Aforizmat e Agim Metbalës #2

[Agim Metbala]

- Po iu shmange profesionalizmit, do të bëhesh “strajcë e gabelit”!
- Kështu si është Kosova, nuk e dua liberalizimin e vizave, mbase do zbrazej fund e krye!
- Rastin, kurrë mos ia lë kohës në dispozicion!
- Krahas shtimit të vullnetit, vështërsitë zvogëlohen!

[Agim Metbala]

- Nëse përbuzë MIRËSINË – prite në derë LIGËSINË!
- Aty ku nëpërkëmbet mirësia e me kurrëfarë kushti s’pranohet mirëkuptimi, vijnë në përdorim mekanizmat e forcës e në rastin e fundit ato të dhunës!
- Nuk ka njeri që aty këtu, nuk e meriton t’i “tërhiqet veshi”!
- Aty ku nuk kuptohet mirësia e mirëkuptimi, medoemos ndërhyn forca!

[Agim Metbala]

- Me talent e me punë të përkushtuar, arrihet deri në maje!
(Merrni për shembull xhudisten Majlinda kelmendi!)
- Vitet do të ikin ashtu edhe kështu, mos lejo të ikin mundësitë!
- Shqipëria dhe Kosova, vërtet i kanë devalvuar vlerat titullit “Qytetar nderi” dhe “Honoris causa”!
- Ritransmetime, çdo herë prodhojne edhe gabime!

[Agim Metbala]

- As në triumfe, mos u mburrë shumë, në ato kanë ndikuar shumë faktorë e shumë akterë!
- Politikanët e ish sistemit, kanë humbur kuptimin si bunkerët e Enver Hoxhës!
- Dashuria të ngjall, dashuria të vret!
- I dashuri në Zvicër...e dashura në Kosovë, dashuri se jo mahi!

[Agim Metbala]

- Dashuria e vajzave të sotme shqiptare – shallterat e ambasadave!
- VONESA, pjell shumë PENGESA!
- Kombinatorika, shumë shpesh i pështjellon gjërat!
- Shikimin duhet ta drejtoj mëndja, përndryshe bëhesh gaz i botës!

[Agim Metbala]

- Vetëpërmbajtja e mund për vdekje secilin zemrak!
- Shpirtngushtësia është kuaçkë e të gjitha këqijave!
- Vetëm ec veç luani dhe budallai!
- Ndërgjegjja e papastër, i ngjanë mizës së kalit, nuk të shkoqet nga trupi!

[Agim Metbala]

- Marrëveshjet politike, çdo herë janë në kundërshtim me kushtetutën!
- Fatkeqësisht, në emër të patriotizmit e fesë, janë masakruar miliona njerëz!
- Poetë, larg penën nga politka dhe fejtë!
- Secili poet që shkruan për politikë e fetë, vepra e tij do të mbetet vetëm një PAMFLET!

[Agim Metbala]

- Urrejtja sjell debakël për të dyja palët!
- Bëhu bashkëudhëtar i mirësisë, e ec pa frikë në cilin duash drejtim!
- Mos e vjer shpesh turinin, njerëzit nuk i adhurojnë vranësirat!
- Mbi shpinën e veprimtarëve, vazhdimisht janë avansuar politikanët!

[Agim Metbala]

- Nga i dobëti, mos prit t’i rrezistoj furtunave!
- oeti të vetmet mjetet e punës i ka FJALËT!
- FURTUNAVE i rrezistojnë vetëm njerëzit e FUQISHËM!
- Nëse njerëzve u dhuron nga një kat teshat të reja të llojit të njejt, do të lindin pakënaqësitë dhe reagimet edhe në ngjyrat e teshave të dhuruar!

[Agim Metbala]

- Mos u befasoni aspak kur vozitësi shqiptar sinjalizon majtas e veturën e kthen djathtas – vobektësia t’i çorron sytë e t’i merr mendët!
- Njeriu që i shan; anëtarët e familjes, lëshojani rrugën!
- Sa herë njerëzve nuk u shkon për shtati, do t’ju thojnë se ke ndryshuar!
- Të gjithë politikanët ofrojnë çasje të re ndaj qytetarëve e të gjithë skajshmërisht e nëpërkëmbin!