Aforizmat e Agim Metbalës #2

[Agim Metbala]

- Maska dhe maskimi, i ngjajnë bimës njëvjeçare, do vyshken shumë shpejt!
- Mbani pak “dietë” ndaj thashethemeve e përgjimit, do ju bënë mirë për shëndet!
- Në momentin kur poeti pranon të shkruaj një vepër të porositur, që nga ai moment edhe ka vdekur!
- Kur njeriu i ndershëm bie në sprovë, ose e shton ndershmërinë, ose kalon në taborrin e pandershmëve!

[Agim Metbala]

- As mos kërko e as mos prit më shumë se sa e meriton!
- Nëse e keqja nuk kritikohet e sulmohet, ajo nga dita në ditë do të fuqizohet!
- Kurrë mos pyet pse je i panjohur, vepro e puno të bëhesh i njohur!
- Disa burrat janë shumë mendjelehtë, e konsumojnë “Redbull” se bënë mirë për seks!

[Agim Metbala]

- Kujdes me njerëz të dekoruar, mbase shumë prej tyre për t’u dekoruar, kanë bërë shumë krime!
- Kujdes, njerëzit ta shikojnë fytyrën e jo shpirtin!
- Kujdes me sjellje, secili njeri kujtesën e ruan me xhelozi si sendin e çmuar në sirtar!
- Kush e kupton shikimin, s’ka nevojë për fjalë!

[Agim Metbala]

- Sa më shumë besim në vete, aq më i fort kundrejt të tjerëve!
- Banaliteti, paciptësia, brutaliteti...i deputetëve tanë në të dy kuvendet, qartazi shpalosin nivelin e politikës dhe demokracisë shqiptare! - Majlinda KELMENDI, sa shpejt u bë KRENARIA E KOMBIT, e ato vitet kur iu desht ndihma, të gjitha institucionet, organet...ishin të shurdhër – epo kështu jemi si popull!
- Jetë më të palumtur nga të gjithë të tjerë, mund ta bëjë vetëm paraja e fituar në mënyrë të pist!
- Mos e ndal zërin, mos kurgjë, të keqes do ia dëmtosh timpanin e veshit!

[Agim Metbala]

- Të gjithë ata që s’kanë bërë asgjë për atdheun, do të harrohen përjetësisht që nga momenti i ikjes nga kjo botë!
- Derisa mendimtarët, historianët...tanë edhe për MASAKRËN E TIVARIT konfrontohen deri në çmenduri, pëshurri vehten në fytyrë!
- Nuk ka më mjeran se sa ai që krijon dhimbjen e jep ngushllime!
- Secili që e kupton injorancën e vet, zë të bëhet njeriu i drejtë!

[Agim Metbala]

- Duart na i dhuroi Zoti, disa i përdorin për punë e disa për të kryer vepra penale!
- Optimizmin në hava, e krijon veç një budalla!
- Ka ardhur koha e fundit që politika shqiptare të divorcohet nga politika e idhujve!
- Në jetë, përpiqu t’i ngjajsh një ishulli ku të gjithë dëshirojnë të pushojnë!

[Agim Metbala]

- Kur ke shumëçka për të thënë, përzgjidhi fjalët me shumë kujdes!
- Ta kesh me dije, shoqëria nuk ka as vullnet e as kohë të të pres si zogun shtegtar!
- Nëse e lejon shokun të bëjë më shumë të mira se ti në jetë, ta kesh me dije se do ta tolerosh me të drejtë!
- Sofra e poetit është shumë e pasur, aty do të gjeni shumë dashuri, asnjë fije urrejtje, përkëdhelje pa kufi, pa numër buzëqeshje, përqafime më të ngrohta, ledhatime më të forta, aty këtu lot më të sinqerta, porosi pa djallëzi, lumturi deri në çmenduri...sofra e poetit është shumë e begat!

[Agim Metbala]

- Ndjenjat janë diçka shumë subjektive, rrethanat dhe mundësitë janë objektive!
- Është shumë i vobekët ai shpirt e ajo zemër që nuk e bëjn të qesh tjetrin bile tri herë në ditë!
- Dashuritë e mëdha, zakonisht përfundojnë me ndarje e në rastin e fundit, me tragjedi!
- Dorëzimi, është i barabartë me vetëvrasje!

[Agim Metbala]

- Populli që me votën e lirë në pushtet instalon maskarenj, s’ka të drejtë në pakënaqësi!
- Njeriu i luhatshëm, çdo herë arsyetohet se në kohën e sotme, është budallaki të jesh i sinqert dhe i drejtë!
- Peshën e fjalës, mate me peshoren e zemrës!
- Çdo libër, ka mbijetuar secilën shtëpi, secilin pallatë, secilën kështjellë, secilin diktator, secilin kryetar, secilën qeveri...e shekuj pa kufi, libri ka vlerë më shumë se flori!

[Agim Metbala]

- I këshilloj politikanët të ken kujdes maksimal me rininë, rinia i ngjanë vullkanit të gjallë me rrezik potencial të vazhdueshëm të shpërthimit!
- Njerëzit në rrugë, zakonisht të shikojnë kur je shumë në rregull ose shumë i çrregullt!
- Vet të rrahurat e zemrës, tregojnë nivelin e hidhërimit apo gëzimit!
- Kur kombi është në rrezik, në rrezik është edhe familja edhe individi, prandaj kombi çdo herë është në vendin e parë!