Aforizmat e Agim Metbalës #2

[Agim Metbala]

- Jeta shpesh është idilë, komedi, tragjikomedi e shpesh edhe tragjedi!
- Në padrejtësi edhe nëse të mbështesin të gjithë, vehten nuk do ta ndjesh qetë!
- Budallai dhe i mençuri, dallohen fare lehtë: Analizoi pyetjet që parashtrojnë!
- Edhe pse njeriun nuk e bënë veshja, preferenca ime: Vishuni me shije!

[Agim Metbala]

- Veshja vërtet s’të bënë njeri, mbi të gjitha, të jep hijeshi!
- Ikja dhe ndjekja, të duhen vazhdimisht në jetë!
- Sa më pak i interesuar për një çështje, aq bëhesh më tolerant!
- Nëse ik me vetëdie të plot, kurrë mos u kthe, mbase nuk do zësh vendin e dikurshëm!

[Agim Metbala]

- Çfarë gjurmët i lë, asi njerëz edhe do të përcjellin apo do të ndjekin!
- Kurrë mos u mbështet e as mos prit rezultatet e larta nga gjërat e imta e të parëndësishme!
- Ta keni me dije, avokati të vetmën detyrë ligjore e ka ta mbroj të akuzuarin me të gjitha mjetet e mundshme e të pamundshme!
- Paratë vërtet s’ta ndërrojnë karakterin a as nderin, por të tjerët ndryshojnë ndaj teje!

[Agim Metbala]

- Çdo gjë çka bëhet, bëhet për një shkak e për një qëllim!
- Shkaku arsyeton veprimin, po jo edhe pasojat!
- Shokët që realizojnë premtimet, janë si gurët e çmuar në xeherore!
- Hipokrizia e shumicës te ne dhe politika e jonë diletanteske, po ua “mbyllin” gojën intelektualëve tanë me vlera të larta!

[Agim Metbala]

- Shkallët kanë nga një shkallare, për t’u ngjitur e për t’ë zbritur në mënyrë normale!
- Mos kërce nga dy a tri shkallare, mbase mund të rrëzohesh e të bëhesh batare!
- Si duket kot po e shqyej gabzherin, ndershmëria s’po përqafohet dot!
- Sa është ngritja e mundimshme dhe e rrezikshme, zbritja dy fish më shumë!

[Agim Metbala]

- Armiku, shumë shpesh të zgjon nga gjumi dhe nga harresa!
- Të gjithë i dëshirojmë ndryshimet, por asnjëri pa luajtur asnjë milimetër nga pozicionet e veta!
- Edhe një shtëpi e thjesht, dy herë në vit pastrohet detajisht e lëre më shteti!
- Pastërtia shpirtërore = pastërti jetësore!
- Kokëfortësia = budallakia!
- Çdo ndryshim, sjell avansim!

[Agim Metbala]

- Kafsha e lidhur për litar e njeriu i lidhur me besim, shumë pak kanë hapësirë për të ligat!
- Nëse ke pranuar detyrën ta mbrosh shpinën e tjetrit, ose do të vrasish ose do të vrasin!
- Populli si nocion e si realitet, është shkërdhyer në çdo kohë e nga secili pushtet!
- Kujdes, edhe puthjet ipen për interes!

[Agim Metbala]

- Mos jeto çdo herë me shpresë, mbase mund të mbetesh me duart në xhepa për besë!
- Mos merr hov shkas e pa shkas, miqt e larguar një herë, vështirë se kthehen mbas!
- Truri mund të shkoj prej femrës në femër (mashkull), ama syrin kontrolloe me shumë kujdes!
- Secili që të provokon, prej teje, një mendim a sjellje tjetër kërkon!

[Agim Metbala]

- Çdo pranim me hezitim, që në start, përfundimin e vë në dyshim!
- Nëse martohesh me një femër shumë të bukur, konkurentët s’do të prajnë!
- Kujdes, ndjenjat janë të këndshme, por mund të sjellin edhe dhembjen!
- Bukurisë përtej mase, vështirë se i shifet hajri!

[Agim Metbala]

- Bukuria dhe shëmtimi tej mase, zakonisht abuzohen nga njerëzit e rëndomtë!
- Mos u shty me bërryla, nëse ke vlerë, ta lëshojnë rrugën sikurse një bukuroshe!
- Sistemi gjyqësor dhe prokurorial, janë zemra e organizmit të quajtur shtet!
- Ik nga miku që s’ta prish kurrë e nuk të kundërshton në asgjë, mbase të gënjen ose ka ndonjë interes të madh!