Aforizmat e Agim Metbalës #2

[murik]

Me fal, qavat mos jane cafkat? apo eshte ndonje shpend tjeter.E njoh mire variantin e shqipes se Kosoves por ka edhe fjalor qe nuk e njoh

[murik]

Einstein thoshte dikur se me avancimin e teknologjise druaj se do vije nje brez idiotesh. Me duket se po e jetojme kete epoke

[murik]

Martesa nje lloj burgu ku disa duan te futen e disa duan te arratisen.

[murik]

Jam ne pune dhe gjate kohes se lire lexoj aq sa mundem. Me aq sa lexova sot mund te them se u surprizova per mire. jane te sakta e te qarta shumica e thenjeve. Pune te mbare e qofsh me shendet.

[Agim Metbala]

Jam ne pune dhe gjate kohes se lire lexoj aq sa mundem. Me aq sa lexova sot mund te them se u surprizova per mire. jane te sakta e te qarta shumica e thenjeve. Pune te mbare e qofsh me shendet.

I nderuar Murik, faleminderit që më lesoni, më vjenë mirë se Ju pëlqejnë thëniet e mia...unë jam i vetëdijshëm se të gjitha nuk janë në nivelin e kërkuar, dhe nuk pres që të gjitha të kenë jetëgjatësi...

[Agim Metbala]

- Kush nuk e kundërshton të padrejtën, mbron të padrejtin!
- Sado që ikish larg nga problemi, një ditë, medoemos do t’i kthehesh!
- Shtyerja e fillimit të zgjidhjes të problemit, është humbja e kohës!
- Përtaci dhe budallai, çdo herë kanë kohë të lirë!

[Agim Metbala]

- Ik shoqërimit nga shoku që çdo herë ka kohë të lirë!
- Poeti në çfarëdo situate e në çfarëro kohe që gjendet, duhet të jet zëri i fuqishëm i interesit kombëtar!
- Nevoja determinon t’i kuptosh të gjitha të mirat dhe pisllëqet e kësaj bote!
- Dashuria ka asi force sa të shtrinë në borë dhe në midis acarit më të madh!

[Agim Metbala]

- Suksesi zakonisht ec rrugës makadame!
- I vetmi rast ku mund t’i shihni në një vend të gjithë hajnat, është fushata elektorale!
- Po mos t’i kishim politikanët si i kemi, shqiptari do të dukej krejtësisht tjetër!
- Nëse marrish rrugën pa adresë, nuk do të arrish askund!

[Agim Metbala]

- Kur kultura “harrohet” nga politikanët, priti kataklizmat!
- Edukata, i hap edhe dyert e mbyllura!
- Nevoja i shoshit dhe i sit shokët!
- Në ndihma, mos prit e as mos beso – mobilizohu dhe vepro!

[Agim Metbala]

- Secili që i sheh të metat e veta, nga dita në ditë do të kompletohet si njeri!
- Në të gjitha kohët, kriminelët kanë qenë njerëzit më të pasur e të mbrojtur nga pushtetarët kriminel!
- Njerëzit që i do, mos i afro shumë nga zemra e as mos i largo shumë nga vetja!
- Nëse për pastrim të çdo gjëje përdor filtra, atëherë pse mos t’i përdorish edhe për “pastrim” të shoqërisë?