Aforizmat e Agim Metbalës #2

[Agim Metbala]

- Premtimet zakonisht i jep lehtë mashtruesi dhe lakmitari!
- Njeriu i sinqert, vështirë jep premtimin!
- Komplimentet janë ushqim i shpirtit!
- Ik shoqërimit nga personi që në secilin njeri sheh djallin!

[Agim Metbala]

- Në secilin njeri, mund të shofish engjëllin dhe djallin, nga syri e shpirti ytë varet se çka dëshiron të shofish!
- Të rrezikshëm janë njerëzit që shofin vetëm të keqen!
- Vetëm të keqen, shef njeriu i keq!
- E mirja dhe e keqja, çdo herë ecin krahas, prej teje mvaret se cilën do e përqafosh!

[Agim Metbala]

- E mirja dhe e keqja, janë shoqe shumë të ngusht, njërën do ta përqafosh patjetër!
- Personalisht kam njohur shumë persona që kanë keqpërdorur detyrën dhe kanë vjedhur pronën shtetërore, fëmijët e tyre kanë mbetur përherë “sakat” në jetë!
- Politikani i mirë, ka vetëm një shok – DREJTËSINË!
- Gjaku i nëpërkëmbur, sjell tragjedi dhe gjakderje të reja!

[Agim Metbala]

- Njeriu zakonisht ka pa fund dëshira – të këqia dhe të mira!
- Demoralizimi fashit që në start secilën iniciativë pozitive!
- Po mos t’kish qenë NEVOJA, shumë gjëra kishin mbetur pa u zbuluar!
- Familjet tona patriarkale, detyrat u besonin në bazë të aftësive, kështu duhet të veprojnë edhe partitë politike!

[Agim Metbala]

- Shumë nga politikanët tanë, po fluturojnë në eter!
- Të vërtetën mos e kërko shumë larg, ajo çdo herë është para këmbëve tua!
- Kush mbjell një thashetheme, do të korr frutat e ngatrresës!
- Ndoshta nuk jam besimtar i mirë, por me këta me pantollat e shkurtër, nuk do shkoja as në parajs!

[Agim Metbala]

- Edhe një sy i bukur, ta zbukuron ditën e lëre më një sjellje e mirë!
- Çdo përballje e debat, mos kurgjë tjetër, secilën palë e vë të mendoj edhe një herë për qëndrimet e veta!
- Mafijën e kanë krijuar dhe e mbajnë gjallë, njerëzit e fuqishëm!

[Agim Metbala]

- Dy përjetimet e së kaluarës nuk harrohen kurrë – ato që të kanë lumturuar dhe ato që të kanë zhgënjyer!
- Ne shqiptarët, jovlerat tradicionalisht i kemi instaluar dhe legjitimuar në pushtet!
- Politikanët tanë, vazhdimisht kanë zhvendos vemendjen e popullit nga çështjet fundamentale në ato margjinale!
- Ka shumë njerëz me trupin TURP e mantelin KRENARI!

[Agim Metbala]

- Vetëmia, drejtëpërsëdrejti të dërgon në kasollën e mendimit negativ!
- Fjala ka goditje vrasëse!
- Një ide, po u pranua lehtë e pa kundërshtime, s’ka shumë vlerë!
- Arsyeshmëria pas kohe, s’ka kurrëfarë dobie!

[Agim Metbala]

- Shumë nga politikanët shqiptarë, kahmot është dashur ta ngrisin flamurin e bardhë!
- Me votën, trason rrugën e ardhmërisë!
- Flamuri i bardhë, i shpëton të dy palë!
- Përkrahja pas kalimit të kohës, është barcaletë!

[Agim Metbala]

- Për shkak të çështjes madhore (konsolidimit të shtetit), pushtetarët tanë na kanë zënë ngusht si breshka lepurin!
- Kush ta shtron bukën, ta ka shpluar havalen!
- Mos shkel fjalën, do ta shkelish të ardhmen!
- Po e peshove fjalën, kurrë s’do zihesh ngusht!