Aforizmat e Agim Metbalës #2

[Agim Metbala]

- Edhe po të ishe njeriu më i sjellshëm në botë, ta kesh me dije, nuk do pëlqehesh nga të gjithë!
- Politika s’është art, prandaj me të nuk mirren artistë (në parim); politika nuk është as shkencë, prandaj me të nuk mirren shkenctarë (në parim); politika është shkathtësi, prandaj me të duhet të merren të shkathtit!
- Fuqia nuk matet me ngritjen e peshës, por me gjetjen e metodës për ngritjen sa më të lehtë të peshës!
- Pranimi i gabimit, spastrim i shpirtit!

[Agim Metbala]

- Pranimi i gabimit, frenon sulmet!
- Me miqt që i “blen”, do zhgënjehesh keq!
- Idetë e vogla, zakonisht pranohen nga shumica!
- Lumturia nuk ka nevojë për propagandë, por për shijim!

[Agim Metbala]

- Kush e do të vërtetën, kurrë nuk të lë vetëm!
- Mos i dhuno fjalët e të flasish kundër shpirtit!
- Edhe kur të lavdërojnë edhe kur të kritikojnë shumë, diçka s’është në rregull!
- Çdo problem, mund të zgjidhet, ama mos lejo të marrë kahje të gabueshme!

[Agim Metbala]

- Me njerëz të lig, edhe mirësjellja dorëzohet!
- PADREJTËSIA, me çdo kusht duhet të demaskohet, vetëm ashtu i hapet rruga DREJTËSISË!
- Më vjen keq, por vërtet ka njerëz që s’e dallojnë aromën e trandofilit nga ajo e m.tit!
- Dashuria nuk humbet me prerje cezariane, por pak nga pak deri në shuarje!

[Agim Metbala]

- Edhe brengat, edhe gëzimet, ndai me anëtarët e familjes, ashtu do të mbetesh më i fort dhe më i lumtur!
- Mos e lodh as mos e streso veten me gjërat që nuk mund t’i bësh, mbase ka mija e mija gjëra që mund t’i bësh në mënyrë të mrekullueshme!
- Fatkeqësisht, ata që krijojnë dhimbje kolektive, ikin nga kjo botë pa e shijuar dhimbjen!
- Mbi eshtrat e dëshmorëve, një pjesë e madhe e të pamerituarve, kanë krijuar e janë duke krijuar karrierë të bujshme politike!
- Hallexhiut, mos i trego kënaqësitë!

[Agim Metbala]

- Hallexhiu s’ka nevojë për ngushhëllime!
- Hallexhiut, tregoi se edhe ti ke hallet, do t’i zbutet zemra e shpirti!
- Mburrja para hallexhiut, është idiotizëm!
- Hallin e mikut, pranoe si hallin tëndë!

[Agim Metbala]

- Hunda është krijuar për të marrë erë, por ti mos e fut çdo kund!
- Nëse s’ke aftësi ta qetësosh situatën, rri neutral!
- Vepro maksimalisht kur je në formë dhe kur ta pranojnë formën!
- Krrë mos kundërshto, nëse s’ke alternativë të ofrosh!

[Agim Metbala]

- Sa herë nuk dëshiron t’i “shofish” arsyet e vërteta, gabimi është i pashmangshëm!
- I padijturi sa herë kundërshton, alternativë kurrë nuk ofron!
- I padijturi, shumë lehtë identifikohet, çdo gjë që kundërshton, zgjidhje tjetër nuk ofron!
- Nëse edhe mirësjellja nuk bënë punë, atëherë mbeten vetëm dy rrugë – përdorimi i forcës apo lëshim pe!

[Agim Metbala]

- Shqiptarët, duhet të gjejnë udhën e jo politikanët udhëtarë!
- Njerëzit e pushtetshëm, të gjithë ata që i pengojnë, i asgjasojnë sukurse buburrecat!
- Gjykimit të Zotit, s’do t’i shpëtoj askush, por dhimbjet e shkaktuar të tjerëve, s’do t’i kurojnë!
- Përpiqu maksimalisht që mozaikun e jetës ta zbukurosh me copëzat e veprave të mira!

[Agim Metbala]

- Është për t’u çuditur se sa lehtë e me ëmbëlsi i pranojmë gënjeshtrat e politikanëve!
- E dini pse qesh politikani derisa mban një fjalim? Qesh sespe është i vetëdijshëm se gënjen!
- Njerëzit që gjatë bisedave vazhdimisht i përsërisin vetëm disa ngjarje të përjetuar në jetë, ta dini se kanë jetuar një jetë shumë të varfër!
- Spiuni i ngjan grupit të gjakut që nuk ndërrohet deri në vdekje!