Aforizmat e Agim Metbalës #2

[Agim Metbala]

- Rregullat morale dhe ato ligjore, i sajon pakica për të shtrënguar shumicën të sillet sipas vullnetit dhe interesit të tyre!
- Politikanit dhe pushtetarit, sa herë punët nuk u shkojnë mirë, ta keni me dije, do të dalin në TV shtetërore me një emision special!
- Nëse akoma ndëgjohet nga goja e popullit se edhe në sistemin gjyqësor ka gjykatës të drejtë që ndajnë drejtësinë drejtë, sistemi gjyqësor është larg, shumë larg standardit të dëshiruar!
- Në momentin kur politikani fillon të flas drejtë e direkt, i ka ardhur koha të tërhiqet nga politika e të mirret me art!

[Agim Metbala]

- Pemën kurrë mos e trand në kohën e lulëzimit!
- Po pate dyshime, kujdes në veprime!
- Nëse di çfarë do, shumë pak dëshirat do mbeten të parealizuara!
- Edhe në shoqëri më të ngusht, mbaje bile distancën minimale!

[Agim Metbala]

- Shqiptarët sa herë ofrohen në një mendje, çarten dhe fillojnë luftën e paskrupullt e përqarjes!
- Lum ai për vete që ofendimit i përgjigjet me buzëqeshje!
- I qofsha fal Zotit, ama klerikë, qëndroni larg politikës!
- Ta keni ndërmend, as dielli nuk nxen përherë!

[Agim Metbala]

- Mjerë ai burr që bie në pozitë që e shoqja ta prezantoj në opinion!
- Nëse mbrohesh vetëm me parimet, ke pak gjasa ta mundish kundërshtarin e lëre më armikun!
- Derisa arti lidhet me personin e pushtetit, nuk ka art!
- Ai/ajo që largohet e s’i ka mbetur gjë pa të thënë, nuk kthehet kurrë!

[Agim Metbala]

- Ju kam lakmi disa njerëzve që edhe kur qajnë, gjejnë forcën dhe mbrenda kohës edhe qeshin!
- Vet afrimi i tepërt, krijon efekte të dëshirueshme ose të padëshirueshme!
- Ka ardhur koha e keqe, njerëzit që jetojnë njëri pranë tjetrit, ndjehen shumë larg!
- Guximtarët, kurrë s’do të gjejnë prehje!

[Agim Metbala]

- Kujdes ku i len gjurmët, mbase nuk fshihen dot në jetë!
- Më iritojnë skajshmërisht kur intelektualët sulmojnë, etiketojnë, fyejnë...emrat të veçantë e me gjuhën e një rrugaçi!
- Shiu duhet të bie sa më shpesh, mbase do t’i ftohte kokat dhe shpirtrat e nxehtë të shqiptarëve!
- Optimizmi duhet të mbështetet vetëm në ngjarjet që priten e mund të ndodhin!

[Agim Metbala]

- Ta keni me dije, i padijshmi në vend të fakteve, i përdor fyrjet dhe sulmet!
- Çfarë luftra të pista po bëhen në shekullin tonë, tani më edhe ROBËRIA edhe LIRIA, kanë humbur kuptimin leksik!
- Mos prit që koha ta tregoj një të vërtetë, përpiqu me ngulm ta dokumentosh, mbase koha mund ta tregoj shumë, shumë vonë!
- Nëse mbrenda shpirtit ndjen frikë ndaj dikujt apo ndaj ndonjë veprimi, tërhiqu urgjentisht!

[Agim Metbala]

- Mos vrapo mbas njerëzve, kurkush nuk kthehet mbrapa!
- Shumë nga kriminelë e spiunë të kombit tonë, strehohen nën kulmin e partive politike!
- Sinqerisht ndjehem i lumtur që gjatë jetës vazhdimisht jam pozicionuar në anën e pakicës!
- Ai që mësohet të pres, do t’i shijoj frutat e suksesit!

[Agim Metbala]

- Bollëk parash dhe munges parash, humbin shpirtin!
- Në jetë kam vërtetuar se prej pik të qefit apo nga kultura, kurkush s’ta lëshon rrugën!
- Shumë nga politikanët shqiptarë, janë bërë të bezdisshëm e të mërzitshëm sikurse të hequrit bark (shkulë)!
- Shqiptarizmi kurrë s’do të ket progres, derisa nga partitë politike nuk do të largohet edhe ish komunisti i fundit!

[Agim Metbala]

- Të keqes duhet t’i ndaleht hovi, mbase ajo nuk di sa është boll (nuk ka limit)
- Fjalëpaktin, respektoje shumë, mbase ai përzgjedh fjalët!
- Mbase as e keqja e as e mirja nuk kanë limit, kujdes me të dyjat!
- Kujdes, inati s’plaket kurrë!