Aforizmat e Agim Metbalës #2

[Agim Metbala]

- Lartësitë i pushtojnë të fuqishmit, ndërsa i përballojnë të durueshmit!
- Zoti t’i ka dhuruar të gjithat, andaj, rrekju punës e mos prit më shumë nga Zotit!
- Shumë nga politikanët tanë, retorikën e kanë të fort si ÇELIKU, ndërsa veprimet si LLASTIKU!
- Nëse dëshiron t’ia mbash krahun DREJTËSISË, paraprakisht duhet të përgatitesh për luftë të ashpër e pakompromis!

[Agim Metbala]

- Ta kesh me dije, servili është i lidhur për interesin, si Binjakët Siamez!
- Nëse duhet zgjedhur, atëherë më mirë është t’i kesh punët në rregull, se sa fjalët!
- Nuk kam pas njohuri se Kosova çenka kaç e pasur, mbrenda natës i “polli” shumë milionerë!
- Libri është fanari që vazhdimisht ta ndriçon rrugën në ecje!

[Agim Metbala]

- Ai që s’di të gënjej, fytyra i skuqej në çdo tentim!
- Kujdes, edhe kollitjet ka të llojllojshme e me kuptime të ndryshme!
- Mos hezitoni ta ndërroni ambientin, ambienti i ri, sjell ndryshime, risitë dhe kënaqësitë e reja…duke thyer rrënjësisht monotoninë e krijuar!
- Heshtaku shumëçka humb, humb edhe atë që i takojnë njëqindpërqind, dhe a dini pse? Sepse ka shumë grabitçarë!

[Agim Metbala]

- Shumë politikanët tanë, kishin me qenë futbillistë shumë të këqinj, thuase vazhdimisht gjenden në ofsajd!
- I prefesroj pasanikët e mëdhenj, ta pastrojnë përditë pasurinë, mbase e kanë të fituar në mënyra jo shumë të papastërta!
- Kushdo që ik nga ndjenjat, do të bie në skëterë!
- Kurrë mos u shfryej në personin e pafajshëm!

[Agim Metbala]

- Njeriu i nënshtruar, mik të përhershëm e ka labilitetin!
- Kujdes, peshorja e quajtur POPULLI, është shumë precize, mat me miligtama!
- Kujdesi, është rrugë më e sigurt që të shpie deri te caku!
- Bëhu njeri, me atë do ta kryen obligimin ndaj atdheut e ndaj Zotit!

[Agim Metbala]

- Ambicie për pushtet, t’i mjegullon mendimet e ta humb arsyen!
- Sa herë në krye të kolonës janë renditur artistë, populli është ngritur në këmbë!
- Bëhu mjeshtër e fjalët renditi si muratori tullat (qerpiçët)!
- Ekzistenca, nuk i njeh rregullat morale e as ato të shkruar!

[Agim Metbala]

- Të jesh i pasur, nuk është shumë mirë, të jesh i mençur, nuk është shumë mirë e t’i kesh të dyjat, është shumë vështirë!
- Sa më shumë mashtrohesh t’i sprovosh miqt, aq më shumë do zhgënjehesh!
- Mbaje në mend – LËKUNDSHMËRIA, ta humb DREJTËPESHIMIN!
- Egoizmi i ngjan fushës magnetike e rrezikshme për çdokë!

[Agim Metbala]

- Mos e nënvlerësoni tipin nevrik – analizoni shkaqet të cilat e bëjnë nervoz!
- Shikimi i tensionuar, fsheh një sekret a një padrejtësi!
- Fjalët e ithjta, i ngjanë vojsave të papjekur, nuk gëlltiten lehtë!
- Kurrë mos u dorëzo derisa ka edhe një gjysëm alternative të mundshme!

[Agim Metbala]

- Sinqeritetin dhe korrektësinë, nuk i pranon lehtë më as këlyshi i lagjes!
- Për t’u bërë i pasur, është shumë lehtë – zhvishu nga virtytet!
- Çasti vërtet mund të bëjë mrekulli, por të preferoj që mos ta presish, mbase mund të mos vi kurrë!
- Optimizmi pa mbështetje në fakte të pritura, është utopizëm i lakuriquar!

[Agim Metbala]

- Kur njeriu bie në gjendjen e nënshtrimit, virtytet i zvogëlohen deri në minimum!
- Njeriu i nënshtruar, mik të përhershëm e ka labilitetin!
- Kujdes, peshorja e quajtur POPULLI, është shumë precize, mat me miligtama!
- Kujdesi, është rrugë më e sigurt që të shpie deri te caku!