Aforizmat e Agim Metbalës #2

[Agim Metbala]

- Bëhu njeri, me atë do ta kryen obligimin ndaj atdheut e ndaj Zotit!
- Ambicie për pushtet, t’i mjegullon mendimet e ta humb arsyen!
- Sa herë në krye të kolonës janë renditur artistë, populli është ngritur në këmbë!
- Bëhu mjeshtër e fjalët renditi si muratori tullat (qerpiçët)!

[Agim Metbala]

- Nëse të okupon e keqja jote, nuk të ndihmojnë më as hajmalitë!
- Shpifja është si gripi virusal, shumë shpejt përhapet e kurohet shumë ngadalë!
- Partitë politike janë bërë si autobusat urban – kushdo hyn e del kur të dëshiroj!
- Po të mos ekzistonte NDËSHKIMI, nga njerëzit do të ikte VETËDIJSIMI!

[Agim Metbala]

- Aq sa tregon dije, rezistencë e forcë – po aq do vlerësohesh nga të tjerë!
- Nëse i thua gjërat troç – shumë shpesh do “futesh në kallamoq”!
- Pakica, çdo here është “malli” më i kërkuar dhe më i shtrenjt!
- Mos humb kohë ta rrëzosh një të vërtetë, ajo i ngjan një bjeshke e bjeshka realisht nuk rrëzohet!

[Agim Metbala]

- Zgjuarsia kundrejt trimërisë, çdo here ka triumfuar!
- Grua belaxhie, nëse nuk ka me kë, do fjaloset edhe me një fije të merimangës të varrur në dhomë!
- Kur vemendja bashkëdyzohet me dijen, lindin mendimet dhe rezultatet kulmore!
- Besoj se nuk je aq i marrë sa t’i tregosh të gjithat gruas/burrit!

[Agim Metbala]

- Kot mbushet tavolina, nëse nuk ka kush të ulet!
- Çdo gjë që imponohet, heret a vonë, turpshëm do largohet!
- Vëmendja është si hajmalia – vazhdimisht të mbron nga të këqia!
- Fatkeqësisht, shumë kriminelë ordinerë, janë laureatë të çmimeve më të larta për paqe në botë!

[Agim Metbala]

- Guximin dhe fjalën, duhet përdorur në kohën e duhur!
- Nënshtrimi, divorcohet nga vendosmëria!
- PADIJENIA, aleat të përhershëm e ka ARSYETIMIN!
- Kur je në formë të lart, kujdes me sjellje ndaj të tjerëve, aty matet vlera jote!

[Agim Metbala]

- Njerëzit zakonisht e pranojnë proporcionin në krahasim me forcën e ushtruar!
- Nëse veten e ushqen me gjysëm informata, do të bëhesh gjysëm i ditur!
- Viteve të fundit, qent shumë pak lehin – këtë “virtyt” ua kanë vjedhur politikanët!
- Tash e di pse nuk ka progres Teatri Kombëtar – mbase drama, komedi e tragjikomedi, në paralment, përdit shfaqen pa para!

[Agim Metbala]

- Nga vet mënyra e sjelljes dhe komunikimit me rrethin, rrethi krijon vlerësim e jep notim!
- Mos e tepro as me falenderime, medoemos do bëhesh monoton!
- Të gjithë i dëshirojnë ndryshimet, ama pakkush i ndryshon sjelljet dhe botëkuptimet!
- Nëse akuzat përsëriten, analizoje veten!

[Agim Metbala]

- Shokët gjatë jetës, vazhdimisht eliminohen e vazhdimisht shtohen!
- Jeta vazhdimisht do t’i dhuron kurthet, përpiqu t’i shmangesh!
- Femra shumë e bukur, pjell ngatërresa në çdo hap, më demantoni nëse nuk kam të drejtë!
- Nëse në kërkesa me ngulm insiston, edhe mendjen e armikut e ndryshon!

[Agim Metbala]

- I admiroj pleqët që marrin guximin t’i rreken punëveqë u takojnë të rinjëve!
- Arsyeja e fuqishme, çdo herë i bënë ball forcës dhe rrezikut!
- Qortimi i ngjan shenjës së komunikacionit – kujdes, vend i rrëshqitshëm!
- Kujdes, jeta i ngjan xhunglës, kërkon eksplorim të vazhdueshëm!