajtja është kulturë e lart!

[Agim Metbala]

- Mos u brengos shumë për nota, ato janë vetëm shifra, dija është e përjetshme!
- Kur njeriun e kaplon s’kamja, nga ai ikin jo vetëm miq, por edhe armiq!
- Parave dhe grave, mos u zini shumë besë!
- Përshtypja e parë, ka peshë sa një mijë e një fjalë!

[Agim Metbala]

- Njeriu i padijshëm, dyshon në secilën këshillë!
- Nëse ndalesh në çdo thirrje, kurrë s’do të arrish në cak!
- Mbas çdo ADRESIMI, radhën e ka VEPRIMI!
- Sa më lart ngjitesh, aq më shumë rritet lakmia!

[Agim Metbala]

- Mos ngacmo personin që vazhdimisht i kafshon thonjt – është në tension të lart!
- Për shkak të kaluarës, mos u tërhiq nga jeta, mbase ke mjaft kohë të bësh përmirësime!
- Mos e mërrol fytyrën shpesh – do fitosh shumë rrudha!
- Mos u shqetëso kur të gabosh – nga vet pësimi do mësosh!

[Agim Metbala]

- Po pate fisnikëri e në momente kur ka nevojë edhe trimëri, lirisht ec kokëlart!
- o vetëm në FB, por edhe në jetën reale, shpesh duhet “shoshitur” edhe mikesha e miq!
- Në momentin kur të pushon dëshira të dalish me shokë, analizoje veten me shumë kujdes!
- Bamirësia për nevojtarin, i ngjan udhëtarit në shkretëtirë që hasë në një oazë!

[Agim Metbala]

- Nëse gjuha arrin balansin me dijen – zvogëlon në minimun konflikte!
- Mos i përdor fjalët dhe mendimet enigmatike, njerëzit nuk kanë kohë për deshifrime!
- Sa herë që bëhesh mendjelehtë, do të hasish në probleme vend e pa vend!
- Shumica e femrave shqiptare, ëndërrojnë jetën e telenovelave!

[Agim Metbala]

- Fatkeqësisht, sot DJALLËZIA, nga shumica vlerësohet si AFTËSIA!
- Nëse nuk dëshiron të humbasish vlerën si njeri, kurrë mos fol me gjuhën e politikanit!
- Nëse dashurohesh në PARAGJYKIME, do humbasin ndjenjat për VLERËSIME!
- Drejtësia është e rëndë e padrejtësia fatale!

[Agim Metbala]

- Nëse dëshiron martesë ideale, atëherë më mirë bëhu murg!
- Mos u shqetëso kur dikush përpiqet të ta ul vlerën, nuk është i denjë për ballafaqim direkt!
- Mendimin e pakicës, vlerësoe maksimalisht!
- Gjatë konfrontimit, përfundimin kërkoje nga ajo që nuk është thënë!

[Agim Metbala]

- Mendimin e shumicës, analizoe çdo herë, mbase shumicës i bashkangjiten edhe ata që kanë mendimin e kundërt!
- Nëse mosmirënjohësin e ndihmon, mos u anko se mundi të shkoi huç!
- Natyra, dashnore e pandashme e secilit artist!
- Luhatshmëria të bënë të ecish i pasigurt, mu si një bebe!