Aforizmat e Agim Metbalës #2

[Agim Metbala]

- Disponim me shishe...sjell shumë rreziqe!
- Ta keni me dije, shamata kurrë nuk krijohet pa arsye!
- Kush ka miq dhe armiq, ka arijtur balansin e jetës!
- Aty ku ndjehet shamata, dikush përpiqet ta mbroj një të pavërtetë!
- Nga të gjithë njerëzit, frikacaku më së shumti ëndërron!

[Agim Metbala]

- Personi që ka shumë më shumë armiq se miq, ta keni me dije se është njeiu shumë i vlefshëm!
- Me politikanë arkaik, nuk krijohen politikat e reja or mik!
- Politikanët anakronik, i vonojnë zgjidhjet e kohës!
- Në daç punë, futu në parti, në daç avansim, futu në kryesi e në daç ministri, hëm...mendo vet ti!

[Agim Metbala]

- Flirtim me politikanët i ngjan seksit me femra të huaja, përdor prezervativë për mbrojtje!
- Edhe pse secili e di se ëndrra nuk bëhet realitet, të gjithë dëshirojnë t’i ëndërrojnë ëndrra të këndshme!
- Kur padrejtësia legjitimohet me ligj, populli është në rrezik!
- Kujdes nga njerëzit me kravata e syza të zeza (“bosat”), ata i ngjajnë kërpurdhave helmusese – në pamje mbresëlënëse ama të rrezikshëm për jetën!

[Agim Metbala]

- Politikanët, gënjeshtrën e kanë të zgjatur në të gjithë trupin si neuronin më të gjatë!
- Njeriu i ndershëm, kur punët i ka më së miri, atëherë është më i vemendshëm dhe i kujdesshëm!
- Sa më pak vrapim pas njerëzve me ndikim, më besoni, aq më shumë zvogëlohet distanca!
- Distanca me njerëz, qëndron në duart tua!

[Agim Metbala]

- Disa kriminelë, harrojnë faktin se krimet zbulohen edhe pas vdekjes!
- Secili që vrapon pa meritë pas funksionit, me popullin humb relacionin!
- Nëse nuk e do veten, nga vetja do t’i largosh edhe shokët!
- Nëse e do dhe e respekton veten, do t’i ofrosh edhe të tjerët!
- Zhgënjimin, mos e prano për urdhërrëfyesin!

[Agim Metbala]

- Dështo vetëm një herë në jetë, nëse dëshiron ta kuptosh e gjithë mizorinë njerëzore!
- Fëmijët i mësojmë të bëhen të ndershëm, pastaj ashpër i akuzojmë kur dikush i mashtron!
- Fjalët dhe zbukurimi, janë pasuritë e patjetërsueshme të secilës femre!
- Ka të gjitha lloje fjalësh, karakteri yt i përzgjedh!

[Agim Metbala]

- Shumë nga politikanët tanë, aq janë “korroduar” sa më nuk janë të dobishëm as për hekurishte!
- Ai (ajo) që rri prore në imagjinatën tuaj, vrapo pas tij!
- Kujdes, mëshira e të fortit, i ngjan diellit në dimër!
- Pasuria pa djersë, herëdokurdo, ka për të nxi fytyrën!

[Agim Metbala]

- Mos i lejo vetes që inati të bëhet udhërrëfyes i jetës, mbase do hasish nga problemi në problem!
- Politikanët mund të bëjnë sa të dëdhirojnë RETORIKË, me rëndësi është që organet dhe institucionet shtetërore të jen në nivel or mik!
- Aty ku e vërteta matet nga njerëzit e padrejtë, largohu urgjentisht!
- Mos lejo të krijohet distanca, vështirë se afrohesh pastaj!

[Agim Metbala]

- Sot fatkeqësisht në të shumtën e rasteve, edhe drejtësia matet nëpërmjet parasë!
- Librin të cilin e ndalon pushteti, vlerësoe maksimalisht!
- Nëse politikanët s’i kemi në rregull or mik, maturantët i kemi shik!
- Njerëzve as mos u rri shumë përpara e as mos u rri shumë mbrapa!
- Shumë nga politikanët tanë aq shumë e kanë devalvuar fjalën PATRIOTIZËM, sa që tani duhet t’i ndërrohet edhe kuptimi leksik!

[Agim Metbala]

- Lavdata, nuk i bënë dot këmbët e gjata!
- Pushteti jodemokratik, çdo herë i shfrytëzon njerëzit e pafuqishëm!
- Pa qenë i ftuar, kurrë mos mbaj leksione!
- Unë do ta kisha dashur politikën po mos t’i kisha njohur nëpër kohë thuase të gjithë politikanët lokal e qendror!