Aforizmat e Agim Metbalës #2

[Agim Metbala]

- Nëse ke karakter të fort, vërtet nuk do pëlqehesh nga të tjerë, por do të ken zili për këtë virtyt!
- Çfarë idiotizmi, për t’u ngritur në maje, duhet shkelur pa pardon të gjithë ata që të dalin përpara!
- Në mesin e gjithë këtyre hipokritëve dhe matrapazve, është vështirë të bëhesh i drejtë dhe i ndershëm!
- Nëse fjalët dalin nga shpirti e zemra, pa kusht do t’i emocionojnë edhe të tjerët!

[Agim Metbala]

- Forcën ose përqafoe ose bishtëroe, në të kundërtën, do digjesh totalisht!
- Politikanët që ulërijnë, prodhojnë vetëm tragjedi!
- Poltikanë dhe pushtetarë, mbani në mend, ulërima është veti e kafshve!
- Sa herë ashpërsohet gjuha, zvogëlohet durimi e rritet inati!

[Agim Metbala]

- Mund të mos flasish fare, ama vetëm atëherë kur ofron argumente!
- Flasin vazhdimish shumë mirë vetëm ata persona që u mungojnë faktet dhe provat!
- Po pate fakte dhe prova, debati përfundohet shumë shpejt!
- Me politikanë arkaik, nuk bëhen dot politikat e reja or mik!

[Agim Metbala]

- Gabimet nga dashuria, falen fare lehtë!
- Kur burrat e mençur heshtin, ose çdo gjë është në rregull ose priten dridhjet tektonike!
- Sa shumë janë shumëzuar kuajt e Trojës?!
- Të kultivosh edhe lulet, kërkojnë përkujdesje maksimale e mund të madh e lëre më njerëzit!

[Agim Metbala]

- Nëse i do netët pa gjumë, atëherë dashurohu e shkruaj poezi!
- Kur i mençuri këmbëngul, ta keni me dije se s’ka zgjidhje tjetër të favorshme!
- ADERIM = DHUNIM, PËRDHUNIM, FALSIFIKIM, MASTURBIM, DËSHTIM, ABUZIM, MASHTRIM...shtoni sa të doni, aspak s’do gaboni!
- (E kam fjalën për kalimin e anëtarëve nga një parti politike në tjetër dhe atë para fushatës elektorale)...
- Ik majave, edhe nëse ngjitesh, vazhdimisht do të kesh rrezik që aty të qëndrosh!

[Agim Metbala]

- ADERIM, fjalë më e PËRDHIMË!
- Në shekullin që po jetojmë e fal shkencës dhe mjekësisë së avansuar, mund të zbukurosh secilin organ, por jo edhe shpirtin!
- Bindja për njeriun, është si dopingu për sportistin!
- Edhe në çaste kur s’mund të durosh, jeta do të shtrëngoj të durosh!

[Agim Metbala]

- Sa më shumë që forcohesh, aq më shumë armiq shumëzohen!
- Ka shumë njerëz, mëkat që marrin edhe oksigjen!
- Po të mos kishte njerëz të lig, si do të dalloheshin njerëz të mirë?
- Askë në botë e me kurrfarë çmimi, mos e lejo të përzihet në përkatësinë tënde kombëtare, fetare e familiare!

[Agim Metbala]

- S’ka gjë më e rëndë se sa t’i fshehish gëzimet dhe hidhërimet për shkak të tjerëve!
- Në çdo dështim, njerëzit zakonisht gjejnë ngushllim se nuk e deshti Zoti, në vend se të pranojnë gabimin e të orvaten që në të ardhmen ta përmirësojnë!
- Dy liderë mirren vesh dhe e shpërbëjnë kuvendin – faqja e zezë! (Maj 2014)
- Mos u qesh me zor, do humbasish përshkrimin e fytyrës!
- Nëse nuk di të gënjesh, të preferoj mos u merrë me tregëti, afarizëm e politikë!

[Agim Metbala]

- Edhe njerëzit e mëdhenj, në çaste mund të jenë të vegjël sukurse fëmijë!
- Mos hulumto shumë jetën e shokëve, shoqëria nuk është fushë eksplorimi!
- Miqt u ngjajnë fidanave që kërkojnë përkujdesje maksimale!
- Bitha dhe fytyra, nuk pastrohen mbrenda kohës!
- Nëse e do më shumë bithën, patjetër do të skuqet fytyra!

[Agim Metbala]

- Nëse bënë pjesë në grupin e njerëzve mesatarë, do sulmohesh nga të dy ekstremet!
- Edhe në rastin më të rëndë, edhe kur i shërben tjetrit, përpiqu bile minimalisht të jesh i ndershëm!
- Jeta do t'ju mësoj se edhe dashuria është ndjenjë kalimtare!
- Nëse dështon një dashuri, nuk do të shembet bota!
- Nëse në jetë vazhdimisht kërkon shumë, pakënaqësinë do ta kesh shok të pa ndarë!