Aforizmat e Agim Metbalës #2

[Agim Metbala]

- Është vërtet tragjike të jesh intelektual e të kesh paragjykime!
- Në marrjen e vendimeve, mos i lejo vetes shumë komoditet!
- Ai që shoqërohet me paragjykime, do të nxjerrë të mbrapshta përfundime!
- Sa më shumë lëshosh pe, aq më shumë rriten apetitet e kundërshtarëve!
- Ik larg nga fanatiku, atij ia kanë shpërlarë trurin!

[Agim Metbala]

- Mashtrimi është bërë kalorës mes njerëzish!
- Mos fluturo o njeri, me pas dasht, Zoti na kish fal flatrat!
- Njeriut kurrë mos i jep shpresë, nëse s’ke ndërmend ta ndihmosh!
- Mos i lejo dy ndjenjave të ta fshijnë logjikën – dashuria dhe urrejtja!

[Agim Metbala]

- Pengesat dhe kleçkat...zakonisht shtojnë vullnetin dhe forcën!
- Përvoja e jetës, rrit kujdesin dhe dashurinë!
- Secili që e kupton të mençurin, vet është i mençur!
- Ngritja mbi shpinën e tjetrit, herëdokurdo, do ta thej kurrizin!

[Agim Metbala]

- Sa më pëlqen fjala e pleqëve: Avash, avash!
- Shumë nga politikanët në politikën gjithëshqiptare, më ngjajnë kufomave që kanë zënë të dekompozohen!
- Të gjithë ata që kanë dhënë kontribut të madh e biejnë nga skena politike, shndërrohen në frerët e fuqishme të ecjes përpara!
- Kur rroken dy politikan të fuqishëm, i ngjajnë buajve në lëndinë, pësojnë të vegjëlit!

[Agim Metbala]

- Lakmia e njeriut i ngjan verës, vera sa më e vjetër, aq më e shijshme!
- Koha e pengon të moshuarin, se të riun nuk e pengon as kur nxen dielli, as kur fryen era, as kur bie shi e as kur bie bora!
- Kurrë mos prano rolin e përfaqësuesit, nëse nuk mund të bësh një mbrojtje të denj!
- Me asnjë kusht dhe ndaj askujt, mos prano pozitën e inferioritetit!

[Agim Metbala]

- Inferioriteti, që në start të pozicionon në rolin dytësor!
- Në shekullin që jetojmë, pushtetti është bërë “mjet narkotik” më joshës!
- Në një çështje, mos neglizho as faktorin terciar!
- Shyqyr Zotit që populli nuk ka njohuri se sa teveçela punojnë në sistemin administrativ gjyqësor!

[Agim Metbala]

- Jeta e ndershme, vuajtja dhe skamja e sigurt!
- Spiuni s’është i vetëdijshëm se në qafë vazhdimisht mban një zile kumbuese!
- Paratë t’i ndërrojnë teshat, kravatat, unazat me gurë të çmuar, frizurat...por jo edhe karakterin!
- Nëse fillon të japish shpjegime, s’do të mbetet kohë për veprime!

[Agim Metbala]

- Kujdes nga toleranca, ajo shumë lehtë mund të shndërrohet në agresore të rrezikshme!
- Po s’i pate të hapur “sytë” e shpirtit e të zemrës, kot i hap të katërt sytë e ballit!
- Kush rri me budallain, nuk e meriton kujdesin e të mençurit!
- I dobëti dhe i padijshmi, godasin tinëz!

[Agim Metbala]

- Secili që mbron një qëndrim të gabuar, ose është i çmendur, ose s'ka moral!
- Çdo gjë që pranohet kushtimisht, përfundimin e ka të dyshimt!
- Secili që shoqërohet me budallain, nuk e meriton respektin e të mençurit!
- Po nuk pate gruan/burrin, të moralshme, kot i ke të gjitha të mirat!

[Agim Metbala]

- Grua/burri e moralshme, jorgan për familje!
- Grua/burri e pamoralshme, në familje jeta farr e purgator!
- Njeriu me vlera të larta, sulmohet edhe nga budallenj edhe nga të mençurit, edhe nga populli edhe nga pushteti!
- Kush ka mik të preferuar mendjemadhësinë dhe krenarinë e tepruar, në fund, do të mbetet i vetmuar!